المدونة القانونية للأستاذة ميار شاهين

رهيييييييييب ⬇️ أقسم بالله تقرير طبي شرعي من أروع ما يكون مقدم من مركز الاستشارات الطبية الشرعية بكلية الطب جامعة بنها واللي خلاني أتحمس أنزله مش التقرير بس ولكن طريقة المحامي اللي فكر يعمله من البداية ودي حكاية تستحق إن كل محامي يقراها للآخر القضية ببساطة…

رهيييييييييب ⬇️ أقسم بالله تقرير طبي شرعي من أروع ما يكون مقدم من مركز الاستشارات الطبية الشرعية بكلية الطب جامعة بنها واللي خلاني أتحمس أنزله مش التقرير بس ولكن طريقة المحامي اللي فكر يعمله من البداية ودي حكاية تستحق إن كل محامي يقراها للآخر القضية ببساطة…

رهيييييييييب ⬇️ أقسم بالله تقرير طبي شرعي من أروع ما يكون مقدم من مركز الاستشارات الطبية الشرعية بكلية الطب جامعة بنها واللي خلاني أتحمس أنزله مش التقرير بس ولكن طريقة المحامي اللي فكر يعمله من البداية ودي حكاية تستحق إن كل محامي يقراها للآخر القضية ببساطة كانت واقعة قتل خطأ والمتهم عملت له النيابة تحليل مخدرات والنتيجة طلعت إيجابي حشيش وهنا أي حد ممكن يقول خلاص كده التقرير موجود والنتيجة إيجابي وانتهى الموضوع لكن المحامي هنا كان من مدرسة تانية خالص زي مدرسة أستاذ طلعت داودوأنا عن نفسي اتعلمت منه إنك تصرف على شغلك وخد أتعابك اللي أنت شايف إن شغلك يستحقها وطلع كل إبداعك في القضية لأن المحامي مش دوره يقرأ الورق ويقول اللي مكتوب فيه المحامي دوره يسأل هو ليه مكتوب كده وإزاي وصلوا للنتيجة دي المحامي قرر يعمل تقرير طبي شرعي على نفقته الخاصة وتقدم إلى مركز الاستشارات الطبية الشرعية بكلية الطب جامعة بنها وطلب من المتخصصين دراسة ملف القضية بالكامل ودراسة التقرير المعملي وإبداء الرأي الفني فيه وهنا بدأت الحكاية الحقيقية لأن وقائع القضية أصلاً كانت تقيلة جداً على المتهم والدة الطفلة المتوفاة قررت الواقعة وضابط الواقعة قال إن تحرياته أكدت صحتها والمتهم نفسه أقر إنه كان بيقود الدراجة وحصل الاصطدام وفوق كل ده تقرير معمل الطب الشرعي قال إن العينة إيجابية للحشيش يعني لو بصيت للملف من بعيد هتقول إن مفيش حاجة تتعمل لكن المحامي المبدع قرر يدور في المكان اللي محدش بيدور فيه فتح التقرير المعملي ووقف عند طريقة الفحص لقى إن العينة تم فحصها بواسطة كاسيت المخدرات One Step Abuse Test للكشف عن تسعة أنواع من المخدرات والنتيجة جاءت إيجابية للحشيش وهنا السؤال اللي يستحق الوقوف عنده مش هل النتيجة إيجابي ولا لأ السؤال الحقيقي إيه طبيعة الاختبار اللي جاب النتيجة دي وهل النتيجة المسحية وحدها تكفي للجزم بوجود الحشيش وهل فيه عوامل أو أدوية ممكن تؤثر على نتيجة الاختبار- وهنا جه دور التقرير الطبي الشرعي اللي ناقش المسألة من الناحية الفنية وأشار إلى أن بعض الأدوية المصرح بها للاستخدام الطبي قد تؤدي في بعض اختبارات الكشف المسحي إلى نتيجة إيجابية كاذبة للحشيش شايفين الفكرة؟ المحامي ما حاربش النتيجة بكلام إنشائي وما قالش التقرير غلط وخلاص هو رجع خطوة قبل النتيجة نفسها وسأل عن الطريقة اللي النتيجة وصلت بيها وده بالنسبة لي أهم درس في الموضوع كله أنا اتعلمت المدرسة دي من أستاذ طلعت داود اتعلمت إنك لما تدخل قضية اصرف عليها واعمل اللي عليك وخد أتعابك اللي أنت شايفها واستعمل كل أداة قانونية وفنية متاحة ليك لأن أحياناً تقرير واحد بتعمله على نفقتك يفتح لك باب دفاع محدش كان شايفه وأنا شفت النوع ده من التقارير كتير مع أستاذ طلعت داود وفي قضايا قتل تحديداً وكان التقرير الواحد أحياناً بيتكلف فوق 15 ألف جنيه لكن لما تشوف قيمة اللي التقرير عمله في القضية تعرف إن الفلوس اللي اتدفعت عليه ما كانتش مصروفات كانت استثمار في الدفاع وعشان كده أنا شايف إن التقرير ده لازم كل محامي يحتفظ بيه عنده ويقرأه كويس جداً ومش لازم تكون عندك نفس وقائع القضية أصلاً لأن أي قضية عندك اتعمل فيها فحص بواسطة جهاز أو كاسيت من اختبارات One Step Abuse Test ممكن تلاقي في التقرير ده باب دفاع تستفيد منه وده السبب اللي مخليني أنزله بالشكل ده وأتمنى كل محامي يشوفه ويعمله Share لأن قيمة التقرير مش في القضية دي بس قيمة التقرير في الفكرة اللي بيعلمها لك إنك ما تبصش على كلمة إيجابي وتقفل الملف بص ورا الكلمة اسأل اتعمل إزاي وبأي وسيلة وإيه القيمة العلمية للنتيجة وهل النتيجة دي وحدها تكفي للقطع واليقين لأن أحياناً أقوى دفاع في القضية ما بيكونش في اللي التقرير قاله بيكون في السؤال اللي المحامي عرف يسأله عن التقرير Cbd

