TF REUlife🎓

⏳ ПОСЛЕДНИЙ ШАНС ЗАРЕГИСТРИРОВАТЬСЯ НА ВСТУПИТЕЛЬНЫЕ ИСПЫТАНИЯ! Если вы планировали поступать в Ташкентский филиал РЭУ им. Г.В. Плеханова, но ещё не успели подать документы — времени осталось совсем немного. 📌 Регистрация на вступительные испытания открыта до 17:00 16 августа 2026 года. Это последняя возможность зарегистрироваться и принять участие во вступительных испытаниях в рамках приёмной кампании 2026 года. 🎓 Направления подготовки: 🔹 Экономика 🔹 Менеджмент 🔹 Инноватика 🔹 Информационные системы и технологии ⚡️ Не откладывайте регистрацию на последний момент. После завершения установленного срока приём документов на вступительные испытания будет закрыт. 📅 До 17:00 16 августа 🎯 Успейте сделать первый шаг к поступлению в РЭУ! https://reu.uz/ru/abiturientam/ #РЭУ #РЭУТашкент #Поступление2026 #Абитуриент2026 #ПоследнийШанс

🔴 БУХОРОДА АКАДЕМИКЛАР ВА ЁШЛАР МУЛОҚОТИ ДАВОМ ЭТМОҚДА: КЕЙИНГИ МАНЗИЛ - БУХОРО ДАВЛАТ УНИВЕРСИТЕТИ Юқорида хабар берганимиздек, Бухорода академик илм-фан ва олий таълим вакилларини бирлаштираётган илмий-маърифий учрашувлар изчил давом этмоқда. Навбатдаги манзил Бухоро давлат университети бўлди. Г.В. Плеханов номидаги Россия иқтисодиёт университети Тошкент филиали раҳбари, Ўзбекистон ва Тожикистон Фанлар академиялари академиги, иқтисодиёт фанлари доктори, профессор Каландар Абдурахманов ҳамда Ўзбекистон Республикаси Олий Мажлиси Қонунчилик палатаси депутати, Ўзбекистон Республикаси Фанлар академияси академиги, юридик фанлар доктори, профессор Акмал Саидов Бухоро давлат университетига ташриф буюрдилар. Меҳмонларни университет ректори, иқтисодиёт фанлари доктори, профессор Обиджон Ҳамидов кутиб олди. Ташриф давомида олийгоҳнинг таълим ва тадқиқот салоҳияти, илмий мактаблари, замонавий инфратузилмаси, ёш олимларни қўллаб-қувватлаш борасидаги тажрибаси ҳамда истиқболли лойиҳалари билан яқиндан танишилди. 🎓 Шундан сўнг профессор-ўқитувчилар, докторантлар, илмий изланувчилар, ёш олимлар ва иқтидорли талабалар иштирокида очиқ мулоқот ўтказилди. Суҳбат марказида замонавий университетнинг жамият тараққиётидаги ўрни, академик илм-фан ва олий таълим ҳамкорлигини чуқурлаштириш, тадқиқотларни мамлакат ҳамда ҳудудларнинг амалий эҳтиёжларига йўналтириш масалалари турди. Академик Каландар Абдурахманов бугун университет фақат билим берувчи таълим муассасаси эмас, балки инсон капиталини шакллантирадиган, янги ғоя ва технологияларни яратадиган, иқтисодиёт ва жамият муаммоларига илмий ечим таклиф этадиган интеллектуал марказ бўлиши лозимлигини таъкидлади. Шу билан бирга, университетларда олиб борилаётган изланишлар ҳудудларнинг реал ижтимоий-иқтисодий муаммоларига илмий асосланган ва амалиётга татбиқ этиладиган ечимлар таклиф қилиши зарурлигига эътибор қаратилди. 🤝 Университет ректори Обиджон Ҳамидов билан фикр алмашувда академик илм-фан ва олий таълим ўртасидаги алоқаларни янги мазмун билан бойитиш, қўшма лойиҳаларни амалга ошириш, илмий мактаблар тажрибасидан кенг фойдаланиш, докторантлар ва иқтидорли талабаларни устувор изланишларга жалб этиш бўйича ҳамкорлик истиқболлари муҳокама қилинди. 📚 Ташрифнинг эзгу анъанага айланган яна бир муҳим қисми сифатида Бухоро давлат университети кутубхонасига академик Каландар Абдурахмановнинг инсон капитали, меҳнат иқтисодиёти, рақамли иқтисодиёт ва сунъий интеллект йўналишларига бағишланган китоблари совға қилинди. Ушбу асарлар талабалар, докторантлар, ёш олимлар ва профессор-ўқитувчилар учун фойдали илмий манба бўлиб хизмат қилиши таъкидланди. Бухоро давлат университетидаги мулоқот академиклар тажрибаси билан ёшларнинг изланиш ва ташаббусларини бир майдонда бирлаштирди. Бундай учрашувлар устоз-шогирд илмий ворислигини мустаҳкамлаш, янги ғояларни рағбатлантириш ва илм-фан натижаларини мамлакат тараққиётига хизмат қилдириш учун муҳим замин яратмоқда.

