Yangon 4 Brothers - ရန်ကုန်တော်လှန်ညီနောင် ၄ ဖွဲ့

အညာရေဘေးကူညီဖို့အတွက် ရန်ကုန်တော်လှန်ညီနောင် ၄ ဖွဲ့ ကို ယုံကြည်စွာဖြင့် လှူဒါန်းပြီး ထပ်မံလက်ခံရရှိတဲ့ အလှူငွေများဖြစ်ပါတယ်။ ပြည်သူနှင့်အတူ #Y4B #Yangon4Brothers #KyimyindaingNetworks #LinnYaungNiYouthOrganization_LYNYO #Owlcommunity #MayangoneDemocraticFront_MDF

လူထုလှုပ်ရှားမှုများအား လေးစားစွာ ပူးပေါင်းပါဝင်ကြရန် မေတ္တာရပ်ခံချက် ၈၈၈၈ (၃၈) နှစ်ပြည့် အထိမ်းအမှတ် ရှစ်လေးလုံးသပိတ်လှုပ်ရှားမှုကို ရန်ကုန်မြို့အတွင်း တော်လှန်ရေးအရှိန်အဟုန် လျော့ကျသွားခြင်းမရှိကြောင်းနှင့် ရန်ကုန်မြို့၏ တော်လှန်ရေးစိတ်ဓာတ်သည် သွေးမအေးသေးကြောင်း ပြသနိုင်ရန် ရည်ရွယ်၍ ရန်ကုန်တော်လှန်ညီနောင် ၄ ဖွဲ့မှ လုံခြုံရေးတင်းကြပ်လျက်ရှိသော ရန်ကုန်မြို့၏ တစ်နေရာတွင် Projector အသုံးပြု၍ တော်လှန်ရေးမှတ်တမ်းများကို ပြသကာ လူထုလှုပ်ရှားမှုတစ်ရပ်အဖြစ် ဆောင်ရွက်ခဲ့ပါသည်။ အဆိုပါလှုပ်ရှားမှုကို ရာသီဥတုအခက်အခဲများ၊ လုံခြုံရေးတင်းကျပ်မှုများနှင့် အခြားအခက်အခဲများကြားမှ တော်လှန်ရဲဘော်များက ခက်ခက်ခဲခဲ ဆောင်ရွက်ခဲ့ကြပါသည်။ သို့သော် Projector ဖြင့် လူထုလှုပ်ရှားမှု ဆောင်ရွက်နေစဉ်အတွင်း ရုပ်သံမှတ်တမ်းတွင် ပါရှိသော လူပုဂ္ဂိုလ်တစ်ဦးသည် တော်လှန်ရေးမှတ်တမ်းများကို ပြသနေသည့် Projector အား ခြေထောက်ဖြင့် ကန်၍ လှုပ်ရှားမှုကို နှောင့်ယှက်ဖျက်ဆီးခဲ့သည့် လုပ်ရပ်အား ရန်ကုန်တော်လှန်ညီနောင် ၄ ဖွဲ့မှ အပြင်းအထန် ရှုတ်ချပါသည်။ လူထု၏ ငြိမ်းချမ်းစွာ ထုတ်ဖော်ပြသခွင့်နှင့် တော်လှန်ရေးမှတ်တမ်းများကို လေးစားတန်ဖိုးထားရန် လိုအပ်ပါသည်။ လူတစ်ဦးနှင့်တစ်ဦး မတူညီသော အမြင်များ၊ သဘောထားများ ရှိနိုင်သော်လည်း လူထုလှုပ်ရှားမှုများအတွင်း အနှောင့်အယှက်ပေးခြင်း၊ ပစ္စည်းများ ဖျက်ဆီးခြင်းနှင့် အခြားသူများ၏ လွတ်လပ်စွာ ထုတ်ဖော်ပြသခွင့်ကို ထိခိုက်စေမည့် အပြုအမူများကို ရှောင်ကြဉ်ကြပါရန် လေးစားစွာ မေတ္တာရပ်ခံအပ်ပါသည်။ ထို့အပြင် နောင်တွင် အလားတူ လူထုလှုပ်ရှားမှုများ ဆောင်ရွက်နေချိန်၌ ယခုကဲ့သို့သော အနှောင့်အယှက်ပေးမှုများနှင့် ဖျက်ဆီးမှုများ မပြုလုပ်ကြဘဲ မတူညီသော သဘောထားများကို ငြိမ်းချမ်းစွာ ထုတ်ဖော်နိုင်သည့် နည်းလမ်းများကို ရွေးချယ်ကြပါရန် မေတ္တာရပ်ခံအပ်ပါသည်။ တော်လှန်ရေးအင်အားစုများနှင့်အတူ ပူးပေါင်းပါဝင်ကာ လူထုလှုပ်ရှားမှုများကို အပြုသဘောဆောင်စွာ အားပေးပံ့ပိုးပေးကြပါရန်လည်း လေးစားစွာ အသိပေး မေတ္တာရပ်ခံအပ်ပါသည်။ ရန်ကုန်တော်လှန်ညီနောင် ၄ ဖွဲ့ ပြည်သူနှင့်အတူ #Y4B #Yangon4Brothers #KyimyindaingNetworks #LinnYaungNiYouthOrganization_LYNYO #Owlcommunity #MayangoneDemocraticFront_MDF

