الرياش نهج المغاير

عرض التبييض وازلة التصبغات⭐

مشبك شعر بشكل الزهور🌺🌹 ✨

اضافري منا اخذهـم بنات 💜

عطر التس 🐍كم تس بحياتكم 🤭

علي الآكبر يهجم بيوتكم هجم رجعوني اني ما اسافر رجعوني . يوسف : اهل علي الآكبر كلهم مايريدون ترجعين واذا ترجعين كلنا مانقبل وتستمر المشاكل ومن تستمر يكرهون حتى ابنهم مو بس انتِ الحد ما يوصل علي الاكبر مرحلة الكره وياج ويمل من المشاكل وهوا حتى فلوس يطلع بيت وحده ماعنده حافي . دُر : ما اسافر على مووووتي اسافر . ريان : دُر اسكتي اخوانچ يسافرون وانتِ وياهممممم . دُر : ريان تخبلت لك نسافر شلون اسافررر اني احب زوجي ما اسافر وياكم موتوني . ياسين : وحرة تسافر وياكم بعد مايعقد عليهه ريان . حرة : لوووووو تموت ما اتزوج اني زوجة مصطفى . سحبها اخوها ضربها ضرب من منظرها ظميت وجهي بظهر ريان وهو راح دفع اخوها وسحبها من ايدها ريان : موافقه لا تضربها . انور : كلشي جاهز ساعتين بعد على موعد الطيارة . دُر : ما اسافر ولكم ما اساااااافر . اخذني ابوية وبكل هدوء يحاجيني يوسف : تعيشين معززه مكرمة الفلوس تغرگين بيها اخوانچ وياچ وسنة الجاية تكملين دراسة واني اتعهد ماكو مخلوق يجاوز حدوده وياچ ويسار مايسافر وياكم يعني بس انتِ وانور وريان وامچ تسافرون . دُر : ما اسافر لا تحاول موتني هذا مسدس اضربني . ياسين : أخوانج قبلچ . دُر : ليش هيج تسوي ؟ ياسين : تريدين بنت اخوية تظل على ذمة حيوان تجاوز حدوده حرگ بيوتنا وضربني وضرب ولدي واخواني لچ المفروض انتِ بعد ماتريدي . وكلهم براسي يحجون وبين الضغط والضرب والتهديدات خلص الوقت ولازم نسافر بالتهديدات صعدت وكلبي على اخواني على ساعة ينضربون ويموتون بسببي بقيت ابلع بكلامي واسكت بروحي صعدوني بالسيارة بس ريان باقي هو وحرة عدهم وصلت للمطار اني واني وانور على حالي انور انقهر كلنا مانريد نسافر بس ابوية على فلوس باع حريتنا حتى اخوانه يرضون قبل لا اصعد للطيارة وصلوا ريان وحرة وياسين سلمني تلفوني وبشماتة طلب مني : خابري وبلغي . اخذت التلفون وامسح بدموعي مغلق بس انفتح اتصل قبل لا اجاوب لزمني ياسين ويهدد بكل ثقة _ اذا تخلي يعرف شي اموووووتچ قنعي لا تخربين الاول والتالي . ريان : لا تجفصين اتصرفي طبيعي . جاوبته سمعت صوته كعدت بعد رجلي ما تتحملني بنية ومخطوفة وسمعت صوت ابوها هذا حالي _ دُررررر بوية تسمعيني راح اموت دُر حاجيني . _ علي الآكبر . _ اخخخخخخخخخخ روحه لعلي الآكبر . بجيت بصوت صرت ما أسمعه سحب التلفون مني ورفض المكالمة توسلت بي بس يرجع التلفون _ بعد ما اعيدها راح احجي عدل والله . _ بس تسوين دراما اخرب كلشي . اخذت التلفون وهو يتصل مستمر جاوبته واجر بالكلمة جر حيل بعد ماعندي _ علي الآكبر راح اسافر إني اسفة سامحني . _ لاااااا لاااا بنيتي انتِ لا تهدميني لچ دُر العباس عليچ لا . _ اهلي رافضين واهلك ما يريدوني كلهم ضدنا . _ دُر بوية دُرررررر اسمعيني لا تروحين اسمعيني بنيت جاي ابنيّ بيتنا حتى نعيش بس اني وياچ لچ دُر لاااا تكسرين علي الآكبر . سحب ياسين المكالمة وينطي كتم حتى يحجي _ اطلبي الطلاگ منه . رجع التلفون بلعت عبرتي ريان ماتحمل راح بعيد دُر : طيارتي بعد ساعة ويمكن اقل اني بالمطار طلگني علي الآكبر انت تستاهل احسن مني تعذبت هواي مني ومن اهلي ما نرتاح . سمعت صوت السيارة ومبين من صوته يركض وهو يحجي فحطان يجر بالنفس بصعوبة _ دُر مجبورة مووووو ؟ _ ريان وانور وامي مسافرين ويايه . _ جاوبيني مجبووووورة . ياسين يسمع صوته راد بسحب التلفون جاوبته _ لا . _ لچ دُرررررررر ليش تخليني احس  روحي شي زايد بحياتج . _ انت كُل حياتي والله . علي الآكبر: دُر اسهامج كلهن بنفس الوكت هجن . _ سامحني ما راح انساك . علي الآكبر: دُر ما اسامحچ وراح ادور عليكم كلكم انتِ وعمامچ ادمررررررركم كلكم اهدمكم واحد واحد وانتِ على راس القائمة راح اخليچ تكرهيني مثل ما راح اكرهچ لچ بيدي ادمرچ مثل ما دمررررررتيني علي الآكبر يهدمچ هددددددم دُر وراكم وراكم للموت لو انتوا لوووووو علي الآكبر ... "ومن هنا يبدأ انتقام المحبين حَربٌ و صِراع بين إثنين الجميع على عشقهم شاهدين جبابرة تضحياتُهم لا تخلوا من الألـم لكنهم صامدين ، حتى حال الحـول وأصبح للأقدار قرار فـ حدث ما لم يكن في الحِسبان ." يتبع .. ثقل ميزانك بذكر اللّٰـه: - سُبحان اللّٰـه - الحمد للّٰـه - لا إله إلا اللّٰـه - اللّٰـه أكبر - سُبحان اللّٰـه و بحمدهِ - استغفر اللّٰـه - اللهُم صلِ على محمد وال محمد ..

