Spirit Of Medicine

يعطيكم العافية دكاترة المستقبل 🤍، سيتم حذف القناة الحالية لبعض الظروف، وبما أنَّ وعدنا بنشر كل ما يساعدكم ما زال قائمًا، ولأنَّ الظروف خارجةٌ عن إرادتنا فقد تم إنشاء قناة جديدة للفريق تحمل كل الجهود السابقة وتم ترتيبها بنفس النمط السابق ✨. نتمنى الانضمام لها و لقناة الواتس المنشأة جديدا لمواكبة جميع المستجدات لفريقنا و تسهيل وصولكم للمعلومات مستقبلًا 🫡 🩺رابط كروب الواتس : https://chat.whatsapp.com/IzvmecJOzveHh7ljAqZOxR 🩺رابط قناة التيليجرام الجديدة : https://t.me/SpiritOfMedicine1

#نسج١ عملي الجلسة الأولى

يعطيكم العافية دكاترة 🫡 حنبدأ معكم بترجمة محاضرات الفيزيولوجيا ٣ لقسم الدكتور هشام الطيان مع تفريغ وتحديد اهم الافكار يلي بيذكرها الدكتور وشرح لبعض الافكار الصعبة 🔥 و ان شاء الله حننشر كل محاضرة بمحاضرتها

🩺 الفيزيولوجيا 3: 📌 قسم محاضرات الدكتور هشام : 1️⃣ الوظائف الحركية للنخاع الشوكي: https://t.me/SpiritOfMedicine/536

https://t.me/+uMqpcxGYCXdmZjdk وهاد رابط لغروب فيه كلشي بيشمل مناهج المواد

مادة البيولوجيا (علم الحياة والخلية)🦠🍀 ✨تعريف عن المادة : 🔹المادة بتحكي عن الخلايا والعمليات داخل الخلايا . 🔹مادة كتير حلوة بس كثيفة شوي . 🔹النظري بينجاب عالي بس اصغر المعلومات بدا بصم ما تهملو حتى الارقام ،فكلشي ممكن يجيب عنو سؤال الدكتور ف اذا انبصمت كاملة بتنجاب معدل + الدكتورة لميس بتكتب من ٥ ل ٨ اسئلة فيها مصطلحات فركزوا على دراسة المصطلحات خاصة بقسم الدكتورة لميس 🔹ما في محاضرة أهم من محاضرة لأنو الدكاترة اسئلتهن عم تكون موزعة على كل المحاضرات . 🔹و أثناء إعطاء المحاضرات الدكتور آدم بيحكي اسئلة ليتأكد اذا فهمنا الفكرة هدول الاسئلة كتير مهمين و بجيبن. 🔹والدكتورة لميس الحضور عندها كتير مفيد بتطلع من المحاضرة حافظها معها. 🔹التفريغ مو ضروري لأنو الدكاترة ما بيطلعو برا المحاضرات لكن بساعد بحفظ المحاضرة وتركيزها اكتر ✨مصادر دراسة المادة : 🔹هو المحاضرات تبع الدكتور آدم والدكتورة لميس مع الإنتباه أن محاضرات الدكتورة آدم معدلة ، لهيك انتبهوا ولا تدرسوا النسخة القديمة. ▫️محاضرات الدكتور آدم ٦ أو ٧ محاضرات وغالبا الدكتور بيعطي ٦ محاضرات ▫️محاضرات الدكتورة لميس ٣ محاضرات 🔹أما القسم العملي فهو من ملفات الدكتورة إيمان وسميرة ، وهو قسم سهل ودقيق . الكويز عبارة معلومات من الملفات ، والفاينل هو صور على البروجكتر بس لازم تكون كتير دقيق بتسمية المحضرات لأن كل كلمة عليها علامة ، وطبعا في ملف لكل المحضرات مع التسميات بيضمن العلامة الكاملة. ✨توزيع علامات المادة: المادة 100علامة بتتوزع : 60فاينل 10ميد 30عملي (5كويز ، 5 مجتبى ، 20فاينل عملي) . ✨المادة 4ساعات يعني تأثيرها عالمعدل كبير + بتفيد كتير بمواد ثانية مثل الوراثة ، لهيك لازم تعطوها أهمية وما تتراكم ،وبتنجاب فوق ال 90 بسهولة،وقراءة الدورات الموجودة على قناة فريقنا SOM بتفيدكم ، مع ان دكاترة البيو بحبوا التجديد بالأسئلة . بالتوفيق لدكاترة المستقبل💪💪

