UODCOM 4th stage

صباح الخير طُلاب الرابع الي مجرب شرح دكتور حيدر او د هيثم يكتبلنا رأيه لان الطلاب يريدون تجارُب حتى يعرفون يم منو يقرون كتبولي عالبوت حتى انشر ( بدون اسماء ) @Fisrt_st_course_bot

تقريباً هذا كُلشي تحتاجوه حالياً* ان شاء الله كَـ مُلخصات وملفات تنزللكُم بالدوام لان ماكو داعي تنخبصون بيهن من هسة . بس حنزللكُم محاظراتي مؤشرة وملخصاتي للباطنية خاف احد يريد يقراها بالعُطلة ان شاء الله . وبس والله اي سؤال لو استفسار تكدرون تدزولي عالبوت وكُل التوفيق ان شاء الله دادة 🤍 . @Fisrt_st_course_bot

شلون نقرا العملي ؟ ▪️اول شي انتوا محتاجين تفهمون كُل مادة شنو اجزاءها ومن شنو تتكون فَـ هل شي مفروض تشوفوه على اليوتيوب يعني مُجرد نبذة مختصرة تعرفون كُل مادة عملي عبارة عن شنو . ▪️بعدها حتبدون مِن كُل مادة تقرون السستمات مالتها واحد واحد، كُل سستم موجود شرحه ومُلخص اله وملف عليه بالقناة . ▪️بالنسبة للباطنية فَـ اني جداً انصح بفيديوهات د علي موسى، شارح بيها كُل سستم من الصفر بكُل تفاصيله، موجود شرحه لكُل سستمات الباطنية بالقناة، اول شي تشوفون الشرح، بعدها ترجعون للملفات اكو ملفات اني كاتبتها وي شرحه الي بالفيديوهات وكذلك اكو ملفات دفعة ١٨ كُلششش مرتبة وحلوة فَـ هذني الاثنين حيكونن كُلش كافيات تعتمدوهن، واخير شي دائماً طلعوا فيديوهات قصيرة ل شلون يتطبق ويصير الاكزام على اليوتيوب حتى تشوفون بأستمرار وطبقوا بأيدكُم بأستمرار كُلش مُهم هل شي، بيوم الامتحان حتنسألون بالاكزام واسئلة نظرية همين فَـ هاي تعتمد على معلوماتكُم من مادة النظري . ▪️الجراحة، اول شي تقروه هو هستري الجراحة وموجود بالقنوات هواي فويزات مال دكاترة اله كُلش مرتبات حتى تفهمون الهستري، بعدها تدخلون على الاكزام مال السستمات، تقريباً يشبه الباطنية، بس اكو اشياء زيادة، كُل سستم وكُل موضوع حاطتلكُم شرح يوتيوب اله وفيديوهات وملفات تقرون بنفس الالية فيديوهات يوتيوب > فيديوهات الدكاترة >> ملفات >> فيديوهات قصيرة للاكزام على اليوتيوب للمراجعة، بيوم الامتحان كذلك يسألون اكزام واسئلة نظرية بس هلمرا اسئلة الجراحة النظرية جامعتها الكُم بملف يحتوي تقريباً على ٩٠٪؜ من الاسئلة الي يسألوها الدكاترة بالامتحان فَـ تگدرون تعتمدوه . ▪️التوليد، الكورس الاول هو عبارة عن بس هستري ويادوب تضبطوه لان صعُب وطويل، حاطتلكُم بالقناة شرح يوتيوب اله كُلش حلو ومرتب وموجود الملف مالته همين، ويتضبط اكثر بالاستمرار ان شاء الله، اما كورس ثاني الاكزام فَـ كذلك موجود عليه بالقناة شروحات وملفات، بالامتحان كورس اول يسألون هستري واسئلة نظرية وكذلك جامعتهن الكُم بملف تقريباً الاسئلة متطلع من عنده، وكورس ثاني ينضاف عليهن الاكزام .

هاي القناة بيها كُل شي مُمكن تحتاجوه لمواد العملي مال الرابع ( باطنية، جراحة وتوليد ) رتبتها بحيث تلگون بيها كُل شي تريدوه من شروحات وفيديوهات ومُلخصات وملفات، وكُلش كافية تقرون عليها هذني المواد العملي ال٣

https://t.me/+MIK_Zo6oJV5iNzEy

• الطب العدلي مادة سهلة قصيرة سريعة، كُلها عربي، ياخذكم بيها د محمد سبع، ميطول اكثر من ٣٠-٤٠ دقيقة بالمحاظرة، هي نفسها عملي نظري كَـ ملازم وكَ امتحان، يعني انتوا تاخذون المادة نظري بس هم كَـ تقسيم يسووها عملي ونظري، واكو سمنارات همين تنحسب درجات عليها، الاسئلة نصاً من الملازم فَـ حفظوا حُفظ، واهم شي لتضوجون د محمد سبع لان هواي يتعااااون وياكُم، وماكو كوزات .