🎓 БУХОРО ДАВЛАТ ТЕХНИКА УНИВЕРСИТЕТИДА АКАДЕМИКЛАР ВА ЁШЛАР УЧРАШУВИ Г.В. Плеханов номидаги Россия иқтисодиёт университети Тошкент филиали раҳбари, Ўзбекистон ва Тожикистон Фанлар академиялари академиги, иқтисодиёт фанлари доктори, профессор Каландар Абдураҳманов Бухоро давлат техника университетида профессор-ўқитувчилар, тадқиқотчилар ва ёш олимлар билан мулоқот қилди. Тадбирда Бухоро давлат техника университети ректори Садоқат Сиддиқова, Ўзбекистон Республикаси Олий Мажлиси Қонунчилик палатаси депутати, Ўзбекистон Республикаси Фанлар академияси академиги, юридик фанлар доктори, профессор Акмал Саидов, шунингдек, университет жамоаси ва ёш тадқиқотчилар иштирок этдилар. Мулоқотда мамлакат тараққиёти учун муҳим бўлган инсон капиталини юксалтириш, аҳоли бандлигини таъминлаш, меҳнат муносабатларини такомиллаштириш, рақамли иқтисодиёт, сунъий интеллект имкониятларидан самарали фойдаланиш хусусида фикр алмашилди. Академик Каландар Абдураҳманов технологик янгиланишлар меҳнат бозорининг мазмуни ва касблар таркибини ўзгартираётгани, натижада янги билим, кўникма ва компетенцияларга эҳтиёж ортиб бораётганини таъкидлади. Шу нуқтаи назардан, олий таълим ва ишлаб чиқариш ўртасидаги алоқаларни кучайтириш, ёшларни истиқболли касбларга тайёрлаш ҳамда тадқиқот натижаларини иқтисодиёт амалиётига жорий этишнинг аҳамияти қайд этилди. 🤝 Айниқса, Бухоро давлат техника университетида академик Каландар Абдурахманов раҳбарлигидаги «Инсон капитали ва сунъий интеллект» илмий мактабининг кўплаб шогирдлари хусусан проф. Хайитов Шербек, доц. Жумаева Дилафрўз, доц. Авезова Шахнозалар самарали фаолият юритаётгани мамнуният билан эътироф этилди. Бу эса устоз-шогирд анъаналарининг изчил давом этаётгани ва академик мактабнинг ҳудудларда ҳам муносиб давомчилари шаклланганидан далолат беради. Академик Акмал Саидов билан фикр алмашувда мулоқотнинг алоҳида қисми Нақшбандия тариқатининг бой маънавий-маърифий меросига бағишланди. Унинг илм ва маърифатга интилиш, ҳалол меҳнат, поклик, масъулият ва инсон камолотига асосланган қадриятлари бугунги авлод тарбияси учун ҳам катта аҳамият касб этиши таъкидланди. 📚 Тадбир доирасида академик Каландар Абдурахмановнинг меҳнат иқтисодиёти, инсон капитали, рақамли иқтисодиёт ва сунъий интеллектга бағишланган китоблари Бухоро давлат техника университети кутубхонасига совға қилинди. Ушбу асарлар талабалар, докторантлар, ёш олимлар ва профессор-ўқитувчилар учун муҳим илмий-услубий манба бўлиб хизмат қилади. Мазмунли мулоқот академиклар ва ёшлар ўртасидаги устоз-шогирд анъаналарини мустаҳкамлаш, янги ғоя ва ташаббусларни қўллаб-қувватлаш, илм-фан ютуқларини иқтисодиёт ва ишлаб чиқариш билан уйғунлаштиришга хизмат қилди. 📍 Бухоро, 15 август 2026 йил