عشاق الحسين

چم اخ الصحت يحسين بس الخيل ماتسمع شمأذيك من عدهن الحافر لو حرم تطلع اخ وأخ حد الموت بس الاخ ماتنفع … .. چم اخ الصحت والموت غطه الدنيا والبيها اختك عالتراب اتنام هيچ الوكت تاليها لاانته ولاعباس چاياهو اليحاميها …… . يحسين الشمر بالسوط من بعدك تولاني اگابل راسك المگطوع يمه ونكت احزاني هم شفت الزمان شلون عگبك وين وداني … . وحدي بلاخيم يحسين لاخوان تحميني اصيح ولاوصل فزاع بيده ايشد صواويني حسبالي من اجيت وياك من ارجع توديني … علي الحاج الصبييحاوي

لأندبنّكَ صباحاً ومساءً ولأبكينّ عليكَ بدَلَ الدموع دمًا) شور ختام لاندبنــك صبـح ومــسـيه وما انسى يومك يبن الزجيه بحر الصحاري نايم يجدي وصدرك ترض بي خيل اعوجيه ما انسى جرحك يا جد يوم وابجي بمكان الدمعه دموم حتى أمــوتن بــل اكــتائب عن جسمك الضل ماله هدوم. ليلي ونهاري انعى العاشر كل وكتي اذكر ذاك الحافر ما انسى ضيم الطف يا جدي وانت صريع بعازة ناصر يا جد يا جد انسى شلون طايح بس تنظر لام عون ما همك من يذبحون همك عالخيمه يهجمون واه جداه يحسين .................. وي ذاتي عاشت ذبحت وريدك ولمن صريع وتندب عضيدك يوميه بالطف امشي وادور بلكي الگه يا جد خنصرها ايدك ما انسى جرحك لا هيهات عيشته يا جد ويه الذات كل لحظه أموتن مو كل عام بحضنك رضيعك يا جد مات. رد للخيمه وتنظر امه ويلي رضيعك فايح دمه وتبجي العقيله تصدله بلوعه وينزف بيدك ينظر عمه يا جد يا جد حيلك باد تشبه صرت حال السجاد يمر الريح يشمرك غاد وعن هاي تكضي سنيني حداد واه جداه يحسين ............. لو أخّــرتني عــنكَ اللــيالي عن مهرك ابجي الرد سرجه خالي رد للحرايم عن ظهره دمك يصيح الظليمه وصهيله عالي وستقبلنه بدمع العين تصيح الحرايم وينه حسين وگال المهر ضل جوه الخيل ودارو عليمن من الصوبين عفت الحافر يسحگ صدره ضامي وينطر گوم تنصره بس السيف يرد من يصرخ انه حسين وابن الزهره يا جد يا جد عشت الويل عن ضلوع بنص الخيل الطم حد ما يكضي الحيل مو دمعه دم دموعي تسيل واه جداه يحسين ..................... ما مره نايم يا جدي ليله صعبه ينام العنده عقيله ماخوذه گوه بجف الشامت وتطوي دروب بناگه هزيله وتمشي غريبه بنص عدوان الجانت أميرة بنص خوان المحد لمح من عدها خيال ضلها الشريف بهزله يبان فوگ الناگه تمشي اسيرة لا جنها حره ولا جنها أميرة ويلي العقيله طر الهيمه ومن ديره تعبر زينب ديره يا جد يا جد فوگ النوگ تمشي العقيله وتدخل سوگ تمشي وتباوع جن ملحوگ وانت بذاك الحر مسحوگ واه جداه يحسين ............................ حسن يونس التميمي #اللهم_عجل_لوليك_الفرج

