𝑭𝑨𝑵 𝑳𝑨𝑭𝑨𝒁 🏖.

لا فالرخاء جوني ولا فالشدة ولاهم منلي ينشدو عن حالي ماتقول كانت بينا المودة ولاتقول كانولي اعزاز غوالي ماتوجعك يابورفيق المدة اللي قطعو فيها حبال اوصالي اللي توجعك وقت المحبه عدا والحن غايب فالزمان التالي مالقيت من يبيك تمله يدة ولا لقيت فيهم قرم يدي مالي عرب لي مصالحهم ايعدو العدة ويهاجو بقولت مرحبا ياغالي تحلف بعدهم ماهناك مودة وهم مايجيبو علم ويش احوالي الواجب عليا انديرها لابدة نترك رفقهم نعزقه من بالي وطول ماالحياة بيناتنا ممتدة مايوم قدري نشحته من والي. .....#خطرها ....

عندي وعند الناس عندك كانت مكانة وتحضي باحترام كبير ولكن تلاشن والحقيقه بانت غطاط طل لاجاته الشمس ايطير . واللي قبل كانت فيك سمحه شانت مادرت في روحك وفينا خير .. ارخصت نين معرفتك علينا هانت علي قولت اللي قال من لاخير

يا جارحنا..نسيت الغلا ننسوك حتي نحنا.. زايد علينا بيش.. يارازينا.. يلي بنارك فالغلا كاوينا.. ويلي اطمعنا فيك بيش اتجينا.. تمسح دموع العين واتفرحنا.. إنكان عالبكا واجد عليك بكينا.. خطينا الدوج وفالخلا نوحنا.. 💔

يقول: ليش بكيتي؟ وسالن ادموعك وين ماصليتي، كيف قصتك ياعين،؟ قالتله: بكيت ابلوعه، ابكاء من ايحس النار تحت اضلوعه، ابكاء من ابكاء ايهونه موضوعه، ابكاء بعد ضاعت ف الظلام امنيتي،

_ باعو صوبك _💔 باعو صوبك وشقو طريق طويله ما شقيوبك لكن الله غالب هذا مكتوبك اتعيشي بلا ناسك الي تبيهم صوبك هانو اعزاز الغلا والموده ما صانو اخساره الي من قبل عندك كانو ما تحملي بزة الشوكه فيهم لكن خذو سوك ان خانو خانو ماهم غلا من ناس دفنتيهم كيف ما نسوك انسيهم وحسبة الموته موتو عديهم اصحاب الغلا ✨.

يا جارحنا..نسيت الغلا ننسوك حتي نحنا.. زايد علينا بيش.. يارازينا.. يلي بنارك فالغلا كاوينا.. ويلي اطمعنا فيك بيش اتجينا.. تمسح دموع العين واتفرحنا.. إنكان عالبكا واجد عليك بكينا.. خطينا الدوج وفالخلا نوحنا.. 💔

علــــيه أبلــيسه ودر غلا مبذور حـن ونــيسه مذهــوب الريا دبر ماهن بنات افكاره عزيز قيس داروبه عرب مكاره غير كلامــه وانعــــكس تيـاره اوبانت الي كانت علي دسيسه لا وخالقي مــانا علـيه جضاره امغير ع الوفاء عندي العين حريسه لـــكن خــلاص اليوم بان عواره خلــه علي هلقيس ياخذ قيسه غليت عليه الروح ولا يــدوم يــاس ولاتدوم فروح خـتام الغـلا ديمه جـفا وجروح وسيب معانا فالعقاب حسيسه انكان عالخطا ماني اقريب طوح اولاني الي صاحب اطباع خسيسه اولانـي الـي معصـوم لاني نـوح ولانـي رسـول الله لانـي عيـسى خوذ دباير من حاشن ايمشي فيك راي الشاير سمـاحه الرفيق اتبـان فيـه امواير يوحن بالجواده موش بالغطريسه ومايغربـك علـو القصــور الغــاير مــرقد ضـنا الاجواد فوق الديسه وفـيه ربـح فالـتجرة وفيـه خساير والـي غـاليه تبقـا اوقـات رخـيصة اولا عـمر يـانـايـر هـلـب فـبـرايـر اولا عمر صبح ايجيك قبل امليسه وكـان عـالشـنا هيلـي وكيـلي جاير مـنين تبلـطي مالـحـر يـالـفريسـه

مانحتفل وماني امتاع حفالي ولانعرفــه كرسمس نهاية عــام اللي نعرفه حب الرسول الغالي محمـد نبينـا المصطفـى الامـام وماني منلي يرقصو طبلالي على طبل نصراني عـدو لاسلام والعيب ماهو من اطباع افعالي حتى الرقيص انقول فيــه حـرام مسلم وحر وركزتي في العالي والنسـل نا ليبي رفيـع مقــام....

