ملتقي تجمع محامين طنطا

📌 إجابة على أكثر الأسئلة المتكررة بخصوص جلسات حلف اليمين في الفترة الأخيرة وصلتني أسئلة كتير جدًا على الخاص، غير الأسئلة الموجودة في التعليقات، وبحاول أرد على الجميع على قد ما أقدر. ولما بلاقي نفس السؤال بيتكرر، بعمل بوست مجمع بالإجابة عشان يكون مرجع للجميع. فيا ريت قبل ما تبعتوا على الخاص، راجعوا البوستات اللي زي ده، وإن شاء الله هتلاقوا إجابة سؤالك فيها. ❤️ ❓ لو نزلي رقم قيد، لكن اسمي مش موجود في كشف الجلسة، أعمل إيه؟ 📌 الحالة الأولى: لو وصلتك رسالة بميعاد الجلسة، روح واحضر، وإن شاء الله تستلم الكارنيه. 📌 الحالة الثانية: لو اسمك مش موجود في الكشف، ومفيش رسالة وصلتك، فأنصحك (وطبعًا ليك حرية الاختيار) لو أنت من محافظة بعيدة، بلاش تروح من نفسك، خصوصًا بعد اللي حصل في آخر جلسة. ولو حضرتك مُصر تروح، حاول تكون موجود بدري، لأن لما بيكون العدد كبير، الأولوية بتكون غالبًا للي وصلتهم رسالة أو أسماؤهم موجودة في الكشف. ❓ وصلتلي رسالة أو لقيت اسمي في كشف الجلسة، لكن أنا أصلًا محضرتش المقابلة الشخصية. دي غلطة اتكررت أكتر من مرة. لو حضرتك محضرتش المقابلة، يبقى ملفك لسه متسلمش، وبالتالي لسه متقيدتش، فحتى لو نزل اسمك في الكشف أو وصلتك رسالة، مش هتقدر تحلف اليمين. ❓ فاتتني جلسة حلف اليمين، أعمل إيه؟ تقدر تحضر أي جلسة بعدها عادي، وغالبًا اسمك مش هينزل في كشف جديد. ❓ عندي ظرف ومش هقدر أحضر الجلسة. مفيش مشكلة، احضر الجلسة اللي بعدها. ❓ لو مروحتش الجلسة، أقدر أروح أستلم الكارنيه في أي وقت؟ لا، لازم تحضر جلسة حلف اليمين أولًا، لأن استلام الكارنيه مرتبط بحلف اليمين. يعني مينفعش تستلمه من النقابة الفرعية أو من النادي في أي يوم مفيش فيه جلسة. ❓ هل الروب إجباري؟ لا، الروب مش شرط لحضور الجلسة، وتقدر تحضر من غيره عادي. المهم يكون اللبس فورمال، وبالنسبة للبنات غالبًا مش بيدققوا أوي. ⚠️ نصيحة مهمة جدًا بعد ما تستلم الكارنيه، راجع كل بياناتك كويس قبل ما تمشي، خصوصًا الاسم والعنوان، لأن أحيانًا بيكون فيه أخطاء، ولو اكتشفتها وقتها هتقدر تطلب تصحيحها ويطبعولك كارنيه جديد بالبيانات الصحيحة. 📸 ونصيحة كمان: ياريت لو تقدروا، خدوا معاكم صورة شخصية احتياطي، لأن أحيانًا الكارنيه بيحتاج صورة. ولو معاكش صورة، مفيش مشكلة، روح عادي. 💰 ولو إيصال الدفع مش معاك، برضه مفيش مشكلة، ومش هتدفع أي رسوم تاني. لو فيه أي سؤال مجاوبتش عليه، اكتبوه في التعليقات وإن شاء الله هرد عليه. 🩷 ياريت تعملوا شير للبوست عشان يوصل لكل زميل عنده جلسة حلف يمين، ويمكن يفيد حد بيدور على إجابة لسؤاله. ❤️ ربنا يوفقكم جميعًا، ويجعلها بداية خير عليكم يا أساتذة. 🤍⚖️

