𝗔𝗥𝗘𝗔 7 ™

بعد إصابة لاعب كندا المرعبة مبارح الكل عم بحكي عن "الصفارة الخضراء" الي استخدمها وشو هي "الصفارة الخضراء" هى جهاز استنشاق بتحتوي على دواء "بنثروكس" وهو مسكن سريع المفعول لتخفيف الآلام الحادة سموه الصفارة الخضراء لانو بيشبه الصفارة وبسبب الصوت الي بيصدره وقت الاستخدام بيساعد هاد الدوا على تخفيف الألم فوراً بدون فقدان الوعي - AREA 7 -

حابين نحكي عن بوستات من اقتراحاتكم ابعتولنا برسايل القناة شو بدكم 📥 - AREA 7 -

متلازمة النقل بين التوائم هي حالة بتصير بالحمل بتوأم متماثل مشتركين بنفس المشيمة المشكلة الأساسية ان في أوعية دموية داخل المشيمة بتربط بين التوأمين بس هالأوعية أحياناً بتكون مو متوازنة النتيجة ان الدم بينتقل من توأم للتاني بشكل غير طبيعي • في توأم بيسموه المانح هذا بيخسر دم بشكل مستمر فبيصير حجمه أصغر ونموه أبطأ وكمية السائل الأمنيوسي حواليه بتكون قليلة • والتوأم الثاني بيسموه المستقبل هذا بياخد دم زيادة فبيصير عنده زيادة بحجم الدم وقلبه بيتحمل جهد أكبر وممكن تتراكم السوائل حواليه يعني الحالة مو بس فرق بسيط بل هي اختلال بالدوران الدموي بين التوأمين السبب الحقيقي هو وجود اتصالات وعائية مو متوازنة داخل المشيمة الحالة ممكن تتطور بسرعة إذا ما انكشفت ولهاد السبب بتحتاج متابعة دقيقة وأحياناً تدخل طبي لتعديل هالاتصالات - AREA 7 -

“التجاهل البشري” ممكن يكون أخطر من الجريمة نفسها 🧬 قصة Hinterkaifeck سنة 1922 بألمانيا حدثت بمزرعة معزولة جدًا شمال ميونيخ 🏡 كان فيها 6 أشخاص: الأب، الأم، الابنة الأرملة، طفلين صغار، وخادمة. قبل الجريمة بأيام بدأت إشارات ما إلها تفسير واضح: آثار أقدام طالعة من الغابة وراجعة على البيت ثم تختفي في الثلج 👣 أصوات خطوات من السقف كأن في حدا ساكن فوقهم 🪵 أدوات بتختفي من البيت وبترجع مكانها بشكل غريب الابنة لاحظت شخص غريب قريب من المزرعة… لكن تم تجاهله واعتبارها مجرد وساوس 🧠 بس بعد أيام، حصلت الجريمة 💀 تم العثور على: الأب والأم الابنة الأرملة والطفلين والخادمة كلهم داخل المزرعة، مقتولين بطريقة وحشية باستخدام أداة زراعية (فأس) 🪓 وتم استدراجهن واحدًا تلو الآخر لداخل الحظيرة بدل ما تكون الجريمة لحظية على الجميع. الأكثر رعبًا في التحقيق: في دلائل قوية إن القاتل لم يغادر مباشرة بعد الجريمة… بل بقي داخل المزرعة لفترة 🏚 أكل من الطعام الموجود اعتنى بالحيوانات تحرك داخل المكان بشكل طبيعي كأنه “أصبح صاحب البيت المؤقت” بعد ما قتل أصحابه حتى الحيوانات في المزرعة كانت هادئة بشكل غريب، وكأنها لم تدرك ما حصل 🧠 ورغم التحقيقات والاستجوابات لاحقًا، تم الاشتباه بعدة أشخاص والتحقيق كان على مستوى كبير جدًا لكن كل المشتبهين تقريبًا تم استبعادهم لاحقًا بسبب غياب الأدلة المباشرة أو تناقض الشهادات. ⚖️ النتيجة: لا اعتراف لا دليل قاطع ولا هوية مؤكدة للقاتل ومع الوقت تم إغلاق الملف رسميًا، لتبقى واحدة من أشهر القضايا غير المحلولة في ألمانيا. ورغم كل التحقيقات… القضية ما بتخوف لأنها غامضة بس بل لأنها بتترك إحساس واحد: إن كل الإشارات كانت موجودة… بس ما حدا ربطها ببعض 🌫. - AREA 7 -

