فضفضة ، فضفضه ، كلام حلو ، حقيقه ، نصائح ، توعيه ، حب ، غزل ، عرك ، رزايل ، نصيحه ، كلام منطقي ، خذلان ، نصائح ، تحفيز للدراسه ع

هاي مرة كاعد ما عندي شي فجانت عندي ساعتين فراغ حرت بين ان اتعلم بيها شي اقرا كتاب جنت جايبه يخص الشغل او اشوف فلم وبقيت، اتعلم لو اتونس اتعلم لو اتونس اتعلم لو اتونس واني دا اكلب بالريلز لازم التلفون واكلب اتعلم لو اتونس اتعلم لو اتونس الى ان شفت ان الساعتين راحت على الريلز الساعتين اللي ردت اتعلم لو اتونس بيهن راحت على فيديوهات اني ما راح اتذكرها ولا راح تفرق ويايه ولا اساسا اني حابها، هي بس حركة التكليب هاي اللي تخليك حاس انك دتسوي شي وانت مدتسوي شي فكر بيها، شكد يروح من حياتك وانت تكلب بالريلز، بس لانك فاهم انك دتسوي شي بس لان جسمك شغال من خلال ايدك وعقلك مغيب من خلال استقبال معلومات ما تسوي شي غير ان تعلي دوبامين

هلو

وبس والله بيباي

فهمت ان اللي يجامل فلان وفلان هذا مو منافق، ولا ضعيف شخصية، ولا عنده وجهين ولا هذا الكلام الفارغ، هذا شخص فاهم مصلحته، عارف شلون يوظف ذكاءه العاطفي وينطي كل شخص على كد عقلة بدون ما يتصادم ويكول كلام هو ما اله داعي بس حتى يكول والله اني صريح او اللي بكلبي على…

مع مرور الايام عرفت شي اسمة "الذكاء العاطفي" وصرت مؤمن باهميته، ومفكر ان اني املكه بس بالحقيقة اني مجنت فاهمه بشكل صحيح 100% ومع تزايد الخبرة بحكم التجارب والتعلم، فهمت ان (الحجاية قبل ما تطلعها هذبها) يعني اذا اكو واحد جذاب، لا تكله انت جذاب تكدر تحتفظ بهذه…

قبل جنت احجي الحجاية مثل ما هي، يعني اذا انت جذاب حكلك انت جذاب جنت فاهم ان الصراحة راحة، وان المجامل (لوكي) ودائما حياته ماشية صح لان يعرف يجامل ومرات ينافق! فجنت اشوفه منافق.. اما اني، فانسان صريح، يكول الحجاية القاسية حتى تعلمك وتبقى تتذكرها، شي جنت مفكرة…

قبل جنت احجي الحجاية مثل ما هي، يعني اذا انت جذاب حكلك انت جذاب جنت فاهم ان الصراحة راحة، وان المجامل (لوكي) ودائما حياته ماشية صح لان يعرف يجامل ومرات ينافق! فجنت اشوفه منافق.. اما اني، فانسان صريح، يكول الحجاية القاسية حتى تعلمك وتبقى تتذكرها، شي جنت مفكرة صح بس بعدها كل شي تغير..

اجيت اكتب شي هنا يفيدكم واروح

هلو

مرات الواحد من كثر الضغط والركض ينسى نفسه، ينسى اساساً هو شنو جان يحب وشنو يكره، شنو الهدف الاساسي اصلاً!.. تبدي تنسى حتى بديهيات نفسك، اللي هو اني شكد تركت وبشكد ضحيت علمود ما اوصل للنقطة اللي اني هسه اصلا واصل الها بارادتي مرات الانسان، يضحي بهواي اشياء حتى ما يكون هذا الشخص اللي ديركض اتجاه طريق بعدين الحياة تخلي مقتنع وهو يركض اتجاه نفس الطريق اللي جان يتلافاه محد يعرف باجر شنو حيصير، لا تكون متاكد من شي حتى من روحك، لان حتى روحك واساسياتها تتغير، حتى الاشياء اللي تريدها تبدي تتبدل، خاصة اذا كانت هذه الروح متعوبة، هنا الموضوع حيكون اصعب، حتكون اكو صعوبة بالتعامل وياها انت ما تعرف اصلا شنو اللي يرضيها تبدي تركض حتى ترضيها، وما تكدر.. تبدي تحقق كلشي جنت تشوفه حلم بس روحك رافضة ان يكون انجاز اساساً!. فهنا توصل لنقطة اللي هي ( ها! اني شنو اريد؟.. اني وين من الخطة اللي المفروض كاتبها!..) فـ اي، محد يعرف باجر شكو وشحيصير، لا تضغط على روحك وتخليها تتعب لحد ما توصل لدرجة اللي تخليك توصل وروحك تنطيك شعور انك بعدك بالبداية.

استراحو الدنيا ما تستاهل نبقى نركض

كل عام وانتم بالف خير تقبل الله طاعاتكم والله يحقق امانيكم يا رب ❤️

ثم انني اعتذر لنفسي عن كل تلك الدقائق التي اضعتها بتفاهات لم تأتي بشيء سوى القلق وقلة الراحة.

