Vobkent tumani Kengashi | Rasmiy kanal

👨‍💼Vobkent: “Roʻzi Husenov” xoʻjaliklararo kanalining 10 kilometr qismini betonlashtirish boshlandi   🏛Vobkent tumanida suv resurslaridan oqilona foydalanish, suv isrofining oldini olish va qishloq xoʻjaligi ekin maydonlarini barqaror suv bilan taʼminlash maqsadida “Roʻzi Husenov” xoʻjaliklararo kanalining 10 kilometr qismini betonlashtirish loyihasi amalga oshirilmoqda.   ✍️Oʻzbekiston Respublikasi Prezidentining 2025-yil 15-avgustdagi “Oʻzbekiston Respublikasida suv resurslarini boshqarish va irrigatsiya sektorini rivojlantirishning 2025 — 2028-yillarga moʻljallangan dasturini tasdiqlash toʻgʻrisida”gi PQ-250-son qarori asosida amalga oshirilayotgan mazkur loyiha “Imomqozixon”, “Xayrxush” va “Xayrobod” hududlaridagi jami 3 ming 255 gektar qishloq xoʻjaligi maydonlarini suv bilan taʼminlashda muhim ahamiyatga ega.   🛣1989-yilda foydalanishga topshirilgan kanalning dastlabki suv oʻtkazish quvvati sekundiga 4 kub metrni tashkil etgan. Biroq yillar davomida texnik holatining yomonlashishi natijasida bu koʻrsatkich 2 kub metrgacha kamaygan.   🛻Shu bois kanalning 10 kilometr qismini betonlashtirish ishlari boshlandi. Loyihaning umumiy qiymati 16,090 milliard soʻmni tashkil etadi.   📐Yaqinda kanal suvi toʻliq toʻxtatilib, buyurtmachi — “Buxorosuvqurilishinvest” davlat muassasasi tomonidan dastlabki loyiha hujjatlarini tayyorlash maqsadida oʻlchash va balandlik darajalarini aniqlash ishlari boshlandi.   👷‍♂️Qurilish texnikasining erkin harakatlanishini taʼminlash maqsadida kanalning muhofaza zonasi ham tozalandi.   📈Kanalning betonlashtirilishi natijasida suvning sizib ketishi va ortiqcha isrof boʻlishining oldi olinib, mavjud suv resurslaridan samarali foydalanish imkoniyati kengayadi. Eng muhimi, fermer va dehqon xoʻjaliklarining ekin maydonlariga suvni bir maromda va barqaror yetkazib berish taʼminlanadi.   ➡️Bu esa qishloq xoʻjaligida hosildorlikni oshirish, suvdan foydalanish samaradorligini yuksaltirish va aholi farovonligini taʼminlashga xizmat qiladi. Amalga oshirilayotgan ishlarga daxldor sifatida hududdan saylangan tuman Kengashi deputatlari ham faol ishtirok etmoqdalar     Rasmiy sahifalarimiz!👇 ✅Telegram / 🌐Instagram / ✅Facebook / 🌐Web-sayt / 📹You Tube

#deputat_faoliyatining_eng_muhim_yoʻnalishlari    👨‍💼“Milliy tiklanish” demokratik partiyasi tuman Kengashi deputatlik guruhi aʼzolari, viloyat Kengashi xodimlari hamda partiyaning Vobkent tuman Kengashi raisi Toʻymurod Yoqubov tomonidan Vobkent tumanidagi “Vobkent”, “Shakarkent” hamda “Latifsobungar” mahalla fuqarolar yigʻinlari faoliyati oʻrganildi. 🔍Oʻrganish jarayonida mahallalardagi ijtimoiy-iqtisodiy holat, hududlarni obodonlashtirish ishlari, aholi bandligini taʼminlash, kambagʻallikni qisqartirish, tomorqa yerlaridan samarali foydalanish, muhandislik-kommunikatsiya infratuzilmasining holati hamda “mahalla yettiligi” faoliyati tahlil qilindi. 📆Shuningdek, “Dolzarb 40 kunlik” doirasida mahallalarda amalga oshirilgan ishlar, mavjud muammolar va ularni bartaraf etish boʻyicha koʻrilayotgan choralar oʻrganildi. ✍️Bundan tashqari, Prezident Shavkat Mirziyoyev raisligida oʻtkazilgan videoselektor yigʻilishida belgilangan mahallalarda yangi muhitni shakllantirish, “mahalla yettiligi” faoliyatini takomillashtirish hamda “Mahallada obodlik va mehr-saxovat oyligi”ni yuqori saviyada tashkil etish boʻyicha vazifalarning hududdagi ijrosi koʻrib chiqildi. 📌Oʻrganish davomida aniqlangan muammo va kamchiliklarni bartaraf etish, aholining murojaatlarini oʻz vaqtida hal etish hamda mahallalarda amalga oshirilayotgan bunyodkorlik va ijtimoiy loyihalar samaradorligini oshirish yuzasidan tegishli tavsiyalar berildi.    ✅Telegram / 🌐Instagram / ✅Facebook / 🌐Web-sayt / 📹You Tube