ليش أحيانا بتنسى أشياء مهمة وبنفس الوقت بتتذكر أشياء تافهة من سنين مثلا بتنسى وين حطيت المفاتيح قبل ساعة أو بتنسى اسم شخص تعرفت عليه اليوم لكن ممكن تتذكر موقف صغير صار معك بالمدرسة من عشر سنين أو أغنية سمعتها مرة وحدة وبقيت ببالك السبب إنو الدماغ ما بيحفظ المعلومات حسب أهميتها بالنسبة إلنا الدماغ عنده طريقة مختلفة تماما هو بيتذكر الأشياء اللي فيها شعور قوي أو الأشياء الغريبة أو الأشياء اللي صارت بطريقة مميزة مثلا موقف محرج أو موقف مضحك أو لحظة خوف هي اللحظات غالبا بتبقى بالذاكرة لأن الدماغ اعتبرها تجربة مهمة بينما أشياء مثل وين حطيت الموبايل أو اسم شخص تعرفت عليه بسرعة الدماغ ما بيعطيها نفس الأهمية الشي الغريب كمان إنو الدماغ مو مصمم يتذكر كل شيء بالعكس النسيان جزء طبيعي من طريقة عمله الدماغ دائما عم يحذف معلومات كثيرة حتى يضل قادر يركز ويفكر بسرعة ببساطة الدماغ مو مكتبة بتخزن كل شيء هو مثل فلتر بيحتفظ بالأشياء اللي يعتبرها مميزة وبيترك الباقي يختفي مع الوقت لهيك ممكن تنسى شيء صار اليوم لكن تتذكر موقف صغير صار قبل عشر سنين - AREA 7 -

The albatross - طائر القَطرس 🪽★ – من أجمل الطُيور المُهددة بالانقراض 🩶 يقضي معظم حياته في السّماء مُحلقاً، قد يصل طول أجنحته إلى 6 متر مما يمكنه من السفر لآلاف الكيلومترات ويجعله من أكبر الطيور في العالم. يستطيع الطيران لمسافات تصل إلى 10,000 كلم دون توقف على ارتفاع يقارب 15,000 قدم مما يساعده على تجنب العواصف🪾🌊 يبلغ متوسط عمر طائر القطرس حوالي 50 عامًا او أكثر ويستطيع التكيف مع العيش بالمناطق القطبية والمتجمدة ❄️ – المعلومة الألطف عنه: يختار ذكر القطرس شريكة واحدة له طوال حياته، يطيران ويجوبان السّماء دوماً برفقة بعضهما ❤️🎈 تضع إناث القطرس بيضة واحدة في كل موسم تكاثر ويشارك كلا الوالدين في رعاية الصغار حتى يصبحوا قادرين على الطيران 🪽🪺 – في الأدب يرمز إلى : الحظ السعيد، والروح الحرة والشريك المُخلص⚡️⭐️. - AREA 7 -

في ناس بيشربوا فنجان قهوة صغير وما بيحسنوا يناموا طول الليل وفي ناس بيشربوا فنجانين أو تلاتة وما بيتغير فيهم شي أبداً.. ممكن حتى يشربوا القهوة قبل النوم بوقت قصير ويناموا عادي كثير ناس بتفكر إنو السبب هو التعود على القهوة بس في تفسير أعمق شوي مش كل الأدمغة بتشتغل بنفس الطريقة هدول الناس جهازهم العصبي أصلاً شغال بأقصى طاقته دماغهم بحالة نشاط دائم تقريباً التفكير سريع الانتباه عالي وردة الفعل أسرع من غيرهم هالناس غالباً عندهم قدرة كبيرة على التركيز والعمل لفترات طويلة ممكن يشتغلوا ساعات متواصلة وهنن بنفس مستوى الانتباه لهيك لما يشربوا قهوة ما بيحسوا بفرق كبير مش لأن القهوة ما فيها تأثير بس لأن دماغهم أصلاً شغال بطاقة مرتفعة القهوة عادة تعطي دفعة بسيطة للنشاط الذهني بس إذا كان الدماغ أصلاً قريب من أعلى مستوى نشاط ما بيصير فرق واضح لهيك أحياناً تشوف شخص بيشرب قهوة بالليل ويكمل شغله عادي وبعدها بساعتين أو ثلاثة ينام بدون أي مشكلة لأنهم ناس الظروف المحيطة فيهم من وهنن صغار دربت جهازهم العصبي يكون بحالة قصوى دوماً - AREA 7 -