• طب مجتمع ياخذوكم د ناظم ود شهاب ود سعد ود محمد قاسم، كل دكتور يشرح بارت مُعين من طب المجتمع، وكُل واحد يشرح ساعة وحدة بس، وعَملي ياخذ د نبيل يشرح عن صحة المجتمع وكذلك ساعة وحدة بس. كَـ شرح، اشوف شرح الدكاترة كافي لان هي مادة صح طويلة بس مضمونها معلومات عامة اغلبها هي الصعوبة تكون بالاسئلة، بس اهم شي سجلوا وياهم وشوفوا عَلى شنو يركزون، والامتحان يكون عملي ونظري بنفس الوقت، تجيكُم نُسخة اسئلة بيها اوراق للنظري واوراق للعملي ( وبيناتنا الاسئلة سواء نظري او عَملي هي كُلها من ملازم النظري حصراً لان اساساً مادة العملي هي عبارة عن سمنارات فَـ ما يجيبون منها ) . الحظور، الحظور، الحظور، لا تغيبون ابد بطب المجتمع بس الحظور والكوزات عليهن ١٠ درجات ود شهاب كُل محاظرة يسوي كوز ويحسبهن فَـ الغياب ابد مو من صالحكُم .

• الباثو تاخذكُم د ذرى كُلش حبابة بس لا تعصبوها لان انتوا الي تخسرون شرحها مرتب كُلش، ملازمها مرتبة وكااافية كُلش انه الواحد يعتمد عليها، اسئلتها گتلكم نص ملازم ونص مصادر، تسوي كوزات مُنتظمة وعليهن درجة جبيرة من ٣-٥ درجات، الحظور يحاسبون فرع الباثو تعرفون بيهم، وكذلك اكو سمنارات وما يدخلن لا مد ولا فاينل فقط تقديم ودرجات عليهن . كَـ دراسة اكيد بدون مُنازع د سامح غازي على اليوتيوب، شرحه لا يُعلى عليه، وكُلشش قريب على ملازم الدكتورة عالاغلب اثنينهم معتمدين نفس المَصدر، بس هو اكو مواضيع شارحها زيادة هاي معليكُم منها اقروا على گد الموجود بملازمنا وبس . والعملي هو عبارة عن صور ( اكو ملازم خاصة للعملي يعني مو صور من ملازم النظري ) وعليها اسئلة ( من كلام الدكتورة ) لذلك ضروري ضروري ضروري تسجلون شرح محاظرات الباثو ( هواي تنطي اسئلة كَـ اسيات وكَ كوزات وكَ اسئلة عملي ) فَـ لتنسون هل فقرة .

• التوليد ياخذوكم بالكورس الواحد ٦-٧ دكتورات، كُل وحدة نمطها يختلف عن الثانية، مادة التوليد يعني ماكو سستمات وهاي مثل جراحة وباطنية، تكون عبارة عن مواضيع تخُص التوليد وتنطي الكُم، للامانة صعَبة مادة دسمة وتحتاج قراية مو شلون مچان، قراية مضبوطة وتكرار تكرار تكرار، اني قريت على د نادية عاليوتيوب شرحها كُلشش حلو ومثل محاظراتنا بالضبُط وكذلك اكو تسجيلات المَرقبي . الدكتورات بشكل عام كُلهن شرحهن مرتب بس كَ نمط اسئلة كالاتي : د بسمة >> مَصادر د سوسن >> ملازم د ايناس >> ملازم د انعام >> ملازم د رغد >> ملازم + مصادر د نور >> ملازم د علياء >> ملازم د هدى >> ملازم لعَد ليش الاسئلة تكولون صعَبة ؟ لان تجي ( اختار الجواب الاكثر صحة ) فَـ التوليد تعبوا نفسكُم بيه وتحصلون بيه نتيجة ان شاء الله، بس الحلو انه بالفاينل يجيبوها اسهل من المَد الحَمدُلله . اما عَملي التوليد فَـ همين ٧٠٪؜ مثل مال باطنية ٣٠٪؜ اشياء زيادة تخُص التوليد كذلك رح يشرحوها الكُم بالسشنات وكُلشي مُمكن تحتاجوه موجود بقناة العملي، والعملي كورس اول فقط هستري كورس ثاني يصير هستري واكزام . واهم واخر شي، لا تغيبون توليد، توليد لا تغيبوووون ابد لان يسوون كوزات ويحسبوها من السعي ترا يعني تقريباً اخر شي يصير عدكم بال٦ درجات مالها علاقة بالامتحانات يعني مثلاً ٢ حظور، ٢ كوزات، ٢ نشاط وهيچ .

