🔍Gurey Media 📖

https://t.me/MadarasadaUmmatulMuxamed

📢 OGEYSIIS FURSAD XUBINIMO – CURDIN MEDIA 🎬 Curdin Media waxay bulshada ogeysiineysaa iney qaadaneyso 2 gabdhood, kana qayb qaata jilitaanka iyo jeedinta muuqaalada. Shuruudaha lagu xulanayo: ■ Qof masuul ah oo xilkas ah ■ Qof dhammaystay dugsiga sare ■ Qof yaqaan jilitaanka iyo jeedinta ■ Qof heli kara waqtiga kooban ee loo baahan yahay marka shaqadu socoto ■ Qof deggan magaalada Muqdisho ■ Qof leh akhlaaq, wada-shaqayn iyo diyaar u ahaanshaha shaqada kooxda 🎬 Haddii aad buuxinayso shuruudahan oo aad xiisaynayso inaad qayb ka noqoto Curdin Media, nala soo xiriir. Tel:-619525948 Curdin Media – Hal-abuur, Wacyigelin & Muuqaallo tayo leh.

https://youtu.be/q1vrSjKEp3U?si=16gABjFoKPRlc1k1

Laakiin Muslimku wuxuu leeyahay meel uu ka istaago arrintan: Haweeneyda qiimaheeda kuma bilaaban sharci casri ah oo la sameeyay qarniyo dambe; Islaamku wuxuu karaamadeeda iyo xuquuqdeeda qayb ka dhigay nidaamkiisa diineed tan iyo bilowgii Islaamka. Taasi macnaheedu waa in Muslimiintu mar walba si wanaagsan ula dhaqmaan haweenka. Diinta iyo dhaqanka dadka waa laba arrimood oo kala duwan. Waxaa jira bulshooyin Muslim ah oo maanta haweenka lagu dulmiyo. Taasi waa in si daacad ah loo qirtaa oo loo saxaa, halkii khaladka dadka lagu qarin lahaa magaca diinta. Gabagabadii Marka aad aragto dood ku saabsan “xuquuqda haweenka”, ha ku degdegin inaad u malayso in Islaamku yahay diin haweeneyda hoos u dhigtay. Marka hore dib ugu noqo Qur’aanka iyo Sunnada. Garo diintaada. Garo waxa Islaamku ka yiri hooyada, gabadha, xaaska, hantida haweeneyda, dhaxalkeeda, karaamadeeda, guurkeeda iyo ilaalinteeda. Islaamku wuxuu haweeneyda ka dhigay qof leh karaamo, masuuliyad iyo xuquuq, wuxuuna ragga ku waajibiyay inay ula dhaqmaan si wanaagsan oo caddaalad ah. Xuquuqda haweeneydu ma aha arrin lagu faano oo keliya; waa masuuliyad lagu dhaqmo. Marka haddii aan maanta ka hadlayno xuquuqda haweenka, su’aashu ma aha oo keliya: “Maxay dunidu maanta haweenka siisay?” Waxaa sidoo kale mudan in la isweydiiyo: “Maxay Qur’aanka iyo Sunnadu haweeneyda u aqoonsadeen in ka badan 1,400 sano ka hor, sideese maanta Muslimiintu ugu dhaqmayaan?” Taasi waa doodda dhabta ah. ✍️Gurey Xikmadle