مادة الاقتصاد 💵💸 مادة بتحكي بشكل عام عن اقتصاد سوريا والتضخم والسياسيات المالية والبنوك والمعاملات بينهم ماده تعتبر للوهلة الاولى سهلة باعتبار المنهج كامل عباره عن اربع محاضرات 🛑 مدخل الى علم الاقتصاد (كل شي مهم حتى المقدمه تبع حدود سوريا) 🌚 🛑 الناتج المحلي الاجمالي 🛑 التضخم 🛑 السياسيات الاقتصادية المادة هي متطلب جامعة اختياري عبارة عن ساعتين ٢ يعني مادة تعتبر السهل الممتنع بيعطها الدكتور حبيب محمود الميد ٢٥ و ١٥ مقابلة وحضور وتفاعل و ٦٠ الفاينل الميد عبارة عن ٢٥ سؤال مؤتمت و الفاينل عبارة عن ٣٠ سؤال مؤتمت الحضور مهم جدا بالنسبه للدكتور وبحاسب عليه المقابله عباره عن تلت اسئلة شفهية الدكتور بحب التفاصيل جددا وخلال المحاضره بركز على اشياء معينه هي اكيد جايه الجداول التورايخ المقدمه الخاتمه والجداول خاصه كل الارقام مهمة كله اجا منه اسئلة المادة الها دورات واسئلة سابقه بتتكرر بشكل عام بتترفع تسعينات + الملخص ممكن يرتب الك الافكار بس ابدا مانو كافي للنجاح ابعدوا عنه😭. وبالتوفيق الكم🙏🏻

مادة الثقافة 📝 ✏️ المادة ساعتين بتحكي عن تاريخ سوريا والمراحل يلي مرت فيها وعن قضايا عالمية عبر الزمن مثل القضية الفلسطينية وأحداث أخرى، يمكن المادة دسمة بالشرح بس في تشابه بينها وبين مادة القومية بالمدرسة فإن شاء الله لح تحسوها سهلة وسلسة 🎀. ✏️ دكاترة المادة: الدكتور سلمان مظلوم ودكتور خلدون عدرا ✏️ مصادر دراسة المادة: معظم الطلاب درسوها من ملخص حكيم والدورات الماضية لأنه الدكاترة بكرروا بالأسئلة وبيجيبوا دورات فإن شاء الله بتحسوها سهلة😁، ممكن يطلع عن الدورات أحيانًا فحتى تضمنوا العلامة التامة والممتازة ممكن تطلعوا على الكتاب أو تحفظوا الأشياء المهمة يلي فيه يلي بأكد عليها الدكتور-ما بنحتاجه كله لا تخافوا- ✏️نمط الأسئلة: اختيار من متعدد -أتمتة- ✏️توزيع العلامات: ٦٠ فاينل ٢٥ ميد و١٥ بإيد الدكتور (الدكتور خلدون بيحطها على بريزنتيشن تقدمه عن أي موضوع اله علاقة بالثقافة وبركز على لغة الجسد والإعطاء والفهم، بينما الدكتور سلمان بيعطيها على الحضور فكتير مهم تحضر معه وأهم شي المحاضرة الأخيرة ✨. ✏️الميد كان تقريبًا ٢٣ سؤال دورة ومن ملخص حكيم ماعدا سؤالين طلع عنهم والفاينل ممكن يطلع ب١٥ سؤال أو ١٠ عن الدورات والملخص. ✏️المادة بترفعلكم المعدل منيح وبتنجاب فوق ال٩٠ بسهولة، الدورات موجود على قناتنا SOM وفي ملفات دورات من دفعات سابقة لح تساعدكم زيادة بالأخير تذكروا، ستنطوي تعب الأيام وكأنها لم تكن، اصبروا وقاتلوا دكاترة المستقبل والله يوفقكم💪