#محرم_الحرام_1445هـ قصيدة ((يوم الجرح)) يبن شبيب إن كنت باكياً لشيء فأبكي الحسين فأنه ذبح كما يذبح الكبش مولاي الرضا(ص) يُحدث ابن شبيب عن آلآم الحسين (ص)وقساوة وعذاب كربلاء ~~~~ يوم الجرح__يبن شبيب ابجي اله يوم الجرح__يوم الحُسين بكربله يوم الجرح__مثله فلا صح معضله يوم الجرح لا يوم وي يومه ابد حسين البقى بلايه اهل لا أخو ظله ولا ولد من العطش جبده ذبل ياقساوة كربله__الـمـا رحـمـت بحاله بـگـاع مـاكـو عـرف__مهضوم بعياله الـمـاي سـر الحيا__لاجـن كـسر گلبه جـدي اول بـشـر __والـمـاي كـتـالـه ~~~~ صب الدمع__للحاطته آلآف العده صب الدمع__نـاصـر يـدور وحّـده صب الدمع__مكسور بخيامه غده صب الدمع محتار ويصد عيلته يفرك بأديه حيل انكسر عدمن يخلي البالخيم وعالشاطي طايحله گمر ياحسافة الـدمـع__شـيـفـيـد بالحيرة جدي ولية انوله__اعليه شحت الغيرة استوحدو وانهضم__واصوات لأيتامه احتار ذاك الظهر__وجهه المن يديرة ~~~~ مُفرد صُبح__واربع جهات تحاوطه مُفرد صُبح__كلهه اعله ذبحه امخططه مُفرد صُبح__جرحه التراب يخالطه مُفرد صُبح يبن شبيب اكبر هضم لـو لاحـت الزلمة العصي واحجار وارماح وسهم كلهن عليه مامش خطي يومه كلش صعب__ماكو مثل يومة طاح من العطش__مابي اعله الگومة عيونه غارن هضيمه__تفطرت اشفافه والضماير حسافة__اهـناك معدومة ~~~~ عيش الالم__جدي انذبح من الگفى عيش الالم__عالگاع اشرف دم صفى عيش الالم__راح المخيم وانطفى عيش الالم ما ميت وركضو عليه سحگو وبعده بـي نفس سـال الدمه مـن كـتـر جم حافر بصدره انغرس اتساوه وي الارض__ماضلت امتونة جسمه ضيعو بالسحك__عن لايلمونة بكل مسافة كتر__وامطشرة اوصاله اتغسلت كل البشر__بس مايغسلونة ~~~~ خادم الحسين محمد منير المياحي

العالم خدمتك اخذني وارزقني دمعه ابعزائك غيرك حبيبي يذبني ... بس انته حبك صدگ طالب رضاتك عليه وانه ادري مترد اديه من الدنيه دربك نجاتي ... خليني بيك احترگ هم عاشگ انته ابحياتك تسئلني وادم جثيره گلتلهم اي انه عاشگ زلمه انجمع بالحصيره أحبك يالگلبك جذبني أحسك هم انته تحبني يامحبوبي گلبك جبير بخدمتك ارسم ذكرياتي يخيمه البيها الگه منياتي يالغالي عبدك ارد اصير ،،،،،،،،،،،،،،،،،،،،،،،،،،،،،،،،،،،،،،،،،،، سارح خيالي ابغرامك وبشوگي عايش مصيبه شفت الأمان ابخيامك ... رغم العطش والألم قربني عنك يغالي بالخدمه غيرلي حالي جيتك اسير ابذنوبي ... تلگاني ملگه السهم وعيونك انساها روحي ومانسه بالغربه حزنك شما عمري يكبر احبك وتكبر دمعتي اعله ضعنك شجازي من فضلك يروحي يبلسم ينحط الجروحي يبن الزهراء فضلك جبير جبتني من بأر الندامه وفتحت اعيوني عالخدامه عبدك انه وانته الأمير ،،،،،،،،،،،،،،،،،،،،،،،،،،،،،،،،،،،،،،،،،،،،،،،، ما انسه لوعت بناتك ونار الخيم والضمايه شمس الله باگت حلاتك ... يالنايم اعله الثره ما انسه عثرت رقيه وجلمة غريبه وسبيه اعضم مصيبه سمعتها ... للساده طلعت مره مو هينه عند العشاير تطلع مره ابلايه اخوها بس انته يحسين اخيتك طلعت وحيده وسبوها