روايات محمد الليبي 🇱🇾

قصة محمد وفطوم 🤤❤️ الجزء الثالث عشر 🍓 "كلام الرجالة والاتفاق الرسمي"🤗 فات اسبوع على الخطبة الاولى الريحة في الحوش كانت قهوة وبخور اليوم جيه بو محمد وبو فطوم باش يتمو الكلام الرسمي قدام الرجالة *في حوش فطوم العشية* الرجالة قعمزو في المربوعه بو محمد راجل…

قصة محمد وفطوم 🤤❤️ الجزء الثالث عشر 🍓 "كلام الرجالة والاتفاق الرسمي"🤗 فات اسبوع على الخطبة الاولى الريحة في الحوش كانت قهوة وبخور اليوم جيه بو محمد وبو فطوم باش يتمو الكلام الرسمي قدام الرجالة *في حوش فطوم العشية* الرجالة قعمزو في المربوعه بو محمد راجل هيبته باينة وبو فطوم راجل هادي بس عينه ثقيلة بو محمد قال: بسم الله احني جايينكم طالبين يد بنتكم فطوم لولدنا محمد ولدنا يخدم في شركة ويقرا ويبي الحلال بو فطوم: شرب قهوته وقال ونعمو بيكم يا حاج البنت متربية وبنت ناس بس نبو نعرفو النية صادقة؟  بو محمد ضحك: يا راجل كان مش صادق راهو ما جبناش امه من الاول ولدي دايخ فيها من ايام الجامعة 😂 *محمد برا مع الشباب*  كان يراجي في النتيجة وقلبه ادق بسرعه مسك تليفونه محمد: ها يا فطوم شن الجو داخل؟ فطوم: ساكتين توا قلبي بيوقف انت شن داير؟ محمد: نستنا في كلمة مبروك بس كان قالو لا نكسر الدنيا فطوم: عيب عليك بوي راجل طيب محمد: عارف بس اني نغار حتى من الهواء الي يمسك *داخل المربوعه* بو فطوم: قال: خلاص يا حاج على بركة الله احني موافقين بس نبوها بالمعروف بو محمد: الله اكبر باهي الفاتحة قرو الفاتحة كلهم وصوت الزغاريط طلع من داخل *فطوم في دارها*  اول ما سمعت الزغاريط حطت يدها على قلبها وعيونها دمعو الاء: مبروك يا عروسة 😂😂 ملاك: توا رسمي وليتي ملكه فطوم: يا ربي ثبتني *محمد اول ما سمع الزغاريط* ناض يجري خبط الباب: وينها؟ وين خطيبتي؟ مرام ضرباته على كتفه: استنى يا ولد اصبر، مزال 😂 *بعد ما طلعو الرجالة* قعدو النساوين بروحهم مرام قالت: توا بنتك ولت بنتنا يا وفاء نبو نحددو امتى العقد وامتى العرس وفاء قالت: على خيرة الله بس البنت مزال تقرا مرام: معليشي محمد يستنى عليها *محمد لفطوم* بعد ما فضى الحوش شوية لقاها في الكوجينة بروحها محمد: ها يا ملكة قلبي فطوم: اسكت بيجونا محمد قرب منها لصق ظهره للباب: خلاص تمت انتي ليا قدام ربي والناس كلهم فطوم: اي والله تمت بس خايفة محمد: من شنو؟ فطوم: منك انت خايفة من نظراتك هادي محمد: نظرات شنو يا سمحه؟ قرب اكثر وهمس: نظرات واحد خلاص حلاله من اليوم نقدر نقولك يا مرتي حتى لو قدام ربي بس فطوم وجهها حمر: بطل كلامك هذا يذوبني محمد: نبيك تذوبي نبيك تتعودي عليا تعالي وشد يدها وباس كفها بوسة طويلة: هذا ختم معاش فيه رجوع فطوم: واني راضية بس اوعدني محمد: بشنو؟ فطوم: اوعدني انك ديما بتحضني هكي وقت نخاف محمد: نحضنك ونموت في حضنك وعد قعدو يهدروز شوية لين نادتهم ام فطوم. *في الليل محمد كلمها* محمد: ها يا خطيبة قلبي كيف شعورك؟ فطوم: شعوري اني طايرة بس امي قالت العقد بعد 3 شهور محمد: 3 شهور؟ هلبا اني نبيك توا فطوم: اصبر يا مجنون الرجالة قالو هكي محمد: باهي باهي نصبر بس بشرط فطوم: شنو؟ محمد: كل يوم لازم نسمع صوتك ونقولك نحبك 100 مرة فطوم: 100؟ هلبا  محمد: قليل عليك نحبك نحبك نحبك... لين تتعبي😏❤️  فطوم: واني نحبك اكثر. ونبيك تجيني للجامعة غدوة  محمد: بنجيك وبنقعمز حداك وبنوريهم كلهم انك ملكي وسكرو المكالمة وكل واحد فيهم راقد وهو يبتسم  بو فطوم قال لمرته: الولد شكله متربي ويحبها وام محمد قالت: ولدي عينه ما تخيبش. كاتب الرواية  : - محمد الزاوي❤️🔥 *معرفي لتواصل ← @IQOlOQ #تفاعلكم على الرواية 🤗 يتبع....

وأخيراً نزل الجزء الـ 12 من رواية "محمد وفطوم" وإن شاء الله مستمرين معاكم لعند نهاية القصة. تفاعلكم يهمّني ويشجعني باش نكمل في قصص اخرى.