أسئلة جديدة اتسألت في آخر مقابلة ⚖️ 🔻التدابير الاحترازية التعريف: هي إجراءات قانونية مؤقتة تتخذها المحكمة أو النيابة لحماية شخص، أو ممتلكات، أو المجتمع من خطر محتمل، وذلك قبل صدور الحكم النهائي في القضية. الغرض منها: - حماية المجتمع من أي ضرر محتمل. - حماية حقوق الأشخاص والأطراف المتنازعة. - منع تكرار الجريمة أو هروب المتهم. أمثلة شائعة: 1. منع المتهم من الاقتراب من المجني عليه. 2. الحجز على ممتلكات شخص لحين الفصل في القضية. 3. الحبس الاحتياطي للمتهم إذا كان هناك خطر من هروبه أو تكرار الجريمة. 📌 إيه هو التشريع؟ وإيه هو العُرف؟ وإيه الفرق بينهم؟ 🔹 أولًا: التشريع هو القاعدة القانونية المكتوبة اللي بتصدرها الدولة رسميًا (البرلمان + رئيس الجمهورية). يعني باختصار: تشريع = قاعدة مكتوبة + جهة رسمية + إلزام كامل. مثال: قانون العقوبات – قانون المحاماة – قانون الإجراءات. 🔹 ثانيًا: العُرف هو سلوك الناس اللي اتكرر لفترة طويلة لحد ما بقوا شايفينه واجب الاتباع. 📌 هل العرف مكتوب؟ لأ، هو مش مكتوب… هو ممارسة الناس واتكررت. 📌 هل العرف ملزم؟ أيوه يبقى ملزم لما تتوافر فيه 3 شروط بسيطة: ✅ شروط إلزام العُرف: 1. الاعتياد والاستقرار: يعني الناس تمارس السلوك ده لفترة طويلة وبنفس الطريقة. 2. الشعور بالإلزام: إن الناس شايفاه مش مجرد عادة… شايفاه واجب لازم يتتعمل. 3. ألا يخالف نص تشريعي: العرف يطبق لو التشريع ساكت، لكن لو في قانون… القانون هو اللي يمشي. مثال: التجار متعودين يستلموا البضاعة آخر الشهر… ده عرف ملزم لو العقد ما قالش غير كده. 🔸 الفرق بينهم بشكل بسيط: التشريع: مكتوب – رسمي – هو الأساس – ملزم بكل الأحوال. العُرف: غير مكتوب – الناس هي اللي صنعته – ملزم بشروط – ويطبق لو مفيش قانون مخالف. 📌 أولًا: تعريف عقد البيع هو عقد بين طرفين: البائع المشتري وبيحصل فيه إن البائع ينقل ملكية شيء للمشتري، والمشتري يدفع ثمن مقابل الشيء ده. يعني: بيع = نقل ملكية + مقابل مالي. مثال: شراء شقة – شراء عربية – شراء محل. 📌 ثانيًا: تعريف عقد الإيجار هو عقد بيخلي شخص ينتفع بشيء مش ملكه لمدة معينة، مقابل إنه يدفع أجرة لصاحب الحاجة. يعني: إيجار = انتفاع بشيء + مدة + أجرة. مثال: إيجار شقة – مكتب – محل تجاري – عربية إيجار. 🔸 الفرق بين عقد البيع وعقد الإيجار (ببساطة): 1. من ناحية الملكيه البيع: المشتري يبقى مالك الحاجة. الإيجار: المستأجر مش مالك… هو بس بيستعملها. 2. من ناحية المدة البيع: ملكية نهائية وما فيهاش مدة. الإيجار: لازم مدة محددة (شهر – سنة…). 3. من ناحية المقابل البيع: ثمن بيتدفع عادة مرة واحدة أو على أقساط. الإيجار: أجرة بتتدفع بشكل دوري (شهري/سنوي). 4. من ناحية الرجوع البيع: ما ينفعش البائع يرجع في البيع بعد تمامه إلا بشروط خاصة. الإيجار: العقد بينتهي بانتهاء المدة، أو بتوافر سبب قانوني للفسخ. 📌 يعني إيه القاعدة القانونية؟ وبتتقسّم لإيه؟ (من أسئلة المقابلة) يا جماعة ده من الأسئلة اللي بتتكرر كتير في المقابلات، فخلّيه ثابت معاكم 👇 أولًا: يعني إيه القاعدة القانونية؟ ببساطة… القاعدة القانونية هي نص ملزم بتحطه الدولة علشان ينظّم سلوك الناس في المجتمع. يعني تقولك: تعمل إيه؟ وممنوع تعمل إيه؟ ولو خالفتها… في جزاء. 🔹خصائص القاعدة القانونية: 1️⃣ قاعدة عامة ومجردة: مش معمولة لشخص بعينه… لكن لأي حد هيقع في نفس الموقف. مثال: "كل من يسرق…" → ده يشمل الكل. 2️⃣ قاعدة ملزمة: مش اقتراح… لازم تتطبق. ومخالفتها يترتب عليها جزاء. 3️⃣ قاعدة اجتماعية: هدفها تنظيم المجتمع والمعاملات بين الناس… زي البيع، الإيجار، المرور، الأسرة، العمل… إلخ. 4️⃣ قاعدة سلوك خارجي: القانون بيهتم بالتصرف اللي ظهر قدام الناس… مش بالنية الداخلية. 🔸ثانيًا: أنواع القواعد القانونية ✨ 1) القواعد الآمرة (الإجبارية) دي القانون بيقولك: ممنوع تخالفها حتى لو اتفقت مع أي حد على عكسها… الاتفاق باطل. ✔️ بتحمي النظام العام ✔️ بتحفظ حقوق الناس ✔️ وتضمن الاستقرار مثال: – مينفعش تتفق مع حد على إسقاط مسؤوليته الجنائية. – مينفعش تبيع حاجة القانون مانع بيعها. ✨ 2) القواعد المكملة (الاختيارية) القانون بيسيب مساحة للطرفين يتفقوا… ولو مفيش اتفاق، القانون يتدخل كحل جاهز. ✔️ يجوز مخالفتها ✔️ بتنظم التعاملات ✔️ وبتدي حرية أوسع للمتعاقدين مثال: – ميعاد تسليم المبيع → لو اتفقوا على ميعاد معيّن خلاص هو اللي يمشي. – طريقة دفع الإيجار → أسبوعي؟ شهري؟ مقدم؟ براحتهم. 📌 الفرق بينهم في كلمتين: الآمرة: ❗ لازم تتطبق ❗ مش مسموح نخالفها ❗ مخالفتها تبطل التعاقد المكملة: ✔️ نقدر نغيّرها باتفاق بين الطرفين ✔️ القانون بيتدخل بس لو مفيش اتفاق ✔️ مخالفتها لا تبطل العقد