• الجراحة نفس كادر الثالثة يجوكم بالرابع ( د مقداد ود محمد حبش ود احمد مظهر وحديثاً د انور همين صار ياخذ جراحة رابع) بس جراحة الرابع حلوة للامانة بس عيبها انها طويلة، الاسئلة كيسات كُلها بس لتخافون مو تعجيزية اكو كيسات كُلش واضحة واكو صعبة فَـ حتشوفون انه جراحة الرابع تختلف تماماً عن الثالث فَـ يحتاجلها قراية زينة ومعلومات حلوة . كَـ دراسة، اني الجراحة اعتمدت على شرح دكاترة الكُلية وچانوا زينين للامانة بس هم احس الافضل واحد يقرا يوتيوب يعني للي يريد يوسع معلوماته اكثر فَـ موجودين المرقبي واتوقع الطُلاب يقرون على د حيدر ( ما مجربته شخصياً للان بس امانةً هواي سمعت مدح عنه ) . والجراحة مال رابع اغلبها حتكون عن امراض ال GIT وهل امور بس گتلكُم عيبها طويلة وترتيب ماكو بألقاء المُحاظرات يعني . اما العَملي فَـ مدام ضبطتوا عملي الباطنية يعني انتوا ضبطتوا عملي الجراحة لان هو كُلش سهل بس اكو اشياء زايدة بالجراحة وهاي يعلموكم عليها الدكاترة وهي كُلش قليلة وبسيطة هواي .

🔹ححچي عن تجرُبتي الشخصية • اولاً الباطنية كورس اول حتاخذون كارديو وGIT ( اذا تقسيمكم مثل تقسيمنا )، اني كارديو اشتركت يم د عثمان وصراحة ما تندمت شرحه يجنن ما شاء الله ويشرح على دافدسون وهو المَصدر المُعتمد بحيث ما عانيت لمن رحت اقرا ملازم د علي موسى لان هو كذلك ملازمه من دافدسون . الGIT ما قريته على احد اعتمدت فقط حُفظ ملازم الدكتور، ولا تسوون هيچ ديربالكُم هذا چان احد اخطائي، معليكُم الدكتور شنو يجيب اسئلة، بس الك انتَ كَـ طالب كَـ علمية ابد لا تسوون هيچ افهموا المادة . الي ميحب يشترك كورسات او ميگدر فَـ انصحكُم بالمرقبي، اني كُلش متندمة لان ما چنت اعرُفه بالرابع، اسلوب شرح مُمتاز ( بالنسبة الي ) وكورساته مال سنة ٢٠٢١ موجودة مجانية فَـ اني داقرا عليهن وشارح مادة باطنية الرابع كاملة فَـ انصح بيه بشدة والله . • اسئلة الباطنية، د علي موسى اسئلته من مَلازمه ويجيب اسئلة سهلة واسئلة مُركزة وفهمية يعني يراعي الفروقات وركزوا على اسئلته بالسنين السابقة حتى تعرفون نمطه شلون يجيب الامسيكو، الاي سي جي بالكورس الاول ممكن يجيكم اسيات بالفاينل فَـ انتبهوا عليه ( ملفات مال سنين السابقة هي نفسها تتكرر اسئلتها فَـ ركزوا عليهن ) ود عادل يجيب مَصادر بس الي قاري المادة يجاوب بسهولة ان شاء الله ( يعني مو اسئلة تعجيزية ) . اما الباطنية العملي فَـ بيها جزءين جزء نظري وجزء تطبيق يعني عَملي الي تطبقوه عالمريض، الجزء النظري انصح تقرون د هيثم نبيل اني قريت عليه وضحلي هواي اشياء واستفاديت للامانة ++ شرح الدكاترة بالسشنات ( وهاي اهم نُقطة ) واني كُلش انصح تشوفون فيديوهات شرح د علي موسى ( احنة مصورين شرحه لسنتنا واني مسوية وياه مُلخصات كُلهن حاطتهن الكُم بقناة العملي ) والجزء العملي اساساً حيعلموكم الدكاترة بالسشنات + موجود يوتيوب بس تكتبون اسم الموضوع كومة تطلع فيديوهات تعليمية، بس ضروري ضروري تضبطون اكزامات الباطنية . فرع الباطنية يحاسبون عالحظور والكوزات فقط من اكو غياب هواي او هوسة بالقاعة يسوون .