انور : مايعيش وياكم بس المتعاطين مخدرات حتى يتحملوكم اوامركم حياتنا كلها بيدكمممم تنطون فلوس والحرية قفص مايصير نطلع منه . يَسار: هههههههه لازم اخت علي الآكبر اثرت بيك . انور : انجب لككككككككك انجب لاااااااااا تلوثها ادرسك بالقندرة والله . يسار : موووو بلغتكم كلبي يحس والله عرفت . ياسين : حبيتها ؟ انور : يا حب اني ما احب مستحيل احب . ريان : اذا يسمع على الآكبر تذكرون اخته يموتكم . ياسين : بيوم العزيمة بيت هل عار علي مو رايحين تخطبون . انور : انت منين تعررررف منين . ياسين : رحت تخطبها تريد تغطي عارها وعارك . ريان : اني رحت اخطبها مو انور . التفت انور موسع عيونه بغضب على ريان ريان : عدكم اعتراض ؟ يوسف : اكيد . هجم انور على يسارّ ضربة وريان وياه وما اسوف غيرر ولدهم كلهم هجموا على اخواني يضربون بيهم بـ الطبلات الكزاز بكل قوتهم على ظهرهم واثنينهم يضربون ويتعاركون والكبار بس يشاهدون ملخت وجهي تملخ وصوتي تجرح من الصراخ الزم بهذا واتوسل بذاك ولا يشوفوني دفعني واحد منهم على التخم انضربت بخاصرتي بقيت من الوجع ارافس واضرب بروحي ركضت على ابوية من شفت ولد ياسين اثنين معوقين حركة انور لازمي من ايده ورجله والثالث يضرب بي بوكسات من قوة الضرب انور فاتح عيونه حسيت روحه راح تطلع _ ابووووس ايدك ادخل راح يمووووووتوووووون بيدهم . ريان يسار واثنين من ولد عمي الثالث يضربون بي على راسه بالسلاح وبوكسات على بطنه وصدره وهو يدفع بيهم ويضرب ويگح ويذب دم : يمممممه اخواني ولكم راحوا اخوووواني . ضرب عمي الثالث على ميز مثل الكلاب كلهم ينسحبون ركضت على انور رفعت راسه اضرب على وجهه _ يابه انووووووور فاقد . اجه أبويه يضرب بوجهه ويغسل بيده وهو مايصحى نزلت امي ونسوانهم ركضت امي على انور وتتعارك وياهم وتغلط على ابوية لان عافهم يضربون بي وهو يفهم بيها ياسين : صعدوا هل اثنين فوووووووك . اشر على حرة أخذونا تخون حرة على طول الدرج يرفسون بحرة دخلونا للغرفة فات يسار لزمني من ايدي وسحبني على صدره يجر النفس بقوة وحرة مصدومة _ لچ شسوووويتي بيه بروحتچ دُررررررررر . دفعته من صدره وهو متمسك بيه باس راسي بكل قوته _ تروحين بس والله ترجعين يمي وراح اخذچ . ضربته على وجهه بيدي بيها محبس خليت الشذرة تفوت بوجهه لزم المكان يجري دم حضنتني حرة من هجم هي تضرب وهو يضرب واني وياها اضرب بي بس شكد ما اني وياها قويات مستحيل نوصل نص قوة يسار قوي صاحب جسم رياضي عريض ايده مو ايد طبيعيه كرك من تضربني ادوخ والغرفة كلها تفتر بيه ، من صوت صراخي اني وحرة صعد ابوية هو وابو يَسار خلصنا من أيده كعدت بالگاع خشمي يجري دم وجهي مزلغ حيل ماعندي وبن جانت مو خلصت منهم كل الفترة الفاتت شوووووكت ارتاح شووووكت لا هنا اخلص ولا من تزوجت اخلص وين ارووووح والله الموووت ارحممم من هل عيشه . اجت حرة مو احسن من حالي بس شربتني ماي وتمسح الدم من وجهي وتبجي وهي ترعش _ خايفة دُر راح يموتونا شلون نخلص منهم . _ مآبيه حيل انضرب اموت بيدهم والله . ساعة وساعتين تمر ننتظر وخلص اليوم بس اني وحرة عايشات برعب شصار برا واخواني وين ما اعرف . واليوم مر وصار يومين واليومين اربع ايام تجي صفية تنطيني اكل وتبجي على حالي وتحضني باليوم الخامس امي فاتت ولأول مرة من بعد اشهر تحضني حسيت حضنها بارد ماحسيت بكلشي عبالك غريبة مو امي ابد مو امي ، لزمتني من ايدي وگعدت وسحبتني يمها رفعت شعري من عيوني وهمست : هذولي ما يتجرعون صار خمس ايام اخوانچ شافوا الموت بعيونهم وتقريباً اقتنعوا بكلامهم وهسة يريدون تنزلين انتِ وحرة يتفاهمون وياچن . بلعت ريگي بخوف ورحت وياها حتى ماطلبت تساعدني ادري بيها اخر شي تسوي هل انسانة تخلصني منهم نزلت على اعصابي من القلق ما انام والتفكير عبالك ارش بعيوني ملح ماتغمض صار عندي رجفه بجسمي وايدي وحلگي يبس وينطبگ بعد ماينفتح اريد احجي ما اگدر طبطب ابوية على مكان قريب ودخل ريان وجهه مورم ما يرفع وجهه بوجهي راسه نازل اخوووية . ومن الشباك عينك عينك وعبالك متقصدين اشوف هل منظر شفت انور بصف يسارّ يتعاطى مخدرات يشم ومتقبلين الموضوع خليت وجهي بين ايدي وشهگت بعلو صوتي بجيت ولطمت على رجلي كلهم ساكتين بس كسرتي تمنعهم يحجون . يوسف : صار خمس ايام اتفاهم اني واخوانچ . _ قصدك تعذب بيهم . _ دُر اذا اخوانچ يتحملون انتِ تموتين بيدهم اسمعيني . ريان : دُر اسمعي ولا تعترضين . يوسف : انتوا الثلاثي راح تسافرون وامكم وياكم . وكفت ريان لزمني وسحبني _ سمعت شنووووو يحجي هذا اني متزوجة هسة