أسباب سقوط العقوبة ؟ سقوط العقوبة يعني إن المتهم ما بيتعاقبش على الجريمة، وده بيحصل لأسباب محددة في القانون: 1️⃣ وفاة المحكوم عليه لو الشخص مات قبل تنفيذ العقوبة → العقوبة بتسقط، لأن العقوبة شخصية ومينفعش تتنفذ بعد الوفاة. 2️⃣ العفو أو الإعفاء من العقوبة العفو الرئاسي أو التشريعي يشيل العقوبة تماما. كمان القانون أحيانا يعفي من العقوبة في حالات معينة حسب نصوص محددة. 3️⃣ انقضاء العقوبة بالتقادم لو مر وقت معين من صدور الحكم أو من وقوع الجريمة من غير تنفيذ العقوبة → العقوبة بتسقط. المدد حسب نوع الجريمة: الجنايات: 20 سنة من الحكم النهائي عقوبة الإعدام: 30 سنة الجنح: 5 سنوات المخالفات: سنتين 4️⃣ إسقاط العقوبة بحكم القانون زي بعض الجرائم اللي القانون بيقرر فيها إسقاط العقوبة لما يحصل تصالح أو تنازل من المجني عليه. 5️⃣ التوبة أو الوفاء بالتزامات قانونية في بعض الحالات، إذا الشخص تاب أو دفع تعويضات، القانون ممكن يسقط العقوبة أو يخففها. ملخص سريع : وفاة المحكوم عليه – العفو أو الإعفاء – التقادم (20 سنة جنايات، 30 سنة إعدام، 5 سنوات جنح، سنتين مخالفات) – إسقاط بحكم القانون – التوبة أو الوفاء بالالتزامات

