O'zDJTU | UzSWLU | УзГУМЯ

🟦🟦🟦🟦 “Gruzin tili va madaniyati” sertifikat dasturida ishtirok etuvchi talabalar bilan uchrashuv o‘tkazildi Bugun O‘zbekiston davlat jahon tillari universiteti rektori Ilxomjon Tuxtasinov “Gruzin tili va madaniyati” olti haftalik sertifikat dasturida ishtirok etish uchun Gruziyaning Tbilisi shahriga yo‘l olayotgan universitet talabalari bilan uchrashdi. Uchrashuvda safar oldidan talabalar bilan suhbatlashilib, ularga dastur davomida faol ishtirok etish, xorijiy oliy ta’lim muassasasining ichki tartib-qoidalariga qat’iy rioya qilish, belgilangan talablarga mas’uliyat bilan yondashish hamda safar davomida O‘zbekiston davlat jahon tillari universiteti sha’nini munosib himoya qilish zarurligi ta’kidlandi. Rektor Ilxomjon Tuxtasinov talabalarga safar davomida yangi bilim va tajriba orttirish, Tbilisi davlat universitetining ta’lim jarayoni bilan yaqindan tanishish, xorijiy talabalar va professor-o‘qituvchilar bilan muloqot qilish imkoniyatlaridan samarali foydalanish bo‘yicha tavsiyalar berdi hamda ularga safarda omad tiladi. Mazkur dastur Ivane Javakhishvili nomidagi Tbilisi davlat universitetidan kelib tushgan rasmiy xat asosida tashkil etilib, unda O‘zbekiston davlat jahon tillari universitetining 10 nafar talabasi ishtirok etishi rejalashtirilgan. Olti haftalik sertifikat dasturi jami 80 soatni tashkil etadi. Dastur doirasida: 🔹 talabalar gruzin tili va madaniyati bo‘yicha mashg‘ulotlarda ishtirok etadi; 🔹 Tbilisi davlat universitetida an’anaviy ta’lim jarayonida qatnashadi; 🔹 dastur yakunida yakuniy imtihon topshiradi; 🔹 Gruziyaning madaniy-tarixiy maskanlariga tashriflar va madaniy dasturlarda ishtirok etadi. Tbilisi davlat universiteti tomonidan talabalarni turar joy bilan ta’minlash, muzeylarga kirish chiptalari, mahalliy transport hamda professional gid xizmatlari bilan bog‘liq xarajatlarni qoplash nazarda tutilgan. Uchrashuv yakunida rektor talabalarga safar davomida xavfsizlik qoidalariga amal qilish, belgilangan tartib-intizomni saqlash, xorijiy oliy ta’lim muassasasining ichki qoidalariga hurmat bilan munosabatda bo‘lish va dasturda faol ishtirok etishlarini ta’kidlab, ularga oq yo‘l va muvaffaqiyat tiladi. 🌐 Biz ijtimoiy tarmoqlarda: Telegram | Instagram | Facebook | Sayt

🟦🟦 O‘zDJTUda PhD dissertatsiyasi himoyasi o‘tkazildi Bugun, 14-avgust kuni O‘zbekiston davlat jahon tillari universitetida pedagogika fanlari bo‘yicha falsafa doktori (PhD) ilmiy darajasini olish uchun tayyorlangan dissertatsiya himoyasiga bag‘ishlangan Ilmiy kengash majlisi bo‘lib o‘tdi. Unda O‘zDJTU rektori Ilxomjon Tuxtasinov hamda Ilmiy kengash a’zolari, rasmiy opponentlar va professor-o‘qituvchilar ishtirok etdi. Majlisda Radjabova Muxtasar Davranbekovnaning 13.00.02 – Ta’lim va tarbiya nazariyasi va metodikasi (arab tili) ixtisosligi bo‘yicha tayyorlangan “Arab tilida talabalarning yozuv malakasini integrativ yondashuv asosida shakllantirish” mavzusidagi dissertatsiya ishi himoyasi bo‘lib o‘tdi. Himoya jarayonida dissertatsiya mavzusining dolzarbligi, ilmiy va amaliy ahamiyati, tadqiqot natijalari hamda ularning ta’lim jarayonidagi samaradorligi yuzasidan fikr va mulohazalar bildirildi. 🌐 Biz ijtimoiy tarmoqlarda: Telegram | Instagram | Facebook | Sayt

✅Amaliyot ofisi: 5-mavsum ❗️Davlat idorasida ishlashni xohlaysizmi? Tajriba orttirish bilan birga stipendiya olish imkoniyatini ham istaysizmi? Unda Amaliyot ofisi aynan siz uchun! 🔰Amaliyot ofisi orqali Yoshlar ishlari agentligida real ish jarayonida qatnashib, amaliy tajriba orttirasiz va eng yaxshi amaliyotchilar uchun oyiga 1 mln so‘mgacha stipendiya olish imkoniyatiga ega bo‘lasiz. Sizni nimalar kutmoqda? • Yoshlar ishlari agentligida real amaliyot. • Stipendiya olish imkoniyati. • Trening, seminar va uchrashuvlar. • Kasbiy va shaxsiy rivojlanish. • Kuchli jamoa va professional aloqalar. • Biznes, startap va ijtimoiy loyihalar bilan ishlash. Amaliyot vaqti: Dushanba–juma. Kuniga 6 soat. 📌 Ariza topshirish bosqichlari: 1️⃣ yoshlar.gov.uz saytiga kiring. 2️⃣ So‘rovnomani to‘ldiring. 3️⃣ CV'ingizni yuklang. 4️⃣ IQ testdan o‘ting. 5️⃣ Arizani yuboring. ☝️Muhim: Tegishli yo‘nalish bo‘yicha loyihangiz bo‘lishi zarur. ⏳Ariza topshirishning so‘nggi kuni 20-avgust! Imkoniyatni qo‘ldan boy bermang! Qo‘shimcha savollar uchun: @amaliyot_ofisi_menejer Facebook | Instagram | YouTube | Telegram