Tuproqqal'a tuman axborot-kutubxona markazi

Tuproqqal’a tumani axborot-kutubxona markazi va Tuproqqal’a tumani favqulodda vaziyatlar bo‘limi hamkorligida „Madaniyatlararo muloqot va intellektual salohiyat kuni“ munosabati bilan ma’rifiy tadbir tashkil etildi. „Ma’naviyat va zamonaviylik“ mavzusiga bag‘ishlangan ushbu suhbat chog‘ida buyuk mutafakkirlar — Alisher Navoiy hamda Jaloliddin Rumiyning boy ijodiy merosi, ularning insoniyat ma’naviy yuksalishidagi o‘rni keng yoritildi. Tadbir yakunida ishtirokchilarning bilimi va intellektual salohiyatini sinovdan o‘tkazish maqsadida ikki ulug‘ siymoning asarlari bo‘yicha test sinovi o‘tkazildi. Savollarga eng ko‘p va aniq javob bergan g‘olib va sovrindorlar tashkilotchilar tomonidan esdalik sovg‘alari bilan taqdirlandi.

#OAV_BIZ_HAQIMIZDA Tuproqqal'a tumani tekstil sanoat haqida Tuproqqal'a.uz

“Biz — kitobxon oilamiz!” tanlovining tuman bosqichi o‘tkazildi va g‘oliblar taqdirlandi Aholining, xususan yoshlarning kitobxonlik madaniyatini oshirish, oilaviy mutolaa an’analarini rivojlantirish hamda ma’naviy-ma’rifiy saviyasini yuksaltirish maqsadida Tuproqqal’a tumani axborot-kutubxona markazi hamkorligida “Biz — kitobxon oilamiz!” tanlovi ko‘tarinki ruhda tashkil etildi. Ushbu nufuzli ma’rifiy loyiha O‘zbekiston mahallalari uyushmasi, Respublika Ma’naviyat va ma’rifat markazi, O‘zbekiston Yozuvchilar uyushmasi, Maktabgacha va maktab ta’limi vazirligi hamda Yoshlar ishlari agentligining qo‘shma qaroriga muvofiq amalga oshirildi. Tanlov nizomiga muvofiq, ishtirokchi oilalarning bilimi o‘zbek va jahon adabiyotining durdona asarlari (*“O‘tkan kunlar”, “Kecha va kunduz”, “Navoiy”, “Chinor”, “Yulduzli tunlar”, “Ulug‘bek xazinasi”, “Bahor qaytmaydi”, “Genetik”, “Choliqushi”, “O‘n besh yoshli kapitan”*) bo‘yicha tuzilgan test topshiriqlari orqali adolatli va shaffof tarzda baholandi. Murosasiz kechgan bilimlari sinovida yuqori natijalarni qayd etgan ishtirokchilar hakamlar hay’ati tomonidan munosib baholanib, favqulodda chiroyli tarzda taqdirlandilar: *🥇 1-o‘rin: Nurobod Mahallasining kitobxon oilasi faxriy diplom hamda esdalik sovg‘alari bilan taqdirlandi; 🥈 2-o‘rin: Hazorasp mahallasi kitobxon oilasi faxriy diplom hamda esdalik sovg‘alari bilan taqdirlandi; 🥉 3-o‘rin: Yakkachiqir mahallasi kitobxon oilasi faxriy diplom hamda esdalik sovg‘alari bilan taqdirlandi. G‘olib va sovrindorlarga tashkilotchilar tomonidan diplomlar va qimmatbaho maishiy texnika sovg‘alari tantanali ravishda topshirildi. Tadbir yakunida so‘zga chiqqanlar g‘oliblarni samimiy muborakbod etib, ularga tanlovning keyingi bosqichlarida zafarlar tilashdi.