⏳ البوست المنتظر… إيه هو معهد المحاماة؟ بما إن دلوقتي فتحوا باب التسجيل إلكتروني 👩🏻‍💻 خليني أوضحلكم الصورة كاملة علشان الدنيا متتلخبطش 👇 أولًا 👇 الكلام ده هو نظام المعهد بشكل عام ولو حصل أي تعديل في النظام أو طريقة التنفيذ هبلغكم فورًا إن شاء الله. ✅ معهد المحاماة هو خطوة أساسية لازم تعدي بيها علشان تقدر بعد كده تحول من جدول عام لابتدائي. ⏳ مدته 6 شهور 📍 مكان الدراسة بيكون في النقابة الفرعية ولو المبنى صغير أحيانًا بيكون في كلية حقوق. 📚 نظام الحضور يوم واحد في الأسبوع نسبة حضور 75% تسجيل إلكتروني للحضور والغياب 💻 وفي احتمال يكون جزء من المحاضرات أونلاين (لكن ده لسه مش مؤكد، وكل فرعية ليها تنظيمها) 📌 مهم تعرف إن المنهج واحد في الأساس لكن طريقة التنظيم والمواعيد ممكن تختلف من فرعية للتانية. 📝 وفي النهاية امتحان بسيط جدًا، متقلقش منه. 💰 الرسوم إنت بالفعل دفعت رسوم المعهد ضمن رسوم القيد. 🔔 أسئلة مهمة: ❓ المعهد بدأ؟ ➡️ التسجيل اتفتح إلكتروني، لكن لسه متحددش ميعاد البداية الفعلي بشكل نهائي. ❓ هيكون فين؟ ➡️ في كل النقابات الفرعية، مش في مكان واحد . ❓ المواعيد إمتى؟ ➡️ يوم واحد في الأسبوع (حسب تنظيم كل فرعية). ❓ معايا دبلومتين أو ماجستير؟ ➡️ تقدر تحول بعد سنة بدل سنتين. ⚠️ وبرضه لازم تحضر وتنجح في المعهد. 📢 أول ما يتم الإعلان عن ميعاد البداية الرسمي أو أي تعديل في النظام هقولكم فورًا. متقلقوش 🤍 أسماء سامي 🖋️ https://t.me/Tanta2003