Islaamka iyo Gabadha Muslimada ah, sida islaamka gabadha ukaraameyey. Markaad sawirkan eegto, su’aal ayaa maskaxda kusoo dhacaysa: Haweeneydu ma tahay qof mudan karaamo iyo xuquuq, mise waa qof loo arko in la ihaaneysto oo la dulmiyo. Sawirku wuxuu ina tusayaa muuqaal taariikhi ah oo xambaarsan fariin culus: haweeney  sidda nin, Ma aha inaan sawirka keliya fiirino waa inaan isweydiinaa  su'aal muhiim, sidoo kale  wuxuu fursad inoo siinayaa inaan ka fikirno hal arrin oo weyn: sidee loo qiimeyn jiray haweeneyda, maxaase Islaamku ka beddelay aragtidaas xun? Haweeneydii ka horreysay Islaamka Carabtii xilligii Jaahiliyada waxay lahaayeen dhaqammo aad u kala duwan. Dhammaan Carabtu isku si uma dhaqmi jirin haweenka, laakiin waxaa jiray dhaqammo Qur’aanku si cad u cambaareeyay. Waxaa jiray gabdho la dili jiray iyagoo nool, iyadoo laga xishoodo ama laga baqo faqri. Qur’aanku wuxuu arrintaas ku xusay: ﴿وَإِذَا الْمَوْءُودَةُ سُئِلَتْ ۝ بِأَيِّ ذَنبٍ قُتِلَتْ﴾                “Marka gabadha la aasay iyadoo nool la weydiiyo: dembi noocee ah ayaa loo dilay?” Islaamku ma uusan kaliya oran “haweenka wanaag ula dhaqma”; wuxuu beddelay aragti aasaasi ah: gabadhdu ma aha ceeb, ma aha culays, nafteeduna waxay leedahay qiimo iyo karaamo. Islaamku muxuu haweeneyda siiyay? Markii Islaamku yimid, haweeneyda waxaa loo aqoonsaday inay tahay qof leh masuuliyad, maal, xuquuq iyo karaamo. 1. Xuquuqda hantida Qur’aanku wuxuu caddeeyay in haweenku leeyihiin qayb ka mid ah dhaxalka: ﴿لِّلرِّجَالِ نَصِيبٌ مِّمَّا تَرَكَ الْوَالِدَانِ وَالْأَقْرَبُونَ وَلِلنِّسَاءِ نَصِيبٌ﴾ Ragga waxay leeyihiin qayb, dumarkuna waxay leeyihiin qayb. Tani waxay ahayd isbeddel weyn oo ku yimid bulshada Carabta ee xilligaas, iyadoo haweenka qaarkood aan xitaa loo arki jirin inay leeyihiin xaq ay ku leeyihiin hantida qoyska. 2. Haweeneydu waxay leedahay maalkeeda Islaamku wuxuu aqoonsaday lahaanshaha hantida haweeneyda. Maalkeeda iyadaa iska leh. 3. Meherka Qur’aanku wuxuu amray in haweenka la siiyo meherkooda: ﴿وَآتُوا النِّسَاءَ صَدُقَاتِهِنَّ نِحْلَةً﴾ Meherku ma aha lacag haweeneyda laga iibsado; waa xaq maaliyadeed oo loo dejiyay iyada. 4. Guurka iyo oggolaanshaha Guurku Islaamka ma aha in haweeneyda loo arko hanti qof kale leeyahay. Waxaa jira xeerar iyo oggolaansho la xiriira guurka, Nabiguna ﷺ wuxuu faray in haweeneyda guurkeeda ka  hor la  helo raalli ahaanshaheeda. 5. Karaamada gabadha Nabigu ﷺ wuxuu si weyn u dhiirrigeliyay wanaagga gabdhaha iyo daryeelkooda. Gabadhu ma ahayn ceeb la qariyo; waxay noqon kartaa sabab uu qofku Jannada ugu dhawaado. Hooyada: meel aan sahlanayn in la gaaro Markii nin u yimid Nabiga ﷺ oo uu weydiiyay qofka ugu mudan xaq ku leh, Nabigu wuxuu tilmaamay hooyada, mar kale hooyada, mar saddexaadna hooyada, dabadeed Aabbaha. Tani waxay muujinaysaa in Islaamku uusan haweeneyda ku qiimeynin quruxdeeda ama shaqadeeda oo keliya, balse uu si gaar ah u xoojiyay karaamada hooyada iyo dumarninadeeda. Laakiin xuquuqdu ma aha hadal keliya Halkaan ayay dooddu ka sii qoto dheeraanaysaa. Islaamku wuxuu haweeneyda siiyay xuquuq, laakiin sidoo kale wuxuu ragga saaray masuuliyado iyo waajibaad. Qoyska Islaamka waxaa lagu dhisay mas’uuliyad, naxariis, ilaalin iyo iskaashi—maya in midkood uu kan kale u arko addoon. Qur’aanku wuxuu leeyahay: ﴿وَعَاشِرُوهُنَّ بِالْمَعْرُوفِ﴾ “Si wanaagsan ula dhaqma.” Nabiguna ﷺ wuxuu yiri: “Kuwa idiinku kheyr badan waa kuwa ugu wanaagsan ehelkooda.” Sidaas darteed, qof sheeganaya inuu Muslim yahay laakiin dulmi, bahdilid iyo xadgudub ku sameeya haweeney, ma matalayo akhlaaqdii uu Islaamku amray. Haddaba maxaa looga jeedaa “Xuquuqda Haweenka”? Xuquuqda haweenku ma aha fikrad ay leedahay hal dhaqan ama hal qaarad oo keliya. Bulshooyin badan ayaa taariikh ahaan lahaa caadooyin kala duwan, duniduna qarniyo badan ayay soo martay isbeddello sharci iyo bulsho. Reer Galbeedkuna waxay sameeyeen halgan dheer oo lagu ballaarinayay xuquuqda haweenka, sida waxbarashada, lahaanshaha hantida, codbixinta iyo sinnaanta sharciga.