_

_ كاعد احلل فد علاقة معينة بين اثنين واكتشفت ان المشكلة بيناتهم هي كلش بسيطة ومو بسيطة بنفس الوقت الطرفين او احد الاطراف مو عارف يكول الكلمة الحلوة! الكلمة الطيبة! الكلمة الطيبة عموما بالعلاقات الاجتماعية والعاطفية تغير مفهوم كامل سواء عن نظرة الناس الك او حتى بفكرة ردة الفعل والتعامل وياك ولان الكلمة الطيبة ما موجودة فالعلاقة كانت دائماً مشدودة ( كلمة مو حلوة + رد فعل قوي= مشكلة ) زين هو ليش ماكو كلمة حلوة اساساً؟ ١- الموضوع ببساطة ان الشخص لما يتربى ببيئة مشدودة سواء من الخارج او هو مشدود من الداخل (لعقدة معينة) هذا الشي يخلي ما يكول الكلام الحلو لان اسلوبة بحكم تنشئته تكون مبنيه على اسلوب الشد والاستفزاز وممكن النبرة الهجومية ٢- العقدة اللي ممكن يسببوها الاهل او احد الابوين مثل ان يحسسوه ان هو اقل من البقية او ما يسمعوه كلمة طيبة او نبرة الحوار وياه مبنيه على الشد والهجومية (ماكو نبرة حنينة) هل شي كذلك ينشأ هيج شخص الصداقات ممكن ما تتأثر بهيج سبب لان هو يبقى صديق والحوار اللي بينكم يحمل كل شي ( بحكم الميانه وان اني اقبل اي شي من صديقي) الاهل كذلك هم ممكن هل شي ما يأثر عليهم لان هم سبب هذه الشخصية بحكم البيئة الموجودة واللي معتمدتها العائلة كلها اللي راح يتأثر بالدرجة الاساس هي العلاقات العاطفية اللي دائماً تحتاج التعزيز والكلمة الطيبة والتصرفات الحنينة واللي راح يتأثر بالدرجة الثانية الشغل ممكن لان الشخص هذا اذا زاد ميانه ويه الزملاء او حجه بطريقته المعتادة (بعد التعود) راح تسببله مشاكل بالشغل، كذلك ممكن عدم احتماله للكلمة من مديرة بحكم صفته الهجومية اللي كذلك ممكن تسببله مشكلة وشكراً _ #صادق

لا يمكن تحمل حياتي الجديدة لو اردت ان أنظر اليها بشكلٍ عميق لذلك انا أهرب من كل دقيقة شرود، أذعر في كل مرة أعود بها الى كل الاحداث التي مرت.

_

الحياة تجارب، واذا ما نتأذى اذية اقوى من القبلها ما نتعلم الدرس بشكل اكبر من الدروس اللي فاتت..

نشر كاظم الساهر هذه الصورة كتب عليها عبارة: "من كواليس التمرين" .. انسان داخل على عمر 70 عاماً، منها 40 وأكثر بهذه المهنة وهذا المجال، ولازال حتى هذه اللحظة يتمرّن ويتدرّب ويتهيأ ويستعد ويكرر هذا كثيراً وكثيراً، ويتجوّل بالمسارح مع فرقته بنفس الإيقاع والجودة والمُنتج. درسٌ بالإلتزام المهني والاستمراريّة، بلا مشاكل ولا كلام ولا صراعات ولا تراشق وتقاذف او ردود وانفعال.. فنان باني حياته على العمل وليس الكلام، ولا التعالي على المهنة وطقوسها بعد كل هذا العمر.

رسالة من المتابعين ✅ الفراغ... ما أقصد فراغ الإنشغال أقصد فراغ المشاعر إتجاه شي مُعين من يصير شي ومَنعرُف شنو إحساسنا تجاه هذا الشي سعادة؟ فرح؟ حزن؟ ضوجه؟ تفائُل؟ تشائُم؟ نبچي؟ نضحك؟ نبتسم على الأقل! من أصعب الأشياء بهاي الحياة هوا شعور فراغ المشاعر أصعب شي من مَتدري بروحك شنو لازم تسوي وشنو إحساسك أصعب شي من مَتعرُف توصف اللي انتَ بي مَتعرُف تعبر عن اللي انتَ دَتعيشه مَتعرف وين تروح وشنو تسوي بهاي اللحظة شعور خانق نفاذ يخترق صدرنا ويطفي بهجة گلوبنا هوا فراغ مَتعرُف شنو تخلي بي؟ شنو تملي لهالفراغ لأن بالمُختصر هوا فراغ مَتعرُف توصفه فَ من المُستحيل إنو يمتلئ فراغ تحس بي بسبب كلمة بسبب فعل بسبب شخص بسبب شي ناقصك وأصعب من هذا كُله المُسبب لهذا الفراغ اللي مُمكن يكون انتَ أو انتِ أو شخص أو كلمة من شخص نحبه أو موقف صعب چذبنا على نفسنا بإنو تخطيناه هَون على نفسك فالرحمة موجوده يمكن هاي إشارة نعرُف من خلالها إنو مو كُل شي نريده راح نحصله سواء أكان شخص وظيفة حتى لو شغله بسيطة مثل كلمة حلوا منتظريها ومَنسمعها رب العالمين مَياخُذ هاي الشغلات عبث ولا ينطينا شغلات عبث لكُل شي مُسبب وسبب بالنسبة للأشخاص اللي يخلونا نحس بهالفراغ بسبب أفعالهُم الله يهديكُم بحيث عُقدكم النفسية تبطل تطلع علينا لأن عقابكُم راح يكون شديد فَ أتمنى من البشر يفكرون قبل مَيحچون كلمة مُمكن تموت شخص وقبل مَيسوون فعل مُمكن يوگف حياة شخص بأكملها.