دلالك طالع بالصحاري جمالك ذابل بالضهاري وشيبجر كسرك ياحُسين متكفي يحسين البواجي عشيره ومسلوبه الخواجي عالطلعن مايگضي الونين ،،،،،،،،،،،،،،،،،،،،،،،،،،،،،،،،،،،،،،،،، بالصوره كل ما اشوفك ضامي واحس تبتسملي ابقه ابدمعتي اطوفك ... بحزنك احس عاطفه طيفك غرام ومشاعر والغربه سوتني شاعر جاياهو غيرك حبيبي ... يوزع حنان اوفه ملبسني ثوب الخدامه بس انته جثتك سليبه عايش حبيبي ابأمانك واختك تسمت غريبه دمعتي منذوره المصابك منياتي بس اشتم ترابك لا يبرد شوگي ولايهيد اريدك بس انته الأريدك اخذها روحي فدوه اليدك يخلص عمري بالخدمه اريد ،،،،،،،،،،،،،،،،،،،،،،،،،،،،،،،،،،،،، بالمقتل اقره الفجيعه وعيوني يهمل دمعها خيمه وهواشم صريعه ... شيحمله طف الجرح ضامي وذبيح ابغربتك من المگفه گطعو رگبتك لا مو حضنها الزجيه ... شالك يويلي الرمح الخنصر تگطعه الأعادي وانته ابعذابك تنازع لو لابس اكثر محابس ماتبقه عندك اصابع بجيتك وانته ابگلبي صاير بجيتك وانته ابلايه ناصر تستاهل ابجيلك ونوح لطمتي وجروحي وبكائي حسرتي ومايخلص عزائي حزنك ماخله بروحي روح ابوفايز الرافضي

#ربيني ربيني يحسين الك ربيني خادم كلف سويني، اخذني لا اضيع ما ريده حب البشر ما ريدة ومنك الك تمهيدة، اصبح عبد مطيع خليني اعيــشلك الم وابچي وانــوح عله الخيم، يا حبيبي يا حسين خليني اشتمك هوى وتچوي دليــلي نينوى بلا مصيبة ماكو أنين عيشه الم، كل عمرك لحزن الخيم ودمعاتك احسبهن ندم، عيشه الم خل يعترف، دلالك وعيش النزف بلا بچي يصبح صلف ،خل يعترف حسين اه ، حسين اه ـــــــــــــــــــــــــــــــــــــــــــــــــــــــــــــــــــ لحسينك انطي كلمة لحسينك ما ترف لغيرة عينك ، ولا تنظر جمال انويها لبو علي انويها وعينك وقف خليها، عوفه وهم الخيال أبصم بدمعه وبالانين لغيرة ابد ما تبچي عين البگلبة حبه ربح حبه لغة ماي العين ويحله الدمع بس لحسين عايش حياتي بالجرح حبهم چذب ، وگلبي بعشگهم ينعجب لا مستحيل وما يحب، حبهم چذب حبه دِين ، وانا راضي اصبح سجين لو جُرم حُب الحسين، حبه دين حسين اه، حسين اه ـــــــــــــــــــــــــــــــــــــــــــــــــــــــــــــــــــ ما اهوى غير البچي ما اهوى بغير الدمع ما اروى، ابجيلك عيون يا عيني اطفي الة يا عيني وعله الجزع عينيني، للحبيب الحنون رايد اهاجر للفلة واشتم هواها كربله للعطش ابقى أسير رايد اعيشن هالعمر بچي ونواعي ومنقهر خادم صرت للأمير خادم صرت، وبكربله انا حرت عايش ولكن چن متت، خادم صرت لا يا گلب ،لا تهوى غيرة ولا تحب ولا تتخذ غيرة درب، لا يا گلب حسين اه، حسين اه ـــــــــــــــــــــــــــــــــــــــــــــــــــــــــــــــــــ منكسر جنحي انا منكسر ويمك علاجه و ينجبر، بس يمك الشفاء گلي شلون اعترفلك گلي شلون بتقصيري انتم تدرون ، ما عندي