عُمْق 💙✨

ممّكن تسامح حد، بس خلاص مش عايزه يكمل معاك باقي الطريق ممكن تقبل اعتذاره عادي، بس مش حابب ترد على مكالماته، وتفضل باني سور بينك وبينه ورافض مشاعره إحنا مبنسامحش الناس علشان نصلح اللِّي بيننا أو نصلح البيت اللِّي اتكسر! إحنا بنسامح بس عشان نعرف نعدي ونكمل حياتنا من غيرهم.

مو كُلشي إلو بديل: في أماكن راح تبقى فارغة ومَحد يمليها مهما حاولنا ،وفي عشرة متنسي بكّل تفاصيلها ،وفي مواقف تبقى محفورة بداخلنا بنفس إحساسها الي كنا طايرين بي بأختصار مو كُلشي يتعوض .

الخذلان المتكرر بيعلّمك حاجتين مهمين جدًا: 1- سقف توقعاتك من الناس بينزل. مبتبقاش مستني من حد حاجة، ولو حد عمل معاك خير بتفرح وتقدّره، ولو خذلك مبتنهارش... لأنك اتعلمت إن تعلقك يكون بربنا قبل أي حد. 2- قلبك بيتعلم الاستغناء. مش معنى كده إنك مبقتش بتحب، لكن بقيت تعرف تمشي من أي علاقة فيها قلة تقدير أو وجع من غير ما تضيع نفسك فيها. هتزعل؟ أكيد... لكن مش هتفضل متمسك بحد اختار يسيبك.. وفي الآخر بتكتشف إن أصعب الدروس... هي أكتر الدروس اللي أنقذتك.

التوقيت يا جماعة… بيكون أهم من الحاجة نفسها اللي افتكرك يوم عيد ميلادك، مش زي اللي افتكرك بعده بأسبوع واللي جه يعاتبك وقت المشكلة، مش زي اللي فضل ساكت بالشهور، مستني الدنيا تهدى أو إنك تعرف لوحدك إنه زعلان واللي مهنش عليه يسيبك تنام زعلان، مش زي اللي سابك بالأيام أو بالشهور من غير ما يحاول يصالحك، أو حتى يجبر بخاطرك يا تعمل الحاجة في وقتها… يا بلاش تعملها لأن أوقات، التأخير بيفقد أي حاجة قيمتها الزعل بيتنسى، والمشاكل بتتحل لكن إحساس إنك هُنت على حد لدرجة إنه اتأخر عليك، ده عمره ما بيتنسى

‏واستند إليها كأنها قوته، وعاشَ بها كأنها روحه. ‏

أدعوك ألا تفارقني رحمتك ما دُمت حيًا وألا تفارقني حين أفقِد وحين أُفقَد، حين تتعثر كل الأمور وحين تتبدل كل الخطط، حين ينقطع الأمل داخلي وحين أقف في المنتصف بلا حيلة، ألا تفارقني رحمتك حتى تغدو أشد الأمور هيّنة على قلبي.

أنا مقتنع جدًا إن النسبة الأكبر من أدب البني آدم وأخلاقه بتيجي من تعبه هو على نفسه، مش بس من تربية البيت ياما أهالي طلع عينها وشقيت علشان تطلع ولادها ناس محترمة، وفي الآخراختاروا بكامل إرادتهم يمشوا في السكة الغلط وتبقى من غير أخلاق الأهل بيحطوا البذرة، لكن البني آدم هو اللي بيختار يرويها إزاي الخلاصة إن الإنسان هو المراقب على نفسه، وهو الوحيد اللي يقدر يظبط بوصلته ويعدل سلوكه لو حس إنه بدأ يعك.

ماتجبرش حد عليك! المشغول عنك فاضي لغيرك، واللي بيستتقل الكلام معاك بيحب الكلام والقاعدة مع ناس تانية.. ماينفعش تجبر حد عليك،ولا تلزم حد يفضيلك جزء من وقته ولا يهتم بيك! في اللحظة اللي تحس فيها إن وجودك زي عدمه، إن الطرف التاني مش شايفك مُهم ولا ليك أولوية ولا بيبادلك نفس الرغبة في التقدير والودّ ارجع خطوتين لورا واحمي قلبك.. وكما قال د أحمد خالد توفيق (‏لا تتعلق بـ شخص لا يكتب لك ، لا يتفقدك، لا يبادر دائماً بالسؤال، لا يزاحم يومك، لا يقرأ ما بك ، لا يحفظ أهم تواريخك، لا يراقبك ليعرف تفاصيلك ، لا يشعر بك عندما تكذب انك بخير ، لا يملأ حياتك بالمفاجأت ، ب اختصار لا تجعل شخصا اولوية بينما انت لست على راس قائمة أولوياته) صُن نفسك لنِفسك، فهى الباقية لك وإنْ غاب كل الحضور ..