قصة محمد وفطوم 🤤❤️ الجزء الثاني عشر 🍓 "أول لقاء رسمي 🤗" بعد ما ام محمد {مرام} قالت كلمة نخطبو فطوم لولدنا الجو في صالة حوش فطوم سكت ثانيتين وبعدين رجع الدوشة من جديد وفاء {ام فطوم: قالت وهي ترمش بعيونها يا مرام والله ما كنت متوقعة الموضوع هكي بسرعة باهي وينه ولدك محمد؟ خليه نشوفوه مرام: ضحكت وقالت ولدي راهو واقف برا في السيارة قال نخلي النساوين يتفاهمو الاول 😂 راجل ويخاف الاء اخت فطوم الصغيرة: قعدة تغمز لفطوم من بعيد وتقول بصوت واطي شفتي روحك جاب امه لعندنا رسمي توا معاش عندك هروب 😁 فطوم: وجهها احمرت قالت اسكتي يا الاء فضحتيني وقعدة تلعب في طرف عبايتها ومتحشمة ملاك اخت فطوم الكبيرة: قالت من داخل باهي وعلاش انا لا 😂 انا الكبيرة راهو وفاء ردت عليها: يا بنتي الرزق على ربي توا يجيك نصيبك المهم توا خلونا في فطوم *محمد برا في السيارة* قعد يراجي وعيونه على باب الحوش قلبه يدق مسك تليفونه ودز لفطوم محمد: ها شن صار امي عاجبتك ولا لا 😏💋 فطوم: اسكت ما تقولش هكي امك عسل والله بس اني نرعش محمد: ترعشي من شنو يا مجنونة اني جاي نخطبك مش ناكلك 😂❤️ فطوم: والله ما نعرف حاسة روحي في حلم بعد 10 دقايق محمد خش للحوش مع امه. اول ما عينه جت في عين فطوم سكت  فطوم: كانت لابسة فستان ابيض بسيط وشعرها نازل وجهها منور محمد: في خاطره يا ربي شن الجمال هذا تستاهل نتعب عليها الدنيا كلها مرام قالت: هادي فطوم ما شاء الله ربي يبارك تعالي يا بنتي بوسي يدك فطوم قربت وباست يد مرام وهي راسها لوطا محمد: قرب منها وقال بصوت واطي ليها بس شكلك اليوم ترد الروح حرام عليك دمرتيني فطوم: اسكت امي تسمع فيك محمد: خليها تسمع اني جاي نقول انك ليا وفاء قالت: باهي يا جماعة خلونا نشربو قهوة ونتفاهمو على الرسميات قعدو كلهم في الصالة محمد قعمز مقابل فطوم بس فيه الطاولة بينهم مرام قالت: احني ناس باهيين والحمد لله وولدي محمد خدام ويقرا ويبي يبني حوشه واحني طالبين يد بنتكم فطوم وفاء: نظرت لفطوم وشن رايك انتي يا فطوم فطوم: سكتة ثانية وبعدين قالت بصوت واطي: اللي تشوفوه باهي يا امي محمد: ابتسم ابتسامة عريضة وبعث لعينها نظرة معناها جبتيها الاء: قعدة تصور فيهم بالتلفون من بعيد وتضحك: اول خطبة في الحوش لازم توثيق 😂 بعد القهوة والحديث اتفقو ان الاهل يتلاقو مرة ثانية الاسبوع الجاي ومعاهم بو محمد وبو فطوم للكلام الرسمي *محمد قبل ما يطلع*  خش للمطبخ بحجة المية لقى فطوم غادي بروحها محمد: ها يا خطيبتي فطوم: اخفض صوتك بيكتشفونا محمد قرب خطوة: من اليوم اسمك على اسمي فاهمة معاش فيه لعب فطوم: وانت من اليوم مسؤول مني لو خنتني نكسرك محمد ضحك: نخونك اني حتى نتنفس فيك تعالي وشد يدها وباسها على يدها بسرعة هذا وعد فطوم: امممم حتى اني نبي وعد محمد: تأمري فطوم: نبيك ديما صادق معاي ونبيك ما تخليش حد يفرق بينا محمد: عيوني ليك وعد يا روحي  طلعو من المطبخ كل واحد وجهه باين عليه الفرحة ام محمد ركبت السيارة وهي تقول: ولدي اختار صح البنت متربية ومحترمة *فطوم في دارها في الليل* قعدة تتذكر كلام محمد ومسكة تليفونها  فطوم: نمت ولا مازال محمد: نوم شنو اني من اليوم وانت في راسي قوليلي حسيتي بشنو اليوم فطوم: حسيت اني ملكت الدنيا بس خايفة محمد: من شنو تخافي وانا معاك فطوم: نخاف يجي يوم وتمل مني محمد: يا فطوم اسمعيني كويس اني من يوم شفتك في الجامعة وانت اكبر من سنة وانتي الي شعلتي قلبي توا جبت امي لعندك هذا مش لعب هذا عمر فطوم: حتى اني نحبك ونبيك ليا بروحي محمد: وانتي ليا بروحي وربي يشهد تصبحي على خير يا احلى خطيبة فطوم: وانت من اهله يا اغلى واحد ❤️ وسكرو الزوز وكل واحد راقد وفي خاطره الثاني. كاتب الرواية  : - محمد الزاوي❤️🔥 *معرفي لتواصل ← @IQOlOQ #تفاعلكم على الرواية 🤗 يتبع....

* انضم إلينا الآن - حين تعجز الكلمات العادية عن وصف ما تشعر به.. ✨ #هنا اقتباسات وعبارات تليق بك وبحضورك

قصة محمد وفطوم 🤤❤️ الجزء الحادي عشر 🍓 محمد: كلم امه وقاللها نبي نرفعك لي حوش البنت لي نبيك تخطبهالي. ام محمد: { مرام } قالتله باهي ياوليدي وفرحت☺️🤗☺️ انا ولدها خدي خطوه في مستقبل حياته ويبدا يأسس عيله. فطوم: تفكر شن قصة المفاجئة الي قاللها علها محمد وقعدة تعصر في راسها. محمد: اذن العصر قال لي أمه هيا وتو اروحكم بنمشو لي حوش الناس قالتله امه به ياوليدي حكم واتيين، محمد طلع ولع السيارة وقعمز فيها يستنا في امه وخواته يطلعو وشد الهاتف وتصل بي فطوم ماردتش دزلها رسالا قاللها جايب امي وخواتي ليكم 💋❤️ وتي روحك وبعدها جت امه وخواته وركبو السيارة وطلعو. ام محمد: ياوليدي انشالله يوافقو وتم على خير وامه كانت مطربه خيفه يردوهم. فطوم: جت شدة هاتفها لقت رسالة محمد تخلبطة بعد لا قرتها ومعاش عرفت يدوي بجد ولا ايبصر علها لانها اتصل بها وماردتش ناضة تجري دارت حمام 🤤🤤🤤 ولبسة احسن لبسه لها ☺️☺️ وقعمزة تستنا في دارها. محمد: وصل لي حوش فطوم نزل امه وخواته وقاللهم تكملو كلموني انجيكم. ام محمد: به ياوليدي وكانت فرحانه تضحك 😂😁. محمد: اتصل بي فطوم ردة اعليه طول فطوم: قلتله تدوي بجد لبعته في الرسالا. محمد: اي من امتا نكدب عليك ياحبي 💋🤤❤️ ونوضي افتحيلهم الباب. فطوم: سمعة طقان على باب الحوش سكرت من محمد وناضة تجري قالت لختها ملاك والاء في ضيوف جايين ناضو يجرو فتحو الباب ليهم ودخلوهم لصالا وقعدة ملاك في دارها متحشمه تطلع 😂😁. ام فطوم: { وفاء } خشت لصالة وسلمة عليهم وبعدها بدت تهدرز وتتعرف عليهم. ام محمد: لهي { مرام } قالت ياوفاء جايين ليكم بنطلو ايد بنتك فطوم ☺️☺️ لي ولدنا 🤗. ام فطوم: وجها تحمر وبدة تعك في لكلام 😂😂😁😁 وتقول في خاطرها ليش قالت فطوم مش ملاك لكبيرا 🤔. ام محمد: وينها هيا فطوم ناداها ☺️ انشوفها 🤗 ناضة الاء بتندها. الاء: يافطوم يبوك ام محمد وخواته بيشوفوك 😂😂😁 وقعدة تضحك علها. فطوم: الاء بطلي ضحك مش وقتك 😡😡 وكانت متحشمه وناضة طلعت من دارها ومشتلهم خشة دار الجلوس. ام محمد: هيا هادي فطوم 🤗🤗🤗 وقعدة تقول مشالله تبارك الرحمان وتقول في خطرها ولدي محمد  عرف كيف يختار اعيون خضر وشعر اصفر وبيضه 😁😁 وقالت ياوفاء هادي فطوم ليبي يخدها ولد محمد. وفاء: قالت يامرام من وين يعرفها محمد. مرام: تقرا معاه في الجامعه عجباته جي كلمني علها ☺️. وفاء: اطمنت وقالت في خاطره به تقرا معاه في الجامعه مش متعرف اعلها ويكلم فها ☺️☺️☺️. فطوم: قالت في خاطرها مسكينه امي ماتسحبش يكلم فيا لو تدري تقتلني 😂😂😂😁. كاتب الرواية  : - محمد الزاوي❤️🔥 *معرفي لتواصل ← @fgt_yru #تفاعلكم على الرواية 🤗 يتبع....

