🙋‍♀💍 كيف أكون زوجة 💍💁‍♀

صيام عاشوراء يوم الخميس بعد بكرا الأفضل أن تصوم يومًا قبله أو يومًا بعده، يعني تصوم الأربعاء أو الجمعة. ولو صمت الأربعاء والخميس والجمعة جميعًا، يبقى أفضل؛ لأنه أكثر أجرًا .... عرض المزيد

مرحباً بكم 🌿 استقبال الاستشارات الأسرية والتربوية ‏سريع وبسيط وآمن، دردشة ومكالمات واتساب مجانًا: https://whatsapp.com/dl/

#تنمية_زوجية 4 #إنت_عايزة_تتجوزى_ليه؟؟ 2 النوايا فى الزواج كثيرة وذكرنا منها المرة السابقة 3 واليوم بنستكمل ان شاء الله 4-أعف نفسى وأعف زوجى✔️ وتحت الجزئية دى مليون ألف خط😊 عشان فيه نساء مفكرين نفسهم يتزوجوا عشان يطبخوا ويغسلوا ويمسحوا ويكنسوا ويهتموا بالعيال وبتنضيف البيت وبس كده😕 😕 عايزة أقولك زودى معاك يا غالية إن واجب عليك تعفى زوجك❤️ يعنى الراجل لما يقولك بعد إذن حضرتك ياريت تتزوقى وتحطى أحمر وأخضر ماينفعش تقوليله اتق الله يا أخى المسلم😂 أو تدخليله بإسطوانة هو أنا هأعمل ايه ولا ايه 😔 فواجب عليك إنك تهتمى بنفسك وتلبسى وتتزينى وتكونى أحلى وأجمل من أى بنت ممكن عينه تلمحها فى الشارع 😉وعشان كده لازم تكونى عارفة إن الزواج مسؤولية وان شاء الله تأديها على أكمل وجه اذا استعنت بالله وعايزة أقولك إن ممكن تاخدى جبال حسنات لو عددت النوايا فى تزينك لزوجك 😍 أولا امتثالا لقول النبى صلى الله عليه وسلم : «الدُّنْيَا مَتَاعٌ وَخَيْرُ مَتَاعِهَا المَرْأَةُ الصَّالِحَةُ, الَّتِي إِذَا نَظَرَ إِلَيْهَا سَرَّتْهُ, وَإِذَا غَابَ عَنْهَا حَفِظَتْهُ فِي نَفْسِهَا وَمَالِهِ» ✍🏻 ثانيا إنت كده بتعفيه من النظر الى الحرام وإنت عارفة طبعا البنات فى الشارع عاملين فى نفسهم ايه 😕😮 ثالثا الاحتساب على أنه طاعة للزوج وطاعة الزوج واجبة طبعا ✍🏻 رابعا الاجر العظيم لحسن التبعل للزوج وحسن التبعل مش معناه زينة فقط انما الخلق الحسن والمعاملة الطيبة وغيرها لكن شوفى الحديث الجميل دا 🌴 عَنْ جَابِرِ بْنِ عَبْدِ اللَّهِ ، قَالَ: " بَيْنَا نَحْنُ قُعُودٌ عِنْدَ رَسُولِ اللَّهِ صَلَّى اللَّهُ عَلَيْهِ وَسَلَّمَ إِذْ أَتَتْهُ امْرَأَةٌ ، فَقَالَتْ: يَا رَسُولَ اللَّهِ أَنَا وَافِدَةُ النِّسَاءِ إِلَيْك ، يَا رَسُولَ اللَّهِ : رَبُّ الرِّجَالِ وَرَبُّ النِّسَاءِ اللَّهُ عَزَّ وَجَلَّ ، وَآدَمُ أَبُو الرِّجَالِ وَأَبُو النِّسَاءِ ، وَحَوَّاء أُمُّ الرِّجَالِ وَأُمُّ النِّسَاءِ ، وَبَعَثَكَ عَزَّ وَجَلَّ إِلَى الرِّجَالِ وَالنِّسَاءِ ، فَالرِّجَالُ إِذَا خَرَجُوا فِي سَبِيلِ اللَّهِ فَقُتِلُوا فَهُمْ أَحْيَاءٌ عِنْدَ رَبِّهِمْ يُرْزَقُونَ ، وَإِذَا خَرَجُوا فَلَهُمْ مِنَ الْأَجْرِ مَا قَدْ عَلِمْتَ، وَنَحْنُ نَخْدُمُهُمْ وَنحْبِسُ أَنْفُسَنَا عَلَيْهِمْ ، فَمَاذَا لَنَا مِنَ الْأَجْرِ؟ فَقَالَ لَهَا رَسُولُ اللَّهِ صَلَّى اللَّهُ عَلَيْهِ وَسَلَّمَ: ( أَقْرِئِي النِّسَاءَ مِنِّي السَّلَامَ وَقُولِي لَهُنَّ: إِنَّ طَاعَةَ الزَّوْجِ تَعْدِلُ مَا هُنَالِكَ ، وَقَلِيلٌ مِنْكُنَّ تَفْعَلُهُ ) . 🌴 👈🏻👈🏻الحديث ورد له روايتان المذكورة اسنادها حسن , وهناك رواية من طريق اخر ضعفها الشيخ الالبانى وهذا للأمانة العلمية 5- الاستمتاع بما أحله الله عزوجل وابتغاء الثواب✔️ سبحان الله ربنا خلقنا ووضع الشهوة فينا يعنى بالفطرة يميل الرجل إلى المرأة وتميل المرأة الى الرجل , والله عزوجل شرع الزواج وحرم الزنا , وكذلك أثاب الله عزوجل من قضى شهوته فى الحلال قال النبى صلى الله عليه وسلم (وفي بضع أحدكم صدقة. قالوا: يا رسول الله! يأتي أحدنا شهوته ويكون له أجر؟! قال: أرأيتم لو وضعها في حرامٍ أ كان عليه فيها وِزر؟ فكذلك إذا وضعها في الحلال كان له أجرُ) اذا من ضمن النوايا استحضار هذه النية 6- تحصين النفس من خطر الشهوة وتفريغ القلب للعبادة✔️ قال النبى صلى الله عليه وسلم " من استطاع منكم الباءة فليتزوج فإنه أغض للبصر و أحصن للفرج" 7- الزواج سنة والعزوبية ليست من الاسلام ,قال صلى الله عليه وسلم : " النكاح سنتي فمن لم يعمل بسنتي فليس مني " . ✔️ عشان بس الجماعة بتوع زواج ايه ونكد ايه بلا زواج بلاهم , أتجوز واحد عشان يقرفنى فى عيشتى ويخنقنى خدوا بالكم كلامكم دا مخالف للسنة احذروا , وبلاش تنشروه وتعقدوا الناس فى عيشتها عشان مجرد تجربة شفتوها وفشلت أو تجربة سمعتوا عنها وفشلت , وإن لم يوجد زواج سيوجد زنا !! وتانى وتالت ورابع زى ما فيه بيوت فشلت فى الزواج فيه كتير بيوت نجحت 😍 دى بعض من النوايا اللى لازم تكون فى الزواج واللى يتأمل النوايا دى كلها هيلاقيها تصب فى صالح إتمام الغاية التى من أجلها خلقنا (وما خلقت الجن والإنس إلا ليعبدون ) النوايا دى لازم تكونى عارفاها وفاهماها كويس ولازم دى تكون نواياك فى الزواج هى دى النوايا الحقيقية ولازم شريك حياتك يكون عنده نفس النوايا عشان الزواج يكون ناجح وعشان نقدر نكون أسرة مسلمة وذرية صالحة تنفع الاسلام والمسلمين . نكتفى بهذا ونكمل المرة القادمة سبحانك اللهم وبحمدك أشهد أن لا اله إلا أنت أستغفرك وأتوب اليك . #سارة_العبسي