كل حياء ساعة العازة انا أجي ابچي و انوحًا وارتجي ومن تفض ارجع سعيد ارجع لذنبي و للجفاء ومحد يشوف وبالخفاء وانتَ تباوع من بعيد نادملك، واحلف بعد ما خذلك غطيني من في ضلك، نادملك اقبلني، خادم الك سجلني و بمأتمك أدبني، اقبلني حسين اه، حسين اه ـــــــــــــــــــــــــــــــــــــــــــــــــــــــــــــــــــ ما يخيب العتنالك ما يخيب وانتَ يا أجمل حبيب، بس ذكرك العطاء حنيتك ما تنوصف حنيتك فوگ الوصف ولگيتك ، نازل من السماء يا غيمة تمطر بالحنين انتَ الرزق يا حسين وانتَ اصل البداية مثل الورد انا صرت ذابل ولكن بي عشت ساقيني دمعه للهداية ساقيني ، حب و دمع راويني ويحله اللطم لحسيني ، ساقيني حاسبني ، وي الخدم كاتبني ولو قصرت ما ذبني ، حاسبني حسين اه، حسين اه ـــــــــــــــــــــــــــــــــــــــــــــــــــــــــــــــــــ الميرزا مصطفى رياض #اللهم_عجل_لوليك_الفرج

(( فرصة العمر )) فرصة العمر .... وآسي الضعن وأبچي أبضمير اعلى المُستجير ابلا مُجير .... وأنعه الخيامة اللطم الصدر .... اعلى الماخذ أچفوفه النهر وآسي الگمر وأخت الگمر .... أبدرب الخدامة ياگلبي كلمن دينه وأنتَ أبدينك مالك غرض بالناس غمض عينك مجلس حبيبك عيش شاغل بالك وشلون تبچي همك اعلى حسينك صيح أبلوعه وبچي أبحسره أبلطمت صدرك وآسي الزهره حسينك داست صدره العشره .... وطايح ضامي أسعد أمه التنعه أمصابه رايح حيله أبجرح أصوابه وساده مسوي من أترابه .... ويلااا دامي لاتطفه بيك الغِيره والنار وآسي أبدمعتك صاحب الثار "" "" "" "" "" "" "" "" "" "" "" "" "" مجلس الغريب .... عيش الجرح صاحب مصاب عندك أمير اعلى التراب .... بالهيمه والحر همك النحيب .... اعلى الماله واحد غسله وماتو چتل كلهم هله .... الله أكبر وطلعو حفات من الخيام أعياله ونص بالخيم ماتو حرگ أطفاله أنعه الغريب الماله أخو بالحومه ودارت عليه سبعين الف خياله أمسلب ثوبه وخدر أخيامه ويشوف أخته أتفر گدامه من الحافر تبچي أيتامه .... ورايح حيله من الهضمه طلعت روحه الحزن أيتامه اتزيد اجروحه يبچي ابحسره ويكتم نوحه .... اآاه ياويله أهواي الجروح البطف أكثار وآسي أبدمعتك صاحب الثار "" "" "" "" "" "" "" "" "" "" "" "" "" دمعة العزاء .... ترسم بداية كل جرح الحزن الطف وذاك الرمح .... ونار المصيبة جرحي كربلاء .... نوحي وسبب أكبر ألم ضلت عقيلة ابلا خيم .... بالطف غريبه أنزف يجرحي ابلا توقف لحضه عالضل غريب وعاري فوگ الرمضه وصبح أهدعش تمشي سبايه أعياله فوگ الهزايل ترضه لو ماترضه وأخته اتنادي وتبچي ابحيره ابلا كافلهه أبعازة غيره وتطلع ديره تدخل ديره .... فوگ الهزله آاه يبن أمي تشكي الرمحه ويهزف غيره أتعاين جرحه وحزن أعيونه يصعب شرحه .... الهضمه أتكتله عالرمح راسه الگلبه جمآر وآسي أبدمعتك صاحب الثار "" "" "" "" "" "" "" "" "" "" "" "" "" عالرمح أمير .... وجسمه شبر مابيه سِلم نابت سهم فوگ السهم .... ويلااا يمولاي لمته الحصير .... أمطشر على كبر الفله طولهأبعصر طف كربله .... وماضايگ الماي إيلچمه لو هب الهوء بالعاشر وماباقي حيل ابروحه من الحافر رخص دمعتك للبقه أبنص هيمه ألحد ثلاث أيام وحده إيكابر أبچي الضامي الباقي أبهيمه المحد يحمل جرحه وضيمه الفوگ أعياله حرگو خيمه .... وطاحو حيره الطلعت أخته أبنص الغربه هاي الأذت جرحه وگلبه ويطلب ماي وماكو يشّربه .... آااه الغيره وگلبه تأذه أبركض الأزغار وآسي أبدمعتك صاحب الثار "" "" "" "" "" "" "" "" "" "" "" "" "" عبد زينب محمد مسلم الأسدي

#قصائد_محرم_ #محرم_الليلة_الثانية_ لخدام الحسين(ص) وصلىٰ الله على الباكين على الحسين(صلوات الله عليه) عـيش دمعة __ المالـه دمعة ! مالـه روح… ما يعيش الما ينوح… لينكسر لحسين گلبــه ويشعر بجمرة عذابة يعـرف يميّـز الجروح…. والطهــارة تريد دمعـة__عيش دمعة عيش دمعة… ويـن ما تسمع حُسين… اهنانه حط ترحـال جرحـك وسافِر بدمعك ونين… كل خضار الدنية يذبل وتبقـه بس الدمعة دين… والدمع بلظلمة شمعة__عيش دمعـة عيش دمعة… لا تضيع ،  عيش صوت بكل عزاء… وخلي جرحـك كربلاء ضيـع من الدنية كلها والگة روحك بلبكاء… يلتريد الخدمة رِفعـة __عيش دمعة عيش دمعة… إبچـي والنية خيم محترگة نـار… يعني ماي ادموعك اتقدمـه اعتذار… لأن ما يطفـي الخيـم !! بكربلة ضاع القرار… والخيم محتاجة فزعة__عيش دمعة عيش دمعة… بكلشي تخسر؟ بكلشي تخسر؟ والربـح بس الدموع… وكل جزع مكروه عدنـه ؟وللحسين ابقة جزوع… نار خليها حرگتك واشعل احساسك شموع… ما خسر لدموعه طبعه__عيش دمعة عيش دمعة… وسولف بدمعك سؤال؟… اشلون رهمت !! ماي يعطش ظامي متوسد رمال… اشلون رهمت علترابة والشمس تچوي الخيال… ومنكسر يا وسفة ضلعه __عيش دمعة عيش دمعة… بكربله مو بس نحر ؟ ذبحوا حياة… ذبحوا الرأفة الحنينة ومات كلشي وياها مات… چان ذات حسين وحده بس عدوه بلايه ذات.. ما رووه ومات ظامي بالرغم يمه الفرات… ظامي يهضم حيل وضعه__عيش دمعة عيش دمعه… واحچي بدموعك كلام.. بكربلة لا خيمة ظلت كلها محترگة الخيام.. اهناك كلشي يريد دمعة اهناك كلشي يريد حرگة اشلون فرن بلصحاري بعد يا دمعة التكفّي ويا جرح مسك الخِتام…؟! والنهاية كلها دمعة __عيش دمعة ___________ #محرم_١٤٤٧هـ_ محسن الباوي اللهم عجل لوليك الفرج ___