اللهم يا من أنزلت من سماءك مطرا وأخرجت من أرضك شجرا افتح باب رزقك وتوفيقك لأحــبتي واجعل من نور وجهك الـــكريم مصباحا يضيء الدرب لقارئ رسالتي وبارك الله جمعتك وسائر أيامك

لو تبوني انكمل تأليف باقي الرواية كل واحد فيكم ينسخ رابط القناة ويعطيه لصدقائه ينضمو ونصلو 12k نبده انزل من اجديد

قناة روايات ليبية الانضمام اضغط هنا

اضغطوا ع القلب الاحمر وتفاعلوا ع كل رواية 👆👆👆 🤤🔥❤️

قصة محمد وفطوم 🤤❤️ الجزء العاشر 🍓 اذن الفجر ناض محمد بِيصلي وتصل بفطوم 3 مرات باش ردة وقاللها نوضي صلي الفجر صلو الزوز محمد رجع ارقد وفطوم توتي في روحها عندها محاضرة الساعه 8 المهم وتت روحها وفطرت وجي وقت المشي نوضة بوها باش يرفعها ومشت للجامعه وخدة قهوتها وتصلت بي محمد تنوض فيه رد محمد قتله نوض قاللها محضرتي الساعه 9:30 مزال وسكر فطوم خشت للمحاضرة وجوها رايق ومحمد ناض اوتي في روحه وكمل طلع امشي للجامعه اوصل للجامعه وخش اخدي قهوته وجي قعمز يستنا في فطوم لين تكمل المحاضرة وتطلع المهم فطوم كملت وطلعت اتصلت بمحمد ومشتله وين قعد فطوم : صباح الخير حبيبي حموده ☺️ محمد : صباح العسل ياعسل 🍯🤤 فطوم : شن جوك وشن حالك ياحميده اليوم محمد : عسل والحمد لله في نعمه وانتي فطوم : جوي عسل بوجودك معاي 🤗 وحالي باهي بسمع صوتك 🤤 محمد : يحليلي منك ياسموحتي ☺️🤤🤗 فطوم : خجلت من كلام محمد ووجها ابدي بودري ☺️ وقتله نحبك ❤️ محمد : قاللها حليلي منك ياخجوله 🤤☺️ المهم محمد قال لفطوم تعالي نبيك اوراء المبنه ☺️ فطوم : قتله ليش ☺️ محمد : قال قلتلك نوضي هيا 😡 فطووم : قالت به 🥺🥺 المهم مشو وراء المبناء امتع القعات محمد : شد وجه فطوم وقعد ايبوس فها من شفيفها 🤤🤤 ومص في شفايفها 🤤🤤💋💋🔥 فطوم : معاش قدرت تتحر وقفت مش مستوعبه يلي صاير 😂😂 محمد : قال لفطوم محلا شفايفك حبيبي 💋🤤 فطوم : اتبكشت معاش قدرت ترد مصدومه قعده 😂😂 محمد : شد ايدها وطلع بها من وراء القاعات ومشي بها لين قعمزو 😁 فطوم : قعده مصدومه مقدرتش تشوف لمحمد ☺️ محمد : محمد يضحك 😂😂 ويقوللها ارخي روحك خيرك خجوله هك 😁 فطوم : ارتخت شويه وضحكت وقالت تحملني انا خجوله واول مره بس جت منك حلوه وتهبل 💋🤤🔥 محمد : ياحليلي منك سموحتي ياعسل انتي 🍯🍯 فطوم : شكرا حبيبي حموده الغالي ❤️ -جي وقت المرواح فطوم : اتصل بها بوها وقاللها هيا وتي روحك قريب نوصل محمد : قالها غضوه لعشية عندي ليك مفاجأة وتي روحك ❤️🔥 وكل واحد روح لي حوشه محمد : فرحان بي وجود فطومه معاه وحبها ليه فطوم : تفكر في شن تكون مفاجئة محمد لها. كاتب الرواية  : - محمد الزاوي❤️🔥 *معرفي لتواصل ← @fgt_yru #تفاعلكم على الرواية 🤗 يتبع....