#تنمية_زوجية 3 #أنت_عايزة_تتجوزى_ليه 1 ؟! أنا بسأل بجد مش بأهزر على فكرة 😅 يعنى فعلا ايه النوايا اللى لازم تكون فى الزواج عشان يكون زواج ناجح ؟؟ أنت عايزة تتزوجى عشان خايفة قطر الزواج يفوتك😌 ولا عايزة تتزوجى عشان تلبسى فستان وتبقى عروسة 👰 ولا عايزة تتزوجى زى الناس كلها ما بتتزوج بدون هدف طيب لو أنت بالفعل متزوجة هأسألك نفس السؤال أخدتى الخطوة دى ليه ؟؟ طبعا فيه ناس هتقول عشان دى سنة الحياة هأقولكم جميل جدا وعليه وبما إن دى سنة الحياة يا ترى خططتوا ازاى للحياة الجديدة ولا دخلتوها كده وخلاص ... كلامنا اليوم مهم لازم نعرف ليه نتزوج عشان نعرف بعد كده نختار صح ازاى ... لأن ببساطة اللى ماعندهاش نوايا فى الزواج وأهداف للأسف ده هيترتب عليه إنها هتختار غلط ..✔️✔️ #لماذا_نتزوج؟؟؟ صلوا على النبى صلى الله عليه وسلم أولا 1- نتزوج لنقيم أسرة مسلمة تعبد الله عزوجل ❤️ واحنا قلنا سابقا إن الزواج وسيلة نتوصل بها الى الغاية ايه الغاية ؟؟؟ قال تعالى (وما خلقت الجن والإنس إلا لعبدون) 2- نتزوج لننجنب ذرية تكون فخرا للإسلام والمسلمين ❤️ النبى صلى الله عليه وسلم (تزوجوا الودود الولود فإني مكاثر بكم يوم القيامة) الحديث دا ورد بألفاظ كثيرة فمن ضمن نوايا الزواج لابد وأن نضع هذه النية الطيبة #تنبيه طبعا ناس كتير أول مايتزوجوا يقولوا احنا عاملين حسابنا نخلف اتنين فقط , أو ثلاثة فقط ودا معروف بتحديد النسل ولو كان بهذه الطريقة فهو حرام لأنه يخالف مقصد شرعى #سؤال يعنى أنا أخلف كل سنة ولازم أجيب عيل ورا عيل هأقولك فهمتينى خطأ !! لو أنت حددت مثلا بين كل طفل والتانى فترة سنة اتنين تلاتة أو براحتك مفيش مشكلة بنية أنك تحسنى تربية الطفل وأنك تاخدى راحة لجسمك فهذا لا مشكلة فيه , أو مثلا تخبرك الطبيبة الثقة المسلمة إنك لو حملت دا فيه ضرر محقق سيقع عليك أو أنت صحتك فعلا تكون مش مستحملة ,إنما المشكلة ان تكون صحتك جيدة جدا وأخذت فترة راحة كافية وإنت عندك طفلين مثلا وبتاخدى مايمنع الحمل عشان إنت مش عايزة غير الطفلين دول فقط أو خشية الرزق وضيق الحال فهذا لايجوز . 3- لنحصل على الأمان العاطفى ❤️ إن يكون فيه استقرار نفسى , إن يكون فيه حب فى الحلال ومن المشاكل اللى وردت عليا وهى موجودة بكثرة إن كثير من النساء المتزوجات مابيحسوش بألامان العاطفى دا مع أزواجهم وبيلجأوا للخارج زميلها بقى فى العمل وربما جارها وربما واحد ضحك عليها على مواقع التواصل ودى مصيبة لأن المرأة هنا وقعت فى معصيتين عصت الله عزوجل وكذلك خانت زوجها ولاحول ولاقوة الا بالله وان شاء الله ربما تطرقنا للحديث عن هذه الكارثة !! نكتفى ونكمل المرة القادمة ان شاء الله , سبحانك اللهم وبحمدك أشهد أن لا اله الا أنت أستغفرك وأتوب اليك #سارة_العبسي