عالمي الثاني محرم عالمي الثاني _____ شهر الاحزان لقد حان يعشاگ الدمع صوت الاملاك ينوحون يوادم ينسمع هالسنه كون تلطمون لحد كسر الضلع بالعزائات تذُوبون مثل ماي الشمع قمة احزاني عزائه قمة احزاني عالمي الثاني محرم عالمي الثاني ____ شدو الاحزام يخدام هله ومية هله رفعو الاعلام والاحزان على حسين وهله كلشي بالكون بياضات سواد نبدله كل الگلوب يعشاگ نشدها بكربله الله سواني لجلهم الله سواني عالمي الثاني محرم عالمي الثاني ____ نريد الاعلام هالايام ترفرف بالسمه نلطم انوح على حسين نواسي فاطمه بالدمه كون تنزفون على شهر الدمه ابمجلسه الموت يهالناس يحسن الخاتمه يبقه عنواني حسيني يبقه عنواني عالمي الثاني محرم عالمي الثاني ____ بالعزائات يهالناس اشم ريحة هلي امفتح العين على حسين ولي ونعم الولي ابلفة الگماط يگولون هلي چانو الي هذا الحسين ضوه العين. ابن حيدر علي واني رباني طريقه واني رباني عالمي الثاني محرم عالمي الثاني _ يله ياناس على الراس نجي ونلطم سوه الكل يعرفون الحسين اعز من الهوه لكل الجروح والامراض فقط اسمه الدوه الضلمه بحسين وابوحسين الي صارت ضوه يعجز الساني شسولف يعجز الساني عالمي الثاني محرم عالمي الثاني ____ جديد ✍️ احمد علي البغدادي

السلام عليكم خدام الحسين على بركه لله سوف ننشر برنامج محرم الحرام والله ولي التوفيق

سوف اكون في خدمتكم 👈@ba2004cr

هويتك .. خل احترگ قريتك .. آية عشگ لگيتك .. أنته الصدگ ... والباقي اوهام جذبني .. فَيّ رايتك أخذني .. يَمّ حضرتك كأني .. أبنص خيمتك ... يارب الايتام حسين .. مالوگ الحبك حسين .. خاف اكسر گلبك حسين .. مشيني ابدربك ... ابا عبد الله حسين .. حطني بأي مجلس حسين .. اطبخ لو اكنس حسين .. من دونك هِندِس ...  ابا عبد الله من صرت     اتصورت أبعالمك ياسيدي عشت ابحضرتك     ابگبتك صافن وما لحضه التفت حسين .. يادخيل اعيونك حسين .. الدنيه ضلمه بدونك ــــــــــــــــــــــــــــــــــــــ بخيالي .. شفتك سمه اعله بالي .. خيل ودمه يغالي .. والفاطمه ... جايب مواساة ونيني .. ماينفطم حنيني .. يچوي العظم سنيني .. كلهن لطم ... عالزينبيات حسين .. تاجك شيوگعه حسين .. ماريد السُمعه حسين .. اسألك الدمعه ...  ابا عبد الله حسين .. حزمني ابرايه حسين .. وي المشايه حسين .. كل عمري اقرايه ...  ابا عبد الله آمنت     واتيقنت انه لو ما رحمتك ضعت أمن العدم     وي الخدم من احلى ايامي عشت حسين .. يادخيل اعيونك حسين .. الدنيه ضلمه بدونك ــــــــــــــــــــــــــــــــــــــ نعيتك .. راس ابطشت شريتك .. بس مابعت بچيتك .. بس ما متت .. موتت رقيه ابولائك .. انجن شرط ابسمائك .. آيات اخط ابعزائك .. انكت بُسُط .. وعينك عليه حسين .. يارب النعمه حسين .. اسألك الرحمه حسين .. ازرقني الخدمه ...  ابا عبد الله حسين .. كل ليلة جمعه حسين .. يم بابك انعه حسين .. وتصيح الدمعه ...  ابا عبد الله قربتن     وطاعتن اسجد الك من اوصل الصحن وللخدم     اسمك علم ومجلسك يابو علي وطن حسين .. يادخيل اعيونك حسين .. الدنيه ضلمه بدونك ــــــــــــــــــــــــــــــــــــــ عشگتك .. منذ القديم عرفتك .. راعي النعم ذكرتك .. بأول سهم ... وسط الچبد نام وخواتك .. بالبر صُفن بناتك .. يتراكضن بعباتك .. يتحجبن ... ماعدهن اخيام حسين .. يادمعي ونوحي حسين .. أيا مذبوحي حسين .. وتصيح اجروحي ...  