الدُوسري

‏"و إن قلَّت الحيلات حيل الله أقوى" ‏بسيطة يا إنسان

عسى الله لا يعيد الضيقه اللي في مساء الأثنين بعد ما جرحتني من فراقك ودمعت عيني هذاك اليوم لينت الخفوق اللي حشى مايلين لو تلين الرجال اللي على الشدات قاسيني رحلت وضاقت الوجهات الأربع قلت أجيك منين ولا به غير درب لو سلكته؟ ما يوووديني تغانمت الطريق اللي يجي بيتك من الصوبين أحسب إني بشوفك وأحسب الوقت يمديني

‏بكيتك من الفرقا وأنا دمع عيني حار ‏سلامٍ على الشرهه والاخر على المنقود ‏يقولون من طينة محنّه وقلبك بار ‏لا والله من طينة عذاب وجفا وصدود ‏يادوب أتحمّل جمرةٍ من جحيم النار ‏تلحّق عليّه بأختها اللي براس العود ‏خذيت الهوى طيش وعبث حب وأستهتار ‏على قولة العربان ( عيب وعليه شهود ) ‏تبريت منّي والوفا فيك طير وطار ‏عساك آخر العنقود منت أوّل العنقود ‏مخليني أعجوبة زمن في طريق المار ‏مضحك بي العاقل مشمت بي المقرود ‏لاني داخل الصوره ولا خارج الايطار ‏عدوّك وأنا غايب حبيبك وأنا موجود ‏ورغم ماتسوّي بي مسامح على ماصار ‏وخيرك كثير وموقفك ماعنه منشود ‏معك مابعد عديت عمري من الاعمار ‏مخليه ريشه بين أصابع هبوب النود ‏تذكر ولك بالذكر ( مالك من الاسفار ) ‏تذكر وخل الذاكره بالزمان تعود ‏تذكر يوم أن حدود وصلك ثلاث أمتار ‏تخطيتها ماكنّ ذيك الحدود حدود ‏وصلتك وقمت بواجبك قبل سابع جار ‏أخفّي عليك سدود وأبدي عليك سدود ‏سدودٍ تبي تبنا والاخرى تبي تنهار ‏من أبّدع تصاوير الله الخالق المعبود ‏أحس أنّي أبحر فالسفينه مع البحار ‏وأنا أقول يالبّا هذيك الوساع السود ‏أغازل حورها وأنصب لرمشها تذكار ‏وأثمن عطاياها وهي ماوراها فود ‏تذكّر وأنا ويّاك في لمّة السمار ‏تقول البرا مردود أقول البرا مردود ‏تحديت فيك الشاعر اللّي من الشعار ‏بعد ماتقول أسمه تذكر علامة ( قود ) ‏توارت نجومه يوم لدّت لي الانظار ‏طلع في عيون الناس مهوب ذاك الزود ‏تذكر يوم أنّك جيتني ياغريب الدار ‏أبشر بشوفك كنّي أبشر بمولود ‏فتحت الك صدري ياحبيبي زرار زرار ‏هذا بيتك وبيت أمّك وبيت أبوك العود ‏وتحتلني وتحطني دولة أستعمار ‏وأنا في السعوديه تحت راية ابن سعود ‏

