SURXONDARYO FVB

Hamkasbimiz yangi xizmat joyiga kuzatildi Surxondaryo viloyati Favqulodda vaziyatlar boshqarmasi Moliya-iqtisod bo‘limi boshlig‘i, kapitan Toshboltayev Rustam Amriddinovich xizmat faoliyatini Navoiy viloyati Favqulodda vaziyatlar boshqarmasida davom ettirishi munosabati bilan kuzatish tadbiri o‘tkazildi. Tadbirda boshqarma xodimlari ishtirok etib, Rustam Amriddinovichga kelgusidagi xizmat faoliyatida muvaffaqiyat, mas’uliyatli vazifalarni bajarishda omad va zafarlar tiladilar. Boshqa yangiliklar 👇: Telegram | Facebook | Instagram | You tube

Korrupsiya — bir lahzalik manfaat, uzoq davom etadigan pushaymon. Pora olish ham, pora berish ham — jinoyat. Bugungi manfaat ertangi javobgarlikka aylanishi mumkin. Surxondaryo viloyati Favqulodda vaziyatlar boshqarmasi Axborot xizmati. Boshqa yangiliklar 👇: Telegram | Facebook | Instagram | You tube

🏆 SURXONDARYO VILOYATI FVB JAMOASI — IKKI MUHIM NATIJA BILAN TAQDIRLANDI! Surxondaryo viloyati Favqulodda vaziyatlar boshqarmasida xodimlarning sportdagi yutuqlari hamda kasbiy mahoratini munosib e’tirof etish maqsadida bir vaqtning o‘zida ikki yo‘nalish bo‘yicha taqdirlash marosimi o‘tkazildi. 🥉 O‘zbekiston Respublikasi ochiq chempionati “Yong‘in-qutqaruv amaliy sporti” bo‘yicha — Surxondaryo viloyati FVB jamoasi 3-o‘rinni qo‘lga kiritdi. 🥈 Favqulodda vaziyatlar vazirligi Ayol xodimlari o‘rtasida o‘tkazilgan “To‘maris izdoshlari — 2026” ko‘rik-tanlovida — Surxondaryo viloyati FVB vakili 2-o‘rinni egalladi. Mazkur natijalar boshqarma xodimlarining jismoniy tayyorgarligi, kasbiy mahorati, jamoaviy birdamligi va har qanday vaziyatga shayligini yana bir bor namoyon etdi. 🏅 G‘olib va sovrindorlarni muborakbod etamiz! Kelgusidagi musobaqalarda ham yuqori natijalar tilaymiz. Boshqa yangiliklar 👇: Telegram | Facebook | Instagram | You tube

#volontyorlarQabuli 🧑‍🚒 QUTQARUVCHI VOLONTYOR BO‘LISHNI ISTAYSIZMI? 📍 Surxondaryo viloyatida “Favqulodda vaziyatlar volontyori” otryadiga qabul boshlandi! Volontyorlar uchun: • Nazariy va amaliy qutqaruv mashg‘ulotlari • Maxsus volontyor guvohnomasi • Rag‘batlantirish imkoniyati Asosiy talablar: • 18 yoshdan katta bo‘lish • Surxondaryoda ro‘yxatda turish • Jismonan sog‘lom bo‘lish • Kamida 2 ta til bilish • Mas’uliyat va qutqaruvchilikka qiziqish ⭐ Ustunlik: 3+ til biluvchilar, yaxshi suzuvchilar va “Yosh qutqaruvchi” musobaqasi Top-3 ishtirokchilari. 📌 Saralash — 2 bosqichda. 📅 Qabul muddati: 25-avgust, 2026-yil. Royxatdan o’tish uchun pastdagi profilga murojat qiling @zarin_sherzodovna 🚨 Surxondaryolik yoshlar, safimizga qo‘shiling!

Boysun tumanidagi “Xomkon” o‘rmon bo‘limi hududida yuz bergan yong‘in yuzasidan rasmiy munosabat 2026-yil 12-avgust kuni soat 17:15 da “112” tizimi orqali Boysun tumani “Chilonzor” MFY hududida joylashgan “Boysun davlat o‘rmon xo‘jaligi”ga qarashli “Xomkon” o‘rmon bo‘limi hududida quruq o‘t va shox-shabbalar yonganligi to‘g‘risida xabar kelib tushgan. Xabar asosida hodisa joyiga Surxondaryo viloyati Favqulodda vaziyatlar boshqarmasi hamda “Boysun davlat o‘rmon xo‘jaligi”ning kuch va vositalari jalb etilgan. Yong‘inni bartaraf etish ishlariga Favqulodda vaziyatlar boshqarmasidan 194 nafar shaxsiy tarkib va 8 ta texnika, “Boysun davlat o‘rmon xo‘jaligi”dan 60 nafar shaxsiy tarkib va 3 ta texnika, shuningdek, mahalliy aholidan 55 nafar ko‘ngilli fuqaro jalb etilgan. 2026-yil 13-avgust soat 17:30 holatiga ko‘ra, yong‘in to‘liq bartaraf etilgan. Yong‘in natijasida taxminan 1 gektar maydondagi quruq o‘t va shox-shabbalar yongan. Hodisa oqibatida fuqarolarning tan jarohati olganligi to‘g‘risida ma’lumot kelib tushmagan. Hozirda yong‘inning kelib chiqish sababi aniqlanmoqda. Boshqa yangiliklar 👇: Telegram | Facebook | Instagram | You tube