أغلبنا هيقرأ سورة البقرة النهاردة، بس عمرك سألت نفسك عن سبب نزولها أو تسميتها أو ترتيبها في بداية المُصحف؟ الجزء الأول في السورة بيفهّمنا دورنا هنا في الدنيا، وبيحكيلنا عن أهم قضية في السورة وهي الاستخلاف في الأرض، يعني لمَّا ربنا يستخلفك في مكانٍ ما، أو بقيت مدير أو تزوَّجت أو مَسكت منصب أو مسؤولية، هااا هتنفذ أوامر ربنا وترضيه ولا هتبيع ضميرك وتشغَّل دماغك وتخالف أوامره! وربنا عرض لينا ٣ نماذج بشرية، استلموا المهمة قبلنا واتصرفوا فيها بطُرق مُختلفة، ركّز جدًا علشان أنت واحد منهم: ١. النموذج الأول - أبي وأبوك آدم عليه السلام: سيدنا آدم -عليه السلام- هو النسخة البشرية اللي بتمثلنا كلنا، لمَّا الشيطان نجح في إغواء آدم وحواء وفِضل يوسوس ليهم لحد ما عَصوا ربنا وأُهبطوا إلى الأرض بعد ما كانوا مُنعمين في الجنة. لحد هنا القصة عادية، بس اللقطة المهمة هي إن آدم مبررش الغلط ومكابرش، آدم انكسر لله بكل تواضع وقال: (رَبَّنَا ظَلَمْنَا أَنفُسَنَا). ربنا مش مُنتظر منك تكون ملائكي مابيغلطش، لكن مطلوب منك تعترف وترجع، وخلّي بالك محدش كبير على الفتنة، وإذا كان سيدنا آدم اللي كان في الجنّة زلّت قدماه، يبقى إحنا لازم نمشي على طراطيف صوابعنا، والتوبة هي "ريستارت المؤمن" اللي كل ما يُذنِب لازم يدوس عليه. ٢. النموذج التاني - قوم موسى: دول بقى سبب تسمية السورة أصلاً، والقصة بدأت لمّا حصلت جريمة إزهاق روح غامضة بينهم، وأهله بدأوا يدوَّروا على الفاعل، والدنيا اتقلبت بس مفيش أي دليل، فراحوا لسيدنا موسى يسألوه نعمل إيه؟ فسيدنا موسى سأل ربنا، فربنا أوحى بحل عجيب جدًا: وهو إنهم يقدّموا بقرة ويضحّوا بيها؟ إيه علاقة البقرة بكشف الجريمة؟ دا فخ واختبار، القوم دول كان في قلبهم مرض قديم وهو حب "العِجل" اللي عبدوه زمان، فكان لازم يكسروا الصنم ده جواهم وينفذوا أمر الله. ​لكن هم عملوا إيه؟ بدل ما يقولوا "سمعنا وأطعنا" ونجيب أي بقرة وننجز، لاء دخلوا في دوامة جدال، طيب هي إيه؟ طب عندها كام سنة، طيب لونها إيه، طيب بتشتغل إيه؟ وكل ما يجادلوا، ربنا يصعّب عليهم الأوصاف أكتر، لحد ما ألزموا نفسهم بمواصفات تعجيزية ومُكلفة ونادرة جدًا، والمشكلة إن جدالهم مكانش في البقرة بس، دول أصلاً حياتهم كلها كانت كدا، شوف مثلاً بعض النِّعم اللي ربنا أكرمهم بيها: - نجّاهم من "آل فرعون" بعد ما كانوا عبيد. - عفا عنهم وتاب عليهم بعد ما عبدوا العجل. - شقّ ليهم البحر، ونجّاهم مع موسى من الغرق بمعجزة. - ظلَّل عليهم الغمام في الصحراء الملتهبة من حرارة الشمس. - نزَّل عليهم المن والسلوى، يعني أكل وشرب مُلوكي. - أخرج ليهم عيون الماء من الحجر. تخيّل بقى رد فعلهم على الكرم دا كان إيه؟ أكيد ءامنوا جامد جدًا جُمّيدة 🙂 بس المفاجأة.. - أول ما سيدنا موسى غاب عنهم شوية؛ عبدوا العجل. - قالوا لن نؤمن لك حتى نرى الله جهرة! - بدلوا كلام ربنا وغيّروا الأوامر. - رفضوا الأكل الكريم الطيّب، وطلبوا عدس وبصل وتوم! - قالوا لموسى: اذهب أنت وربُّك، إحنا مالناش في التكاليف دي. قبل ما تحكم عليهم، اسأل نفسك وتعالى نُكاشف نفسنا، يمكن فينا صفات منهم وإحنا مش واخدين بالنا ولا حاجة: كام مرة عملت زيهم وماكنتش قد المسؤلية؟ كام مرة ربنا أعطاك ووَسَّع عليك وقابلت النعمة بالمعاصي؟ كام مرة أنقذك من كارثة مُحققة وبعد ما قومت نسيت فضلُه؟ كام مرة عاهدت ربنا إنك هتتوب ونقضت العهد؟ كام مرة ربنا أعطاك من فضله ومأعطتش الفقراء؟ كام مرة استبدلت القرآن بالأغاني والمُسلسلات؟ كام مرة استبدلتي العفاف والحجاب بالتبرج والزينة؟ كام مرة استبدلت الذي هو أدنى بالذي هو خير؟ كام مرة أخدت من الدين اللي يمشي مع هواك؟ النموذج دا هو أسوء نموذج بشري، وربنا حكالنا قصتهم بالتفصيل، علشان نفتكر إن العناد والفهلوة مع ربنا آخرتها وحشة جدًا. ​٣. النموذج التالت - سيدنا إبراهيم: لمّا ربنا وجّه ليه الأمر، لا سأل ليه؟ ولا إزاي؟ ولا إمتى؟ ولا إشمعنى أنا؟ (إِذْ قَالَ لَهُ رَبُّهُ أَسْلِمْ ۖ قَالَ أَسْلَمْتُ لِرَبِّ الْعَالَمِينَ)، نجح في كل الاختبارات، حتى الاختبارات النفسية والأُسرية زي مثلاً: (ترك أهله في الصحراء - رؤيا إسماعيل)، كل دا نجح فيه وكان دايمًا مُستسلِم للأوامر الإلـٰهية، علشان كدا كان هو الخليفة والنموذج القدوة. المطلوب منك وأنت بتقرأ النهاردة، تدوَّر في قلبك على البقرة أو الفهلوة أو العناد أو الذنب اللي محتاج تضحي بيه فورًا علشان ربنا يحيي قلبك مرة تانية، وحرفيًا سورة البقرة منهج حياة، وشعارنا فيها هو (سمعنا وأطعنا).....