وهاي شوية نصائح عن كُل مادة وشلون ووين تقروها ان شاء الله 👇🏻 :

وهذا رابط قناتنا مال رابع، چنة ننزل بيها كُلشي من اسئلة ومُلخصات ومَلازم، وزميلتي نورهان رتبتلكُم رسائل عن كُل مادة الله يوفقها هواي حتستفادون مِنهن . https://t.me/+SYmxaqxcWNozNjEy

▪️بالنسبة لموضوع هل نقرا بالعُطلة او لا ؟ اني اتوقع اغلبكُم تعرفون رأيي عن هذا الموضوع، قراية العُطلة هي اوبشن، يعني اذا انتَ تريد تقرا فَـ هل شي اكيد حيسهل عليك بالدوام، واذا متريد تقرا فَـ كُلش طبيعي لان هو هذا اساساً الغرض من العطلة ( الراحة )، وماكو شي اسمه اذا مقريت بالعُطلة ما احصل تقديرات او ما انجح . اما بالنسبة للطُلاب الي يريدون يقرون بالعُطلة فَـ انصحكُم بالعَملي، لان اشياء جديدة تماماً عليكُم ومو شرط تقرون كُلشي بگد ما تبدون بس تتعرفون عليهم وتصير عدكُم معلومات ولو بسيطة حتى من يبدي الدوام متكون تايه ومتعرُف منين تبدي . اما بالنسبة للمواد النظري فَـ اعلى وحدات هي باطنية وجراحة وطِب مُجتمع فَـ الي يريد يقرا مواد نظري بالعُطلة يگدر يقرا باطنية او جراحة وهن يعتبرن اهم شي بالرابع تقريباً . اكو باثو وتوليد جداً صعبات بالرابع بس مواد اقل وحدات ماحِس مفروض شخص يضيع عليهن وقت بالعُطلة مقارنةً بباطنية وجراحة صراحةً، واكيد يبقى القرار الكُم .

٦- طب عَدلي : ياخذكُم د محمد سبع مادة فقط نظري، وحتى من تجي الاسئلة نُسخة مال عَملي فَـ هي نفسها مادة النظري يعني فَقط لترتيب الدرجة شكلياً، مادة بالعربي سهَلة وكُلكم امتياز ان شاء الله لان دكتور يجيب نصاً من المَلازم بس ضروري تحفظون كُلشييي** .

٥- طب المجتمع : نظري ياخذوكُم ٤ دكاترة، د ناظُم و د محمد قاسم ود شهاب ود سعد، مادة النظري مال د ناظم ود محمد تحچي عن انواع ال study كورس اول والاوبئة والامراض المُعدية يعني infectious disease كورس ثاني، اما مادة د شهاب فَـ هي عن البيئية والتلوث، ود سعد عن صحة الام والطفل ( هذا النمط بالكورسين )، اسئلتهم اتوقع تعرفوها كَـ نمط من الثالث، عبالك معلومات عامة فَـ المادة هواي واسعة طويلة تحتاج هواي يكون عنده معلومات قوية ويتابع وي الدكاترة شنو يردون وعلى شنو يركزون وهيچ . اما العَملي فَـ كمادة يجون دكاترة يشرحون عن طب الاسرة بشكل عام، وبعدين يسوولكُم سمنارات وبالكورس الثاني يسوولكم زيارات للمستوصفات الصحية وهل امور ( ٤ زيارات فقط ) وكَ اسئلة امتحان فَـ هي من مادة النظري وتمتحنوهن سوة . كَـ دراسة ال infection كلهن ماخذيهن بالمايكرو ماتوقع حتواجهون صعوبة، وكورس اول تاخذون انواع ال study، بس تكتبون اسم الموضوع على اليوتيوب يطلعلكم شرح مبسط، ومادة د شهاب امانةً جدا معقدة اني شخصياً جنت احفظ الي اكدر عليه منها ما قريتها يوتيوب ومادة د شهاب جداً بسيطة وهو شرحه حلو حتى متحتاج يوتيوب لو شي كلش سهلة .