قريبا بنزل جزو 10 من رواية محمد وفطووم

اضغطوا ع القلب الاحمر وتفاعلوا ع كل رواية 🤤🔥❤️

قصة محمد وفطوم 🤤❤️ الجزء التاسع 🍓 فطوم : بعد لا طيبت لعشي وجت القت محمد متصل عاودت  اتصلت بيه بس محمد كان جنب امه سكر عليها تسحابه فطوم زعلان منها 💔💔💔 وقعدة اتقول يحليلي زعل مني 🥺🤦‍♂️😥😥 محمد : بعد لاكمل اتهدريز معى امه ناض واتصل بفطوم وفطوم كانت في الحمام ماردت 😂😂😂😂 محمد قال شكلها زعلت على خاطر سكرت عليها🤦‍♂️🤦‍♂️🤦‍♂️ فطوم : طلعت من الحمام القت محمد متصل 😂😂😂🤦‍♂️ قالت يعليك قصه كيف هك 😥😥😥 محمد : يتصل بفطوم وفطوم : تتصل في نفس الوقت بي محمد 😁😁😁 الزوز طلعلهم مشغول 😂😂😂🤦‍♂️ فطوم : قالت في خطرها محمد شكله يكلم في غيري ويخون فيا 😡😡😡💔💔 محمد : قال هادا من الي يتصل بها في الليل 😡😡😡 وماشكش فطوم انها تكلم في غيره ☺️☺️☺️ فطوم : عودة تتصل ثاني تبي اثبت محمد انه اخون فها 😂😂😂🤦‍♂️ اتصلت وشد الخط محمد : رد قال السلام عليكم ☺️ فطوم : رد في من تكلم 😡 اعطاني الرقم مشغول 😡😡😡💔 محمد : قاللها قلت السلام عليكم بدل متردي السلام اتقولي في من كنت تكلم 😡😡😡😡 فطوم : سكتت وعرفت روحها غالطه 🤦‍♂️🤦‍♂️🤦‍♂️ وقتلا اسف وعليكم السلام محمد : رد وقاللها شن حالك ☺️ فطوم : في نفس الوقت قالت خيره نتصل مشغول 😂😂😂 محمد : قاللها خيرك فطوم شاكه فيا ولا شن 😡😡😡 محمد عصب على فطوم 🤦‍♂️🤦‍♂️🤦‍♂️ فطوم : سكتت وقلبها وقف في مكانه من تكشيخت محمد 😂😂😂😂😥😥 محمد : قاللها انا نتصل بيك يعطي فيا مشغول 😡😡 فطوم : قالت حتى انا نتصل يعطي مشغول 😥😥💔 محمد : قاللها ياغبيه معنها ازوز اتصلنا في وقت واحد 😡😡😡 فطوم : قالت اسف حبيبي 😥😥🥺🥺 اني اسرعت وقلت هك 🥺🥺🥺 محمد : اخر مره ادري هك 😡😡😡 فطوم : قالت تمام وغيرت نبرت صوتها وبدة كيوته ☺️☺️🤗🤗 وقالت لي محمد ليش اتصلت بيا حبيبي بكري وراني كنت انطيب في لعشي 🥺🥺🥺🥺 محمد : ارتخي من صوت فطوم 🤤🤤🤤🤤 وقال في خاطره لعبت يا حاج انا كيدهنا عضيم 😂😂😂😂 وقال كنت بنقولك اني اشريت ازواق للحوش وغضوه بنجيب العمال ونبده انزوق ☺️☺️☺️☺️ فطوم : قتلا حلو فجأ فطوم سكتت وقالت في نفسها زعمك اسيبني ويتزوج غيري 😥😥😥💔 محمد : فهم سكتتها وقاللها بي الضحكه مش متزوج غيرك 😂😂😂ومعاش تفكري هك 😁😁😁 فطوم : انصدمت كيف اعرف اني انفكر في هك 🤦‍♂️🤦‍♂️🤦‍♂️ وزعمتك قتلا بصوت واطي اسكت امي فايته 😁😁😁 محمد : اسكت وقال في خاطره اكذبي على حد ثاني 😁😁😁 وجو هادا فوتيه على حد مجنون زيك 😂😂😂 فطوم : تكلمت بعدها وقالت يعني فكرت بتتزوجني 🤤🤤🤤 ونجيبو صغار 😁😁😁 محمد : قال محمد اكيد ماعنديش غيرك ☺️☺️ وقال في خاطره هادي تفكر في الصغار من توه وانا نفكر في 🤤🤤🤤 ، وكلكم فهمين محمد في شن افكر 😁😁😁😁🔥 وقاللها اكيد بنجيبو صغار ☺️☺️☺️ ومرات انتي تطلعي عقيمه متجبيش 😂😂😂😂 فطوم : عصبت 😡😡😡 وقالت انت منجيبش اتفولي من توه 😥😥😥💔💔 محمد : قاللها نبصر رهو عليك  متعصبيش 😂😂😂😂 فطوم : قالت مش بصاره هادي 😥😥😥💔معاش تبصر هك 💔💔😥😥 محمد : اعرفها زعلت قاللها اسف سامحني ☺️☺️☺️☺️ معاش نعودها 🤦‍♂️🤦‍♂️🤦‍♂️ فطوم : ارتخت وفرحت انا محمد تأسفلها 😂😂😂😂 محمد : قال ف خاطره هلما وعدة خلتني نتأسف بدون اراده 😂😂😂😂🤦‍♂️ فطوم : ابدة تحكي في تخيلتها بنديرو صغار كيوتين زيك وحلوين زيك وربوهم ونكبروهم 🤗🤗🤗🤗 محمد : قال في خاطره هادي تسحابه ساهل الحكي ساهل 😂😂😂 وقاللها غير تقولي هك لما يكبرو ايجننونك😂😂😂😂وشردوك 😁😁فطوم : قالت عادي بيطلعو لي بوهم 😂😂😂😂 محمد : قاللها اهني وسطب 😡😡😡 بيطلعولك انتي لانك مشردتني ومجننتي 😂😂😂😂 فطوم : قعدة تضحك 😂😂😂 قالت عادي يطلعو ليا وليك 🤗🤗🤗🤗 محمد : قاللها اكيد بيطلعو ليا وليك اماله بيطلعو لي جدهم 😂😂🤦‍♂️ فطوم : قالت نحبك ياحمودي ☺️🤗🤗 محمد : قال احه لعبت 🤤🤤🤤 وقاللها انموت فيك يامجنونه 🤤🤤🤤 فطوم : قالت نعلي منك ومن النحلا لي جباتك ياعسل يافارس احلامي 🤗🤗🤗 محمد : لفطوم اعطني بوسه 🤤🤤 فطوم : قالت اموووووه 💋💋💋💋💋 احلا بوسه لي حبيبي حموده 🤗 محمد : قال احححح 🤤🤤🤤 محلها بوستك شفايفك عسل ياالماس 🔥🔥🔥 وبعدها كملها كلام حب ورومانسيه وكلام شبه +18 😁😁 وسكرو ورقدو 🤤🤤🔥💋🤗❤️ كاتب الرواية  : - محمد الزاوي❤️🔥 *معرفي لتواصل ← @fgt_yru #تفاعلكم على الرواية 🤗 يتبع....