بسنة 1977 العلماء اكتشفوا شيء غريب كثيو تحت سطح البحر قرب جزر غالاباغوس المكان كان على عمق أكثر من ألفين متر الضغط هناك ضخم والضو ما بيوصل أبداً العلماء كانوا متوقعين يلاقوا قاع بحر عادي مليان طين وصخور بس بدل هيك لقوا عالم كامل من الكائنات الحية ديدان أنبوبية عملاقة طولها ممكن يوصل مترين محار وسرطانات وكائنات ما كانت معروفة قبل الغريب مش وجود الكائنات الغريب هو كيف عايشة كل الحياة على الأرض تقريباً بتعتمد على الشمس النباتات بتستخدم الضوء لتصنع الطاقة وباقي الكائنات بتعتمد على النباتات بس بهذا المكان ما في ضوء أبداً الكائنات هناك بتعتمد على شي مختلف تماماً طاقة كيميائية طالعة من فتحات بركانية بقاع البحر اسمها الفتحات الحرارية المائية من هي الفتحات بيطلع ماء كثير سخن مليان معادن وكبريت بكتيريا خاصة بتستخدم هي المواد لتصنع الطاقة وباقي الكائنات بتعيش عليها في نظام حياة كامل على الأرض ما يعتمد على الشمس أبداً الاكتشاف هاد غيّر فهم العلماء للحياة بشكل كبير وصار في احتمال أن الحياة ممكن توجد في أماكن كنا بنفكر أنها مستحيلة مثل محيطات تحت الجليد، بأقمار المشتري وزحل الفكرة الغريبة هون أن الحياة ممكن تبدأ وتستمر بدون الشمس بس اعتماداً على الكيميا والحرارة وهاد يعني أن الأماكن للي يمكن أن توجد فيها حياة بالكون ممكن تكون أكثر بكثير مما كنا مفكرين - AREA 7 -

Moon Phase on 3rd March, 2026 🌑🩶. - AREA 7 -

_ في حال ضللتَ طريقك في مجرَّة درب التَّبانة 🪐🌌 نرفق إليك خريطتك للعودة إلى الأرض 🌏 - AREA 7 -

"حاسس إني ما راجعت المحاضرة منيح." هاي الحالة بعلم النفس تُعرف باسم Illusion of Incompetence Under Stress وهي شائعة كثير بين طلاب الفروع الطبية الطالب الطبي ما بيتعامل مع الامتحان كاختبار عادي هو بيتعامل معه كمسؤولية مهنية مبكرة الخطأ عنده مش بس علامة ناقصة هو إحساس إنه "أنا ما لازم أغلط بهيك معلومة" لما يرتفع الضغط، الجسم يفرز هرمونات التوتر مثل الكورتيزول ⬅️ الدماغ ينتقل من وضعية التحليل الهادئ لوضعية التأهب ⬅️ الإحساس بالكفاءة الذاتية بينخفض حتى لو الأداء فعليًا ممتاز لهيك ممكن يصير هيك أمور • تحل نموذج كامل بدون أخطاء بس تقول لحالك "أكيد كان حظ" • ترجع تحل أسئلة كنت غلطان فيها السنة الماضية وتنجح فيها بدل ما تقول "تطورت" بتقول "يمكن صدفة" • تحفظ محاضرة كاملة بس بتخاف من سؤال بصياغة مختلفة المشكلة بهالحالة مش نقص دراسة ولا ضعف ذاكرة هي تشويش إدراكي مؤقت سببه الضغط الدماغ تحت التوتر بيميل لتضخيم الأخطاء المحتملة وتقليل قيمة الإنجازات الحقيقية الفرق الجوهري اللي لازم تنتبه له هو: "أنا ما بعرف" ≠ "أنا خايف" الأول بيحتاج دراسة الثاني بيحتاج وعي وهدوء إذا كنت عم تحس إنك مهما درست بتحس لسا ناقص ممكن يكون السبب إنك بتهتم كثير مو إنك غير كفؤ أحيانًا أكبر عائق بينك وبين ثقتك مو المقرر. بل القلق الصامت اللي عم يلبس قناع الحرص. - AREA 7 -

