شعر - مزجات - اقتباسات - عبارات

حللت الملامح من وگفت وياك شفتك خوش والله وترهَم تمثل مثل هاي التخرب بيوت يابو بيوت وبنص الأعراس تشوفها تهلهل

تتنافس عليج الروح والعين ونكعد ننتظر جيتج بالباب عيني تكلي بلكت تمرمنا وروحي تكلي أيس ملتهي الغاب انا المحد يمرني بيت مسكون وكل اهل المدينة بخوفها اسباب

‏لِمَ يا مَحبُوبُ تَتَّخِذٍ البُعدَ دَربَاً لِمَ تُشعِلٍ هَذا القَلبَ شَوقَاً ؟

خلصت النهَار بخير بس الليل شيخلصَه من يبدي هدوء الناس تبدي بدَاخلي الخَبصة

شفت مايك گلت خليني عطشان كرهت الماي من كثر اليشربون اذا ضنيت اردلك انته غلطان يا دمعة الرضت ترجع للعيون

ماعرف أجذب بالمشاعر تحجي الصدك تشبع خساير حال المسودن حالي صاير بچفوفي اطفيها الجگاير اخر حجايه بيا دوه تهيد؟ كتلك شلونك كتلي شتريد ملهوف أجيت تردني مذبوح رايد عيونك. كلشي ماريد .

وعليك تعاركت من شفت عالو بيك ولهسه اثار طكهم توجع اصفاحي حميتك واني دمي بطولي ضل يسيل وتكلهم علي سكران مو صاحي؟ بعز المعركه من كتلي اريد سلاح عفت روحي بخطر ونطيتك سلاحي

محد مات ويّه المات بس بهاي تعِذِرني چنت حاضر وأندبك دوم أيس وأنكطع ظنّي رگ حيلي وثگل همّي من يوم الغربت عنّي

هذاك انه.. غصن مكسور.. ياطير اليحط فوگاي يلچمني هذاك انه الرجع من فشلتة يغني

إجِيت بوكت كِلش مَا الك عَازة ضَحكة بحلِگ واحِد شايل جنَازة

«ويمضي العمرُ يا عمري.. وأشعرُ أن في الأيامِ يومًا سوف يجمعنا.. وأنّ الحب رُغم البعد سوف يزور مضجعنا وأن الدهر بعد الصب سوف يعود يسمعنا ويمسحُ في ظلامِ العمر شكوانا وأدمعنا!»

واكف الموس بلهاتي وطلع من عيني الكلام اتمددت فوك السيوف وطاحت بعيني السهام وانت بطرام وتكلي ليش ماتكدر تنام؟ بالله كلي شلون انام؟

وتسألني اتَعشقني؟ تَخيل إنها تسأل؟ بربك كيفَ اسمعهُا ألَا من نفسِها تخجل؟ ألم تقرأ بأشعاري بأني قتيلها الأول؟ وأني دُون عيناها ضياعُ ضائعُ أعزل الم تلمح بكفِ الشمس مكتوبًا لها مُرسلْ؟ ألم تلمح بعرضِ البحر ديوانًا بها مُنزلْ؟

رجع مِـنك الساعي مدنگ وخجلان مِـن ودّه الرسالة و شاف ردّك ما خلّاني اسولف و اسأل هواي گبل گلي بَسّك هذا حدّك و گلي أريد أنصحك گبل لاروح لا تشري الهدم للماهو گدّك

كل ساع تعيل وياي وتكلي خوة جنك تريد تطيح من عيني كوة

البچيت وياه هذا لحزنَك يغَني ! و إذا حسبالَك يذكرَك ترا بفرگاك متهَني .

يا گلبي ‏يالما بيك ظنّه ‏أركد ولك ‏مامش محنّة ‏لا بالغريب و لا بهلنا

لاعـمـر راح يـعـود لاتـرجـع ايـام حسبت وكت ونصير صوره بطن جام

مو ذَاكَ الصُبغْ، بَس هِنّه مَصبوغاتْ شِما أعاينْ عَلَيهن، ذِنّي مَالاتي..! وأسكُتْ، والحَچي رُوجْ عَلَيّ شاطي يروحْ بِجروف الحَلگ، وتضيعْ چِلماتي.. وگِلتْ: ما يِحچي سِرّي، وشاوَرِيتْ النّاي حِچَه جروحي، وفَضَحني، وسولَفْ آهاتي.. وَبَيْن ارفض وأريد وأقتنع وأحتار ذبلت الورد بأغصان رغباتي أمد إيدي عله صدري وأكتل الفلاح وأكول الكاع بارت وأنهي زرعاتي.

مَدري شگد حَزن رَوحَي ولا يِنعد !! وهَذا أنا الغَريب ، المنسَي ، المفرهَد