مادة علم الجنين:👶🏻 1️⃣تعريف عن المادة: المادة بتحكي عن مختلف مراحل تكون الجنين بدءاً من الاخصاب حتى الولادة بتفاصيلها من تشكل الأجهزة والأعضاء والأحداث يلي بتشكل كل ما ذكر. المادة صعوبتها تكمن بكثرة التفاصيل فيها ودقة الأيام والاسابيع يلي بتصير فيها الأحداث والتطورات، بس هي مادة غنية كمعلومات وحلوة، بالنسبة للعملي فهو سلس وبسيط جداً طبعاً مع رؤية مراحل التطور على المجاهر. 2️⃣مصادر دراسة المادة: 📌بالنسبة للنظري: المحاضرات بتنقسم لقسمين منها سلايدات ومنها فصول. محتوى الفصول شامل لجميع معلومات المادة عدا كم محاضرة موجودة على شكل سلايدات فقط. اضافة ان السلايدات بتحتوي على رسمات وجداول توضيحية بتساعد وبتسهل الذاكرة البصرية وبالتالي بحفظ المادة. بالمختصر، محاضرات(كلام سردي معلومات شاملة100%) سلايدات(كلام مع رسمات توضيحية شامل 90%) لهيك يفضل الجمع بين الاثنين للفائدة الأكبر. علامات ال 📌بالنسبة للعملي: العملي عبارة سلايدات بتعرضها الدكتورة فيها صور وبتحكي الدكتورة عليهم معلومات طبعا المعلومات مجمعة ضمن ملفين بينبعتوا عغروب المادة بوقتها(للكويز) وملف صور(للفاينل) وكل محاضرة منشوف اشكال مجهرية ضمن المجاهر وبتساعد بالدراسة. 3️⃣ توزيع علامات المادة: المادة 100 علامة بتتوزع الى: 📌40 محصلة: وهي بتتجزأ الى 5 كويز+ 5 مجتبى+ 10 ميد + 20 فاينل عملي 📌60 فاينل نظري 4️⃣نمط الاسئلة: 📌النظري: الميد والفاينل بكونوا اتمتة والدكتورة بتركز فيهم كثير على المصطلحات الأجنبية ومعظم الأسئلة بتكون على شكل اختر الخاطئة وبتكون دقيقة جدا وبتغير كثير بالأرقام بالأضافة انها بتجيب رسمات وعليها مسميات وبتجيب من جميع المحاضرات لهيك ابدا مالازم نهمل محاضرة. 📌العملي: العملي بينقسم لكويز وفاينل(غير فاينل النظري) نمط اسئلة الكويز بتكون تحريرية وبتم الدراسة من الملفين. أما الفاينل بكون صور على البروجكتر مع تسمية العناصر المشار الها وبتم الدراسة من ملف الصور. المادة بحاجة لوقت وتركيز وفهم عميق لحتى نحسن نربط بين الأحداث وفي كثير فيديوهات انيميشن بتساعد على هالشي لهيك ما مننصح ابداً تتراكم المحاضرات وبتنجاب +90 اذا انعطت حقها منيح، وإن شاء الله على قناة فريق SOM رح نساعدكم بالأتمتات وبوجود دورات سابقة. بالتوفيق🙏🏻.