https://youtu.be/m6WGKsktJlo?si=gxFzrzs-oDW5Xop9

Nagu soo biira ,oo taaeera Curdin Media saaxiibayaal

https://youtu.be/WJJ_AMIH794?si=M-gzlPnDOrEsqyR0

Ha Ka Qaadan Talo Guur Qof Reeraha Dumintiisa Ku Caan Ah U fiirso dadka baraha bulshada ku faafiya hadallada kala fogeynaya lamaanaha, kuwa guurka cabsi gelinaya, ama si joogto ah uga hadlaaya qadiyadaha xasaasiga ah ee ragga iyo dumarka. Mararka qaar waxaad ogaan kartaa in qofka ugu qaylada badan arrimaha guurka uusan ahayn qof ku dhisan aqoon, khibrad iyo xikmad, balse uu yahay qof waqti badan ku lumiyay fashilaad, khibrado xun ama xiriirro burburay, dabadeedna doonaya in dhaawaciisa uu dadka kale ugu gudbiyo. Qof khibrad xun soo maray ma aha in taladiisu dhammaanteed khalad tahay, laakiin dhibku wuxuu bilaabmaa marka uu qofku waayo-aragnimadiisa gaarka ah ka dhigo sharci ay tahay in dhammaan ragga iyo dumarku raacaan. Tusaale ahaan, nin ayaa xiriir ku fashilmay. Halkii uu ka baran lahaa khaladkii dhacay, wuxuu bilaabaa inuu yiraahdo: “Dumarka oo dhan lama aamini karo.” Ama gabadh ayaa qof ay jeclayd ka heshaa dhaawac. Haddii ay markaas tiraahdo: “Ragga oo dhan waa isku mid.” Labada hadalba waxay qofka ka dhigi karaan inuu hal dhacdo ku cabbiro bulsho dhan. Waxaa kale oo jirta xaalad kale oo khatar badan: qof ayaa baraha bulshada ku noqda mid si joogto ah uga sheekeeya khiyaanooyinka, furriinka, khilaafaadka sariirta, sirta lamaanaha iyo ceebaha qoysaska. Dad badan oo daawanaya, gaar ahaan dhalinyarada aan weli guursan, waxay bilaabaan inay u maleeyaan in guurku yahay meel ay ka buuxaan khiyaano, muran iyo dhibaato. Markaas qof aan weligiis guursan ayaa laga yaabaa inuu yiraahdo: “Guurku waa dhibaato, mar horaan  geli lahaa?” Halka xaqiiqadu tahay in baraha bulshada aysan inta badan kuu soo bandhigin boqollaal kun oo qoys oo si caadi ah u nool, is ixtiraama, carruur koriya, dhibaatooyinkoodana si gaar ah u xalliya. Waxaad inta badan arkeysaa kiiska muranka leh, sababtoo ah muranku wuxuu keenaa daawasho, dood iyo faallooyin badan. Tusaale kale Haddii qof maalin kasta daawado muuqaallo ka hadlaya shilalka waddooyinka, waxaa laga yaabaa inuu