لو موظف عام ظلمك المفروض تعمل أي ✅ أولًا: تحديد نوع الظلم هل الظلم إداري؟ (زي نقل تعسفي، جزاء ظالم، خصم بدون سبب، تجاهل ترقيات...) هل فيه شبهة فساد أو رشوة؟ هل فيه تعدٍ بدني أو سبّ وقذف؟ هل فيه تعنت أو تعطيل لمصالحك عمداً؟ --- ✅ ثانيًا: الطرق القانونية للتحرك 1. الشكوى الإدارية تقديم شكوى لرئيسه المباشر أو مدير المؤسسة. أو تقديم شكوى إلى النيابة الإدارية، لأنها الجهة المختصة بالتحقيق في مخالفات الموظفين العموم. العنوان: مقرها في كل محافظة. أو من خلال الموقع الرسمي أو البريد. 2. البلاغ للنيابة العامة (لو فيه شبهة جريمة جنائية) لو الموظف ارتكب: تعدّي بدني سبّ أو قذف تلاعب أو تزوير في أوراق رسمية طلب رشوة أو ابتزاز وقتها تقدر تقدم بلاغ في قسم الشرطة أو مباشرة للنيابة العامة. 3. دعوى أمام المحكمة الإدارية لو اتخذ ضدك قرار إداري ظالم (نقل - فصل - خصم - حرمان من ترقية): تقدم دعوى إلغاء قرار إداري أمام محكمة القضاء الإداري (تابعة لمجلس الدولة). خلال 60 يوم من تاريخ علمك بالقرار. لازم يكون معاك مستندات تثبت إن القرار فيه تعسف أو فيه خطأ. 4. طلب تعويض لو ترتب على الظلم ضرر مادي أو نفسي، تقدر ترفع دعوى تعويض أمام: مجلس الدولة لو الضرر ناتج عن قرار إداري. المحكمة المدنية لو الضرر مش إداري (زي التشهير أو التعدّي). --- ✅ ثالثًا: مستندات تقوي موقفك صور من القرارات أو المخالفات شهود على الواقعة محاضر رسمية (إن وجدت) أي مراسلات رسمية أو ردود تثبت الظلم --- ✅ رابعًا: تقدر تشتكي لجهات رقابية الجهاز المركزي للمحاسبات (لو فساد مالي) هيئة الرقابة الإدارية مجلس النواب (تقديم شكوى للجان المختصة) المجلس القومي لحقوق الإنسان لو فيه انتهاك واضح ---

الدعاوي اللي بتترفع علي الزوج. 😅 1_ نفقة زوجية 2_ نفقة صغار 3_ منقولات زوجية شاملة الذهب 4_ نفقة عدة 5_ مطالبة متعة 6_ مؤخر الصداق 7_ تمكين من مسكن زوجيه 8_ اجر حضانة 9_ ملابس صيف وشتاء 10_ مصاريف دراسية 11_ مصاريف علاج 12_ اجر رضاعه 13_ اجر حمل مستكن 14_ زيادة نفقة 15_ اجر مسكن 16_ ضم صغير 17_ ولاية تعليمية 18_ اعتراض طاعة 19_ خلع 20_ نفقة اقارب 21_ أثبات نسب 22_ أثبات طلاق 23_ أثبات زواج عرفي 24_ فرش وغطاء 25_ الطلاق بأنواعه 26_ طلاق لعدم الانفاق 27_ طلاق للضرر و خلع 28_ طلاق للعجز 29_ طلاق للجنون 30_ طلاق للغيبة 31_ طلاق لزواجة بأخرى 32_ نفقه بدل تدريبات ............ دعاوي_الزوج 1_رؤية وبيشوفهم مرة في الأسبوع 2_طاعة وبيخسرها في أول جلسة والاخر يقولوا الست غلبانه و مكسوره الجناحالجناح https://t.me/Tanta2003