#تنمية_زوجية 2 ❤️ احترت جدا هل ابدأ كلام عن الرؤية الشرعية الاول وعن كيفية اختيار الزوج ؟؟ ولا أبدأ اتكلم عن التأهيل النفسى للبنت أولا قبل الاقبال على خطوة الرؤية الشرعية ؟! 🤔🤔 وصراحة فضلت إنى أبدأ بخطوة التأهيل النفسى أولا عارفين ليه لأن بنات كتير بيكونوا معقدين نفسيا !! 😔 عشان البيئة اللى هم فيها بتكون صعبة بمعنى إن كتير من البيوت فيها الأب والأم بينهم مشاكل عنيفة جدا , وفى بعض البيوت البنات بيشوفوا الأب بيقهر الأم وربما بيشتمها وفى حالات كتير بيضربها وكل دا على مرأى ومسمع من الاولاد فبيتأثروا وفيه أولاد بيبقوا طبيعين جدا ومفيش مشكلة وللأسف الشديد فيه بنات بيتأثروا وبيكرهوا الزواج والزوج وبيبقى عندهم مشاكل نفسية😫 وتلاقى البنت عندها قناعات بأن كل الأزواج وحشين وان الزواج دا تعاسة وهم وغم ونكد ودى مشكلة , خدوا بقى المشكلة الأكبر إن البنت اللى عندها القناعات دى بتتجوز وبيفضل عندها نفس الوساوس دى ولو زوجها كويس هى باستمرار شايفة أنه اسوأ واحد على وجه الأرض #طاب_الحل_ايه ؟؟ 👈🏻👈🏻الحل إنك ماتتجوزيش وأنت بالقناعات دى أو بالنفسية دى عشان حياتك هتبقى جحيم سواء لو زوجك كويس وطبعا لو كان سئ . 👈🏻👈🏻ثم تفاءلى وأحسنى الظن بالله وافهمى إن زى ما فيه بيوت كتير المرأة فيها مظلومة ومقهورة فيه بيوت كتير المرأة فيها ملكة فيه بيوت كتير فيها حب ومودة , و👈🏻👈🏻كذلك المفروض لو أنت شفت أمور سيئة فى بيت أهلك #كونى_ايجابية وماتخليش المشاكل تقصر فيك وتحطم جواك الحلم الجميل اللى نفسك فيه وما تخليش نظرتك للزواج مأساوية , والمشاكل اللى فى بيت أهلك حاولى تستفادى منها وتشوفى ايه الصح والامور الكويسة عشان تطبيقها فى حياتك وشوفى الامور السيئة عشان تجتنبيها فيما بعد 👌🏻👌🏻وبكده نبقى أخدنا المشاكل وعملنا منها جسر نعبر عليه الى الأمام , وبكده هتكونى أقوى ,👈🏻👈🏻 وكذلك حاولى تبعدى عن النساء اللى دايما بيشتكوا وبيكثروا الشكوى من أزواجهم لأن دا ممكن يأثر عليك لو أنت شخصيتك ضعيفة , وممكن يبوظوا دماغك بأفكار خبيثة وبسموم هما أصلا ما يقدروش يطبقوها فى حياتهم , أو بيطبقوها وحياتهم اتخربت فبيكونوا مرضى وعايزين يمرضوا كل اللى حواليهم وزى ما بيتهم اتخرب كل البيوت تتخرب ولاحول ولاقوة الا بالله #مثال يعنى مثلا تلاقى بعض النساء لما تقوليلها انصحينى تقولك نكدى عليه قبل ما ينكد عليك !! 😡😡 ولو اتخانقتوا وصوته عالى إنت كمان تعلى صوتك , لو قالك كلمة ردى عليه بعشرة !! 🗣🗣 كل دا أصلا ينافى أنوثتك وكل دا هيبقى خراب عليك 😞😞 لذلك الثرثرة النسائية ابتعدى عنها حتى لا تكتئبى وتانى وتالت هأقولك والله زى ما فيه بيوت المرأة فيها مقهورة فيه بيوت المرأة فيها ملكة مصونة . ✔️✔️ نكمل المرة القادمة إن شاء الله , أقول قولى هذا وأستغفر الله لى ولكم , سبحانك اللهم وبحمد أشهد أن لا اله الا أنت أستغفرك وأتوب اليك #سارة_العبسي