قصة محمد وفطوم 🤤❤️ الجزء الثامن 🍓 مهم كملو ماكلة الشكلاطه وبدو يتغزلو 🤤🤤🤤 وبعدها جي وقت المرواح 🚶‍♀️ محمد: جي بيضرب على ضهر فطوم وفطوم وقفت ضرب مكان الغلط 🤤😁😁😁 فطوم: اجمدت في مكنها 😳😳😳 وقالت في نفسها شن ادير هادا 😂😂😂😂 محمد: اسف كنت بنضربك على ضهرك 😥😥😥 امشي اوقفتي جيت الضربه غلط 😁😁😁😁 فطوم: ارتخت وقالتله عادي حبي مدورش ☺️☺️☺️☺️ محمد: قال في خطره الحمد لله مصار شي 💔💔💔💔 فطوم: المهم مشت وقعده حسه بالضربه 😂😂😂😂 وتفكر فها 😁🤤 محمد: قعد يضحك 😂😂😂😂 اعليك وقال اعليك موقف شن وقفها بس عادي جت بجوها وجت خبطه سمحه 🤤🤤🤤😂 وقال سمحه لو نغلط ثاني 😂😂😁😁 فطوم: وصلة لي بها وركبة لسياره وروحت محمد: جاه صحبه وناضو ايهيجو في الجامعه ويضحقو المهم صحب محمد قال لمحمد طرف لمحصلها 😂😂 محمد غار وقاله ضم فمك شن دخلك طرف ولا قرده 😡😡😡 صحبه قعد يضحك 😂😂😂😂😂 جي وقت المرواح وروحو محمد: امشي ايقضي لحوش العيله فطوم: روحت للحوش بدلة احوايجها وندتها امها تتغده امقعمزه تكل فجأ فطوم ضحكة ودكرت ضربت محمد 🤤🤤🔥 امها قتلها خيرك انجنتي يابنت تضحكي وقعدة تضحك اعلها 😂😂😂😂 قتلها ادكرت موقف صار اليوم في الجامعه ام فطوم: شن هو الموقف 🙄🤨🤨🤨 الي صار معاك فطوم: كذبت قتلها صحبتي تمشي طحت قدام لولاد قعدو يضحكو اعلها 😁😁 ام فطوم: قتلها شي هادا ميضحكش 😏😏😏 فطوم: قالت امي انا ادكرته ضحكة مفها شي 🤷‍♂️🤷‍♂️ الاء اختها: قعدة تضحك 😂😂😂😂 وعرفتها تكدب وملفقه القصه وزبط انا الموضوع فيه محمد 😁😁 شبحتلها فطوم وقرنت احوجبها 😡😡😡 محمد: روح وخش تغده وامه امشت تشوف فلي جابه محمد القت ناقص حاجه 🤦‍♂️🤦‍♂️ محمد: تغده وخش بيرقد بدت تهزب فيه اما وقلتله اهم شي طلبته ماجبتاش وكانت هيا القهوه 🤦‍♂️ محمد: اياه اعليا نسيت والله 🤦‍♂️🤦‍♂️🤦‍♂️ وخش رقد 😴😴😴 فطوم: خشت لدارها لحقتها الاء 😂😂😂😂😂 الاء: شن القصه الي كدبتيها يافطوم على امك 😂😂😂 فطوم: مدخلكش 😡😡😡 بيا الاء: قعدت تضحك 😂😂😂😂 قتلها محمد المره الفاتت باسك والمره هادي شن دار 😂😂😂 باش قعدتي تضحكي 😁😁 فطوم:  عصبت 😡😡😡 وقتلها شن دخلك يافرخه انتي 😡😡 الاء: قعدة تضحك اعلها 😂😂😂😂 وتنابش فيها وتقوللها نعلي من محمد الي اضحك فيا 😁😁😁 فطوم:  بتمشي وتخليني نرقد ولا انوض نضربك 😡😡😡 الاء:  يودي باهي 😁😁😁 وقالت معقوله تضربني على خاطر محمد 😂😂😂😂 فطوم: اي لانك ادخلتي في شي ميخصكش 😡😡😡 الاء:  به اني ماشيه 😂😂😂😂 اقعدي فها فطوم: تغطت ورقدت الاء:  نادتها اختها ملاك قتلها تعالي ضمي لماعين 😂😂😂💔 محمد: جي العصر نوضاته امه ناض وتا روحه وطلع امشي يشري في زواق لي حوشه فطوم: ناضة صلة العصر وخدت شيتاتها وترجع في المحاضرات ☺️☺️☺️ محمد: كمل شري الزواق وروح بيه فطوم: ناضت اطيب في لعشي ☺️☺️ محمد: اتصل بي فطوم بقوللها انه اشري ازواق لي حوشه بس مردتش لين فصل وكان هاتف فطوم صامت فطوم: بعد لا طيبت ورمت لعشي على النار جيت لهتفها القت محمد متصل قالت حيه يحليلي تصل ومارديت 💔💔💔😥 كاتب الرواية  : - محمد الزاوي❤️🔥 #تفاعلكم على الرواية 🤗 يتبع....