ابا عبد الله حسين .. بروح امك نضره حسين .. يالچفك سُفره حسين .. يارب الفقره ...  ابا عبد الله يالسمح     واعله الرمح من جبينك يطلع الصبح دمعتي     وكل فرحتي وي رگبتك عاشن الذبح حسين .. يادخيل اعيونك حسين .. الدنيه ضلمه بدونك ــــــــــــــــــــــــــــــــــــــ عباده .. لطم الصدر سعاده .. اليوم الحشر أراده .. ماتنكسر ... طف بيهه واحساس مواعض .. منك خذت يرافض .. ظلم الوكت أحافض .. عن الاخت .. علمني عباس حسين .. غيرك ما اهوه حسين .. يالدمكم ضوه حسين .. زينبكم قُدوه ...  ابا عبد الله حسين .. يأول ضامي حسين .. يشعر بآلآمي حسين .. افديك ايامي ...  ابا عبد الله ما أمل     مثل الطفل ابقه اناشغ والدمع يهل اتأملك     واتخيلك شابع ذبح والحره عالهزل حسين .. يادخيل اعيونك حسين .. الدنيه ضلمه بدونك محمد الجماسي اللهم عجل لوليك الفرج

#مشكاة_مولاتي_زينب_ع #عما_جرى_من_مصائبها زينب انه . بضلمه ماينشاف ضلي شلون بيه وامشي وي جتالت اهلي جلبت بالناگه حد ماطاحت ايدي الهضمه يضحك فوك ماذابح عضيدي مايراد طاري الشام ما ادري شوكت ارتااح رافگني الحبل والسوط ونار الخيمه والذباح مهضومه . زينب ومالومه خذو حتى هدومه حسين بين الحافر وينازع . جتيل يايمه . شام الاسود ضلمه خله زينب هضمه وتنشد اعله اخوانها ومامن خبر . دخيل ………………………………… الغربه هضمه . بيا وكت زينب غريبه شرد اسولف ياعذاب ويا مصيبه المصيبه من تلكونه  الشماته حسين ميت حيل طكوهن بناته تحملت الحجي البشام بس اذاني ماي الحار واليسأل عـذابج ويـن اگله النـار ااااخ النـار مچويه . بيا وكت مچويه تنسبي العلويه رعب خوف ودمعه بنص ضلمه . وعويل مابيه . للحزن مابيه الشام كله اعليه مشاكف اعل ايتامي وماضل بيه . حيل ………………………………… اه يروحي . ستثگلوچ بوكت موتچ كلها بالتشييع صاحت وين اخوتچ الچلمه تهظم وانه مابياش هظمه والحزن ملتم عليه بليله ضلمه طلعت روحي بالتشييع واشوف الحدري موش اخوان انه ادري اخواني مو قصرين بوكت الخوه حيل احنان شتموني . شكد صحت شتموني ضل اثر بمتوني بموتي ماخلصانه وتعبانه . حسين من الخيمه . وغربه وسط الهيمه الشام يكتل ضيمه ضل اثر سطراتي بوجناتي . اعله عين ………………………………… زاد حملي . ميته وانه متوني زرگه ياهو ميت گبلي بس بجدامه حرگه ياهو ميت والحبال مگطعه ايده يموت سكته المات گبله اوليده انه اول مره من تموت تضل بلايه شيل اجتاف الكبرهه ومايجوهه اخوان هيه وميته راح اتخاف مضلومه . زينب ومشتومه وركض وسط الحومه زينب شكد عاشت بالعاشر . مصاب تعبانه . ميته بس عطشانه العطش عاف امجانه ورسم فوك اجروحي اعله عيوني . عذاب ………………………………… عباس القلعاوي