#تنمية_زوجية 1 ما كانش ينفع أبدا إنى أتكلم عن الزواج والاستعداد له قبل ما أخاطب كل بنت قلبها مكسور عشان زواجها اتأخر كل بنت بدأت تستخبى عشان كلام الناس بيوجع !!😔 هنفرحك بيك امتى يا حلوة ؟! كل البنات اتجوزوا ايه ياختى هتفضلى كده لحد امتى !! البنات اللى بيسميهم المجتمع عوانس !! وصراحة انا ضد الكلمة دى لأن باختصار مفيش واحدة عانس انما فيه بنت منعها الله من الزواج مبكرا لسبب وحكمة✔️ وعلى فكرة الجنة مش مكتوب عليها للمتزوجات فقط❌ وعلى فكرة الزواج مش غاية الزواج وسيلة✔️ يعنى احنا مش موجودين فى الدنيا عشان نتزوج لا , احنا الهدف الاساسى من وجودنا فى الدنيا عبادة الله وتوحيده قال تعالى (وما خلقت الجن والانس الا ليعبدون) يبقى الغاية توحيد الله وعبادته , ولما كانت هذه الغاية لن تتحقق الا بعدة وسائل جعل الله لنا الطعام والشراب وكثير من الامور حتى نتقوى على العبادة ومن ضمن مما شرعه الله لنا الزواج لعدة أهداف منها اعفاف النفس وتكثير النسل وايجاد ذرية تعبد الله وتوحده وغيرها .... 🌴#المهم رسالتى بقى لكل بنت زواجها اتأخر احمدى الله عزوجل من قلبك , ربنا قادر يرزقك فورا الله عزوجل لا يعجزه شئ لازم الكلام دا يكون جوا قلبك ومحفور فى قلبك عشان تكونى راضية وحالك أفضل من حال واحدة اتزوجت وكل يوم بتنام مضروبة أو مهانة من زوجها , حالك أفضل من واحدة تزوجت واطلقت وشافت الويل من زوجها , وربما تأخر زواجك اختبار من ربنا لك أنت صابرة وراضية ولا لا ؟؟ وحالك أفضل من واحدة تزوجت وانشغلت بزوجها وبيتها ونست ربنا وعبادتها .. لو علمتم الغيب لاخترتم الواقع 🌴#طيب_كلام-الناس تحت حذائك ضعى كلام الناس عارفة ليه لأن كلامهم ولا له أى ستين لازم ولا هيقلل رزقك ولا هيزوده , عارفة انه انك بتتوجعى لكن ربنا يجعله فى ميزان حسناتك , وأنت كمان ممكن تتجاهليهم وتطنشيهم وتخليك باردة أو تجاوبيهم وتقوليلهم هأتزوج لما ربنا يريد, أو ما تشغليش بالك يا طنط ببرود أعصاب كده وبس 🌴#طيب_اعمل_ايه لحد ما ربنا يأذن وأتزوج وييجى العريس ياخدنى على الحصان الفرانى 😅 أقولك يا ستى بس صلى على النبى أولا انا أعرف اخوات تزوجوا فى سن 35 طبعا كان عندهم وقت فراغ كبير طاب استغلوه ازاى؟؟ استغلوه فى انهم اتعلموا حاجات كتيير جدا جدا وبسببها لما تزوجوا كانوا ستات بيت فوق الممتاز , فلحد ما ربنا يكرمك بالزواج اتعلمى اتعلمى تطبخى كويس اتعلمى خياطة اتعلمى كروشيه اقرأى عن الزواج وحقوق الزوج والزوجة , اتعلمى أمور دينك كاملة عقيدة وفقه وتفسير وحديث وغيره عشان لما تتزوجى ويبقى عندك أطفال تفيدهم وتربيهم تربية اسلامية صحيحة وحتى هتفيدى نفسك وطلب العلم ثوابه عظيم جدا , كمان انزلى وشارك فى جمعيات خيرية نسائية انزلى مسجد وشاركى فيه دعويا اتعلمى لغات اتعلمى اى حاجة تفيدك طورى نفسك وأهليها اشتركى بمعهد اعداد دعاة اشتركى فى دورات كمبيوتر او اى كورسات تنمية مفيدة وماتحطيش ايدك على خدك وتوقفى حياتك كلها منتظرة الزواج ومش معنى كده انى بأقولك افقدى الامل لا دا أنا بأقولك بس خلى حياتك عادية افرحى وعيشى عمرك وكونى فعالة فى المجتمع وأكثرى من الدعاء بالزوج الصالح وهونى على نفسك بحبكم فى الله وألقاكم بدرس جديد ان شاء الله #سارة_العبسي