مادة تاريخ الطب 📜 ✨تعريف عن المادة : 🗡️بتحكي عن تاريخ الطب في مختلف العصور الأموي والعباسي و ... عن الأدباء والمنجزات الطبية ... وتطور الأدوات الطبية على مدار السنين. 🗡️بالنسبة لطلاب التحضيرية هي نفس معلومات كتابهم لكن بشكل مصغر جدًاا. 🗡️والشطارة بهي المادة هو أنكم تعملوا قصص للمعلومات وتربطوها بأي طريقة وتوسعوا خيالكم وشوي شوي بتلاقوها صارت سلسة وسهلة وممتعة 🎀. 🗡️المادة بتصير صعبة لما تنترك كلها لقبل الامتحان ولهيك لازم تتابعوها شوي خلال الفصل . 🗡️ ملاحظة هامة : الدكتورة بتجيب من حكيها لهيك لازم تفرّغ معها وتركز معها بالمحاضرة كتير، أما الدكتور فما في داعي . 🗡️غلاظة المادة هو أنو فيها كتير رموز فلازم تتبع مع الدكاترة وتكتب على المحاضرة كل رمز على شو بدل، أو تلجأ للكتاب تبع الجامعة لأنه هو مصدر شرح الدكاترة وموجود فيه كلشي مفصل، أو في طلاب بتبعت تفسير الرموز، وموجودة المحاضرات مع الرموز على التيلي إذا حابين تطلعوا عليهم😁. ✨ دكاترة المادة: دكتورة مها داوود ودكتور رامي الضللي ✨نمط الأسئلة : هو اختيار من متعدد. ✨مصادر دراسة المادة : هو السلايدات وتضمن العلامة الكاملة مع التفريغ . أما الكتاب فهو للفهم والإطلاع وتسهيل فهم السلايدات. ✨توزيع العلامة : 60فاينل 25ميد 15لوحة مشتركة بالعادة ولا يوجد قسم عملي والمادة عبارة عن ساعتين ✨هي مادة إجبارية ، و بتنجاب فوق ال 90 بسهولة إذا ما تراكمت ، والتاريخ مادة حلوة وممتعة لا تخافوا منها، خليكم مستمتعين وأنتو عم تدرسوها واعملوا قصص تساعدكم فيها ، و قراءة الدورات الموجودة على قناة فريقنا SOM بتساعدكم لأنه أحيانًا يجيبوا الدكاترة دورات . بالتوفيق دكاترة المستقبل 💪.

مادة العربي📚: 1️⃣تعريف عن المادة: المادة هية عبارة عن قواعد ونصوص ومواضيع بسيطة جدا ويلي اخد بكلوريا بسوريا رح يلاقين كتير سهلين ومابدن إلا قراءة عالماشي وحتى ل يلي شهادتو مو سورية رح يلاقي كلشي سهل وبسيط وطبعا هاد الحكي بشهادة اكتر من حدا... 2️⃣مصادر دراسة المادة: المصدر الوحيد للدراسة هو الكتاب ( موجود بغروب التلي ASPU Medical 29 ) عبارة عن ٩١ صفحة كتير بسيط وفيه تمرينات للتدريب 3️⃣ توزيع علامات المادة: المادة 100 علامة بتتوزع الى: 📌40 محصلة: 25 ميد و15 ممكن تتوزع الى حضور ووظائف او حضور فقط (تختلف من دكتور الى دكتور) 📌60 فاينل نظري 4️⃣نمط الاسئلة: هي مادة تقليدية على عكس باقي المواد التانية يلي بكون اغلبا اتمتة... الاسئلة تميل الى الاقل من المتوسط ما بتحتاج الى جهد عالي للحصول على علامة عالية بس بتحتاج شوية تركيز على علامات الترقيم والشدات وخاصة في المواضيع بالنسبة للمواضيع يلي اغلب العالم بتخاف منا فهية سهلة وما بتحتاج جهد عالي لتاخد علامتا بس ممكن تاخد وقت بكتابتا اثناء الامتحان لذلك الوظائف يلي بتنعطى ضمن الفصل هدفا تحسن من سرعتك وجودة كتابتك فلازم ما تستهين فيها ابدا مادة برياحة بتنجاب +90 فهي تعتبر مادة معدل ،وإن شاء الله على قناة فريق SOM رح نساعدكن بالأتمتات وبوجود دورات سابقة. بالتوفيق للجميع✨.

