Mariam🖤🥀

شمشتاكلك يابو العيون الماطيحن كحله مخليني مثل الظل عدل وحدة ويموتون أهله هسة أنتة مارايد تجي خليني أجذب ع الخلگ مو ياهو لي يسالك علي وتكلة ما أرجعله شسويت بيه بفرگتك ؟؟ يميزوني كمت من الوجع دمعة يتيم بحفلة عندك علاقة وية الدوة تكرهني وموصي علي جربته كله بغيبتك والعله نفس العله غگاان وأنة بغرفتي والماي ماطخ ثوبي ما أختلف ع البالجرف بس هوَ مخنوك بنهر وأنة بصور محبوبي من جنت أجرحك تقترب معجب جنت باسلوبي وأنة أدري ليش تغيرت جامد وما أنحب صرت من صلحيت عيوبي وكل الرسايل خلصت وديتلك حبر أبيض أمسح الغثك وأقتنع زين أنتَ بس صوج الحض وأرجع .. أرجع واذا عودي كبر لتكول متعافي ترى مرات من كثر الوجع چتف البنادم يعرض وتسولفلهم عالوفة وأنة أبو خدود الثكله يبين چذبها من الصدگ الاحباب لمن تفترگ وأحد يخبل ع الهجر وواحد يخوف شكله .. شكد ناس تانتني ومشت الماي صبح غيم وأنة أنتظرك رادوني روجة ومارحت وبقيت ملح أبرك يالتارس ضلوعي فشل شكد چنت محتاجك انحضن من باوعتلي بظهرك .. وبين الگلوب الفارگت لدروب شمرة نيه بس أنتة شيجيبك علي بالشوگ ماعندك عرف خاطر تهم بالجيه البلبل المتربي بقفص مايغث روحة اعلى الغصن مافاهم الحريه شناقصني .. ما أدري المهم بجفاك اليباوع علي من كيفي احس بالفشله مفشلني مثل البالحرب يجازونة حسبالة بنصب تاليها بديار الغرب حاير يضل بالبدله .. من الدنيا طبيت اشتري وشفتك وماگلت السعر بكلشي أشتريتك بالندى بروحي بصفار أوراقي لك لگطة وركض بيك أركضت وباقيلك تصيح علي بس اني من كثر الفرح ماخذت منها الباقي يمدني روحي اعلى الگبر جيتك محمل عافية ورديت بس بأخلاقي .. ومن بعد كل هذا صرت وحداني وذولة اليمدحوني كبل صحبانك وصحباني مابيهم الكلك شلون تخونة ؟؟ الخلاك تنسة مرايتك وتمشط اعلى عيونه بس هو موصوجك ترى الكلب يتمرگص ع الاياذونة .. ياگلبي دگلك ثايه الوادم تراها تشيطنت يالنيتك مصلايه مثل وياهم من تحب وأحسب لكل حجايه كلهم نمت من العصر مشغول ولگالك عذر الملهوفلك گله أنتظر بس تضعف يعوفك ترى اليركض وراك هوايه .. وانت .. انت وية ربك عايفك رب .. ويحن ع العافية مو على العايف خله شيسامحك وانة انتچي مارجعتني امشي عدل عملة فراگك عمله يومين حاسبهن وأنه ماچني أعرفك من سنه چنك بالاول صاحبي وكاظيها نفس الرحله شمشتاگلك يابو العيون المايطيحن كحله …

سنين تانيتك حبيبي وگلبي مابطل نزف

حالك تغير مدري حالي صاير تغثني وما تبالي.

واندلك مغَمض والوجُوه هواي ترا الـ بالروحَ بس الرَوح تندله .

صنت زرعك وانه بروحي مواسم جوع ومن سنبل ودادك گرصة ما حاصد !

صنت زرعك وانه بروحي مواسم جوع ومن سنبل ودادك گرصة ما حاصد !

ذاك الزمن شيعيده ؟ تذكر مِن چنت شتسوي أسوي وياك ؟ خيالك ما مسوي بگدي التريده - أحمد نصير

وأحفر بروحي يهالبت بالجرح مكتوب اسمها

واگول ترد ، والملم روحي للملگه وأحني چفوفي للشبگه وأشتل على الجفن بيبان بلكت باب اليخضر تشوفه وتعتني اتدگه أولا دگيت