https://www.facebook.com/share/r/1Fu2Jr77Mv/

الحمد لله الذي تتم بنعمته الصالحات 🤍 وفقني الله للمرة الثانية وزادني من فضله، لتكون إضافة جديدة لي في الجزائر الحبيبة 🇩🇿✨ مرحبًا بكل من أراد المساعدة، نحن هنا في مجال الخدمة الاجتماعية، لدعم المرأة وإنقاذ الأسرة، نسأل الله للجميع التوفيق والنجاح 🤍🌸 ❤️❤️❤️❤️❤️❤️❤️

https://www.facebook.com/share/r/1EEsDxmm7m/

#وعي_زواجي

هل الزواج يعالج جراح الطفولة والمراهقة؟ الحقيقة الصادمة… من واقع استشارات اليوم يا جماعة الخير… قبل ما نفكر نفتح بيت ، لازم نفهم إن الزواج مش عصاية سحرية بتشيل أوجاع الماضي ولا بتمسح آثار التربية القاسية أو الإهمال أو المقارنة. اللي اتكسر سنين ما يتصلّحش في يوم… والوجع اللي ما اتعالجش جوّه النفس بيكبر في الزواج ويتحوّل لجروح أعمق ومشاكل أكبر. وعاوز اوجه رسالة للآباء والأمهات: إلى كل أب وأم سبّبوا – بقصد أو بدون قصد – جراح نفسية لعيالهم: ما ينفعش تدفعوهم للزواج وتقولوا : “الجواز هيصلّحهم… الجواز هيغيّرهم .” لا… الزواج مش علاج ، والزواج مش وسيلة "نهرب" فيها من الماضي. الابن أو البنت اللي شايلين صدمات ، خوف ، نقص ثقة ، غضب ، أو ألم مكتوم ،تحرش، ،،، كل ده هيظهر في الزواج ، ويمكن يعيد نفس الأخطاء اللي عاشوها في البيت الأول. أكبر هدية تقدموها لعيالكم مش “عريس” ولا “عروسة”… أكبر هدية : ابن أو بنت متعافيين ، قادرين يبدأوا حياة مستقرة. رسالة للشباب والبنات : لو عارف/ة إن عندك : • صدمات طفولة • خوف من الهجر • غضب مكبوت • نقص ثقة • فراغ عاطفي • أو جراح لسه ما التأمتش… يبقى لازم تتعافى قبل أي خطوة تجاه الزواج. مش عشان حد… لأجل نفسك أولًا. لأن الزواج مش حل… الزواج مرآة بتكشف كل حاجة مستخبية جوا. ابدأ بنفسك. اتعافى. وصحّح جراحك قبل ما تبني بيت جديد ، وأهل نفسك تأهيل نفسي قبل الزواج. والسؤال : هل من العدل تدخلوا زواج وإنتوا لسه شايلين وجع قديم؟ هل الزواج فعلًا بيصلّح… ولا بيكشف وبيكبّر المشكلة؟ هل استعدادك النفسي أهم… ولا الاستعجال على خطوة أنت لسه مش جاهز ليها؟ من استفاد ينفع غيره بالمشاركة . #تعافي_قبل_الزواج #جراح_الطفولة #نفسية_سليمة_بيت_سليم #ابدأ_بنفسك #وعي_أسري #دعبدالرحمن_منصور

لكل شاب وكل بنت ناويين يدخلوا باب الزواج، خدوا بالكوا كويس… الجواز مش مجرد فكرة حلوة، ولا حلم كنتوا بتحلموا بيه من زمان. الجواز مش عشان تقضّي شهوة بالحلال وبس، ولا عشان يبقى عندك صور فرح تتحط على الفيس، ولا عشان يبقى عندك لقب “زوج” أو “زوجة”. الجواز مش مصلحة بين عيلتين، ولا صفقة بين مال وسلطة، ولا مشروع تجاري بين حسابات وأراضي. الجواز مش بس عشق ولهفة كانت في البداية، ولا هو مجرد “أمنية الطفولة” اتحققت. الجواز أكبر من كدا… الجواز ميثاق غليظ، ربنا سماه كدا. يعني عهد كبير أوي… يتبني بالنية، ويكمل بالصبر، ويتجمّل بالمودة والرحمة. الجواز يعني: إنك تعرف إن الطرف التاني مش كامل… زيه زيك، بس رغم كده، تختار تكمّل معاه، تحتوي عيوبه، وتفرح بمميزاته، وتداري ضعفه، وتدعمه لحد ما يقوم تاني. الجواز يعني: إنك تحترم، وتسمع، وتعتذر لما تغلط، وتبذل مجهود… مش تستنى الطرف التاني يبادر دايمًا. الجواز مش سيطرة من الراجل، ولا عناد من الست، ولا طاعة فيها منّ، ولا مصاريف فيها استخسار. الجواز إن الست تدي من قلبها، ووقتها وحبها وعطاءها، ومتحسش يوم إنها خادمة. وإن الراجل يصرف ويحمي، ويتعب وينضغط من غير ما يحسّس حد إنه بيشيل عبء تقيل. الجواز مش جنة، بس هو ممكن يكون أمان. ومش دايمًا فرح، بس فيه سكن وونس وسند. كل راجل بيسمعني: لو مش ناوي تصون، وتحترم، وتحتوي، وتصبر… استنى. الجواز مش لإثبات الرجولة، الجواز مسؤولية. وكل بنت بتسمعني: لو داخلة تفصّلي شريك على مقاس حلمك، من غير ما تشيلي معاه… استني. الجواز مش لتكميل الصورة، الجواز تعب واختبار وحب حقيقي. فكروا كويس… قبل ما تدّخلوا حد حياتكم، وتبقوا سبب فرح أو وجع ليه. قبل ما تبنوا بيت، لازم تبنوا نفسكم. وقبل ما تقولوا “نعم”، لازم تسألوا نفسكم: هل أنا أهل للميثاق ده؟ هل أنا شريك صالح بحق؟ لو لسه، يبقى اتأخر شوية… أحسن ما تظلم أو تتظلم. والله أعلم. محمد سعد الأزهري