ليه كتار مننا بأكتر اللحظات هدوء حواليهن بيسمعوا اسمهن وكأنه حدا بناديلهن لا اتطمن الموضوع رغم إنه لوهلة مرعب بس ما اله علاقة لا بالجن 👻 ولا بالكائنات الفضائية 👾 ولا حتى بالوساوس والخيال المطلق 🌬 بل علمي بحت 🧬 اللي بصير اسمه تقريبًا Auditory misperception أو جزء من نظام التنبؤ السمعي بالدماغ 🧠 بشكل مبسّط: المخ فعليًا ما بينتظر الصوت ليحلّله هو دايمًا بيتوقّع الأصوات قبل ما تجي خصوصًا لما تكون: لحالك الجو هادي مركّز أو تعبان أو قبل النوم وقتها الدماغ بيرفع حساسيته 🌪 وأي ضجيج ضعيف (مكيّف، حركة، تنفّس، كهرباء) يحاول يركّبه على شكل مألوف. وأكثر شي مألوف هو شو؟؟ هو اسمك 🪪 ليش الاسم؟ لأن القشرة السمعية مربوطة مباشرة بمناطق الانتباه والنجاة واسمك بالنسبة للمخ = احتمال خطر أو تفاعل اجتماعي. فالدماغ يفضّل يغلط ويقول: "حدا ناداك أو إنذار كاذب" ولا يطنّش صوت ممكن يكون مهم. يعني هو ذكاء وقائي مش وهم 🤷‍♀️ القلق الوحيد يكون إذا الأصوات: صارت كثيرة جدًا واضحة ومستمرة أو تأمرك بشي غير هيك؟ طبيعي جدًا. لهيك انت ومزنوق سهران تدرس بالليل اتذكر انه الصمت ما بيكون صمت وبس كمان بكون مساحة لدماغك يختبر كل أنظمته السرية 🧘🏻‍♀️🖤. - AREA 7 -

🧠 في ناس ما أُغمي عليهم ولا مرة بحياتهم هل هاد حظ؟ ولا في شي أعمق عم يشتغل بهدوء في لحظات الخوف الشديد، الألم القوي، الوقوف الطويل، أو حتى منظر الدم ناس بتوقع وبتدوخ وناس بتضل واقفة عادي ❓ هل كل الأجسام تتعامل مع الصدمة بنفس الطريقة؟ 🧠 الجهاز العصبي اللاإرادي هو المسؤول عن • ضربات القلب • ضغط الدم • التنفس • تروية الدماغ هو اللي بيقرر خلال أجزاء من الثانية تضل واعي؟ ولا تفقد الوعي؟ ⚡ الإغماء مش ضعف أشيع نوع إغماء هو Vasovagal syncope بيصير خلل انعكاسي مفاجئ مثل • توسّع بالأوعية • هبوط ضغط • نقص تروية دماغية ⬅️ إغماء هاد مش مرض بحد ذاته هو عدم استقرار لحظي في توازن الجهاز العصبي اللاإرادي 🧠 طيب والناس اللي ما أُغمي عليهم أبداً؟ ( مثلي 😎 ) هون المفاجأة عدم الإغماء يدل على • تنظيم أحسن بين الودي واللاودي • قدرة أعلى على الحفاظ على ضغط الدم والنبض • رجوع أسرع للتوازن بعد التوتر هنن ناس أجسامها تعرف كيف تُطفئ العاصفة قبل ما تبدأ 🌪 ناس بتبقى واقفة لأن نظامهم الداخلي أكثر هدوءاً 🪐 - AREA 7 -