مهم🤍

ملتقي تجمع محامين طنطا pinned «# البوست التفصيلي بخصوص اعلان هيئة قضايا الدولة دفعة 2024 . الشروط العامة للتقديم: 🔹 أن يكون المتقدم أو المتقدمة مصري الجنسية. 🔹 أن يكون المتقدم من دفعة 2024 فقط (لا يقبل دفعات سابقة أو لاحقة). 🔹 الحد الأدنى للتقدير: جيد. ❌ غير مسموح بتقدير مقبول. 🔹 الحد الأقصى…»

# البوست التفصيلي بخصوص اعلان هيئة قضايا الدولة دفعة 2024 . الشروط العامة للتقديم: 🔹 أن يكون المتقدم أو المتقدمة مصري الجنسية. 🔹 أن يكون المتقدم من دفعة 2024 فقط (لا يقبل دفعات سابقة أو لاحقة). 🔹 الحد الأدنى للتقدير: جيد. ❌ غير مسموح بتقدير مقبول. 🔹 الحد الأقصى للسن: 30 سنة وقت آخر يوم للتسجيل الإلكتروني. 🔹 اجتياز الفحص الطبي والتحريات وجميع الاختبارات المقررة. طريقة وخطوات التقديم: الخطوة الأولى: التقديم الإلكتروني يبدا من 13/12/2025 حتي 1/1/2026. يتم التقديم مبدئيًا عبر الموقع الرسمي للهيئة، وملء جميع البيانات المطلوبة حتى الدرجة الرابعة، وتشمل: ✔ البيانات الشخصية ✔ بيانات الأسرة ✔ بيانات المؤهل الدراسي ✔ رفع المستندات المطلوبة إلكترونيًا ✔ سداد رسوم التقديم المقررة عبر وسائل الدفع الإلكترونية مبلغ 3000 الف جنية فقط لاغير . 🔗 الموقع الرسمي للتسجيل: https://sla.gov.eg/ الخطوة الثانية: التقديم الورقي بعد الانتهاء من التسجيل الإلكتروني واستلام رقم الطلب، يتم التوجه إلى المقر الرئيسي للهيئة في المواعيد المحددة لاستلام ملف التعيين واستكمال المستندات المطلوبة. ملحوظات مهمة: ⚠ التقديم متاح للذكور والإناث. ⚠ يجب التأكد من صحة البيانات المرفوعة إلكترونيًا، لأن أي خطأ قد يؤدي لاستبعاد الطلب. ⚠ لا يُقبل أي طلب خارج المواعيد المحددة أو من دفعات أخرى. https://www.facebook.com/groups/412870742591789/?ref=share_group_link

إعلان هيئة قضايا الدولة عن قبول طلبات التعيين في وظيفة مندوب مساعد من خريجي وخريجات دفعة ٢٠٢٤ التقديم علي الموقع من يوم ١٣/ ١٢/ ٢٠٢٥ ثم استلام الملف من نادي مستشاري قضايا الدولة بالزمالك بالتوفيق للجميع اللينك هينزل يوم 13 خاص بالتقديم ☑️ https://www.facebook.com/groups/412870742591789/?ref=share_group_link

الف مبروك لدفعة 2024 فتح باب التقديم في هيئة قضايا الدولة بدءً من 13/12/2025 حتي ١/١/٢٠٢٦✅https://t.me/Tanta2003

ملتقي تجمع محامين طنطا pinned Deleted message

Channel photo updated

Channel photo updated

Channel photo updated

Channel photo updated