تاریکی

لە مردن زیاتر ناتوانم ئارەزووی هیچی تر بکەم.

هەندێ جار سەیری ئاوێنە ئەکەیتو خۆت نابینی، ئەبیت بە کارەکتەری ناو فیلمێک کتێبێک خەونێک خەیاڵێک ئەبیت بە هەموو شتێک تەنها خۆت نا.

ڕقم لە شەوە وام لێ ئەکا هەست بە تەنیایی بکەم.

من داوای بونێک ئەکەم کە بوونی نییە، شتێک ئەبینم کە نابینرێ، گوێم لە شتێک ئەبێ کە نابیسترێ، داوای ژیان لە مردن ئەکەم، داوای گەڕانەوەی لە کات ئەکەم، لە ڕاستیدا من داوای خۆم ئەکەم کە لێم سەندراوەتەوە.

هیچکەس لە ژیانم دا نییە تەنانەت خۆشم

چیتان بۆ بنووسم پێنووس مەیلی لە کوردییە بەڵام نووسین بە عەرەبی لێرە زۆرییە، وتم پێنووس عەرەبی کێشەی چییە؟ وتی کێشەی نییە بەڵام زۆرییە وتم خۆ تۆ پێنووسی ئەم هەموو نازەت لە چییە؟ وتی ناز نییە ئەمە داوای سەربەستییە وتم خۆ تۆ پێنووسی سەربەستیت بۆ چییە؟ وتی خۆ من پێنووسم سەربەستی منی بۆ چییە وتم بەسیەتی پێنووس ئەم هەموو ڕەمزە بیدرکێنە دڵت مەیلی چییە؟ وتی کوانێ دڵ خۆ هەمووی بەش بەشە وتم درۆ مەکە پێنووس ئەگەر بەش بەشە چۆنە زیندووە؟ وتی درۆ ناکەم ئەوەنییە کورد زیندووە وتم دە بیڵی لەو ساوە دڵت مەیلی یەک بەشە وتی من وتوومە لەو ساوە بەڵام ئێوە مەیلتان چوار بەشە.

بیری دەنگتم کردووە خۆزگە ڵاڵ ئەبووی

هەستەکانم زۆر سەیرن ئەتوانم لە یەک شەو دا ئەوەندە دڵتەنگ بم ئارەزووی مردن بکەم وە ئەوەندە دڵخۆش بم لە مردن بترسم

وتم ئەتوانم بۆ خۆشەویستیت کتێبێک بنوسم، بەڵام ئەو ڕۆیشت بۆ لای ئەو کەسەی کە ئەیتوانی بۆ خۆشەویستی ئەو کتێبێک بنوسێ.

یان کۆتایی دێت یان کۆتایی دێت.

من ئەزانم جیاوازم بەڵام ناتوانم بیسەلمێنم.

ئەوەندەی لە دوور خستنەوەی کەسەکان شارەزابووم لە ناسین یان شارەزا نەبووم.

کێ نەفامە ئەو کەسەی کە نەیزانی ڕوونی بکاتەوە یان ئەو کەسەی کە تێنەگەیشت؟

لەوانەیە ژیان کەمێک ئاسان تر بوایە ئەگەر لەخۆم تێگەیشتبام،

خۆشترین ساتەکانم ئەو کاتانەیە کە دڵم خۆش نییە.

لە کۆتایی دا، لە توڕەیدا قەڵەمەکەم شکاندوو نەمتوانی پەیامی دڵم بگەیەنم.