جَـام خَانَة .

غلطتك لمن شفتهم و الإصابع گطعتها هنانه صارن كل أصابيعك سوه گمت متميز الجرح من الدوه .

الوضعيه تحت عنوان : فوگ حزنك يا حِلو جالك حزن .

واگف الموس بلهاتي وطلع من عيني الكلام تمددت فوگ السيوف وطاحت بعين السهام و أنت بطران وتگلي ليش ما تگدر تنام

إن مأساة معظم الطيبين هي عدم حضور الذهن و جاهزية الرد لحظة التعرض للهجوم. يلعب الآخرون دائما على نقطة الضعف هذه و يفوزون فوزا غير شرعي بمعارك قصيرة، حاسمة، موجعة. و لا يستحضر الذهن المسالم و الضمير السليم الرد الملائم إلا بعد انتهاء الموقف، و خسارة الجولة. ما هذا بغباء؛ و إنما فطرة نقية أكثر مما ينبغي.

خاف بالكم بالعيد افك الباب مايخلص بعد للموت رمضاني

بس أسمك نهر الماي مكطوع و انا على الجرف ألهث بالعيون .

ابرد من الجثة اصير من احچي بيك وانه من گاعية التنور احر سهامك الصابتني ماشغلتلي بال احچيلي رمحي بصدرك شلون استقر ؟ اليثگل بلا اشرعة يلاگيني روج النرجسية تقودك لقاع البحر ! خلاف وجهك حلت بعيوني الحياة مات گلبي وورث لعينك سهر

يا غرامك بية سوة المايصير ويا رخاوة حضنك تردني طفل

مو زايد على اهلي من الوجع حسيت لا حسيت روحي إعله البشر زايد ازرع خير گالوا تحصد انت الخير الزرعتلهم ورد بس شوچهم حاصد

ثاريها الضنون تخيب وتخيب من ضنيت بيك تصيرلي أوتاد مضيف المبرد يغش المعازيب ما سير عليه السيف لو حاد چنت اتصور تفوز التجاريب ودمعك ما تكضه جفون العناد جدامك صارن بيوت العناكيب وأخف من گتلك يلوگلنا البعاد ايدي على الصور والثانيه تعيب وبس الماي يكسر جنح الارماد نفرض شگگتهن خاف ماطيب شگ الثوب فوگ الميت شفاد طايحلك نشد يعگوب بالذيب ولا بير الحچه وگال انه سداد انه آخ وحچوني بغرف تعذيب ماهزيت شعره براس جلاد انه مصيوب مو مثل المصاويب حرب والصاحي يرجع بس الزناد المصيبه البال بيك يودي ويجيب اكثر من هلي وحتى من الضماد ثلث سنين طيفك لو ادري يغيب جا ماخيطت راسي وي المخاد طفل وگبالي كسرت الملاعيب شتعوضني من تشيلني لغاد يا كتال يكسر خاطره ثغيب المفروض الضمير متاع صياد مو هينه العيون رموشها تشيب بعد حتى من اغمض ضلمه ينراد ضوا من يلوحها تصير السراديب مثل سم اليبين طعمه بالزاد

أنا مُتعب ، أحتاج أن أتوقف عن شعور بأنني مُستيقظ أثناء نومي .

مرتين اجر النفس بس ما يكفيني

بگد حبك لنفسك چنت اناني وياك ومنو بگدي يحبك ؟ محد بگدي

لا جثة للمشاعر شلون أفهمك متت ؟

متغاضي چنت عن كلشي سلبي يصير غراب الفوگ بيتك بس گلت عصفور

هواي احلام اجن بعدك بس لليوم حلمك وأكف بعيني النار العايشه بصدري ماتخمد اذا مو انت بمتونك تطفيني شكد احلام ورديه ردتها وياك لكن ما عرفت شلون تحويني

كون تدري ! الما يجيبة الشوگ خطواتة چذب

يجوز اشوفك "هاي دنيا .. " ولازم تمر بيه صدفة وبيها اشوفك يجوز اموت وانتَ ماكو ! يجوز امر جنازة متسلم عليها وأنتَ تمشي ويه التحبه يجوز الله يقوي گلبي والزم سوارك واذبه يجوز تنصاب بمرض والدنيا تصغر ما يطب ريتك هوا يجوز تتمرض حبيبي واني انطيك الدوة يجوز أبني يلاعب ابنك بالدرابين المشيناهن سوة وكله منك .. يجوز نتلاگة بوسط سوگ المدينة وگايد ابنك يجوز أنسى أحنة افترگنه واركض بلهفة واحضنك ..