အညာရေဘေးကြုံနေရတဲ့ ပြည်သူများအတွက် ရန်ကုန်တော်လှန်ညီနောင်အဖွဲ့က မတည်ငွေ ၅သိန်းနဲ့ ပြည်သူတွေဆီကနေရရှိတဲ့ အလှူငွေလေးတွေ ဖြစ်ပါတယ်။ ကျနော်တို့ တပတ်လောက် အလှူငွေတွေ စုဆောင်းသွားမှာဖြစ်ပါတယ်။ နောက်တပတ်ထဲလောက်မှာ အညာဘက်က သပိတ်အဖွဲ့အစည်းတွေကနေ တဆင့် အညာရေဘေးကြုံနေရတဲ့ ပြည်သူတွေအတွက် ကောက်ခံရရှိတဲ့ အလှူငွေအားလုံးကို လှူဒါန်ပေးအပ်သွားမှာ ဖြစ်ပါတယ်ဗျ။ ပြည်သူနှင့်အတူ #Y4B #Yangon4Brothers #KyimyindaingNetworks #LinnYaungNiYouthOrganization_LYNYO #Owlcommunity #MayangoneDemocraticFront_MDF

လက်ရှိ အညာဒေသမှာ ရေအလုံးအရင်း ဝင်ရောက်လာတာတွေအပြင် မိုးသည်းထန်နေဆဲဖြစ်တာကြောင့် ဒေသခံပြည်သူအများစု ရေဘေးဒုက္ခအခက်အခဲများစွာရင်ဆိုင်နေရတာဖြစ်ပါတယ်။ ရေဘေးအခြေအနေက နေရာအလိုက် ပြောင်းလဲနိုင်တာကြောင့် အရေးပေါ်အကူအညီတွေ ပိုမိုလိုအပ်လာမဲ့ အခြေအနေလဲ ဖြစ်နေပြန်ပါတယ်။ လက်ရှိအ‌ညာ ဒေသ နဲ့ပတ်သက်လို့ တိုက်ရိုက် ကူညီပေးနိုင်တဲ့ နေရာတွေ ရှိနေတဲ့ အတွက် အဲဒီ ‌နေရာတွေကို အကြောင်းအရာနဲ့တကွ ဝေမျှပေးလိုက်ခြင်းဖြစ်ပါတယ်။ 📌 တိုက်ရိုက်ပါဝင်ကူညီနိုင်မဲ့ အကောင့်တွေနဲ့ Page တွေ ကိုစုစည်းပေးထားပါတယ်။ လုံခြုံစိတ်ချစွာသွားရောက်ပါ၀င်နိုင်တဲ့ နေရာတွေဖြစ်ပါတယ်။ 1. Ywat Thit https://www.facebook.com/share/p/1H4YSkHkLr/ 2. Vitamins - for Spring Revolution https://www.facebook.com/share/p/1BkmQUvFix/ 3. Doh Khit https://www.facebook.com/share/p/18J5W5TqzP/ 4. ANTS - ပုရွက်ဆိတ်များ https://www.facebook.com/share/p/198VM7xSQN/ 5. Cats- Association https://www.facebook.com/share/p/1E7UMQd5JQ/ 6. S&C မီးဘေးစစ်ဘေးပညာရေးကူညီစောင့်ရှောက်ရေးအဖွဲ့ https://www.facebook.com/share/p/19KsGbCYZX/ 7. Diary of Comrade https://www.facebook.com/share/p/1LpZQSfRx1 တို့ပြည်သူတွေညီရဲ့လားဟေ့ဆိုပြီး အသံပေး ဟစ်ကြွေးတာ ထက် ပြည်သူ အချင်းချင်း အကူအညီပေးမှုက ပို အရေးကြီးပါတယ်။ မျှဝေခြင်း သည်သာ မေတ္တာ ဖြစ်သလို မျှဝေခြင်းကပဲ ရင်ဘတ်ခြင်း နီးစေမှာပါ။ ပါ၀င်ပေးကြဖို့လဲ တိုက်တွန်းပါတယ်။ မူရင်း Post Rhino Page ကနေ အချက်အလက်တွေထည့်သွင်းဖော်ပြထားတာဖြစ်ပါတယ်။