الكيمياء العامة والعضوية🧪⚛️: 1️⃣مقدمة عن المادة: المادة عبارة عن 4 ساعات وهي مادة سلسة وبتعتمد على الحفظ بشكل عام وبنسبة منيحة على الفهم وهي بتنقسم لقسمين: 📌الكيمياء العامة: هي عبارة عن القسم يلي بيحكي عن الذرة بطبيعتها الكهربائية وكيف تم اكتشافها وخصائصها الفيزيائية والكيميائية بالاضافة للاكسدة والارجاع وكثير من المواضيع يلي مألوفة سواء لطالب تحضيرية او لطالب بكالوريا. 📌الكيمياء العضوية: هي القسم يلي بيحكي عن طبيعة التفاعلات الكيميائية للمركبات يلي بتحتوي على كربون وهيدروجين ومشتقاتهم وكيفية صنعهم وشو تأثيرهم بالجسم او مجالات استخدامهم بالحياة وبالاضافة لعدد من التفاعلات وتآثراتهم مع بعضهم ليعطوا منتجات أخرى. 📌العملي بكون عبارة عن شغل بالمخبر بتحضير المحاليل وجميع التفاعلات الموجودة بتشتغلوها بايديكن وممتع وسلس جدا وبيتناول تقريبا بعض مواضيع النظري. 2️⃣دكاترة المادة: 📌النظري: الدكتورة درر الصوفي(عضوية) والدكتور جواد خبيز(عامة) 📌العملي: الدكتورة روزانا بدران والدكتورة رزان كيلاني 3️⃣مصادر الدراسة: 📌النظري: الكيمياء العامة والعضوية تنيناتهم سلايداتهم كافية لتجيب علامة كاملة فهنن كافيين ووافيين 📌العملي: المصادر بتكون من النوطات او الملفات يلي موجودة او من كتابات اللوح يلي بالمخبر. 4️⃣توزيع العلامات: 📌40 محصلة بتنقسم الى: 5كويز أول+ 5 كويز ثاني+ 20 فاينل عملي+ 10 ميد 📌60 فاينل 5️⃣المادة جدا سلسة وبتتكرر فيها الدورات ودراستها حلوة لهيك لازم التركيز فيها خصوصا انها مادة 4 ساعات. وبالتوفيق أطباء المستقبل🙏🏻.

الأنكليزي 1📚: 1️⃣مقدمة عن المادة: المادة عبارة عن 3 ساعات ورح تتضمن اساسيات اللغة الانكليزية ومعلوماتها جداً سهلة وسلسة ومابدها جهد كبير لدراستها وبتنجاب 100 برياحة. 2️⃣دكاترة المادة: الدكتور ابراهيم عيسى 3️⃣توزيع العلامات: 📌40محصلة بتنقسم الى: 25ميد+ 15 بيعطيها الدكتور سواء بكويز او مقابلة او او... 📌60 فاينل 4️⃣مصادر المادة: المادة الها مصدر واحد فقط ويلي هو الكتاب بيتواجد ملف من الدكتور. وبالتوفيق أطباء المستقبل🙏🏻

