عُقيل .

أصعب حاجة إنك تعيش في بيئة ما تقتلكش مرة وحدة ، لَكن كل يوم تطفي فيك شوية من طموحك ، لين تلقئ روحك متعود على حياة أصلًا ما تشبهكش .

أصعب حاجة إنك تعيش في بيئة ما تقتلكش مرة وحدة ، لَكن كل يوم تطفي فيك شوية من طموحك ، لين تلقئ روحك متعود على حياة أصلًا ما تشبهكش .

G,n 🫂 .

توصل مرحله تعرف وتُدرك أنك فعلاً فِ البيئه الهاديه والمكان الصح شخص جداً رايق ومطمئن عكس البيئه اللي محتاج تحسب كل شي من كلامك لعند تصرفاتك العفويه .

3:33

3:33

سمُوها وجهة نظر إستحقاق عالي أو وهم زايد مش موضوع بس أنا مفيش شي يخليني ناخذ ألف خطوه لاورا قد "الإستهانه بمشاعري" والله .

كونك إنسان تجاهد أنه يكونن ذنوبك بسيطه وتحاول ع قد م تقدر تكون مُحافظ ، حَ تلقى أصحاب القلوب المريضه يراجولك ف أبسط غلطه عشان يثبتوا لأنفسهم أنك تدعي المثاليه ، وكأن الإستقامه تبطلها زله و الإنسان المُجاهد لنفسه معصوم من الخطأ ، ربي يشفيهم ويبعدهم من طريقنا .

من وجهة نظري الماضي يندفن فِ الماضي دام الأخطاء اللي فيه بسيطه وعابره ، مش من حق حد يجبرك تحكيهن ومش من حق حد يحاسبك عليهن دامك تبت لوجه الله ، بالعكس حتى فِ ديننا غلط تجاهر بغلط درته وتشهر بيه ، وصدقوني غلطة أمس مستحيل تخرب شخصيتك اليوم لانه كل يوم تكبر وتنضج ويتغير تفكيرك فَ أحمدُوا ربي دام غلطاتكم بسيطه وتوبتكم كانت لوجه الله وأسترُوا ما ستر ربي عليكم ، لانه عمرها ما كانت التوبه تُهمه لاحقتكم طول العمر .

الإنتظار ما يغيرش الظروف ع قد ما يغير الشخص نفسه ، مع الوقت معش تراجي الشي نفسه تقعد تراجي ف النُسخة اللي ح تكون عليها بعده ، مرات يطول لدرجة إنك تنسى حتى شن كنت تبي من البداية ، تبي الإحساس ينتهي أكثر من رغبتك إن الشي يصير .

مرات يكون الإنسان ع حافة الإنهيار بس كلمه وحده تخليه يكمل باقي مشواره والله .

الغريب إن الإنسان يقدر يعيش عمره كله بشخصيتين وحدة يعرفوها الناس وواخذينها قدوه للعقل والقوه والثبات والثّانيه تعرف ضريبة الأُولى كويس بكل .

اللي يبالغ فِ تزييف واقعه ويكذب هذين نتائج تربية حوش ما عرفش معنى "الحمد لله" الإنسان السوي قيمته فِ رضاه ومش فِ المظاهر اللي يستعار منها ؛ قاعِده خوذوها من عقل يوزن بلاد .

يوم تشوفوا راجل فِ حياتي واللي غالباً ح يكون هوا زوجي ، أعرفوا وقتها أنه عرف يطمني قبل كل شي معيشنيش ف إحتمالات ومكنتش مضطره نقوله يبعد ع أي شي يضايقني أعرفوا أنه حارب واجد عشان يكسب ثقة مشاعري اللي ولا مره قدر حد يكسبها .

أكثر شي ممكن ينفرني من الشخص حتى لو كان أعز الناس على قلبي هو المعاملة بمزاجية أنا نعتبر فيها قلة نضج وإستنزاف نفسي ومستحيل نعيش تحت رهن مزاجية أي بني آدم ، لانه العلاقات ف منظوري ساسها الإحترام الثابت والوضوح ، واللي عارف روحه هكّي ما يتعبش روحه ويخش حياتي لأني ح نبيعه في أول مفرق وبأرخص سوم ؛ مش مسؤولة على ترميم أو تحمل أمراض حد .

في شي ف مُجتمعنا نقدر نقول عليه "جريمة الخرُوج عن النص" يبنوا ف تفكيرهم نسخه خياليه لك ويبدوا يحبوها ولا يكرهوها اكثر منك يجمعوا شوية مواقف وشوية ظنون ويديروا منها شخصيه كامله بأسمك وينسوا إنك إنسان عندك أفكارك ومشاعرك وتناقضاتك ونحب نقول للنفوس المريضه اللي فِ حياتي ولا مره شفت روحي انه المشكله فيا لانه عارفه سبب انتقادهم أني بس خرجت عن النص اللي هما كتبوه .

الإعتراف بالخطأ وتغيير القناعات يبي شجاعه مستحيل تكون موجوده السطحيين لأن السطحي يعيش ويموت في جلباب عاداته ع سبا يرضي مُحيطه أما الشخص الشريف اللي عنده إحترام وحُب لذاته تلقاه يتبع عقله ووين ما يدله ع الصاح .

شي مُقلق جداً لما تقعمزي ف مُحيط تلقي الكُل يحكي ف قشور الدنيا هذا كم دفع وهذكِ شن لبست وهذكِ كيف نخطبت تحسي روحك برّانيه ف وسط محيطك وأقرب الناس لك ومجرد ما تحاولي تفهميهم انه فكرتهم غلط تباني قدامهم انك انتِ اللي صعبه ومعقده الأُمور ومش مستوعبين أنه الشي الوحيد الصعب هوا القعده ف وسطهم .