ရုပ်/သံ ၈၈၈၈ (၃၈) နှစ်ပြည့် အထိမ်းအမှတ်အတွက် ရန်ကုန်တော်လှန်ညီနောင် (၄) ဖွဲ့ မှ projector ဖြင့် ရှစ်လေးလုံးသပိတ်လှုပ်ရှားမှုကို လုံခြုံရေးတင်းကြပ်နေသည့် ရန်ကုန်မြို့တနေရာတွင် လှုပ်ရှားဆောင်ရွက်ခဲ့သည်။ ဤလှုပ်ရှားမှုတွင် ခေတ်အဆက်ဆက်ကမပြီးဆုံးခဲ့သည့် စစ်အာဏာရှင်ရဲ့မတရားတဲ့ဖိနိပ်မှုများနှင့် စစ်အာဏာရှင်စနစ်ဆိုးကို ဒီမျိုးဆက်က မဖြိုဖျက်နိုင်လျှင် နောင်မျိုးဆက်က လက်ဆင့်ကမ်း ခံစားကြရမည်ကို ပုံဖော်ပြသထားပြီး စစ်မှန်သော ဖယ်ဒရယ်ဒီမိုကရေစီစနစ်ရရှိရန်နှင့် အတင်းအဓမ္မဖမ်းဆီးထားသော လူထုခေါင်းဆောင် ဒေါ်အောင်ဆန်းစုကြည်နှင့်တကွ နိုင်ငံရေးအကျဉ်းသားများအားလုံး လွတ်မြောက်ရေးအတွက် နိုင်ရာတာဝန်များကို ထမ်းဆောင်ဖို့ လိုအပ်ကြောင်း တိုက်တွန်းထားပါတယ်။ နိုင်ရာတာဝန်ကို ဟန်ဆောင်မထမ်းပဲ တကယ်ထမ်းဆောင်ဖို့ လိုအပ်နေပါပြီ။ ရန်ကုန်တော်လှန်ညီနောင် (၄) ဖွဲ့သည် ပြည်သူ့ခေါင်းဆောင်များနှင့်အတူ အာဏာရှင်စနစ် အဆုံးသ-တ်သည်အထိ ဆက်လက်တိုက်ပွဲဝင်သွားမည်ဖြစ်သည်။ နောက်ခံစကားအသံအား ကဗျာဆရာကိုအောင်လွန်းမှ ကူညီပါဝင်ပေးထားပြီ လှုပ်ရှားမှုတွင်ပါဝင်သည့် video ကို "Alien Reframe" မှ ကူညီပါဝင်ပေးထားပါသည်။ #Y4B #Yangon4Brothers #KyimyindaingNetworks #LinnYaungNiYouthOrganization_LYNYO #Owlcommunity #MayangoneDemocraticFront_MDF #AlienReframe