https://t.me/younumberon محتوى لتعلم الانجليزى ، الالمانى، فرنساوى من الصفر

⚖️ حكم قضائي تاريخي يُدين شركة #فودافون بالتعويض عن خطأ جسيم في تسجيل الخطوط في حكم بالغ الأهمية، قضت المحكمة بإلزام شركة فودافون بأداء تعويض مالي لصالح أحد المتضررين، وذلك على خلفية خطأ إداري جسيم تمثل في قيام الشركة بتسجيل خط هاتف محمول باسم شخص لا يمت له بصلة حقيقية. 📝 تفاصيل الواقعة الثابت بالأوراق أن شركة فودافون قامت، على سبيل الخطأ والإهمال، بتسجيل شريحة هاتف باسم شخص غير مالكها الفعلي، وهو ما ترتب عليه زجّ هذا الشخص في اتهام جنائي خطير (قضية سرقة) لا علاقة له بها من قريب أو بعيد، لمجرد أن الخط محل الاتهام مسجل باسمه لدى الشركة. ⚖️ الأساس القانوني للحكم أكدت المحكمة أن ما ارتكبته الشركة يُعد خطأ تقصيريًا مكتمل الأركان، لتوافر: الخطأ: الإخلال بواجب التحقق من بيانات العميل. الضرر: المساس بسمعة المواطن وحريته وتعريضه للمساءلة الجنائية. علاقة السببية: مباشرة بين خطأ الشركة والضرر الواقع. وشددت المحكمة على أن شركات الاتصالات ملزمة قانونًا باتخاذ أقصى درجات الدقة والتحقق عند تسجيل الخطوط، لما يترتب على ذلك من آثار قانونية وأمنية جسيمة. 📌 رسالة الحكم هذا الحكم يرسخ مبدأ بالغ الأهمية مفاده أن الإهمال في تسجيل البيانات الشخصية ليس أمرًا إداريًا بسيطًا، بل قد يرتب مسؤولية مدنية وتعويضات حال الإضرار بالغير، ويؤكد حماية القضاء لحقوق الأفراد في مواجهة الكيانات الكبرى.