يا وجودي كل ما هب نسناس الشمال وجد من حده زمانه على الي ما يبيه ويا وجودي كل ما اضحيت ثم مال الظلال لاغفت عيني ولا ذقت شي مشتهيه وجد من قفى وهو في رجا كلمه تعال والتفت من عقب ما اقفى ولا احد لد فيه وياعذابي لا دنا الليل من روس الجبال وانقضى يوم من العمر ماعاد ارتجيه وانتي ابعد من سمى الحلم ووصالك محال يابعد من هل دمعي ضحى الفرقى عليه ياغناتي لا تحسبين دمعي يوم سال ضعف ولا خوف ولا كذا ولا كذيه والله اني من رجال يضدون الرجال لكن الحظ الردي ساق دمعي كلبيه والله اني كل مادار حوليك الجدال قمت كن الموت يشر على قبري بيديه والله ان قد لي وانا اصد لا جالك مجال صدت الي لا تضايق تذكر قبر اخيه ومن سألني قلت مدري واذا عاد السؤال قلت له تكفى سؤالك ترى ماهو وجيه وش تبيني اقول عن من ترى ذبحي حلال والخطاء منها علي صرت احبه واهتويه عذرها لو ماتعذر مثل واضرب مثال واحد ما يعرف الحر الاشقر يشتويه وان رجعنا للتواصيف لله الكمال لانتهى ليل المزايين جاتك تبتديه كنها غفل مع البدو طاويها الحيال ما يميز وصفها الا نبيه من نبيه واهني الي وصلها وذاق من الزلال رشفه مع غفله الناس من فيها بفيه وعزتي للي سواتي عشق ما لا يطال ويوم طاله ضيع الحلم بين امه وابيه ياول احلام الطفوله على حد الخيال الرجا بالي حمى البيت من حمله بريه حال دونك سيف عنتر وتاسع حول حال باثر حول حال دونك وانا ادعي هيه هيه هيه يالي غرك الحسن واطغاك الجمال والله ان اموت ما شفت لاوصافك شبيه لو يسام الحسن والتيه بجنيه وريال ما بقى في سوق غيرك ريال ولا جنيه كيف اهدك للمقادير وانتي راس مال راس مال ومال والمال ما يعطى السفيه حافظك حفظي لعيني ورمشي لك جلال وانتي تشحين بالماء وانا شفي مويه شايف ظلمك وساكت وطال الليل طال لاتركتي طعن قلبي وانا ما قلت ليه لو بقى للهيل صبر على فوح الدلال ما بقى للقلب صبر على شي يجيه كنت احسب ان الغلا زال واثره لا يزال في الحشى ما كنه الا دخيل في الوجيه ساقني حبك على الموت وسنيني هزال والظروف اقسى من الظلم للعرض النزيه وانتي تسوقين عقلي على حد الهبال تحسبين ان من بغى شي يقدر يشتريه ولا انا ياوجد حالي وجود ما يقال وجد من ضحى بغاليه لرضى والديه ويا وجودي ياول العمر قبل البس عقال وجد من باع اخر العمر في رغبه ذويه ويا وجودي كل ماهب صوتك من شمال وجد من حده زمانه على الي ما يبيه

والله إنك يوم قفيت وسريت والسعاده قفلت بيبانها واهني در بن وطيته لامشيت واهني المملكه وسكانها غرفتن قيلت فيها أو غفيت ليت عيني من حدى جدرانها يسعد الله طلتك في كل بيت معلن الجيه على عربانها

« اعلن مراسيم الوداع ان كنت للفرقى شغوف ‏شد الرّحال و مالك الا الي يلقيك القفى ‏الي يجي حسب الظروف اودّعه حسب ظروف ‏قلبي مع الي بايع العشره مثل صم الصفى ‏حتى «احبك » بعتبرها كلمة من اربع حروف ‏وانت اعتبرها مثل ماودّك وصل ولا جفى »

عمر الشقى ماصاب غير الرياجيل دايم وسومه في عيال الحمايل اللي يشيل الضيم ويعدل الميل تميل فيه الارض ولا زال صامل .

تذكرت والذكرى الحزينه تهد الروح ومن ذاق وجعتها ، ماعاد ايتصوّرها دواليبها تبدأ .. بعزله | ولحظة بوح و ( رحله عميقه ) بيّنه من بوادرها !

عزّممشاك عن أرض ماتحوفك ومن يشتري خاطرك اشتريه بعمرك والجمايل لا عجزت تردها قدّرها واللي ما يثمر فيه خيرك ذوقه مُرك ومن يستكثر عليك الوضُوح أتركه مصير الليالي السّود يظهر قمرها .

الفراغ مصيبة و صحيح لما قالوا إنه يضخّم غالبية الشعور مثل العاطفة والتعب والألم حدّ إنك تنجرف تجاه شعور وأمر ما يستحق أصلًا

من عبرتٍ كنيتها بالحشى كنّ صدري شمالي غير قلبي جنوبي

والله إن صدري معافى وخفاقي نظيف ‏لو أشوف الحزن في عين حسّادي زعلت ‏أقبل بوجهٍ يشرّف ومنطوقٍ عفيف ‏ولا لقيت اللي ينقص من حضوري رحلت ‏أتعدا عن عيوب البشر كني كفيف ‏ولا تبيّن شي للعين جنبت وغفلت

والقوي هزيمته شينه وشكواه عيب ‏مايبي في عيون لأصحاب نظرات شفقه ‏ودّه انه ماسمع خل قلبك قلب ذيب ‏يدري انه في حياته هذا اللي وهقه

اصد و اقفي من الزحمات و الاجتماع واقول نفسي عيوف و طابت و قانعه و اثرني اعيش مع عقلي و قلبي صراع قلبي يبي شي من عقلي و هو مانعه اخاف من طاري الفرقى و اخاف الوداع حسبي على صوت ابو نوره و ابن مانعه