muddo kaddib u maleeyo in waddadu mar walba khatar tahay. Laakiin xaqiiqadu waxay tahay in malaayiin safar ah maalin kasta ay si nabad ah ku dhammaadaan, kuwaas oo aan war laga samayn. Sidaas oo kale ayay tahay nolosha guurka. Dhibaatooyinka guurka waa jiraan, laakiin ma matalaan dhammaan guurka. Sidaa darteed, qofka guurka ka hadlaya ha ku qiimeyn codkiisa oo keliya; ku qiimee: • Aqoon ma leeyahay? • Hadalkiisu ma dheellitiran yahay? • Ma kala saaraa khibraddiisa gaarka ah iyo xaqiiqada guud? • Ma xal ayuu soo jeedinayaa mise khilaaf ayuu hurinayaa? • Ma dhowraa sirta lamaanaha? • Ma dadka ayuu baraa sida loo wada hadlo, mise wuxuu ragga iyo dumarka isku dirayaa? • Hadalkiisu ma dhisayaa qoysaska mise wuxuu ka dhigayaa dhalinyarada kuwo guurka ka baqa? Waxaa jira dad dhib kasoo maray guur, haddana noqday dad dadka kale bara sida khaladka looga fogaado. Kuwaas waa in laga faa'iideystaa. Laakiin waxaa jira kuwo kale oo dhaawacooda ka dhiga ganacsi, daawasho iyo saameyn; kuwaasna waxaa muhiim ah in laga digtoonaado. Ugu dambayn, dhalinyarooy, ha u oggolaan qof baraha bulshada jooga inuu maskaxdaada ka dhiso sawirka guurka. Guurku wuxuu leeyahay farxad iyo caqabado, dulqaad iyo khilaaf, jacayl iyo masuuliyad. Qofka saxda ahna waa inuu kaa caawiyo inaad fahanto sida dhibaatooyinka loo xalliyo, ee uusan kaa dhigin inaad ka baqdo nolosha oo dhan. Ha ka dhigin dhaawaca qof kale khariidadda noloshaada. ✍️ Gurey Xikmadle

Si aad u ogaato musiibada dagaalka yukrayn iyo halaagga ka dhashay . - waxaan raadiyay ilo aanan galbeed ahayn ilaa heer madax banaan raacaayana ila toos ah furimaha dagaalka khasaaraha dhimasho ee gaaray labada dhinac waa mid aad u weyn . dhinaca ruushka si dhab ah : Dhimasho : 350,000 ilaa 400,000 oo askari ilaha galbeedka dhiamshada ciidanka ruushka waxay gaarsiinaayaan : 1.2 milyan ilaa 1.4 milyan oo askari . Dhinaca yukrayn : dhimasho 400,000 ilaa 600,000 waxaa la la'yahay 150,000 oo askarin . ilaha ruushka waxay gaarsiinaayaan dhimashada ciidanka yukrayn ka badan hal milyan oo askari . waxaan ka hadlayna dagaal isbuucii kumanaan askari ay ku dhintaan dagaal socdo 4 sano !

