شـطر

‏من ملك قلبٍ مثل قلبك وعينٍ مثل عينك ، ‏لا يخاف من السنين المقبلة .. وأنتي زهاب ،

ولاني والله بـْ مرخص عيونك عاد مهما صار؟ لها عندي مكانه، لو قدرت أقسى وأعاتبها ،

‏أنتي مرورك على دنياي فرصـة عمر ، ‏و غيرك يمرّون مثل اللحظـة العـابره ،

ما رحلت إلّا عشانك كنت أصغر من عطاي ‏و ما ندمت إلّا عشانك ، ذنب صعبٍ يغتفر ‏كيف أمّنتك بـ قلبي و كيف أهديتك سماي ‏و أنت لا قد السحاب . . ولا بعد قد المطر ".

"لا قبالك عادي ولا ضياعك من يديني عادي انت من اللي تكون فرصة عمره ويتركها !"

يوم أمطرت ربّع شعوري وسال الملام ‏وماكان ناقصني إلّا شوفتك تبتسم

حبيبي عمر الضعف ما كان طبعي ‏أنا قوي لكن ماهو كل الاوقات ‏حاول تساعدني على لمّ وضعي ‏ما فيه داعي ننجرف للخلافات ‏دامك حبيبي لازم تكون درعي ‏وأكون أنا صدرك بوجه الصراعات ‏بذلت لك فالحب كل ما في وسعي ‏حتى كسبتك في زمان الخسارات ‏كل ما أتشتت تقدر يديك جمعي ‏وهي وحدها تقدر ترجعني أشتات

"جعل يفداك عمرٍ قبل مواصلك منعاف "

حافظك بـ أصغر تفاصيلك وأدق اسبابك ‏ومعتبرّك اجمل توافيق القـدر .. واثمنها

اذكر أيام الغرام وحبك اللي ما نسيته ‏لو يوردني الهلاك ولو يجرعني النكاده ‏أتذكر وجهك الطاهر وصوتٍ ما سليته ‏يتردد في مسامع عاشقك حزة رقاده ‏باقي أنت المنال ومطلبي واللي بغيته ‏يبطي غيابك يحد القلب عن غاية مراده ‏نعرف الغربه من يسافر عن بلاده وبيته ‏كيف قلبي متغرب وسط بيته في بلاده ؟

مايموت الودّ لو مات الكلام ‏لك مكان وذكريات ولك شعور ‏منت عابر في حياتي والسلام ‏أنت حتى في غيابك لك حضور

" ماكنّك إلا بدايات الشتا في السّنين ‏ مهما تتكرر . . لها التقدير و المَرحبا "

"أنتِ اليقين الراسخ اللي ما يشوبه إحتمال ‏وأنتِ الثواب إللي تجلّى لي بعد شدّة صبر ‏من حقق الله حلمه و نالك رغم أنف المُحال ‏يستاهل يعيش الحياة و بداخله نشوة نصر"

وين اروح من الشعور اللي كثير اسالته ؟ ‏دام اشوف الواقع يضيّع جميع اوهامي ‏والله إني قد عطيتك  قلبّي و دللته ‏لـ الطريق اللي من يُمره يعوّد ضامي ‏الحمل لو ماقدرت إني اشيله ؟ شلته ‏والعُمر ماعاد يسوى لا خسرت أحلامي ‏الكلام اللي اخاف إنك تقوله ؟ قلته ‏والوداع اللي يضايقني حصل قدامي

"لمحتك كنّك الحق المبين وكنت أنا التخمين ‏وكتبتك حلمٍ، أكبر من قصيدي واعظم أحلامي"

‏من يسلف صمتي الموحش .. كلام ، ‏داخلي فوضى تسولف دون صوت ،

‏حبّني في كل ما بك من طهارة ، ‏أنت لما تحبّني .. أحبّ نفسي ،

يابو ضحكةٍ ماتعترف في وطن وحدود ‏تمر القلوب الصادقه .. دون تأشيره ‏وانا واحدٍ قلبه نظيفٍ وعِرفه زود ‏مهو بـ لاحقك شرّه إذا ما الحقك خيره ‏يشوف السنين اللي معك هي عمر و وجود ‏وباقي السنين اللي بليّاك … تقزيره ‏جعل وجهك أبيض من كثر ما يديك تْجود ‏يا ويش الشعور اللي معي منك تأثيره ..

من خمسة أيام والساعة على ماهي ‏نامت على حزة الفرقا عقاربها ‏ياهي على حق، ياهي مخلصة، ياهي ‏توقفت مع توقف قلب صاحبها ‏لا خاب ظن اليتيم بحلمه الزاهي ‏مافيه حاجة بيبكي من سبايبها ‏فدوة مواطيك روحً مابقى الاهي ‏في سوق ويلي على لاماك جالبها ‏تبقى على ما انت والساعة على ماهي ‏نامت على حزة الفرقى عقاربها

وين أولّي وأنت ساكن في الصوّر وفي الرسايل ‏هي بقت سكّة ما تطرقها طواريّك وأجيها ! ‏ليه اعوّد لك مدام إن ما ورى المعواد طايل ‏وش يرّد اللهفة لنفسي على أشياء كنت أبيها ؟ ‏يوجع ، إني في سبيل رضاك سوّيت الهوايل ‏وأنت مستكثر علي " آسف " و مستكبر عليها