قصة محمد وفطوم 🤤❤️ الجزء السابع 🍓 محمد ري الرساله وتصل بها ردة اعليه قاللها مساء الخير ياحبي ردة فطوم قتلا الخير منك اوفيك ياحبي يانور اعيوني رد محمد قاللها ياقلبي انتي 🤤🤤🤤 المهم قعدة فطوم تسال فيه وين كنت قاللها كنت مزرد معى اصحابي قتلا ليش ماقتليش انك طالع انشغلت اعليك 😡😡😡😡 قاللها والله انسيت واسف قتلا معاش تعودها مره اخرا 😡 قاللها حاضر بي وقعدة تسال فيه اسئلة غريبه زي بالك معاكم بنت ومش عارف شن 😂😂😂😂 محمد طارتلا قاللها بنت شن امتاعك 😡😡😡 ماشي انا وصحابي مزردين فطوم فرحة وتريحت ☺️☺️☺️☺️ محمد يقول في خاطره ملا تفكير عندها هادا هك نحبو بعض اماله لو نتزوجها كيف ادير فيا تشردني 😂😂😂😂 فطوم قتلا خيرك سكتت قاللها شي 😁😁 قتلا اها واسئلها شن درتي وحكتلا المهم قاللها محمد شن رايك في البوسه فطوم خجلت ☺️☺️ وقتلا بصوت واطي حلوه 🤤🤤🤤🤤 محمد قاللها حتى هيا بوسه فيك مش حلوه بس تجننن 🔥🔥🔥 فطوم خجلت هلبه 🥺🥺🥺 المهم قعد محمد يغزل فها ويقوللها انتي كل شي فحياتي ونحبك ونموت فيك وانتي اجمل من القمر نفسه فطوم من الخجل معاش عرفة شن اتقول قعدة اتقوله حتى انت حتى انت 😁😁😁 محمد قعد يضحك عليها 😂😂😂😂 قاللها انا حبيبك ليش تحشمتي وخجلتي مني 😋😋🤤 قتلا هك اول مره اقولي شخص هك 😊😊☺️☺️ محمد فرح من قلبا لانه اول شخص تكلمه وانا خلها سعيده وفرحانه فطوم بعدها بدة تغازل فيه وتقولا انت فارس احلامي وقرت عيني 🤗🤗🤗🤗 محمد يسمع ومستمتع 🤤🤤🤤🤤 المهم فطوم بدة تنادي فيها ملاك اختها قتلا نستادن اختي لكبيرا تنادي فيا قللها تصبحي على خير ياروحي قتلا فطوم وانت من اهل الخير ياقرت عيني 😊😊 محمد قاللها امممووه 💋💋💋 في شفايفك وسكر الخط 😁😁😁😁😁 فطوم قالت الحيوان دارها وسكر الخط 😂😂😂😂😂 ومحمد بعد  سكر قعد يضحك 😂😂😂😂 المهم فطوم امشت لي اختها وشفتها شن تبي واما محمد افتح النت وفتح الفيس والانستا والسناب شات والتيك توك ويتفرج وبعدها رقد وفطوم كملت معى اختها ملاك ودارة جدولها ورقدة ولما ادن الفجر جت ام فطوم نوضتها تصلي صلت وتت روحها للجامعه وتصلة بمحمد نوضاته بعد لا وتت روحها قتلا صباح العسل حبي قاللها صباح النور ياروحي وقتلا  نوض صلي قاللها بكري صليت ورجعت رقدة قتلا نوض وتي روحك قاللها محظرتي الساعه 11:30 مزاال قتلا انا بنمشي عندي امتحان ومحظرتي الساعه 9:30 قاللها تمام وسكر فطوم طرتلها 😡😡😡😡 قالت قعدة ماكملت كلامي 😂😂😂 محمد ارجع ارقد فطوم ندها بها ومشت طلعت للجامعه وصلة غادي اخدة قهوتها وخدة زوز ميلكا وقعدة تستنا جو صحبتها وقعدو اهدرزو على الامتحان لين جت 9:30 ناضة خشت لمتحان محمد ناض الساعه 10:00 وتى روحه بسرعه وطلع اسخن في السياره وطلع امشي للجامعه فطوم وكملت امتحانها وفرحانا 🤗🤗🤗 جوبت كل الاسئله وطلعت القت محمد يستنا فها قدام القاعه بي قهوتا 😊😊 وطلعو معى بعض ومشو قعمزو وفطوم طلعت من جيبها طرف ميلكا وعطاته وحده وهيا خدة الثانيا وقعدو يكلو فيها ومحمد يجامل فيها 😂😂😂😂 اقوللها ليش تعبتي روحك انا مندورش في الشكلاطه هلبا 😁😁😁 وبعدها ابدي يكل وقوللها الشكلاطه حلوه قتلا كيف حلوه قاللها لانه منك 😂😂😂😂 وقعدو يضحكو 😂😂😂😂 كاتب الرواية  : - محمد الزاوي ❤️🔥 @fgt_yru #تفاعلكم على الرواية 🤗 يتبع....

قصة محمد وفطوم 🤤❤️ الجزء السادس 🍓 وصلت فطوم لي حوشهم وتبدل في احوايجها وقريب تموت من الفرح 🤗🤗 على خاطر بوست 💋💋 محمد لها 🤤🤤 وقعدت تفكر فها وكيف جتها الجراء انا ايبوسها 🤯🤯  وبعدها امشت تغدت ورقدت واما محمد روح بدل احوايجه وتغده وطلع امشي لي اصحابه يستنو فيه طا لعين مزردين فطوم بعد العصر ناضت من النوم شافت هاتفها قالت بالك حبي حموده باعتلي حاجه ملقتش رساله وصلتها طارتلها 😡😡😂😂😂 محمد طلع ايزرد ولا فكر في فطوم ولا يندري اصلان عنده حبيبه اسمها فطوم 😁😁😁 فكر في الزرده وبس المهم فطوم قعدة تقره عندها امتحان وساهيا مره مره توقف لين سالتها اختها الاء خيرك 🙄🙄🙄 تقري وتوقفي 🤔🤔 قعدت تضحك وقالت لها نفكر في محمد ☺️☺️☺️ قتلها الاء خيره 😳😳😳 قتلها باسني 💋💋🤤🤤🔥🔥🔥 الاء قتلها كيف خلتيه ايبوسك 😳😡 قتلها هو درهالي فجأ 🤤 المهم الاء دارت روحها بطله ولو اني رهو اضربته كف على وجه 😂😂😂😂 قالتلها فطوم تو عارفه انا بنوض بنضربك اكفوف على وجهك مش كف بس 😡😡😁😁😁😂 وقعدو يتخصمو اما محمد قلبينها شتاوي ولعب بوبجي وارقيلا  وجوه رايق وسمح 🤗🔥🔥🔥 وناسي فطوم بكل 😏😏😏 منور ياحميده هك الصح 🤣🤣😁😁🔥 وجي الليل فطوم اعلها تطيب لعشي طيباته ووتاته وكل شوي وتقول محمد خيره لاتصل لا دز رساله 😥🥺😞 ليش زعمك 🤔🤔🥺 واما محمد كملو ومروح في الطريق 🚗 فاتح اغاني وجوه سمح ولما اقريب يوصل للحوش ادكر فطوم قال حي ماقتلهاش بنطلع انزرد 🤦‍♂️🤦‍♂️🤦‍♂️ ليلتي حرفه اليوم شن بنقوللها لو قتلي خيرك ماكلمتني او وين كنت 🤦‍♂️🤦‍♂️ المهم وصل الحوش 🏠 دز رساله لي فطوم قاللها حبي قعده نايضه 😁 وفطوم كانت امسيبه هتفها جنب اختها الاء شافت الرساله 🤣🤣🤣 قالت القرد هادا وين دزلها المهم قعدة اتنادي في فطوم اتقوللها اتعالي صاحبتك القرده دزتلك رساله قتلك كلميني 😂😂😂😂😂😂😂 طبعا باش مايفهمو باقي اللعيله ردت فطوم قتلها صحباتي قردات كلهم اما وحده فيهم 🤣🤣🤣🤦‍♂️ الاء قعدت تضحك بصوت عالي 😂😂😂😂😂😂😂😂😂😂 فطوم قالت بالك محمد دزلي وتقولي صاحبتك القرده 🤦‍♂️😡😡😡😡😡 ومحمد يستنه فيها ترد ماردتش قال شكلها رقدت بكري ونا مرايف علاها  💔💔💔 المهم جت فطوم قتلها من دز قالتلها الاء القرد محمد 😂😂😂😂 ضربة اختها على كتفها وقتلها انتي القرده 😡😡😡😡😡 وخدت الهاتف وقرت الرساله وردت عليه قتله نايضه غير ماكنتش جنب الهاتف ياحبي ☺️❤️❤️😍 كاتب الرواية  : - محمد الزاوي ❤️🔥 @fgt_yru #تفاعلكم على الرواية 🤗 يتبع....