احترامك لنفسك مبني بشكل أساسي على (اختياراتك)..! لو بتحترم نفسك ؛ هتبعد بيها عن أي مكان مش شبهك ، وأي علاقة مش لايقة عليك ، وأي وضع مش مناسب.. قراراتك بتثبت إذا كنت بتحترم نفسك ولا لأ.

بصوا ياجماعة ، لما يحصل خلاف أو خناقة، افتكروا إن في خطوط مينفعش تتعدى يعني متجيبش سيرة الأهل، ومتعايرش حد بمرض أو بظرف هو مختاروش، ومتستخدمش حاجة كان قالهالك في وقت أمان عشان تكسب بيها الخناقة، ولا تحاول تشوه صورته لمجرد إنكم اختلفتوا أنا عارف إن الغضب بيعمي، وإن الوجع بيخلي الواحد عايز يوجع اللي قدامه بأي طريقة بس دي حاجات اتربينا إنها عيب قبل ما تكون غلط لأن الخلاف بينتهي لكن في كلام عمره ما بيتنسي.

فيه مشاعر، مهما عدى عليها وقت، عمرها ما بتتنسى أول مرة عيطت، لأن صعبت علىك نفسك ولما هونت على حد، كنت فاكر إنه بيحبك ولما قعدت تربط الأحداث ببعض، واكتشفت قد إيه أنت اتأذيت حتى لو تجاوزت الموقف، وسامحت الشخص، هيفضل إحساسك وقتها جواك وهيخليك تحارب، علشان متقعش فيه تاني.

انا من الناس اللي تقيس المحبة على حجم الراحة ‏"ارتاح وياك أهم عندي من اني أحبك"

وانت زعلان ليه..! ما اللي يروح يروح ده ربنا بيقول : ﴿يؤتكم خيراً مما أُخذ منكم﴾ مش زيه بس لا ، ده أجمل ، وأفضل ، وأعظم ، ثق في عوض ربنا لقلبك وسلم أمورك لله.

حد مرة قالي إن الذكريات مسيرها تتبخر مصدقتش، وكملت طريقي وأنا لسه متعلق بكل اللي فات النهارده جاي أقولك إن الذكريات فعلًا بتتبخر أول ما ربنا يرزقك بناس شبهك، تعرف تعيش معاهم ذكريات جديدة، تغطي على كل اللي فات وساعتها هتقف لحظة وتسأل نفسك: هو كان إيه اللي فات أصلًا؟ وتكمل طريقك، وإنت على وشك ابتسامة، ومستني كل الخير اللي جاي.

مستحيل مشاعرك تفضل ثابتة لنفس الشخص طول العمر يا إما هتزيد، يا إما هتقل، وفي كل مرحلة هتحس بيها بشكل مختلف ولو رجعت النهارده بشخصيتك الحالية لعلاقة قديمة، ممكن تستغرب إزاي كنت متعلق بالشخص ده، وإيه اللي شدك ليه وقتها العلاقات الطويلة مش بتكمل لأن المشاعر فضلت زي ما هي، بتكمل لأن الاتنين عرفوا يتقبلوا التغيير اللي بيحصل في بعض، ويتمسكوا ببعض رغم التغيير.

لا تعاتب شخصاً قرأت البرود في عينيه ولم يهمه شيء من مشاعرك .

" أنا مش شايفة نفسي ؛ انا عارفة قيمة نفسي " 💗.

"والاسوأُ أن ترتدي ثوبَ الضحية، وأنت القاتل الذي ما زالت يداهُ ملطختين بالحكاية"

ادعُ حتى تُجاب، أو حتىٰ تفهم المنع، أو تنزل عليك سكينة الله، وكل ذلك خير .

لهذا إذا حدث وأحببتني أرجوك أن تنتبه كثيراً لكيفية عناقي فأنا أتألم هنا وهناك وهنا وهنا