تعرف غلاتك لو بعد محتاج ابينها اكثر يل بيك لهاني العمر ما ركزت بي من مر يمكن اذا كتلي شكثر تهواني راح اتحير بالليل اعد محبتك بس باجر تزود اكثر الادري بي من تبتعد مدري شحس بحيرتي صدري حفر بي خنجر مگطوع شريان ابهر يندفع شباج الچفه وبالروح شي يتكسر اشتاگلك بس الحجي المضموم الك يتبعثر وبدون موج احتاجلك بالبر واحس بيك البر مرات ادور لجيتي گبالك سبب يتفسر وتلمحني احرك الخاتم وابدي ارتبك واتحسر وهنا تحس بقيمته الـ بس ع شوفك يضطر يافكة عيون الگلب يا ميزتي البيها انغر مو رايدك واتنفسك لا يا نفس شي اكبر يا روح ما تطلع مثل روحي التموت من اكبر انه اعرف بزعلك گبل ما تزعل وياي اكدر والنوم يتركني وقت ما تنوي عينك تسهر ياريت كل هذا الحجي من اگعد گبالك يحضر ومن التهي بعينك بعد تهمسلي حتى اتذكر وياك اذا ما سولفت من الصمت لا تحذر مرات مو كل الحجي يلم المشاعر يگدر انه أؤمن التهواه صدك تتنخه بي من تعثر روحك عليه تتكدر تنشف لحد ما يخضر لو برد ملكاه تشتعل ورماد خلگك ينذر وانت اعرف شلون اختنگ من نسمتك تتأخر اگبل عليي روجة عتب وتقرب تكون اخطر بس هاا عتب بس للمثل مو بالزعل تتأثر تلگاني ناطر روجتك فارش جرف يتعذر بس انت ردتك من جنت ما بين الاحلام افتر ومادامك بحضن الجفن جف النظر خ يگصر وياك ابتديت بدونك شلون ابتدي شتتصور عنك ردت مره ابتعد والغيض بأفكاري ابحر وتراجعت نفس الوقت من حرت بيش اتعطر يخفت ضواي ومايظل لو شوف الفراگ ابصر والليل يتشمت هوه بخيط الشمع من يصغر تعرف غلاتك لو بعد محتاج ابينها اكثر ؟

حَتى لو نِگعد بشَارع ع الرصَيف وأنت يمي والله احَس عايش بجنه گلشي بالدُنيا حلو انت احَلى منه.

يمخالط رفيفك وي رفيف هواك تسري بنبض روحي براحتك وتطوف عريان السيد خلف

بكلشي ضحيت وبقيت مناطرك عمري ضيعته حبيبيّ لخاطرك

احلى من العسل مُرك وين تريد اروح وياك بس لا تجرح احساسي

بعد لتظن تحايلني المودة وليك روحي تحنّ

إذا لا سامح اللّٰه بيوم وتروح وصلنا بسيف زعلك لا تكطعه واذا رديت اصير كبالك ثنين المزعله وطرف للخير يسعه موخط رجعة احط لخاطرك لا احط لخاطرك خطين رجعه جاهي المحنة تبين منين؟ تره مو بالحجي اليمك تسمعه لا هذا اليحن لشوفتك غير يطفه بغيبتك بالليل شمعة وشما تكثر الناس الحوالي تعرفه من الحزن من بين ربعه اليحبك مايكلك بالزعل روح اذا يقسى بنضرته تشوف لمعة واذا يكطف عليك حجايته حجار يموت وجام كلبك ما يصدعه ايهاب المالكي .. الدقيقه الثالثه

اوصلك وكل الوصف ينضم وعالكل يخفى واختصرك بكلمة رَزِن والهادَء البيّ عِفة من احجي كدما مو سَهل بأسمك حَرف ماكشفه وأتحذر وأخذ نفس لا تنِعرف باللهفة يا واهَسي وظِل الخلك المَكتوب للمُوصِدفة يا نَقش من أقدم عَصر محفور بيّ بحَرفة ويا جويتي وآخِر دوة مَجربها من أريد اشفى جدمي بغيابك يتعب وأوهن خيوط تجتفة وأحسَاس روجي بشوفَتك لمَسة جِزن بيّ ترفة يفهمها المفارك وطن والراجِع من المَنفى. ايهاب المالكي .. الدقيقه الثانيه

كبل لا تكبل على الروح الك فكيت بيباني تلكيتك وافكر وين ادور عن عمر ثاني وصل دك النبض بيه كلت ما الحك اوصلك حجالك كلبي عن اشياء بس ما اعرف شكلك ولو هو الحجي البيه شوك يمك اول وتالي انه اشتاكيتلك حتى كبل لا تخطر بالي فرشت اسراري يم جفني وشمرت المو مهم بيه رقم ميلادي عنواني اجيتك حتى تلكاني اجيتك رجفتي بملكاك حيرت واحد متاني اجيت بلهفه ما تنعاد بعدك ويه شخص ثاني مثله ولا رحت لو يوم دلوني على شرياني.. ايهاب المالكي .. الدقيقه الاولى

أحسك لغز شنهو انت وشنو اوصافك ؟ توصيني على ياذمه توصيني وحياتي انت ونبض يسري بشراييني ولونك مو دمع ماشالتك عيني ولونك مو كحل ماضمتك عيني ويلوموني واحسك تكبر بروحي ويلوموني وانه بلا شوفتك شينفعن عيوني يشوفي ورجوتي ودنياتي ولوني وعذابي وبسمتي وشكواي وضنوني يخيعونك عليه وبيك خيعوني يواهس تضحك الدنيا على شفافك يبو الليل الحلو اليلعب على اچتافك احس روحي تأمن بيك وتخافك وأحسك لغز شنهو انت وشنو اوصافك ؟

ولو تدري ياصاحبي صدري شكثر بي حجي