https://www.facebook.com/share/v/1KGCgYVJsD/

تتقدم استشارية الإرشاد الأسري/ إسراء محمدبأصدق التهاني القلبية لمتابعيها الكرام بمناسبة عيد الفطر المبارك 🤍 سائلة الله أن يعيده عليكم بالخير واليمن والبركات،وأن يملأ بيوتكم سعادةً ومودةً وطمأنينة 🤲💫 كل عام وأنتم بخير، وعيدكم مبارك

https://www.facebook.com/share/v/18KEHLpDcw/

💞معًا نحو بيت صالح 💞 [[ خطوات عملية لإعداد زوج صالح وزوجة صالحة]]. ➖➖➖➖➖➖ الزوج الصالح… المؤدَّب 1️⃣ أن يكون قائمًا على طاعة الله، محافظًا على صلاته، عامرًا قلبه بذكر ربِّه؛ لأن صلاح الرجل يبدأ من صلته بربه، فمن استقام مع الله استقامت أخلاقه مع أهله. قال الله تعالى: ﴿وَأْمُرْ أَهْلَكَ بِالصَّلَاةِ وَاصْطَبِرْ عَلَيْهَا﴾. فالرجل الصالح لا يكتفي بصلاح نفسه، بل يكون قدوة في بيته، يوقظ أهله للصلاة، ويذكّرهم بالله، ويجعل بيته بيت ذكر وطاعة، لا بيت غفلة ولهو. قال النبي ﷺ: «رَحِمَ اللهُ رَجُلًا قامَ مِنَ اللَّيلِ فصَلَّى، وأيقظَ امرأتَه، فإن أبَت نَضَحَ في وجهِها الماء» فصلاح الزوج في عبادته هو الأساس الذي تُبنى عليه بقية أخلاقه مع زوجته وأولاده؛ لأن القلب إذا عمر بطاعة الله امتلأ رحمةً وحِلمًا وعدلًا. ➖➖➖➖➖➖ المرأة الصالحة… المؤدَّبة 1️⃣ أن تكون ملازمةً لبيتها، محافظةً على قرارها فيه. فالأصل في المرأة أن يكون بيتها موطن سكينتها وموضع رسالتها، ترعى فيه زوجها، وتقوم على تربية أبنائها، وتحفظ كيان الأسرة واستقرارها. قال الله تعالى: ﴿وَقَرْنَ فِي بُيُوتِكُنَّ﴾ أي الزمن بيوتكن، واجعلنها موضع الاستقرار والطمأنينة، فصلاح المجتمع يبدأ من صلاح البيوت، وصلاح البيوت يبدأ من امرأة عاقلة تعرف قدر بيتها ورسالتها فيه. وليس معنى ذلك حبس المرأة أو منعها من الخروج مطلقًا، بل تخرج لحاجتها أو لواجبها بإذن زوجها، وبالضوابط الشرعية، مع حفظ الحياء والستر. فالمرأة الصالحة تجعل بيتها مملوءًا بالسكينة والرحمة، وتعلم أن أعظم أثر تتركه في الحياة قد يكون داخل بيتها؛ في تربية الأبناء، وصناعة الأجيال، وبناء الأسرة الصالحة. وقد قال النبي ﷺ: «وَالْمَرْأَةُ رَاعِيَةٌ فِي بَيْتِ زَوْجِهَا وَمَسْؤُولَةٌ عَنْ رَعِيَّتِهَا». فقرار المرأة في بيتها كرامة لها، وحماية لها، ورسالة عظيمة تقوم بها. #سلسلة_أزواج_وزوجات د/ أسامة زيدان تابعوا السلسلة وانشروها لعل الله يصلح بها البيوت والنفوس،،، السلسلة مكونة من 25 بوست إن شاء الله.