Alle wuxuu leeyahay xikmad ku jirta abuurkiisa… 🐊✨ Alle wuxuu leeyahay xikmad ku jirta abuurkiisa… 🐊✨ Yaxaasku waa makhluuq aad u gaar ah oo leh dabeecado cajiib ah oo dadka yaab geliya. Dad badan ma qiyaasi karaan in yaxaasku si ula kac ah u liqo dhagxaan! Inkastoo ay u muuqato arrin yaab leh, haddana waa xeelad uu makhluuqani ku noolaan jiray malaayiin sano. Dhagxaanta uu liqo waxay u shaqeeyaan sida miisaan dheeraad ah, taasoo ka caawisa inuu si fudud ugu quuso biyaha hoose, una dhaqaaqo si deggan oo qarsoodi ah, sida doon hoos mara ama quusmeere dabiici ah. Gudaha caloosha, dhagxaantu waxay leeyihiin shaqo kale oo muhiim ah. Waxay ka caawiyaan shiididda cuntada, gaar ahaan waxyaabaha adag sida lafaha iyo qolofyada, si dheefshiidku u fududaado. Waxa ugu yaabka badan ayaa ah in tani aysan ahayn wax uu yaxaasku barto marka uu weynaado, balse ay tahay dabeecad uu leeyahay oo dabiici ah. Qaar ka mid ah yaxaasyada waxay calooshooda ku qaadi karaan dhowr kiilo oo dhagxaan ah iyada oo aysan dhibaato ku keenin. Dabeecadahan cajiibka ah waxay ina tusayaan awoodda makhluuqaadka u leeyihiin la qabsiga deegaanka iyo sida adduunka xayawaanku uga buuxo yaabab aan mar walba ogayn. Waa calaamad ka mid ah quruxda iyo xikmadda Alle ee abuurkiisa. 🤍 ﴿فَتَبَارَكَ اللَّهُ أَحْسَنُ الْخَالِقِينَ﴾

Carnegie wuxuu xusayaa muhiimadda ay leedahay in qofka hadlaya uu la socdo muuqaalada wejiyada iyo falcelinta dhagaystayaasha, si uu u fahmo heerka ay u dhegaysanayaan iyo sida ay uga falcelinayaan hadalkiisa. Wuxuu tilmaamayaa farsamooyin ay ka mid yihiin in qofku hakad yar sameeyo inta uu hadalka jeedinayo, si uu dhagaystayaasha ugu fursad siiyo inay fikiraan, iyo in la weydiiyo su'aalo dhiirrigeliya ka qaybgalka. Tusaale ahaan, marka aad soo bandhigayso fikrad cusub, waxaad dhagaystayaasha weydiin kartaa: “Ma la kulanteen xaalad sidan oo kale ah?” Su'aashan oo kale waxay kordhin kartaa ka qaybgalka iyo feejignaanta dhagaystayaasha. La falgalka dhagaystayaashu ma aha oo keliya hab lagu dhiirrigeliyo inay ka qaybqaataan, balse waa hab lagu hubinayo in farriinta aad gudbinayso ay si wanaagsan u gaarto. Cutubka 5: Sidee dadka loogu saamayn karaa dhinaca dareenka? Carnegie wuxuu xoogga saarayaa in dadka badankoodu ay si