تيم لتداول الأوراق المالية والسندات 📈📉📊💵

⚠️ تباين أداء المؤشرات الأميركية بختام جلسة التداول في #وول_ستريت مع ارتفاع S&P 500 وناسداك بدعم من تقرير التضخم الأميركي المعتدل ومكاسب قطاع التكنولوجيا بقيادة شركتي CoreWeave وSuper Micro Computer المتخصصتين في الذكاء الاصطناعي 📌 مؤشر #Dow_Jones يغلق على استقرار 📌 مؤشر S&P 500 يغلق على ارتفاع بنسبة 0.26% 📌 مؤشر #Nasdaq يصعد بنحو 0.54%

🚨 أخطر جملة ممكن تقولها في البورصة: "السهم ده رخيص عشان سعره قليل". سهم بـ 6 جنيه مش بالضرورة أرخص من سهم بـ 60 جنيه! ليه؟ 🤔 لأنك في البورصة مش بتشتري مجرد رقم ظاهر على الشاشة… إنت بتشتري حصة في شركة. وعشان تعرف السهم رخيص ولا غالي فعلًا، لازم تسأل: 💡 أنا بدفع السعر ده مقابل قيمة قد إيه؟ وهنا بيظهر واحد من أشهر مؤشرات التقييم: 📊 مكرر القيمة الدفترية P/B وهو ببساطة بيقارن بين سعر السهم في السوق والقيمة الدفترية للسهم. يعني بيساعدك تعرف: السوق بيسعّر الشركة بكام مقارنة بصافي أصولها؟ على سبيل المثال: لو سهم قيمته الدفترية 20 جنيه وسعره في السوق 14 جنيه، يبقى: P/BV = 0.7 وده معناه إن السهم بيتداول عند 70% تقريبًا من قيمته الدفترية. وهنا المستثمر ممكن يتحمس ويقول: 🔥 "فرصة… الشركة بتتباع بأقل من قيمة أصولها!" لكن استنى شوية… ⚠️ مكرر قيمة دفترية منخفض مش معناه تلقائيًا إن السهم رخيص أو فرصة شراء. لأن السؤال الأهم مش: P/BV كام؟ لكن: ❓️ ليه السوق مدي الشركة المكرر ده؟ ممكن يكون التقييم منخفض بسبب: 📉 تراجع الأرباح ⚠️ ارتفاع المخاطر 🏚️ ضعف جودة بعض الأصول 📊 انخفاض العائد على حقوق المساهمين 🔻 توقعات نمو ضعيفة 🏢 مشاكل في الإدارة أو النشاط نفسه يعني أحيانًا السوق بيقدم لك خصم حقيقي… وأحيانًا بيقدم لك تحذير متخفي في شكل خصم⚠️ ⚠️وده اللي بنسميه أحيانًا: Value Trap – فخ القيمة. وفي الاتجاه العكسي… شركة بتتداول عند P/BV مرتفع مش شرط تكون غالية أو مبالغ في تقييمها. لو الشركة قادرة تحقق أرباح قوية، وتستخدم حقوق المساهمين بكفاءة، وعندها عائد مرتفع ومستدام على رأس المال، فمن الطبيعي إن السوق يكون مستعد يدفع لها تقييم أعلى. 📑 وهنا قاعدة مهمة جدًا: مش المهم الشركة عندها أصول بكام… المهم بتعرف تعمل إيه بالأصول دي. شركة عندها أصول ضخمة لكن مش بتولد منها أرباح كويسة، ممكن تستحق تقييم منخفض. وشركة أصولها أقل لكنها بتستخدم رأس المال بكفاءة عالية، ممكن تستحق مكرر أعلى. علشان كده الأفضل تربط الـ P/B بمؤشرات تانية، أهمها: ✅ الربحية ✅ العائد على حقوق المساهمين ROE ✅ جودة الأصول ✅ مستوى الديون والمخاطر ✅ قدرة الشركة على النمو ✅ مقارنة المكرر بشركات نفس القطاع 🏦 وبيكون مكرر القيمة الدفترية أكثر فائدة في الشركات اللي الميزانية والأصول جزء أساسي من طبيعة نشاطها، زي: • البنوك والخدمات المالية • الشركات العقارية • بعض الشركات الصناعية • مواد البناء • بعض الشركات كثيفة الأصول أما شركات التكنولوجيا والخدمات وبعض الشركات المعتمدة على العلامات التجارية والأصول غير الملموسة، فغالبًا الاعتماد على P/B وحده مش هيعطيك الصورة الكاملة. 🧠 اختبر نفسك: قدامك شركتين في نفس القطاع: الشركة الأولى: P/BV = 0.6 الشركة الثانية: P/BV = 1.8 هل تشتري الأولى فورًا لأنها "أرخص"؟ 👀 الإجابة الصح: مش قبل ما تعرف سبب فرق التقييم. 🎯 الخلاصة: ما تدورش على أقل سعر… وما تدورش حتى على أقل P/BV وخلاص. 💥دور على الشركة اللي سعرها جذاب مقارنة بجودة أصولها، أرباحها، كفاءتها ومستقبلها. 💯لأن المستثمر الأفضل مش اللي يعرف إن السهم رخيص… المستثمر الأفضل هو اللي يعرف: ليه رخيص؟ وهل يستحق فعلًا يكون رخيص؟ 📊 #تداول_مع_تيم

تترقب الأرض كسوفًا كليًا للشمس غدا الأربعاء الموافق 12 أغسطس 2026 وتبلغ أطول مدة للكسوف الكلي نحو دقيقتين و18 ثانية قبالة الساحل الغربي لأيسلندا، في حين يمثل هذا الحدث أول كسوفآ كليآ تشهده إسبانيا منذ عام 1905، وأول كسوفآ كليآ يُرى في أوروبا منذ عام 2006.

دعوم ومقاومات 12 اغسطس 2026(1).pdf