𓆩 𓆲 𓆪 شعر

‏هلا مرحبا . . بالنادر الغالي الجذاب ‏تراحيب قلبي فيك من قبل ترحابي ‏ تدري اني شخص ماني سريع اعجاب ‏ولا كل حاجه عابره تكسب اعجابي ‏دخلت ف حياتي عرض من اوسع الابواب ‏وانا للحبايب . . . ماني مشرّع ابوابي ‏وسخر لك الله كل سبه من الاسباب ‏و خلاك سيد قلبي وسيد احبابي

‏ياجميله ماخلق . . بالأرض مثلك ‏اخذتي إعجاب الاوادم بـ إبتسامه ‏من عذوبة وجهك ونظرت عيونك ‏ضيع العاقل دروب ، الاستقامه ‏من يسولف معك حتى لو دقيقه ‏ماعطى غيرك من الغّيد إهتمامه

‏فارعٍ رغم انها فارع ماهيب القصيره ‏فوقها مجدولها لا فلّته ياصل تحتها ‏من كثر ما عنقها طوله فرق عن طول غيره ‏مايكفيها ولا سلسال واحد فرقبتها ‏ومن كثر ما ريحها طاغي ومتفرد عبيره ‏كل جلسه لو تجيها ربع ساعه عطرتها ‏الغنوج اللي محبتها لها فالقلب سيره ‏لو تغطرس لعنبوا من لامها في غطرستها

‏يا حلو مدري يا حبيبي ، يا حبيبي يا حلو ‏من باب دافع الاشتياق اللي تبي منها اختره ‏اي والله اني احبك وصايبني على حبك غلو ‏اشد من غلو التزام الدين عقب الهستره ‏الناس شدو من محل الجهل الاول ونزلو ‏في دار كلٍ ينقل اقلامه وينقل دفتره

أجمل ما قيل في الغيره: ودي أحطك في عيوني وأغطيك وودي أنا اللي أشوفك لحالي حتى الهوى لأمر بين أياديك أقول هذا وش يبي في حلالي

‏أعزك معزة ماهي بكلمةٍ وتعدي ‏أعزك غلا يسكن عروقي وشرياني ‏مكانك في قلبي عن الناس متعدي ‏يا أغلى من أيامي وأعز من خلاني

‏سبحانه اللي صوّر الوجه الحلو ‏انتي من الله مـصوّرَه يا مصوّرة ‏هذا الجمال الطاغي وهذا الغلو ‏ما بين تـقويسة خصر ومـدوّرة ‏لا تـنزلين القاع .. و انتي لـلعلو ‏انـتي جـمالك .. كل عين تـدوّره

‏صار إهتمامي فيك روتين يومي ‏أصحى وأنام وسيرتك في خيالي ‏حتى وأنا في عز غفوتي ونـومي ‏تجيني طيوفك لو القلب سالي ‏يـاأخـطر ملفاتي وأكبر علومي ‏وأجمل هاجوس ينشغل فيه بالي

‏أبرضيك لو رضاك من داخل الجيب ‏خلنا نتقابل والوجيه تتصافى ‏حاولت أوصلك بشتى الأساليب ‏أبيك من ضيم الشكوك تتعافى ‏حرصي عليك أحيان ما يعتبر عيب ‏العيب لا أغلينا بعض ونتجافى ‏الله يجعلني من الحب ما أطيب ‏وان كانك مرض يا جعلني ما أتشافى

‏انا البارحة بين التمنيّ و طول البال ‏ما خليت شيٍ يفرض الحل ما جيته ‏حياتي لو احسب كم اوقّف على الاطلال ‏حياة معزولٍ " من دوامه الى بيته " ‏لحالي مثل متغرب ٍ ضاق فيه الحال ‏ طواه الوله للدار و الدار نافيته

يقول خالد الفيصل: احب النادر اللي محد يطوله واحب كل صعب لغيري ما تهيا

‏أنت ياللي كل ما هزّ المحاني طيفه ‏جرّني طاريك من ربعي ومن جلاسي ‏كانك اللي فالمحبه موجسٍ له خيفه ‏والله إنّي بين لوعة خاطري وعماسي ‏كل حبٍ غير حبك ينكشف لي زيفه ‏وكل طيفٍ غير طيفك مايهزّ إحساسي ‏وكل وجهٍ غير وجهك فالوجيه اعيفه ‏وكل صوتٍ غير صوتك ما يقنّد راسي

‏سقاني من هواه شعور و أسقيته شعر و شعور ‏و مال الكون يلعب بين مطراقي و مرواسي ‏وليفي كيف أعَبّر؟ و الكلام يْغصص الحنجور ‏معك كل اللغات الشاسعات أضيّق من احساسي ‏تجي مثل العميم اللي ليا من عَمّ الأرض البور ‏غدت سجاد فوقه للخزامى موكب ارياسي ‏لو أقدر كان خلّيتك بصندوق الذهب مصرور ‏عن وجيه الآوادم "مالك إلا وجهي مواسي" ‏أحبك .. لين ما ينفخ سرافيل المَلَاك الصُور ‏أحبك .. لين ما تثني مفاليق الدهر باسي ‏ذكرتك و أنت من بين الكنايس ضاحكٍ مسرور ‏وأنا بين المساجد و أضرب أخماسي على أسداسي ‏و هيجنتك قصيدة للمجرّة و أشرق الديجور ‏من البارح عليك أصبّها و أكوسر انعاسي ‏قصيدة ما تقبلها بلطفك ؟ دمّها مهدور ‏وناسٍ ما أنت فيهم ؟ بينهم ما طاب مجلاسي.

‏قدّر مقـام اللي يقدر .. مـقامـك ‏واجز الذي عاملك بالخير خيرين ‏أحـذر تنقص للـوفـي اهتمامـك ‏مايجحد الـوافيـن غير الـردييـن

عطاها الولي عقل وجمال ودلال وذوق هني الحظيظ اللي من الناس تكتب له على غيرها تفرق بالأسلوب والمنطوق مع زين خد وخشم وشفه نبله شعرها على الردفين متثني من فوق طول معنقها ومع زينها قبله

ِيَ البدرُ حُسنًا، والنِّساءُ كواكبُ وشتّانَ ما بينَ الكواكبِ والبدرِ لقد فَضُلَتْ حُسنًا على الناسِ مُطلقًا على ألفِ شهرٍ فَضُلَتْ ليلةُ القدر

ليتك تطيح من السماء واتلقاك ومن حشمتك ودي تمركى عليه ياضامر السرجوف محسن سجاياك مع مليح الهرج نفسي رضيه ياليتني لك ي اريش العين مسوالك تحت البريقع واتحلا الثنيه

عاد صوته ف المسامع و زوله ف العيون وعاد له بين الحنايا مداهيل و محل .

ل الضلوع العوج محتاج اضمك باليدين كني اطيب شماغي بعود المبخره.

ابشر ب العوض يانفسي كلها مسألة وقت