بعيد السو كنك في إطياحي ترجا راك يا مطول رجاك فوق المزن يا غالي جناحي وإنت هنا خلك في وطاك حاحي كيف ما تبي إتحاحي وأشرب لرض كان المت جاك مسمومات يا غالي إرماحي إن شبن فيك ما تضمن نجاك واضح الأمر من كل النواحي خوذ الباب يا ماشي وراك

في واحد وكّال راقد عند عيت جده ، وين ما تعاقب الليل صارتله جوعه .. كلّم حنه وقاللها يا حني ما في شيء حاجة ناكلها قالتله شوف الثلاجة، فتح التلاجة ، #ألقي فيها تبسي رز كلاه وتبسي فول أدهكه وكباية حليب قرطعها وتبسي فيه اشوي تمر ادهكه نين نفضت بلكل الثلاجة .. وحنه امصبيه احذاه بعد كمل قالتله أفصلها امعاك التلاجة ماعندها عليش أتزن على #روسنا 🤣🤣

#صغير غير قراني هظاك الشايب #ادروس فالحياه مازلت نذكرها #ساعته وناعيل ودوبي طايب #حتى البندقه يادوبني نشمرها #ايامآوهو كان الغزال جلايب #وشكيع برقها ساعةاطياح مطرها #صحيح قالي راه الزمان قلايب #والدنيا انمالت من اللي يقدرها #قديمة اتوري كل يوم عجايب #للناس غير ماحودد طويل جررها #وتبرم وتجبد مالغريق غرايب #وان عمرك طويل اتشوف كل اصورها #لا اترافق العايب رفيق العايب #وانكان درت ماتشكر اللي دايرها

:"شـن رد فـعـلك كـان راجـلك قـالك يـوم فـرحـك"! مــانــك الــي فــي الــعـقــل:🧠😕"                مــغـيــر قــســم ربــي جــايـبــك:😔💔"

الروعة نيتك و روعة الروعة يا حنونه صيتك و الي هلبها روعتك تبهيتك سبحانه الخالق هالعيون عطاك اتقول اسحرني كي نضرتي جيتك من غير وعيي القيتني يالاك ربي حمدت شكرت وين القيتك و كوني انا دافي ابكل دفاك ايش الحياة لو كان ماغاليتك؟ اصلاً حياتي بادية بغلاك ! يا روعتي فالكون من يسواك انتي وصفك وصفة اوصاف ملاك

الروعه دوبك و روعه الروعة رمشتك لهدوبك و الرائعه بالحيل يقســم صوبك و اروع روائعهن نعـيش معاك الروعه دابك روعـة حياك و حشمتك و حجابك و حفـــظ الصلاة و تلاوتـك لكتابك و قــوة ايمان بخالـقك مـولاك و روعة عفاف وطهر في محــرابك كيف البتول الطــاهرة خـلاك و روعة اصول و عز عــز انسـابك لهم فــخر تأصيلك و سمح سمـاك

دعاء بعد الفجر اللهم إني أصبحت منك في عافية، وستر، وفضل، فتمم لي فضلك بتفريج همي، وتنفيس كربتي، اللهم فرج همي وغمي، واشرح صدري يا رحمن يا رحيم. اللهم إنك عليم بحالي غني عن سؤالي، اللهم لا تدع الهموم تثقل كاهلي وارحمني برحمتك التي وسعت كل شيء، الله اجعل الفرج قريبًا، وبشرني به يا رب العالمين.

صـلاة الفجـر ياناس

في يوم الجمعة لا تنسوا ساعة الاستجابة من بعد العصر الى المغرب لاتنسونا من دعواتكم ♥️♥️♥️♥️.

اللهم هون علينا الصعب ، وعجل لنا بالخير، واختر لنا ما يرضيك عنا ، واجعل صدورنا خالية من الهم وقلوبنا مطمئنة بذكرك يارب العالمين.🤎

وفي هذا اليوم ؛ اللهُمَّ أحلامنا المُنتظرة دعواتنا المُتكررة أُمنياتنا المُخبأة و راحتنا و توفيقنا و سعادتنا و طموحنا و إجعلها يارب منكَ محققة.. ♥️

خـوه🔥