#نساء_عاقلات اذكر في مرة صديقة لي اتصلت بها امرأة تقول لها زوجك تزوج عليك و الجميع يعرف إلا أنت !! فقالت صديقتي : و ما المطلوب؟؟ قالت لابد و أن تطلبي الطلاق و تتركي البيت  !! يعني ما شاء الله مش بس بتعرفها المعلومة لا و الحل كمان !! فما كان من صديقتي إلا أن قالت لها كلمتين هتصرفي على أولادي؟؟ قالت لا هل زواج زوجي  حلال أم حرام ؟ قالت حلال قالت يعيبه في شيئ أم يزيد رجولته؟ يزيدها و لا يعيبه دارى عني خوفا على حزني و شايلني فوق رأسه و إنت جاية تعرفيني و تخربي بيتي زوجي مستحيل يعمل كده في السر و لو فكر في الأمر هأكون أول من يعلم و أول الحاضرين. طبعًا هذه المرأة انصدمت من الرد و طلبت من صديقتي أن تساعدها في حل مشكلات لها . و على غير عادة النساء صديقتي  لم تجاريها و لم تتجسس على زوجها و لم تنغص عيشتها و كان الأمر لمجرد الإفساد بينها و بين زوجها لكنها زوجة عاقلة رزينة فطنت لذلك . صديقة لي أخرى علمت أن زوجها تزوج عليها حكت لي بعض التفاصيل و هونت عليها و من يومها لم تتطرق بعد ذلك لهذا الموضوع  أثناء كلامنا،  و لم تصارح زوجها بأي شيئ أصلا و مضت حياتهم كما هي دون تجسس و لا بحثا خلف الزوج  . هذه المواقف لو عُرضت على عامة النساء لأقمن عليها العويل و الصراخ و اللطم أيامًا بدعم من كثير من الصديقات. كثير من المشكلات الزوجية كان يمكن حلها بهدوء لو كانت صديقات الزوجة أكثر حكمة و عقلا لذلك لا تختاري الصديقة التي تهول الأمور و التي توافقك في كل صغيرة و كبيرة و تسير على هواك اختاري الصديقة التي تعرف أن تتحكم في  عاطفتها ، الصديقة التي تستطيع أن تنصحك بما يرضي الله و لله و إلا لا تحكي أي شيئ عن خلافاتك مع زوجك. اختاري الصديقة العاقلة الأمينة و دعك ممن قل عقلهم و قصرت حكمتهم و هذه الصديقة التي بها هذه الصفات ستجديها دائمًا ذات هدف غال تسعى له ليست فارغة !! ستجدينها بعيدة عن فتنة الأضواء و الشهرة و حب الظهور ، حياتهم الخاصة مغلقة عليهم . احكي هذه المواقف لئلا يُظن أن كل النساء خفيفات العقول ليس عندهن حكمة و إن كن كثيرات كذلك ، لكن عندنا نساء أغلى من الجواهر تقيات نقيات اللهم بارك لنا في الصحبة الطيبة و لا تحرمنا بذنوبنا . #وعي_زواجي #سارة_العبسي للمتابعة على فيسبوك https://www.facebook.com/share/1DH7v7YdTp/

فترة الخطوبة هي مجرد بروڤة للي هايحصل بعد الجواز إختبار بتختبر فيه نفسك والشخص اللي معاك وبتشوف هتقدروا تعيشوا مع بعض ولا لأ؟ فما تاخدش الموضوع بجد، لدرجة إنك تتأثر وحياتك تقف ويومك يتعطل، لمجرد إن الشخص ده غاب عنك شوية أو ماردش عليك بسبب ظروف معينة إنتوا في البداية ولسه بتتعرفوا على بعض فحافظ شوية على هدوئك وإنفعالاتك العاطفية عشان دي بداية التعلق، والتعلق في الخطوبة كارثة لإنك لسه مش عارف هتكمل ولا لأ ما تعشمش نفسك إن الأكل هايبقى طعمه حلو لمجرد إن ريحته حلوة وهو لسه على النار #شرقيات_محمد_عبد_المنعم

بعض الزوجات تقول لزوجها ما الذي يُغضبك مني؟! فيسكت ولا يجيب. ثم تستحلفه بالله أن يخبرها، فيقول لها يغضبني كذا وكذا، فتظل الزوجة تؤنبه طوال حياته على أنه ينظر لها بهذه الطريقة، ويراها بهذه العين!! فيظل هو طوال حياته صامتاً لأنه رأي أن الكلام ليس وراءه إلا الإزعاج واللوم والعتاب! لذا الزوجة العاقلة هي التي تسمعه ولا تعاتبه، وإن رأت أنه سيء الظن فيها فتبين له ما تراه مرة واحدة ولا تعود للعتاب مرة أخرى. محمد سعد الأزهري