قصة محمد وفطوم 🤤❤️ الجزء الخامس 🍓 طبعا رقدت فطوم وقعد محمد يتفرج على مسلسل لالساعه 5 الفجر ولما اتذكر انا بيتلاقه هو وفطوم سكر النت ورقد 😛 الصبح فطوم نايضة بكري عطرت روحها ولبسة احسن لبسه عندها 🤤🔥 وقعدت تستنه لين ايجي الوقت ومحمد راقد في سابع نومه 😴😴😂 جي الوقة مشت فطوم نوضت خوتها وبها استغربت فطوم هي الي نوضتها بس الاء فهمت وعرفة 😂😂😂 اما ملاك مستغربه في اختها 😁😁 المهم طلعت فطوم وركبة السياره وقالت اكيد محمد يستنه فيا ووصل للجامعه اما محمد قعد راقد ايحلم بي فطوم ☺️ انها باسها 🤤😁 وصلت فطوم للجامعه ونزلت خشت طول للكفتريا اخدت قهوتها وخدت شكلاطه لي محمد ومشت ادور فيه ملقتاش 😂😂😂😂 جت الساعه 9 ناض محمد وته روحه وركب سياره وطلع فطوم خشت محظرتها وهيا تفكر خيره محمد ماجاش كانت محاظرة فطوم الساعه 9 ومحاضرة محمد الساعه 11 وصل محمد للجامعه وخدي قهوته وجي اقعمز يستنه في فطوم لين تطلع من المحاضرة باش يكلمها وهدرز اعلها ☺️ كملت فطوم محظرتها وطلعت طول لقعه محمد امقعمز يستنه وقفت اعليه وقتله صباح الخير بخجل 🥺🥺🥺 رد وقاللها صباح العسل لي احله عسل عندي ابتسمت فطوم 😁 قاللها دوم الضحكه الحلوه ☺️ وقعمزو اهدرزو المهم فطوم قتله خيرك ماريتك في الجامعه دورت اعليك ملقتكش قاللها اصلان كيف جيت كنت راقد قتله نسحبك تستنا فيا 😞😞 قاللها بي ضحكه عارف محظرتك الساعه 9 😍 قتله شن عرفك قاللها أمس  سألت  ولد نعرفه معاكم 🤣🤣🤣🤣 فطوم قالت وشن سالته ثاني قال شي وضحك 😄😄😄 فطوم قالت في نفسها اكيد سالاه اعليا قاله في من تكلم 😡😡 المهم هدرزو قتله فطوم محظرتك ابدت قاللها مش خاش قتله اعلاش قاللها جيت على خاطرك ☺️ فطوم فرحت 🤗🤗🤗🤗 المهم قاللها تعالي نغيرو المكان كلها تشبحلنا ومشو ناضو ودرقو في مكان في الجامعه قال محمد لي فطوم تره اقربي بنقولك حاجه في ودنك فطوم قربة  ومحمد باسها في خدها 💋💋💋🤤 فطوم اقريب ماتت من الخجل ومشت تجري 😂😂😂😂 محمد قعد يقول شن درت اني 🤦‍♂️🤦‍♂️🤦‍♂️🤦‍♂️ تو بتسيبني ومعاش تكلمني من قالي انطبق لحلمة بيها اطرتله 😂😂😂😂 فطوم مشت قعمزت قعده مصدومه من بوسة محمد لها 🤯🤯🤯 بس في نفس الوقت فرحانه حصلت بوسه من حبيبها 🤤🤤🔥 محمد قعد واقف يشبحلها من بعد ويقول في نفسه نمشي نتاسف وقعد متردد خايف تلزه مباش يمشي 💔 قعد لين جي الوقة المرواح قعد واقف ع الباب لين طلعت فطوم وهيا فايته تشبح لوطه قعدة خجلنه منه 🤤🤤🤤 محمد قعد متردد يبي ايقول نحبك يافطوم بس خايف المهم وصلاته وفاتت من قدامه اشبك اقال نحبك ☺️🤗❤️ فطوم فرحت تسحاب محمد زعل منها على خاطر مشت وسيباته لما باسها 🤤💋🔥 شفها ابتسمت فرح محمد 🤗🤗🤗🤗 قال مازعلتش مني ☺️ ركبت فطوم في السيارة معى بوها ومحمد قعد يشبح لين طلعو ركز بوها على محمد قال في نفسه الفرخ هادا إلاحق في بنتي 😡😡😂😂  وبعدها محمد اركب سيارته وروح 🚗 للحوش 🏠 كاتب الرواية  : - محمد الزاوي ❤️🔥 @fgt_yru #تفاعلكم على الرواية 🤗 يتبع....

