មន្ទីរសុខាភិបាល នៃរដ្ឋបាលខេត្តស្វាយរៀង

សកម្មភាពចុះអប់រំសុខភាព បាញ់ថ្នាំ និងដាក់ថ្នាំអាល់ប៊ែត(Abate) ប្រយុទ្ធប្រឆាំងនឹងជំងឺគ្រុនឈាម នៅស្រុករមាសហែក ព្រមទាំងពិនិត្យស្ថានភាពអ្នកជំងឺគ្រុនឈាមសម្រាកព្យាបាលនៅមន្ទីរពេទ្យបង្អែករមាសហែក ============ ថ្ងៃពុធ ១៤រោច ខែទុតិយាសាឍ ឆ្នាំមមី អដ្ឋស័ក ព.ស.២៥៧០ ត្រូវនឹងថ្ងៃទី១២ ខែសីហា ឆ្នាំ២០២៦នេះ លោកវេជ្ជបណ្ឌិត​ ថោង​ អ៊ុំសុធា​ អនុប្រធានមន្ទីរសុខាភិបាល តំណាង លោកវេជ្ជបណ្ឌិត​ គុជ​ សុីថា​ ប្រធានមន្ទីរសុខាភិបាល​ នៃរដ្ឋបាលខេត្តស្វាយរៀង អញ្ជើញដឹកនាំក្រុមការងារ សហការជាមួយអជ្ញាធរ ភូមិមុន្នីព្រឹក្សា ភូមិត្រស់ ឃុំត្រស់ និងមន្ត្រីកសិកម្ម ចុះអប់រំសុខភាព បាញ់ថ្នាំ និងដាក់ថ្នាំអាល់ប៊ែត(Abate) ប្រយុទ្ធប្រឆាំងនឹងជំងឺគ្រុនឈាម ព្រមទាំងពិនិត្យស្ថានភាពអ្នកជំងឺគ្រុនឈាមសម្រាកព្យាបាលនៅមន្ទីរពេទ្យបង្អែករមាសហែក។ ដោយមានការចូលរួមលោកស្រីប្រធានកម្មវិធីគ្រុនឈាម ODរមាសហែក ក្រុមការងារ RRT មណ្ឌលសុខភាពអំពិល អាជ្ញាធរ ភូមិមុន្នីព្រឹក្សា ភូមិត្រស់ ឃុំត្រស់ និងមន្ត្រីកសិកម្មឃុំត្រស់។

វគ្គបណ្តុះបណ្តាលមណ្ឌលសុខភាពស្តីពីការពិនិត្យស្រាវជ្រាវរកជំងឺមហារីកមាត់ស្បូនដោយប្រើតេស្ដHPV នៅការិយាល័យស្រុកប្រតិបត្តិ ជីភូ ============ ថ្ងៃព្រឹកថ្ងៃពុធ ១៤រោច ខែទុតិយាសាឍ ឆ្នាំមមី អដ្ឋស័ក ព.ស.៣៥៧០ ត្រូវនឹងថ្ងៃទី១២ ដល់ថ្ងៃ ខែសីហា ឆ្នាំ២០២៦នេះ លោកវេជ្ជ. ទែន សាបុណ្យ អនុប្រធានមន្ទីរសុខាភិបាល តំណាង លោកវេជ្ជបណ្ឌិត​ គុជ​ សុីថា​ ប្រធានមន្ទីរសុខាភិបាល​ នៃរដ្ឋបាលខេត្តស្វាយរៀង អញ្ជើញជាធិបតីបើកវគ្គបណ្តុះបណ្តាលមណ្ឌលសុខភាពស្តីពីការពិនិត្យស្រាវជ្រាវរកជំងឺមហារីកមាត់ស្បូនដោយប្រើតេស្ដHPV នៅការិយាល័យស្រុកប្រតិបត្តិ ជីភូ។