- حُطَام

ليهمك حبيبي القيل والقال ودنيا الغثتك كوم اضحكلها تباها بحبي الك يانور العيون وخلها تموت غيض الناس خلها انه بيمناك سيف بساعة الكون وادين اللاوتك صدك اشلها وانه البلسم لجرحك و انه اداويك و انه العيناك مردوها و كحلها ما عوفك واحن من امك عليك واصير وياك مريم ويه طفلها محبتك بالكلب معكوده يهواي عليها سوار ياهو اليوصللها لا تبجي اموت بعبرتك هاي وتذبحني بدمعتك من تهلها احبك ما اريد بعينك دموع رغم ما دمعتك يسحر شكلها دضم روحي ويه روحك خلها وياك على كل السوالف سولفلها واخذ الشفه لو مر وكتك يصير الك ضميت رشفتها وعسلها وحك حضرت الكاضم يوم زرناه وحك زينب وحك ذاك الكفله وحك جمرت حسين وعطشت حشاه وحك حيدر الكل شده يحلها اذا اهلي وهلك ولوكت ولناس والدنيه علينه ادير كلها ما اعوفك وذا رادو يبعدوك بحزام المنايا اتحزملها ومن ذيقار امد الجثث لهنا ولخليها صدك يشهد زحلها

وحگ من خله بيك بكل كتر شامه اذ ماكتلي احبك ليلي ما نامه انا بلا احبك ماانام الليل اضل ابجي علروحي والدموع تسيل طاردني الوگت وعليك اجيت دخيل لاتهضم دخيلك طيح چدامه

انا البلسم الجرحك واني اداويك وانا العيناك مرودها وكحلها ماعوفك واحن من امك عليك وصير وياك مريم وي طفلها محبتك بل گلب معكودة يهواي عليها سوار ياهو اليوصل الها

‏من رادوني اوصفج صنم ضليت واليسئلني عنج شرد اكله اكللهم حلوه اضلمج انتي ينراد مااوصفج بأي حجايه سهله وصفوج ب زليخه وجاوبت" لا " صدكوني الاحبها هواي احلئ لـ احبها بليه كلشي عيونها كبار قبل جانت زليخه تخلي كحله

‏جا شرد اكلك بعد واندهلك بيا صفه وانته اكرب من النفس ومن شفتك اني الحزن من كل حياتي اختفة ياسلوتي ومنوتي يابسمتي ودمعتي يامالك العاطفه يااا اترف من الورد بس يمك انته انسعد من مرني طيفك برد حضني علا ثلجك دفا چاا شرد اكلك بعاد واندهلك بيا صفه وعيوني لو شافتك تفترسك من الولع چن بيك متحلفه ونوعين هوه العشك لو نسمه لو عاطفه

"انتي احلى من القصيده واحلى ڪلمه بدفتࢪي " "انتي شمس الله ومشت" "حقج يا شمسنه تبختࢪي" "واتصوࢪي شڪد انتي حلوه تصوࢪي" "انتي احلى من البنات" "والبنات بشوفتج ࢪدن ڪࢪي" "ولو أڪو قيس بعصࢪنا جان عاف ليلى العامࢪي "

‏ردت انساك كالوا جرب الكاس غير الكاس كالوا ماكو جاره المصيبة الكاس! خلاني ادعي الاكي وما مقبوله دعوات السكارة.

‏انا مسودن واحبك حب عراقيين مو من عينك من الشفه باوعلي واريد عيونك بكبر البراءه البيك هم تشوفني وهم منها تغمزلي

‏دليتك عل فرح يل علمتني البچي ولو تدري يا صاحبي صدري شكثر بي حچي من كثر ما مبتلي لساني بسكوته اكتفى ومشكور ما قصرت فضلك بيش اوصفه بصدري غرزت الرمح وتحطلي سم عل جرح وتكلي بيه الشفه بكل هاذ ما يقتنع گلبي ويحسبك وفي شكد غشيم الگلب يترجه منك وفه

‏لوَشمرة فِراش البّي مَرض يعّدِي يشمُروني ولا فرگاك لو ماي الترشهَ امي وراي الصبُح من اطلع يلمونه ويغسلوني ولا فرگاك انا ما ردت اموت اعليك اموَت وياك !

يتحاورون الموتى ليسمع لهم الاحياء