قصة محمد وفطوم 🤤❤️ الجزء الرابع 🍓 قاللها اهلا مساء الخير ردت البنوته 🤤🤤 اهلين بيك مساء العسل والخير بوجودك 🔥 قاللها نعلي منك ومن صوتك الحلو ردت فطوم بخجل حق صوتي حلو رد محمد اكيد ماهو فطومه حتى هيا 🤤🔥 بعدها محمد قاللها رهو اعطتني الرقم غلط ورد اعليا راجل قعدت فطوم تضحك اقويب اتموت بالضحك 😂😂😂😂 بعدها قتله سامحني اغلطت وكانت اختها الاء امقعمزه جنبها وتسمع 😂😁 اتقول فطوم لي الاء بشويه نوضي يا لصقه 😂😂😂 الاء ماتبيش اتقول لا 😁🎭😆 قال محمد شن توشوشي بشويه قالتله  انكلم في اختي الصغيره رد الاء بصوت عالي قالت تكدب مانيش صغيره 😂😂😂😂😂 فطووم وجها انحمر 😋😅😅 وحالتها حاله ومحمد ابدي يضحك 😄😄😄🤣🤣🤣 المهم بعدها الاء امشت من جنب فطوم وبعدها اخدت رحتها بتهدرز على محمد امشي محمد قاللها اعطني نتعرف على الاء اختك 😁😁😁 فطوم في نفسها تعثبت 😡😡 اقالة شن يبي فها شن مش عاجبته اني 😂😂😂 المهم ردت اعليه وقالة امشت 😁 قدعدو اهدرزو ويحكو وقاللها محمد معجب بيه ياعسل 🤤🤤 ردت فطوم بخجل حتى اني معجبه بيك من اول يوم ريتك فيه 🤤☺️☺️ سخن محمد وقال في نفسه تم رمي الصناره بنجاح 😄😄😘 المهم قعد يسال محمد شن دارت اليوم ووين طلعت قالة فطوم نوم بس 😂😂😂😂 محمد قال في نفسه شكلها بايره ربك اصبرني 😁😁😁😁😁 المهم قعدو اهدرزو على لقرايا في الجمعه والامتحنات والذكاتره ولي هادا يقذب على الثاني 🤣🤣🤣🤣😁 وبعدها قاللها محمد فطوم قالة فطوم نعم محموده قاللها حبتك 🤤❤️🔥 فطوم سكتت 😁🤣 شويه اقتله حتى انا حبيتك 😋❤️ ابعدها سمعت صوت اختها ملاك اتقول بنخش نرقد قالة لمحمد بنسكر اختي لكبيره بتخش ترقد اخيفه تعرفني تحرش بابا وماما 😥😥😥💔 قاللها تم تصبحي على خير وقالتله وانت من اهل الخير قال محمد غدوه الصبح لما اتجي للكليه اتصلي بيا قالتله تم وقالت فطوم نحبك محمد سكر الخط في نفس الوقة مسمعهاش 😄😄😄😄 فطوم طارتلها وزعلت سكر في وجها 😁😁😁 كاتب الرواية  : - محمد الزاوي ❤️🔥 @fgt_yru #تفاعلكم على الرواية 🤗 يتبع....

قصة محمد وفطوم 🤤❤️ الجزء الثالث 🍓 المهم محمد اطلع من الجامعه وركب سيارتهه  روح وفطوم جها بوها ركبت اورحت محمد في الطريق فاتح اغاني حب وقلبه على راسه جاري وتشليش 😂😂😂 يلعن حظك يامحمد 😁😁 المهم قعد محمد يفكر في عقله يقول اليوم حنخربها الليله معى بعض 🤗🤗🤗 انا وفطوم وفطوم في السياره اتفكر كيف جتها الجرأه انها تعطي محمد رقمها طول بدون مقدمات 😳😳 انقولك بدون تفكير يافطوم حب اخليك ختى تنتحري 😂😂😂😂 المهم انكملو بعد لا وصلت فطوم للحوش ووصل محمد لي حوشهم محمد قال الي النوم لانه الليله بتخرب 😂😂😂 اما فطوم فخشة للحوش ويناري اغسلي لمعيين 😁😁😁👊 قالت فطوم في نفسها كنت فرحانه نكدو ام الفرحه اعليا 😥💔😁 ومحمد خش ارقد لا اغدي ولا هم يحزنون 😂😂😂😂 لا مش هك يا محمد ارخي لوله 😁😁😁😁 المهم فطوم تغدو اغسلة لماعين لغدي وتلقتها شنعوبت الحوش 😂😂 طبعا لهيا الاء 😁 قتلها وين يا حمو 😂😂😂 قدام اختها ملاك 😂 فطوم قعدة تفنص في اختها الاء 😡😡 والاء قعدة تضحك 😂😂😂 ملاك سمعة كلمت حمو بس مافهمت قالتلها شن قصة حمو 🤔 قتلها مانعرفش شن تخرف الاء 😌 ملاك شافت لي الاء اقتلها من حمو وشن قصته قتلها ولا شي غير انبصر على فطوم 😜😜😜 وفطوم اتفنص في اختها الاء باش متقولش 🤨🤨🤨 المهم ملاك امشت خشة لي دارها ودمغها صايرله استك 🤯🤯🤯 وتقول مستحيل قصة حمو هك وخلاص في حاجه واكيد فطوم تحب ولد يقرا معها المهم رقدة فطوم وبعدها جي الليل وناض محمد وناضت فطوم المهم محمد شطب اموره وطلع اخدي فهوه ولع طرف دخان وقعمز وتصل برقم فطووم. وهنا كانت الصدمه 🤦‍♂️ افتح الخط اقال محمد الوو فطوم رد اعليه راجل قاله من فطووم امتعك 😂😂😂😂 غالط يا خوي راك 😂😂 محمد معاش اعرف شن ايقول ولا شن ايدير سكر الخط ودماغه وقف 🤯🤯🤯🤯 يقول كيف صار رقم فطوم اعطتهولي كيف ارد اعليا راجل 😳😳 وقعد اقول زعمك فطوم تجري بيا 😡😡 ولا زعمك صرلها حاجه اهاتفها عند بوها 🤔🤔🤔 معاش اعرف محمد شن يدير ولا شن اقول 😞😞🤐 وفطوم تستنه في محمد وتقول خيره عطل متصلش ليش متصلش وتفكر زعمك انساني 🤔🤔 لا انقولك ياغبيه لانك بدل مااتقوليله 092 قتيله 094 😂😂😂😂 المهم قعدة تفكر ليش شن صار بالك يكلم في بنت تانيا طبعا منقلكمش هادا تفكيركم يابنات معى الاسف 💔💔💔💔 المهم محمد فكر شويه وقال انجرب الرقم بدايته 092 اكتب وقعد متردد نتصل ما نتصلش خايف يرد اعليا راجل. ☹️☹️☹️☹️ زي قبل شويه بس قال خلي نتصل ونجرب حظي وقال في نفسه بنتصل ولما يفتح الخط بنسكت ولو اسمعت صوت راجل حنكقدب ونقوله وين يا احمد 😂😂😂😂 المهم اتصل وفطوم اتقول زعمك محمد اتصل ولا حد تاني ردت فطووم وسمع محمد صوت بنت رد وقاللها انتي فطووم قالتله اي انت محمد قاللها اي 🤤☺️ كاتب الرواية  : - محمد الزاوي ❤️🔥 @fgt_yru #تفاعلكم على الرواية 🤗 يتبع....