نظرية سطل السلطعون 🪣🦀 هي فكرة بتشرح ليش أحيانًا الناس بتمنع بعضها من النجاح لما بتحط سلطعون لحاله بسطل بتلاقيه تسلق وهرب اما السطل المليان سلطعونات لما واحد يحاول يطلع الباقي بسحبوه لتحت بدل ما يساعدوه الفكرة بتقول أن الفشل الجماعي أريح من نجاح فرد واحد وأن في بيئات أي محاولة تطور بتتحارب مش لأنو غلط بس لأنو مختلفة النظرية بتنطبق على شغل وعلى مجتمع وعلى علاقات وأحيانًا على أقرب الناس لحتى هيك لا تحكي خططك وأهدافك لحدا مشان ما يحبطوك 💙🦀 - AREA 7 -

🗓 بيناير 1992 ضربت عاصفة قوية سفينة شحن بالمحيط الهادئ وأدت لسقوط عدة حاويات بالبحر وحدة من هدول الحاويات كانت مليانة بـ 28,800 لعبة بلاستيكية 🐤 من بينها بطّات مطاطية وأشكال تانية مثل السلاحف والضفادع والقنادس. بدال ما تصير هي الحادثة مجرد خسارة تجارية تحولت لفرصة علمية مش متوقعة لأن بلشت فرق من علماء المحيطات بتتبع هي الألعاب وهي عم تنجرف عبر المحيطات لسنين طويلة هالشي خلاهم يدرسوا تيارات المحيط الكبرى ويفهموا كيف بتتحرك المياه على نطاق عالمي. وصلت هي الألعاب لشواطئ ألاسكا وأستراليا وأوروبا وأمريكا الشمالية وبعضها تجمد بجليد القطب الشمالي قبل ما يكتشفوه بعدها بقوافل من البيانات الثمينة للعلماء الي بلش كحادث بسيط صار واحد من أغرب الأدوات العلمية بالتاريخ الحديث ساعد العلماء على رسم خريطة لحركة تيارات المحيطات بطريقة ما كانت ممكنة من قبل. 🏹 - AREA 7 -

❔ أديش ممكن الهاكرز ومخترقين الحسابات يحققوا ثروة بوقت قصير؟ ولوين ممكن مهاراتهن توصلهن؟؟ 📅 بالـ2020 بيوليو كان في فريق من هاكرز مراهقين أعمارهن بين الـ16 والـ19 سنة قدروا يسيطروا على حسابات موثّقة لأكتر من 130 شخص مشهور عالميًا وتمكنوا من النشر من 45 منها فعليًا 📍 من بين هالشخصيات Barack Obama Joe Biden Elon Musk Bill Gates Jeff Bezos Kim Kardashian 💎 بلش الموضوع بخطوات منظمة لما قرروا الهاكرز: • يعرفوا أسماء الموظفين بتويتر من خلال منصة linkedIn • عرفوا مبين بيشتغل بالدعم التقني • وعرفوا إنه عندهم نظام داخلي لإدارة جميع الحسابات 🤙🏻 💎 بعدين الهاكر اتصل وقال للموظفين "مرحبا، أنا من فريق IT الداخلي التابع لنظامكن. عندنا مشكلة دخول بخوادم الموظفين بسبب VPN جديد." الجملة كانت عادية والكلام طبيعي جدًا 🤷‍♀️ 💎 كمل حكي وقال: في نشاط غريب ومحاولاوت دخول مريبة لحساباتكن، رح نحتاج رمز التحقق المؤقت يلي رح يوصل لحتى نتحقق ويرجع كل شي تمام. 💎 أخد الهاكر الرمز عن طريق هالمكالمات الاحتيالية واللعب على أعصابهن عن طريق كلامه الهادئ والواثق وتخويفهن وكأنه ما في وقت يفكروا حتى. 💎 من خلال هالرمز قدروا يفوتوا على لوحة تحكم تويتر الخاصة بالموظفين يلي بتسمحلهن: • يغيروا إيميل أي حساب📍 • تعطيل التحقق الثنائي📍 • تغيير كلمات السر 📍 💎اختاروا حسابات الشخصيات المهمة وغيروا بيانات الدخول إلها واخترقوها ونشروا تويتة بسيطة كتير ⏩أرسلوا بيتكوين وسنضاعفه خلال 30 دقيقة⏪ طبعًا مع عنوان للإرسال عليه خاص بالهاكرز 💎 ولما هيك شخصيات مهمة تنشر هيك شي الكل رح يصدقها وهيك خلال ساعات معدودة فقط جمعوا حوالي 100 ألف دولار! 💵 💎 طبعًا بعد كم ساعة الموضوع انكشف وتويتر أوقفت التغريدات وعزلت الحسابات المتحكم بها. وبعد كم شهر ألقوا القبض على شلة الهاكرز وتمت محاكمتهم 💎 بس لليوم تعتبر هالعملية أحد أكبر عمليات الاحتيال والوحيدة يلي وصلت واخترقت هيك حسابات لشخصيات مهمة وموثّقة. 💎 ضعف الحذر وعدم الوعي عند موظف واحد رغم إنه محنّك بالمجال أكتر من شلة المراهقين وصّلهن لهدفهن بدقائق فقط. 💎 لهيك على طول لازم نعرف كيف نحمي حساباتنا وما ينلعب علينا بطريقة ما ونتعرض للاختراق وحاليًا أفضل مكان ممكن يساعدكن توصلوا لهالمرحلة ويقدملكن نصائح تقنية هو قناة: ٰ✨ 𝗧𝗲𝗰𝗵 𝗖𝗹𝗶𝗻𝗶𝗰 ✨ - AREA 7 -