weyn uga falceliyaan dareenka iyo shucuurta, marka loo eego xaqiiqooyin qallalan oo keliya. Sidaa darteed, cutubkan wuxuu sharxayaa sida qofka hadlaya uu uga faa'iidaysan karo awoodda dareenka si uu farriintiisa uga dhigo mid xoog badan oo saamayn leh. Tusaale ahaan, halkii aad si qallalan ugu soo bandhigi lahayd tirooyin iyo xogo tirakoob ah, waxaad sheegi kartaa sheeko dhab ah ama waayo-aragnimo shakhsi ah oo la xiriirta dhibaatada ama guusha aad ka hadlayso. Tani waxay dhagaystayaasha ka caawin kartaa inay si dareen leh ula xiriiraan farriinta. Carnegie wuxuu tilmaamayaa in sheekooyinka ku saabsan dadka guuldarrooyin soo maray, balse ugu dambayntii guul gaaray, ay awood u leeyihiin inay dhagaystayaasha dhiirrigeliyaan, qalbigoodana taabtaan, taasoo kordhinaysa xiisaha iyo ka qaybgalka. Cutubka 6: Sidee looga gudbaa xaaladaha adag ee dhaca inta lagu jiro hadalka? Cutubkan, Carnegie wuxuu ka hadlayaa sida loo maareeyo xaaladaha lama filaanka ah ee dhici kara marka aad dadka hortooda ka hadlayso, sida su'aal ceeb keeni karta ama hadal lama filaan ah oo ka yimaada qof ka mid ah dhagaystayaasha. Wuxuu kula talinayaa qofka hadlaya inuu ahaado deggan, dabacsan oo si xikmad leh uga jawaaba xaaladda. Jawaab caqli leh waxay kordhin kartaa ixtiraamka ay dhagaystayaashu kuu hayaan. Tusaale ahaan, haddii qof ka mid ah dhagaystayaasha uu fikraddaada ka hor yimaado, waxaad xaaladdaas u beddeli kartaa fursad aad ku sii faahfaahiso fikraddaada. Waxaad xitaa qofka uga mahadcelin kartaa aragtidiisa ama su'aashiisa, kadibna waxaad ku dari kartaa sharaxaad xoojinaysa mowqifkaaga. Ujeeddadu ma aha inaad ka cararto xaaladaha lama filaanka ah, balse waa inaad si xikmad leh uga faa'iidaysato, una beddesho fursad aad ku xoojiso hadalkaaga iyo kalsoonidaada. Gunaanad Buugga “Farshaxanka Hadalka Dadweynaha ee Guusha” ee Carnegie wuxuu noqon karaa hage loogu talagalay qof kasta oo doonaya inuu horumariyo xirfaddiisa hadalka iyo la xiriirka dadka. Marka la barto oo la dabaqo mabaadi'da lagu xusay buugga, qof kastaa wuxuu awood u yeelan karaa inuu noqdo hadle wax-ku-ool ah, oo soo jiita dareenka dadka, si wanaagsan u gudbiya fikradihiisa, isla markaana dhagaystayaashiisa uga tagaya xusuus iyo saamayn wanaagsan oo waarta.