🩺 فيزيولوجيا (الهضم والدم)1 : بالنسبة لهالمادة هي مادة 4 ساعات من أكبر المواد من حيث الساعات فهي أساسية و مهمة جداً أربع ساعات بتعطيها د.أمل الضاهر بقسمها النظري و د.مي و د.رغيد بقسم العملي. 📌 القسم النظري : ✨ بالبداية منحكي عن أقسام المادة : ١- قسم عصبية بكون عبارة عن محاضرة ونص بيحكي عن كوامن الفعل وكيف بتصير شبيه باللي كان موجود بالبكلوريا للي شهادته سورية واللي شهادته غير سورية كمان مارح يلاقي صعوبة بدراسة هالقسم بس هاد القسم الفصل الصيفي الدكتورة ما عطته وتقريباً حذفته وعطت بداله القسم التالت اللي هو الدم ف بتبقى هي بتخبركن إذا بتحذفه أو لا ٢- الهضم ، هو لب المادة وأضخم بحث فيها وأسئلته بتكون نكشات ودقيقة بتحتاج تركيز بالحل هالقسم ست محاضرات تقريباً بتحكي فيه عن جهاز الهضم تشريحياً وشو بصير فيه كيف بتبلش عملية الهضم وكيف بتنهضم المواد ومين الانزيمات اللي بتساعد بهالشي المصرات متى بتنفتح و بعض الأمراض المتعلقة بهالجهاز .. الخ هو القسم اللي اله النصيب الاكبر من الاسئلة كمان ٣- الدم هو القسم التالت اللي الدكتورة عطته بالصيفي بتحكي فيه عن الكريات الحمراء و البيضاء كيف بتنشأ والبيضاء كيف بتدافع والخ وهو قسم سهل نوعاً ما خاصة انو بتاخدوا فكرة عنه كمان بالعملي 🕯️طريقة دراسة المادة : لازم تركزوا مع الدكتورة بالمحاضرات وتفهموا لان المادة بدها فهم وبصم مع بعض ما بكفي واحد منهن منشان تحصلوا على اعلى علامة ممكنة وما تراكموا ابداً لان المادة مترابطة اذا راكمتوها رح تاخد وقت بينما لما تندرس أول بأول رح تكون كتير سلسة الأمور والدراسة بتكون من محاضرات الدكتورة الرسمات لا تهملوها بيجي منها اسئلة ( مع المصطلحات اللي فيها ) - المصطلحات مهمة بيجي منها اسئلة وممكن تكون على شكل توصيل طبعاً الدكتورة بتحب تجيب من كلشي ما عندها شي اهم من شي بس عادة بتركز كتير على التعدادات و التفسيرات و كذا يؤدي لكذا ، لكن الموضوع بيختلف من فصل لفصل والفاينل بكون وقته ديق نسبة للأسئلة الدقيقة جدا بس للدارس منيح أكيد رح يكون كافي 🎀. طبعا قراءة الدورات شي ضروري لكن أكيد غير كافي. 📌 القسم العملي : بالنسبة للعملي عند د.رغيد ف مصدر الدراسة هو النوطة وهي سلسة جداً وحلوة للدراسة بس ضروري نتابع مع شرح الدكتور لأنه بركز أكتر شي عاللي بيحكيه و بحب الطلاب يجاوبوا عالسؤال بالطريقة اللي هو حكاها مو طريقة النوطة 😁. وركزوا بالريكوردات تبعه + ممكن يجيب ارسم ب ايدك وهو شوي صعب لذلك يفضل ما نهمل أي فقرة أو رسمة أو تجربة الدكتور لازم كل جلسة تكون عامل ملخص للجلسة اللي قبلها وبصححه كل مرة بس هاد الملخص اوعك تدرس منه الدراسة من شرح الدكتور و النوطة، و منبقى منبعتلكن نموذج لدفتر أخد علامة كاملة بالتصحيح عنده. الكويز للدارس بينجاب تامة والفاينل ٢٠ علامة بكون خمس أسئلة تحريري تقريباً، بس يعني ال٣٠ عنده صعب شوي تنجاب بس بتقدر تجيب ٢٩ ممكن جداً أما بالنسبة للفاينل عند د.مي فعادة بكون أتمتة بس الكويز تحريري عند الدكتورين. موفقين دكاترة المستقبل 💪.