شو هاد؟ 👀🩺 ✉️ جاوبونا برسائل القناة رح ننشر اسم أول 3 بيجابوا صح - AREA 7 -

شو هاد؟ 👀🩺 ✉️ جاوبونا برسائل القناة رح ننشر اسم أول 3 بيجابوا صح - AREA 7 -

🐧 بقلب القارة القطبية حيث الرياح تصرخ والبرد لا يرحم الحياة ماشية بنظام صارم: الكل مع بعض عالبحر عالأكل عالنجاة. إلا واحد. وقف، لفّ ضهره للبحر، وللجماعة ولكل شي اسمو حياة ومشي.. بس مش متل الباقي، مشي عالجبال الجليدية، مكان ما فيه أكل ما فيه دفى، وما فيه رجعة مش ضايع، خطواته ثابتة كأنه سامع نداء محدا غيره سامعه يمشي ويصغر لحد ما يصير نقطة سودا ببياض ما له آخر العلم ما قال انتحار، وما قال وعي أو قرار بس الناس شافت نفسها فيه كل واحد حسّ حالو مش من السرب كل واحد اختار طريق ما حدا فهمه كل واحد مشي عكس العالم ودفع الثمن لحاله هاد البطريق ما ربح شي وما نجا، بس صار رمز رمز للي بيمشوا لحالي، للي ما بيزبطوا مع القطيع، للي بيفضّلوا الصدق حتى لو نهايته قاسية مش بطل، ومش مجنون هو بس طلع برا المسار. التفاعلات كلها تضامنا مع البطريق 🫡 - AREA 7 -

أنفاق قسد كنز اقتصادي في سوريا بعد تحرير المنطقة الشرقية اكتشفوا مئات الكيلومترات من الأنفاق بعضها واسع لدرجة مرور سيارات وشاحنات عسكريًا ما حققت الغاية المطلوبة 😂 اقتصاديًا 💵 ممكن تتحول لفرصة نادرة 🍄 التجارب العالمية أثبتت أن الأنفاق بيئة مثالية لزراعة الفطر الفاخر خصوصًا بـالصين 🇨🇳 وكوريا 🇰🇷 وإيطاليا 🇮🇹 وفرنسا 🇫🇷 الصين اليوم أكبر منتج فطر بالعالم بعائدات سنوية بتقارب 53 مليار دولار جزء كبير من الإنتاج يتم داخل أنفاق محفورة بالجبال بسوريا الأنفاق موجودة وجاهزة وببلاش ومحفورة أصلًا خلال سنوات طويلة والمناطق المحيطة زراعية الرطوبة ثابتة الحرارة مستقرة وهاي شروط مثالية لإنتاج فطر عالي الجودة وقتها بيصير عنا قطاع زراعي جديد فرص عمل وعائدات ممكن توصل لمليارات 💸 التحول من أنفاق حرب إلى أنفاق إنتاج ممكن يكون واحد من أذكى الاستثمارات بسوريا - AREA 7 -