📙 Soo Koobidda Buugga | “Farshaxanka Hadalka Dadweynaha ee Guusha” — Dale Carnegie Bal qiyaas inaad yeelan lahayd awoodda aad ku saamayn karto qalbiyada iyo maskaxda dadka, aad hadalladaada ku soo jiidan karto dareenkooda, isla markaana aad ku dhiirrigelin karto inay dadaalkooda ugu wanaagsan sameeyaan. Tani ma aha riyo aan la gaari karin, balse waa xirfad qof kasta uu baran karo oo uu ku horumari karo. Buugga “Farshaxanka Hadalka Dadweynaha ee Guusha”, qoraagu wuxuu inoo iftiiminayaa siraha isgaarsiinta wax-ku-oolka ah, sida kalsooni loogu istaago dadka hortooda, iyo sida cabsida loogu beddeli karo awood iyo geesinimo. Buuggani ma aha oo keliya hagaha hadalka dadweynaha, balse waa buundo kuu horseedi karta guul, ha noqoto noloshaada shaqo ama tanada gaarka ah. Haddii aad doonayso inaad ku fiicnaato xirfaddaada ama aad rabto inaad noqoto qof hadalkiisu soo jiito dareenka dadka, buuggani wuxuu noqon karaa wehel wanaagsan oo kaa caawiya safarkaaga. Cutubka 1: Maxay tahay sababta hadalka dadweynuhu u yahay farshaxan ay tahay in la barto? Cutubkan, Carnegie wuxuu ka hadlayaa muhiimadda hadalka dadweynaha oo ah aalad lagu gaari karo saamayn iyo guul. Wuxuu ku doodayaa in qancintu aysan ahayn oo keliya gudbinta macluumaad, balse ay tahay awoodda aad ku gaari karto qalbiyada iyo maskaxda dadka. Wuxuu sharxayaa in hadalka dadweynuhu yahay furaha lagu furi karo albaabbo badan oo fursado ah, ha noqoto shaqada, xiriirrada shakhsiga ah ama nolosha bulshada. Tusaale ahaan, waxaa jira xaalado badan oo aan doonayno inaan asxaabteena ama dadka nala shaqeeya ku qancino fikrad cusub, ama aan doonayno inaan aragti wanaagsan ka tagno marka aan galayno wareysi shaqo. Xaaladahaas, hadalku ma aha erayo keliya, balse waa hab aad ku gudbin karto xamaasaddaada, kalsoonidaada iyo rumaysnaantaada fikradda aad soo bandhigayso. Cutubka 2: Sidee loo dhistaa kalsooni marka dadka hortooda la hadlayo? Carnegie wuxuu kalsoonida nafta u arkaa inay tahay aasaaska hadal kasta oo guuleysta. Wuxuu carrabka ku adkeeyaa in cabsida laga qabo in dadka hortooda laga hadlo ay tahay arrin dabiici ah, balse lagu xakameyn karo tababar iyo diyaar-garow wanaagsan. Wuxuu tusaale u soo qaadanayaa dad badan oo caan ku ah hadalka, kuwaas oo markii hore la kulmi jiray cabsi iyo welwel marka ay masraxa ama dadka hortooda istaagaan, laakiin markii ay raaceen xeelado gaar ah oo ay ku dhisayaan kalsoonidooda, ay noqdeen dad si heer sare ah u hadla. Xeeladahaas waxaa ka mid ah in qofku ku tababarto muraayadda horteeda, ama uu hadal ku hor jeediyo koox yar oo saaxiibadiis ah. Carnegie wuxuu sidoo kale xoogga saarayaa muhiimadda ay leedahay in qofka hadlaya uu si dhab ah u rumaysan yahay farriinta uu gudbinayo, sababtoo ah kalsoonidaas waxay si cad uga muuqanaysaa hadalkiisa, taasna dhagaystayaashu way dareemayaan. Cutubka 3: Xeerarka lagu dhiso nuxurka hadal wanaagsan Carnegie wuxuu si qoto dheer uga hadlayaa sida loo diyaariyo nuxurka hadalka, isagoo tilmaamaya in hadal guuleysta uu ku dhisan yahay habayn wanaagsan iyo isku xirnaan fikradeed. Wuxuu kula talinayaa qofka hadlaya inuu hadalkiisa ku bilaabo hordhac soo jiita dareenka dhagaystayaasha, kadibna uu soo bandhigo fikrado si habaysan oo macquul ah u kala socda, ugu dambayntiina uu ku soo gabagabeeyo gunaanad si cad u soo koobaya farriinta uu gudbinayay. Tusaale ahaan, Carnegie wuxuu sharxayaa sida loo adeegsan karo sheeko gaaban, ama su'aal xiiso leh bilowga hadalka si loo soo jiito dareenka dadka. Kadib waxaa loo gudbi karaa sharaxaadda fikradda muhiimka ah iyadoo la adeegsanayo tusaalooyin nolosha dhabta ah oo ka dhigaya fikradda mid si fudud loo fahmi karo oo lagu qanci karo. Ujeeddadu waa in hadalku noqdo mid fudud in la fahmo, saamayn xooggan leh, isla markaana dheellitiran oo isku daraya macluumaad iyo xiiso. Cutubka 4: Sidee loola falgalaa dhagaystayaasha, loona fahmaa jawaabahooda? Cutubkani wuxuu diiradda saarayaa la falgalka tooska ah ee dhagaystayaasha, kaas oo ka mid ah waxyaabaha ugu muhiimsan ee isgaarsiinta wax-ku-oolka ah.

Audio from Gurey Xikmadle

Aan ka Faa'iideysano Muxaadarada Qiimaha badan sooyaalka Sheikh Boqolsoon.