وميمي خي تجيب الجاي لو هم تغار على ميمي أخاف محسوبة عليكم . ريان : تعالي انتِ قدمي . حجاها وطلع من المطبخ ونرجس شي تركز بريان وتلتفت على حرّة متعجبة من المشاحنات الصارت اخذت حرة الصينية من ايد ميمي وركضت دگت الباب _ ابن عمي الجاي . طلع شوية ويلطم على وجهه لزمها منّ التشيرت رفعها _ لج راح اموتچ . _ شبيك ضايج مو صار ساعة تدللين وصار وبالخدمة تگول لأخت الرجال . _ امشي ولي منااااااا . _ اعتذر . _ راح اخلي راسج بهل جاي والله . _ اعتذر . _ على شنوووووووو ؟ _ تعاملني بهمجيه وتعامل الغربة بـ احترام . آخذ الصينية وفرها ودفعها رفعت ايدها تسويله حركة بسيطة وتهمس : اني اعلمك  . رجعت قدمت عصاير وحلويات وكعدت ويانه صافنة بنرجس بقت يمي ساعة وراحت نرجس حجيت الها كلشي وهيّ تسولف ارتاحيت وحسيت صار عندي نشاط بقيت افتر اساعد ميمي وريان طلع رجع بليل بوجهه دخل للغرفة بدون ما يحجي بعدنا نمسح ودخل انور يركض هو فات وريان بالتراك طلع يرجف ومبين القلق بوجهه انور : جايين ريان راح يوصلون . فات ريان وانور الغرفة دخلت وياهم _ شبيكم منو جايين . ريان : بدلي دُر انتِ وحرة اركضوا . انور : منو بلغك ؟ ريان : فهد خابرني لك شايفين حرة عندي يعرفوها عندي . انور : خابر علي الآكبر . ريان : اي اي هسة بس نطلع بالسيارة  . بدلت بدون ما افتهم بس جنّت خايفة من نزلت شفت انور سلم ويان مسدس _ خلي عندك تحتاجه . لزمني ريان من ايدي ويمشي سريع صعدني بالسيارة ورجع على حرة اشر حتى تصعد للسيارة اجت يمي متعجبة _ شصاير خوفوني  ؟ طلعوا السيارة بعدنا بالباب اربع سيارات سدت الطريق نزل ياسين لازم عكاز يمشي ويعرج وايده مصبوبه ريان : والله اذا .. ياسين : لا تهدد انت اليوم يومك من زمان گلبي محمل عليك . فتح باب حرة دفر ريان الباب وكف مايقبل _ عوفهااااااااااااااا . _ بنتي . _ حتى لو بنتك ما اقبل تروح وياك . رفع ياسين واسه وصاح على اخوان حرة ضغط واحد بالمسدس على كليات ريان _ حركة منك اخلي دمك يغسل الشارع . نزل ابوية صار بجهة ريان يوسف : ياسين اني اخذهم ونتفاهم بيتي . ياسين : هاي اخر فرصة بس كلنا وياكم نروح . قفل ريان البوب ورجع صعد وبالصدر ابوية صار يوصف الطريق الريان وريان يتعارك وياه هو وانور _ راح يذلونه الى متى تظل هيج احجي ويااااااهم . انور : اذا نعارضهم نمووووووت شلون فهمني شلون . ريان : اشوفهم وجهي الثاني واصيدهم . يوسف : خلوني اني اتصرف وياكم مايهون عليه اشوفكم هيج بس كلكم طلعتوا عن طريقهم . ريان : يا طريق ؟ يوسف : تعارضون على كلشي . ريان : خليني انزل بس دُر لا تورطني بعلي الآكبر . يوسف : اهم شي دُر . وهنا الصياح والغلط صار بفلس سديت اذني من وصلنا نزلنا فتحوا البوب بيت جديد مشترين بعيد عن مناطقنا بي اكبر وافخم من قبل ريان : غسل عقلك بهذا البيت راح تبيعنا لان شبعت فلوس منهم . فتحت صفية الباب حضنتها وكلهم دخلوا واني بعدني _ شلونچ والله كلبي طگ عليچ . _ زين انا ماما زين ليش رجعت راح يضربوك . _ صفية كلبي راح يوكف من الخوف قبل دقايق جنت بيت ريان شلون وليش وصلت هنا ما ادري . فزيت من دخل ياسين يريد يضربني ابوية صاح بي يوسف : لا تضربهااااا كلشي يصير واحتمال تطلع وهذاك يعرف وانت جرّبته شنو يكدر يسوي مو سهل ويجرم بحالنا . ياسين : هسة تفهمهم لو اني افهمهم بطريقتي . أشّر أبوية لأنور وريان گعدوا على تخم حرة لزمت ايدي عاط ياسين : امشن يلة گدامييييييييييي. اجيت قريب من ريان گعدت ارجف من الخوف وما ادري الضربة منين راح تجيني دخل ابو يسار ويسار وبعد واحد من عمامي وهذا اخوهم الجبير اجتمعوا علينة لزم ريان ايدي _ لا تخافين . _ ما ناوين على خير . _ لا توافقين على كلشي يطلبونه خلي يولون . _ يضربوني . _ اشردي شوكت ما تجي الفرصة اشردي. يوسف : انتوا تعرفون عادات وتقاليد بيت الرياش ناخذ منه وبينه ممنوع يدخل غريب بيناتنا . ريان : مانريد منكمممم وبيكم دمكم قذرررررر . ياسين : اسمعععععع لا اخلص عليك طلعت عيون بناتنا علينه لك انت اذا اخلص شاجور براسك قليل بحقك . ريان : هههههههههه لا تحاول تصير رجال شوف حالك واحد بعمر ولدك مفلس معالم وجهك وسگط رجلك وايدك  . يوسف : كاااااافي لا تنضرب . انور : لا تسوي نفسك خايف خابرتك وبلغتك نريد نطلع من اخوانك عوفهم يا اخي ما مليت من الفلوس . ياسين : انت اول واحد جنت تساعد بيت الرياش بكلشي شلون تغيرت . انور : مليت صرت مدمن مخدرات تعبت اريد ابطل منها دمرتني  . ياسين : مجبوووووور جبرناك تاخذ مخدرات ؟

_ ما اخاف اني ياسين موتني . دُر : الله يخليك عوفهااا . ريان : خليها تبدل ماتظل يمي هاي اني اكررررره الصلفة. حرة : واني ما اريدكم شنو تذل بيه لان تحميني اوووووععع  . رجع للغرفة يريد يلزمها رفعت السجين على ركبتها _ اقترب ريان والله اذبح نفسي . شال التلفزيون وبكل قوته طگه بالگاع طلع بالتواسيل وحرة اغمز بعيوني بس اريدها تسكت من راح كعدت تتنفس سريع وتمسح بوجهه حرة : يمممممممممممممه لچ كلبي راد يوگف من الخوف . _ وين ولچ عزّا باردة اعصابج . حرة : اول شي اني مو محجبة ثانية ملابسي مستوره ردت انطي الجاي هوه اخوج تخبل مايحترم . _ مايقبل هيج تطلعين مهما يكن يعتبرون غرباء عليچ . عفتها وطلعت هو يغسل بيده ورجع طلع الهم ورجع يركض _ وين علي الآكبر وجود ؟ اريد أجاوبه واسمع صوتهم فوك فتحت عيوني على ريان ركض على درج واني اركض وراه بس دخلنا الغرفة انور شفت انور وعلي الآكبر واحد مقابيل الثاني علي الآكبر: شبيك شردت ؟ انور : تخسي اشرد منك سبحت واريد انام وارتاح . علي الآكبر: حفظت الدرس ؟ انور : درس شيب الخلفووووك . لزمه منّ التشيرت وانور لزمه بنفس الطريقة انور : استر على روحك ولك لا انطيك كله منها وبعد ماتگعد تودع . علي الآكبر: خوش زلمة ؟ انور : غصباً عليك . علي الآكبر: تضربني بكله ؟ انور : تصير بعداد الموته وكلام الله . ما اشوف غير علي الآكبر رجع راسه وضرب راسه براس انور بكل ماعنده من قوة بحيث اثنينهم صاروا بالأرض جود : لااااااااا علي الآكبر لك علي . ضرب على وجهه وريان يكعد بـ انور ويصيح على جود _ لك هذا بعده ما متعدي مرحلة الخطر شلون يسوي هيج  . سحبت بطل مي من الثلاجة وذبيت نفسي بصف علي الآكبر غسلت وجهه فتح عيونه وانور كعد على جرباية لازم راسه انور : والله هذا مو صاحي . ريان : صوتك . انور : شيررررريد من عندددددي خلي يعووووفني . جود : احترم نفسك ولا تضربها لا تقهرها لا تبيع بطولاتك على دُر وهو مايقترب منك ولا يشوفك ولا تهمه . انور : اختي شنو صارت بأسم اخوووووك . جود : اناني بيها لا تقترب منها . انور : اخذ اخوووووك واطلع برا . جود : مو اگوم اعيد الصار الصبح بيك . فتح علي الآكبر عيونه ساعده جود عدل نفسه ونهض ريان : علاوي كافي . _ هو كافي بس يا انور اذا اسمع بعد رافع ايدك وتضربها وحگ داحي باب خيبر علي ارعد عليك اخليك دربك ما تندل وين . انور : توكل . علي الآكبر: حيوان . انور : اطلع . علي الآكبر: كلب طالع من كلاب مثلكككككك . ريان : كافي دخيل الله . علي الآكبر: ساقطين انت وياه . آخذه جود وطلعوا من الهبطات بعد ما اتحمل حتى انزل قفلت باب غرفتي ما اريد اطلع ابد ما اريد اشوف احد بقيت اليوم واليومين بغرفتي مريضة من المشاكل بس اكتب ملخص يومي بالتفصيل بالمحادثة جنت حايرة بشي واحد علي الآكبر ليش مايجي ولا يفتح موضوع الرجعة وقليل يخابرني وبكل مرة يخابرني صوته تعبان اكثر من قبل يكتفي يعرف اخباري من المحادثة ضعفت  من افكاري المخيف ومستمرة ، ومر اسبوع على وضعي قليل انزل وقليل التقي بيهم بس اخذ وجباتي واصعد . وبيوم آني أحجي وافهم ميمي على كم شغله دخل ريان _ ويايه ضيوف . دُر : وياك ؟ منو ؟ بعد جسمه من باب المطبخ واشوف نرجس فتحت ايدها ركضت حضنتها وهيّ حضنتني تبجي واني أبجي وياها نرجس : دُر مشتاقتلچ والله . دُر : واني هم ما اصدگ شلون وصلتي . نرجس : الفضل الريان هو ساعدني اوصل الچ . درت وجهي على ريان ورجعت احجي وياها _ شنو بيناتكم تواصل . نرجس : بين فترة وفترة اسأل ريان عنج . طلعت حرة من شافها ريان تكهرب طلع برا وصاح _ خوية امين تفضل فوت انتظرها جوة . دخل اخو نرجس واني بحالة صدمة بس اباوع عليهم بعيوني فاتت نرجس كعدت على ميز الطعام سلمت على حرة وسألتني _ شنو تصير منكم ؟ دُر : بنت عمي بس عايشين سوية . هزت راسها وبقت تسولفلي على جامعة دُر : ونجحتي . نرجس : الحمدلله نجحت ماضاع تعبي . دخل ريان وصاح على ميمي _ جاي بسرعة . نرجس : إنّي خجلانه منك اخاف أزعجك ويمكن عندك شغّل وتركته بسببي . ريان : لا انتِ تأمرين امر بالخدمة شوكت ماتحتاجين شي اني موجود  . وحرة تاكل نستلة وأكفه بظهر نرجس بحيث ماتشوفها بس اني وريان نشوف حركاتها هو يحجي وهي رفعتي ايدها تهز بيدها وتفر بحلگها مثل المصريات نرجس : اني لو دُر تجاوبني يرتاح كلبي خبلتني . دُر : والله رقمج ممسوح مني ومايطلع اتصال شسوي . ريان : اني ادزلج الرقم وتأكدي منها . حرة : اي اخوج يتكفل بهاذا الموضوع استاذ شاطر . ريان : ميمي الجاي . حرة : روح عوف النسوان تسولف براحتهااااااااااا

_ اشتم ايده وعررررف اني جرّحت إيدج . بعده يحجي وسمع صوت سيارة برا باوع بنظرة سريعة ودفر الباب بكل قوته وهو يصيح على ريان _ اجه يمعووووووود . عافنا وفات يمشي سريع أنقهرت صحت بصوت حتى يسمعني _ لا تخاف هو ما يتعارك اذا اني موجوده . _ اني اخااااف . _ ها لعد ليش ركضت . _ ما اخاف بس ما اريد المشكلة تكبر . هزيت راسي راح وريان فتح الباب هجم علي الآكبر لزمه من قميصه _ ولك ليشششششش تخلي شممممممه يضرررربهاااااا . لزم ريان أيّده وأبتعد حتى علي الآكبر يشوفني رفعت حاجبي ورجعت ايدي وره ظهري وعيوني على أيده نزلها من انور وعدّل القميص وابتسم بتصنع _ جهزي ريوك ناكل اني وحبيبي ريان . بقيت بمكاني ماتحركت صاح بصوت عالي _ يلة ولچ جووووووعان . ريان : ابو فارس بدر وين ؟ علي الآكبر: هسة يجي ياكل . دخلت وحرة بالمطبخ تضحك ساعدتني بالتجهيز لان اني صفر بالطبخ وهيّ احسن مني بهواي اسوي بالسلطة سمعت ريان صاح بوجع طلعت بيدي السجين ماشفت غير علي الآكبر گاعد وريان لازم بطنه موجود دُر : شبيك ريان ؟ علي الآكبر: من الجوع بطنه توجعه . دُر : ضربته ، ريان علي الآكبر ضربك ؟ ريان : لا كاعدين نشاقة لا تدخلين فوتي . علي الآكبر: جاوبها عدل لا اگوم أعدل تركيبة عقلك . ريان : ماكو شي كملي اكلنا حتى يروح عدهم خطار وابوك خابرني سألني عليكم اكل بسرعة وروح . علي الآكبر: روح صيح أخوك ياكل على واهس . ريان : اكل قبلي . علي الآكبر: خلي يجي ياكل بعد . ريان : شبع . علي الآكبر: انا بعدني ماشبعت منه . فات جود يفر بالسبحة ويدندن _ الملاحم من يطبها ساواها وگلبها وبيمينه شطبها علي بكل وقت يلفي ويزأر ... يافارس بدر يا حيدر . ريان : كلمات الخطر . علي الآكبر: تخافون منها . ريان : ذاك اليوم يسار يگول من اسمعها بمثابة صافرة انذار وراها يشتغل القصف على روسنا من كل الجهات . علي الآكبر: بعد كم موقف واخليك وياهم ارعبك رعب . جود : زوجة اخي المثقفة النازوكية شلونچ . دُر : هيلب جود بليز هل اثنين بس يتعاركون . جود : انا سيرڤينت للمثقفين . دُر : اوووووووو حركات والله صاير تحجّي انكليزي Servant يعني انا خادم ههههههههه صدمتني الصراحة . جود : لازم اصير مثقف لان راح اخذ مثقفة . علي الآكبر: الريوووووك . دُر : ليش تصيح . علي الآكبر: حيونه مني اسف . دُر : الزم نفسك . علي الآكبر: تأمرين امر . جود : بيت المثقفين الريوك . ريان : لعيونك اخلي ميمي تجيب الريوك بس سكت علي الآكبر جود : العباس عليك . ريان : والعباس . جود : شني انتوا المثقفين ماعدكم غيرة هههههههه . ريان : انجب لك هيَّ ميمي قابل اختي . جود : خليها تجهز الأكل بين ما احفظ كم كلمة مثقفة . ريان : الثقافة شمره مو تعلوم . جود : صيح ميمي حتى اليوم أسحل العشيرة واجي أخطبها . علي الآكبر: تسحلهم لو يسحلوك حدد . جود : اثنينهن . فتت خربانة ضحك واكمل بالسلطة حرة : شكو . دُر : ذاك اليوم مو طلعتي حجيتي انتِ وجود هو يحب المثقفات من اجه ريان وسمع اني لفلفت الموضوع حتى ماتصير مشاكل گلت يقصد ميمي وهسة ريان مصدك جود يقصد ميمي وجود عباله انتِ اسمج ميمي ، وهسة ريان يگول الجود اخلي ميمي تقدم الريوك وهذا مصدك . خبطت البيض وهي تضحك حرة : مو كتل انور يستاهل اطلع الريوك يدلل . بهتت ضحكتي من سمعتها _ شنو ؟ _ اني اطلع الريوك شبيچ . _ حتى ريان يتخبل عليچ . _ هذا البارد وينه وين الغيرة عادي ترا . كملت الريوك شلت الصينية قبلها وطلعت ادري بيها تتهور اول ما نزلت الأكل دفر ريان الكرسي القريب مني وركض درت وجهي شفت حرة شايلة صينية بيها كلاصات الجاي ضرب الصينية بكل قوته هي والكلاصات فلشهن تفلش ولزمها من ايدها اثنينهن ودفعها للممر حتى مايشوفون من الهبطة ماسمعت صوت حرة وجود يصيح _ هذا شبي . _ أكل أكلوا ماكو شي اروح اشوفهم . علي الآكبر: تعالي . _ ها . _ ابقي يمي . _ بس اشوفهم . _ اخاف عليج تعالي . _ لا ماكو شي شبيك . فتت للبيت ادور عليهم فتحت غرفتها مقفوله بس صوت جوة _ ريان افتح الباب والله مني الغلط آني خليتها تساعدني . طلع لزمني من ايدي يرجف _ هاي شكد صلفة شوفي شلون شايلة السجين بوجهي . مديت راسي شفت حرة بيدها سجين ورافعتها حرة : اشگچ انتِ واخوچ اذا متطلعون . دُر : اعذرها هاي ياسين لحس عقلها من الضرب . ريان : والله من انعل ياسين وعشيرة ياسين نفر نفر والله من الزمها اخليها تصيّر التوبة لا اخليها تبلع السانهاااااا . هزت حرة جتفها وصاحت _ لا كافي رجفتني . هي حجت هيج وهو تخبل _ هاي شنووووووووووو .

خليت راسي على صدره وايدي تتلمس لحيته غمض عيونه بس بست خده ابتسمت على تاثير قربي منه _ بعقلي جان ضجيج ماينوصف من اجيت كلشي راح . اخذني على صدره اكثر وهو يلاعب خصلات شعري _ ليش تهملين محادثتنا انا انتظر كل حرف منج . _ انت ماكو ليش اكتب . _ اكتبي كلشي وانا احلها فرغي ضجيج عقلچ بمحادثتنا . _ ماتمل . _ أملّ منج ؟ _ اممممممم . _ انجبي . _ ههههههههه . _ والله مايفيد وياج التفاهم كلشي بعد تكتبين لا تخليني اخلي ضيمي بـ يوسف وأخوانه . _ اعصابك . _ تكتبين ؟ _ اي والله . _ كلشي . _ بالتفصيل . _ احلفي . _ والله . _ شوكت تگولين وداعتك ؟ _ بعد . _ انتظرها . _ استاهل لو ما استاهل ؟ _ كل ايامي تستاهلين كل ايامي بوية دُر . غمضت عيوني وعفت كلشي بيده نمت براحة البال اللي ما احس بيها بس من يخليني انام بين ايده بعد حين تلمست المكان بصفي فارغ فزيت اريد اوگف رجعت على سرير من شفته كاعد بصفي لزم أيدي المجروحه ويتلمس بجرحها باوعت على ايده ورجعت نظراتي أتفحص ملامحه _ عبالي رحت . _ تتأذين منها ؟ _ لا ابد . _ هاي ضربة ؟ بقيت ساكتة ما اكدر انطق بحرف ابتسم بحقد وهو ضاغط لا أسنانه حتى لو يبين نفسه بارد بس هوّ انسان كلشي بي يفضحه ملامحه تصرفاته واضحة علي الآكبر : منو ؟ _ والله مو مهمه نسيتها وطابت . _ انور ؟ لزمت ايده ادري بي راح يهجم ومن المستحيل اسيطر _لا تروح الله عليك . سحب ايده مني بالقوة وباس راسي وطلع مستعجل . نزلت اركض اريد اوصل قبل لا يروح بس سمعت صوته بالكراج يصيح : جود أحتاجك ، إسألني بشنو شبيك تهوس للمشاكل يحظي ، اي ما اكدر اضرب تعال انت بمكاني . راح واني رجعت على ريان استأذنت منه ماكو جواب دخلت بقيت جامدة بمكاني من شفت حالته الغرفة مخربطة صور بكل مكان صور اخذت صورة قريبة مني بيها بنية تضحك شكلها بريئ وضحكتها ترد الروح وريان قريب منها رافع راسه وجهه من الضحك احمر مخلي بينه وبينها مكان حلوين شكد صفنت بالصورة ما ارتويت رجعتها ورحت بصفه بيده صورة ثانية نفس البنية كاعدة لابسه عباية راس ومعاصم ملتزمة بالزي جانت بهل صورة ملامحها واضحة اريد ارجعها وخفت من شفته صافن على ايدي ارتبكت بس حاولت أبين الموضوع طبيعي ما اريد يصير عصبي دُر : حلوة تستاهل تنتظر وتصبر ودورها . ريان : همّ تحسين مثلي يجي يوم وارجع اشوفهآ آضحك على ضحكتها ؟ دُر : مو بعيدة على رب العالمين هو جبار الخواطر . نهض وهو يمسح بعيونه ويبعثر بشعره يشوف حال الغرفة ومصدوم بيها هز راسه _ شكو ؟ اشرت على باب وهمست بخوف _ علي الاكبر . _ شبي . _ شاف ايدي . _ شبيها ايدج . درت ايدي وجاوبته _ انور من دفرني تعورت . فتح عيونه وگف على حيله _ ايييييييي وعلي الآكبر عررف ؟ _ اي وخابر جود وراحوا . _ راح بيها انور . _ راح يحوده حود . _ ويسبيني سبي ياكل راسي اكل . فتح الكنتور يركض بدل سريع واخذ ايدي شافها وصاح : غير تحجين خرب غيرتچ . _ نسيتها . اخذ مفاتيح السيارة وسحبني من ايدي قبل باب الغرفة وراح واني بقيت بمكاني ماتحركت لدقايق ، ميمي اجت تشوفني عفتها ورحت بغرفة حرة فتحت البردات والشبابيك _ ما تشبعين نوم ؟ _ اجمع طاقة . _ طاقة شنو . _ طاقة انتقم بيها من بيت الرياش . _ والله بطرانة ذكرتيني بعلي الآكبر من جنت ادردم تزوجتني حتى تنتقم منّهم يگلي شنو اسم المسلسل . حرة : اسمه انتقام أنثى عاشقة . آخذت ايدها واني اسولف الصار بالتفصيل وهيَّ متعجبة حرة: الله وصدك راح يضرب انور . دُر : إني متاكدة اليوم علي الاكبر لا ينام ولا يرتاح اذا ما يعرف انور وين ويرجع الضربة اضعاف . حرة : هذا انور شيطان وين يكدر يوصله . بقيت افتر اني وياها بالمطبخ نجهز اكل بس بالي مشغول وميمي تفتر يمني ومن حرة تصيحها تسوي نفسها ما تسمعها طلعنا بالكراج وبيدنا الصينية اكلت واحجي وياها مواقفنا وبقت عيونها تلمع من حجيت على علاقة علي الآكبر بإخوانه بعدنا نحجي ودفع ريان انور بنص الكراج ايده تجري دم وگصته صايرة دم رحت بتجاهه مفزوعة . ريان : وين جنت شلووووون عرف مكانك . انور : بتت بيتنا القديم يعني وين اروح نايم والبيت هدوء بلحظة نهز هز بهاي مالتهم " يا فارس بدر يا حيدر يا فارس بدر " اريد انزل وفات علي الآكبر وأخوانه اثنين ظل يحجي ويرزل عود هو الزين وهذا جود الكلب شخط ايدي تشخط الحيوآن اخووو الحيوووووان . من شافني لزمني من ايدي وصرخ بوجهي _ تتمسكنين عوّد تخافين علينه ومن تصيرين وياه تدفعين هل كلب ابن الكلب حتى يطاول على اخووووووانچ . _ بالقران حرف ما حجيت .

لان تسوي مشاكل بعدهم ما كاشفين موضوع الطفل منو سببه . _ بس اريد اشوفه. _ من يصير زين هوه يجي ما اقبل تروحين وتسمعين كلمة تغثچ ، واني الخاطر علي الآكبر احترمهم وما اريد اتعارك . _ شوكت يجي شلون اصبر . _ ادعي مايصير بي شي . طلع وعافني صافنه ايدي مربطه دقايق وسمعت صوت حرة ادردم رحت اشوف شبيها وكفت بمكاني من سمعت صوت ريان حرّة: روح شعليك براسي . ريان : شيلي الباروكة اشوف الجرح . حرة : معليك مو تگول من الساني . ريان : جذبت ؟ حرة : اي جذاب اكبر جذاب وبارد هذا برودك توب منه توووب . ريان : شكد تحجي . مديت راسي شفت سحب الباروكة ودار وجهه شاف الجرح ظل ساكت وهي اخذت الشعر من أيده ورجعت لبسته بسرعة حرة : يلة روح . ريان : يحتاج تعقيم . حرة : معليك ابني . ريان : ابني ؟ بقت ساكتة لازمة راسها ريان : متأذية . حرة : طبعاً شالني حيل وضربني بالحايط . ريان : طردته بعد مايرجع . حرة : يوجعني والله . ريان: امشي اخذج مستشفى . حرة : الله لا يعوزني عليكم شوكت اخلص منكم . ريان : بطلي هذا الحجي بطلي . حرة : امشي روح مني . ريان : ابقي ابجي وحدج . حرة : هسة تجي دُر . ريان : وتولولين فوك راسها . حرة : مدخل روحك بسوالف النسوان . عافها وطلع من شافني اشر على غرفة  _ هاي مو بعقلها الضرب مأثر على راسها . راح واني دخلت عليهه شالت الباروكة شمرتها وكعدت تبجي من الوجع واني افتر عليهه خايفة ربع ساعة ورجع البآب أنفتح ودخل ريان _ هذا تعقيم وگطن وشاش عقمي راسها وبطريقچ بالشاش اكبسي السانها . حرة : تعقم عقلك انت واخوك المطي احسن . ريان : لچ حرررررررررررة . _ هااااااااااا . ريان : راح آجي حظچ أطيحه . حرة : ما اخاف . ريان : بسيطة اذا ما ارجعچ الهم حتى يقلعون هل لسان . طلعت السانها ودارت وجهه جتفت ايدها ونامت هو طلع ولزمت ايدي حيل سحبتني حرة : ولج راح اموت من الوجع تعالي شوفي حل . كعدت اعقم بجرحها وبالي وتفكيري بعلي الآكبر خلّصت وخليتها تنام طفيت كل الأضاءة ورحت شفت ميمي تنظم بالبيت صعدت للغرفة ورجعت طلعت للكراج البيت بكبره يخنگ بيه صار اليل ولا واحد بيهم رجع حتى انور مختفي بين حيرة وتعب تفكير نمت على فراشي من الدوخة نمت فزيت من الصبح اخذت تلفوني خابرتهم واحد واحد الموبايلات كلها مغلق ، ساعة بعد ساعة تمر واني انتظر وماكو اصعب من الانتظار بليل رجع ريان باقي بالقميص والسترة بيده وجهه مخطوف لونه دُر : وين جنّت والله موتوني الف فكرة وفكرة صارت براسي . ريان : طلع علي الآكبر للبيت بس يحتاج مراقبة وراحة . دُر : شوكت اشوفه . ريان : مو هسة المستشفى صايرة هوسة وهسة بيتهم عمامهم ولد عمهم والجوارين كلهم يمهم خلي يفرغ . دُر : حباب اخذني شكو بيها اذا اروح . عافني وراح للغرفة قفلها وبعد ماطلع خلصت يومي وحدي حرة تاكل وتنام وانور مارجع صعدت بليل قبل لا انام تأملت اسمه (الرياش نهج مُغاير ) وكتبت بعد تفكير " ياريت أكدر اوصل يمك ، عفتك وحدك واخر وحده تگلك الحمدلله على سلامتك يا سلامي واماني " سديت تلفوني ومسحت دمعتي من نزلت كلشي بحياتي بالعكس لا استقريت بيت اهلي ولا من تزوجت وين ما اروح حظي اسود نمت من تعبت من البجي وهلكت روحي هلاك نمت بحيرتي وقهري وضعفي ، نمت واني كارهه كلشي بحياتي . فزيت الفجر على صوت باب غرفتي ينفتح حاوطني سكون غريب واني اشوف علي الآكبر يدخل مغطي راسه ولابس لثامه گعد قريب مني تلمس خدي هايم بعيوني اخذني بحضنه بكل قوته يسحب بيه رفعت روحي وايدي نزلت لثامه تلمست عيونه لذبلت ولحيته ابتسم بتعب بست خده ولزمت ايده عيوني بعيونه دُر : الحمدلله على سلامتك . علي الآكبر: سلامتي عندچ . _ خفت عليك . _ وانا النار اكلت صدري منج . _ مني ؟ _ تتعاركين بنص الزلم دُر . سحبني من ايدي قربني اكثر منه وهو يضغط على كل كلمة _ خليتي النار تشب بظلوعي شلون تطلعين بنص الزلم شلوون ؟ _ لا تلومني خفت على اخواني والله . _ خليني بين عيونچ لچ بوية دُر تعبتيني . _ تعبت مني ؟ _ ويروح تعبي ببوسة منج . تقرب بكل هدوء باسني براسي ونزل على خدي وختمها بوسة سريعة من شفايفي _ شلون اجيت وانت هذا حالك . _ بنيتي تريد تشوفني . _ ليش لابس لثام . _ متعود . ملت نفسي على صدره وهمست _ تحبني ؟ _ دايخ بيچ لدرجة يميني تحارب يساريّ مقابيلج حتى ماتكسر قرارچ ، انا كلامچ عندي سيف دُرر روحه لعلي الآكبر . شلت اكلاو التيشيرت من راسه شفت راسه ملفوف _ يوجعك مو . _ سكنت ، تعالي بحضني اريد انام . _ راح تنام هنا . _ اي ماتريدين؟ ضحكت وفتحت مكان اجه مدد نفسه تقربت

_ لك انووووور الله لا يوووووفقك . عافني ورجع للغرفة صرخت الحد ما صوتي راح ركضت للتلفون جوة اتصلت عليهم ماكوووو واحد بيهم يتنازل ويجاوبني ، رجعت اسمعها تون من الوجع وتناشغ دُر : حرة تسمعيني آسفة ساعديني حتى تنزلين جوة لا يرجع يطلع ويضربني اني وياج يلة فدوة . لزمتني من ايدي وملابسي اخذت الباروكة ونزلتها بطيئ من سمعت صوت الباب اخذت الباروكة لبستها وعدلت شعرها ، دخل ريان من شافنا رفع أيده اشر على حالنا _ شصاير ؟ دُر : انور ضربني وضربها . ريان : ليش صعدتي فهميني ليش ؟ دُر : توسلت بي ياخذني لعلي الآكبر ولا واحد بيكم يجاوبني شبيكم ليش ماتردون ؟ مالت حرّة راسها على صدري دايخة اشرت على راسها واني ابجي _ شالها وضربها براسها بالحايط . _ من السانها . حرة : ضرب دُر خفت لا تموت بيده . ريان : دُر وصليها للغرفة وتعالي اريدچ . هو راح للغرفة وهيّ من صدمتها صاحت حرة : ردت اگول هاي لو آختك ادافع وتتعارك علمودها بس تذكرت اختك هم انضربت وانت ولا مهتم حالك حال الحايط لا احساس ولا مشاعر تشبه عمامك وابووووك حالك حالهم . التفت طال النظر وهو يباع بكُل ثبات ايده داخل بنطلونه رافع حاجبه بشموخ ولا عبالك لزمت ايدي رجعتها للغرفة خليتها بفراشها دُر : اروح اشوف ريان كلبي نار على علي الآكبر . حرة : ايدج تجري دم . عوجتها شفتها مجروحه : من دفرني تعورت بالأرضية . طلعت مستعجله دخلت غرفة ريان ماكو ركضت على درج من سمعت صوت ريان طالع وباب انور مفتوح دخلت للغرفة لكيت ريان لزم انور من راسه وبكل قوته ضربه بخشب تاج السرير دفعه انور وصاح _ ريان لا تجبرني اطلعععععع روحك من خشمك والله . ريان : اطلع من بيتي هسة تطلععععع يلة . انور : تطردني ؟ ريان : اي اطردك لان بقيتهن يمك امانة مو جيس ملاكمة انت تكبر عضلات جسمك ونسيت تربي عقلك يا متخلف . دُر : انت شوكت تعقل عود الجبير المفروض نحتمي بيك الى متى كلبك يظل ميت عيب عليك والله . ريان : لااااااااااا تحجين وياه هل متخلف . انور : ما اريد اضربهن ولا اتجاوز اني اعصابي تلفت وانت تعرف بشنو امرر المفروض تحذرهن مني . ريان : اطلع انور اطلع . دفعه انور وطلع وهو يسب بي ويهدد مسح ريان وجهه ونزل دخل للغرفة نزلت للغرفة وياه شفته فتح الكنتور وطلع فلوس يحسب بيهن ومبين مستعجل دُر : حباب ريان اثبت وفهمني علي الآكبر شصار بي . ريان : بعده لازم تمر 12 ساعة على اقل حتى نعرف شبي . دُر : ليش هل وقت ؟ ريان : الضربة قوية اجت بين راسه وبين رگبته . دُر : اخذني اشوفه . ريان : اني بعمري ماسويت وياج موقف حلو يرفّع راسج ولا بعمري صرت اخ مثالي ، بكلشي مقصر وبعدني ما متغير الف شغله برآسه وروحي أكرهه اكره نفسي اني بس اريد تعرفين انتِ عزيزه ما اكرهج بالعكس انتِ احن بنيه بيت الرياش شفت خوفج علينة اني وانور بكل عركة ماتفكرين بنفسج وتحمينا واحنا ما نستاهل لأنّ ماصاير اخوان الج ابد . دُر : اني عاذرتك انت گلبك مكسور . ريان : اني انهدم گلبي دُر خلوني مخبل أدور اثرها . دُر : والله من اسمع الأذان يأذن ادعيلك والله . ريان : وادعي لأنور. حجاها ونزل راسها من لمحت دموعه ترست عيونه . تقربت منه وهمست بخجل _ عادي أحضنك . نزل نفسه وحضني وصار يبجي على كتافي _ الله يكسرهم مثل كسرتك . ريان : اخاف تنكسرين مثلي خايف يجي هل يوم ما اريد واحد بيكم ينهدم مثلي اخاف احبكم انتِ وانور وصلوني مرحلة اكره كل البشر حتى لا امر بنفس ذاك الشعور ما اريد اتعلق بيكم دُر اريد أكرهكم اكثر واكثر حتى ما اتهدد بيكم . دُر : أسندك وتسندني واني وياك نسند انور ونصير مثل علي الآكبر وأخوانه . ريان : واذا هددوني بيكم ؟ دُر : علي الآكبر يگول ماكو واحد يموت قبل يومه والموت حق علينه كلنا ، نحارب الباطل سوية آني وياكم للموت أفديكم بروحي والله اذا تريدون روحي ترخص الكم . رفعت راسه مسحت دموعه واني اصبر بي دُر : لا تعوفني إني احتاجك . ريان : واني احتاجكم تعبت احارب وحدي . _ اختك وامك وصديقتك كلشي اصير الك بس لا تصدني . _ ونساعد انور . _ انور صعب كلش صعب . _ لا اني وياه براسه اني والله براسه وبديت اقنع بي يترك المخدرات وصار كم يوم تركها . _ ولأن تركها هيج اعصاب . _ هو من يوم يومه أعصاب وهسة زاد . _ ميخالف نتحمله ونطلع اني وياكم من ظلم بيت الرياش . _ ما اعوفهم اذا ما اصيدهم واحد واحد ادمرهم اهدمهم هدم . ابتعد وهو يمسح بوجهه ورجع للكنتور _ راح ارجع للمستشفى . _ اخذني . _ اهل علي الآكبر يريدون علي يطلك . _ مو كشفوا ميثاق؟ _ دُر اهل علي الآكبر طاردين زوجة سراج الدين

الـرياش نَهج مُغاير - 20 - الصفحة 28 غموض / إثارة حياةٌ اعيشها يسودها البرود النظرات تحاوطني أواجهُها بـ صمود نظراتٌ مُترفة .. أعينٌ هائمة ، عاشقة ، مُستغلة ، عازفة ! معاشٌ فاخر ، صوتٌ جاهِـر اذاقني العيش القاهر ليتبين ليّ إن المادة ليست هي كُل شيءٍ في الحياة حتى إلتقيت بـ ذا روحٍ و مَعنى ثَمي... اثارة اجتماعية ادراما حب غموض _____ الــريـاش ﷽ 𓆩 اســاور حــسين 𓆪 بقلمي رواية : الــرياش عفيتَك مَرة المَرة الثانية أچويك أذا يطلَع الماضي تعيش ندمان غراب و گلت نَورس ردت احلّيك أول مَرة اجامِل ، زَلة لسان . لطفا لا تنسون التصويت والتفاعل بين الفقرات ⊰ دُر⊱ بسّ وكف يريد يشوف ابو اجه واحد يركض شايل خشبه ضرب علي الآكبر على راسه لزمه وگع على وجهه فاقد . لزمت قفل الباب اريد اندل دربي ما اشوف صرت بعيوني طلعت بس ردت اشوفه احجي وياه اهل ميثاق كلهم شردوا وجود وريان رفعوا علي الآكبر وعمي من شاف علي الآكبر بالگاع فقد وهو يصيح : بووووويه علي الآكبر بوية حاجيني . ريان : انوررررر ساعدنا إفتح السيارة لك اركض  . صعد جود وسحب علي الآكبر حط راسه على رجله ويضرب على كرسي السايق : ريان استعجل لك ريان علي الآكبر فقد . انور ماقبل يروح وياهم اخذهم ريان بس عمي راح بسيارته درت وجهي على حرة وصرخت بكل علو صوتي _ ضربوا شفتيّ آخذوا مني حتى ما شفته . حرة : لا تخافين فدوة مابي شي ادعيله يطلع مابي شي . دُر : من عرفني لليوم المشاكل عنده ماتخلص بهذلته اني بهذلت علي  . دخل انور يباوع عليه متعجب من ردت فعلي _ انتِ كل عقلج تحبي لو لان يساعدچ ؟ دُر : متعجب موووو بعمرك ماشفت احد يحب . انور:  حتى لو تحبي لازم تعرفين مو كلشي نريده نحصل عليه واكو اشخاص نبتعد عنهم اهون من قربنا ولازم تفكرين شكد ما تحاولون انتِ وياه بس ما تنجحون والحب مو كلشي بالحياة اكو اشياء اهم . دُر : ليش ما ننجح ؟ انور : اي علاقة بيها اطراف تخلق مشاكل نهايتها الخراب لان كثر الدگ على الحديد يلين راح يجي يوم وتذكريني راح تملّون بالآخير وتنفصلون . دُر : علي الآكبر مستحيل يعوفني . انور : صار فترة حتى تركتكم مو مثل قبل اريد تنفصلون تدرين ليش لان عندي نظرة غير نظرتكم للمواضيع متأكد يجي يوم وبعد ماكو شي اسمه دُر وعلي الآكبر . عافني بصدمتي بكسرتي بخوفي بقلقي ودخل للبيت دُر : حرة هذا شبي . _ مخبل تعالي فوتي جوة . دُر : تلفوني وين تلفوني . دخلت للبيت اركض شفت تلفوني اخذته اتصل عليهم ولا واحد يجاوب رجعت طلعت برا احس البيت ياكل بيه دُر : ليش ما يحاوب ولا واحد بيهم يجاوبني ويطمئن گلبي . اروح وارجع طحنت روحي طحن من التفكير والمشي ما اكدر اثبت بمكان اخذت البيت فر صعدت على انور ماعندي حل غيره وحرة تحذر منه ما اسمع احد المهم عندي اسمع خبر دخلت للغرفة شفت الشاش والمعقم مقابيله مقدم ايده ويعالج بيها من شافني ما كمل تعقيم بسرعة يلف بيها ومبين الوجع من ملامحه ، صبرت روحي وتقدمت اخذت المعقم ولزمت ايده سحبها _ شكوووو . _ أعقمها مو زين تلتهب . _ اعرف اداوي روحي وحدي . _ بس هذا الجرح انطيني ايدك . اخذتها وهو يسحبها اصريت عليه استسلم نزعت الشاش ورجعت اعقم بيها بكل هدوء مابدر منه اي رد فعل رفعت نظراتي باقي ثابت _ يوجعك ؟ نزل عيونه شافني ورجع النفس البرود لدقايق واني الفلف بالشاش صدمني من قرّر يسألني _ تكرهني ؟ _ منو ؟ _ اخته . فهمت مقصد كلامه بس تصرفت بغباء _ وضح اكثر ؟ _ ماكو شي . سكتت ورجعت اكمل ايده وهو متوتر انور : عرفتيها والله . دُر : شهد ؟ انور : تكرهني . دُر : اتذكر اول ماشافتك شكد عجبتها . ركز بكلامي بكل اهتمام فاجئني بعمره ما انتبه او لفت انتباه انور موضوع دُر : بس انت كسرت گلبها خليتها توصل مرحلة تگول بعمري ما كرهت شخص بحجم كرهي لأنور . انور : رجعتها اني بعمري ما اتراجع عن قرار اخذه وتراجعت وياها . دُر : شعجب ؟ انور : كلامها يختلف عنكم كلكم . دُر : مثل اخوها . انور : لا . دُر : والله نفس الحنية عدّهم . انور : هههههههههه ماكو شي اسمه حنية كلمات سطحية مصطنعة كلهم مصالح بمصالح الحب وهمي  . دُر : جربت تحب . انور : امشي اطلعي . دُر : الله يخليك وديني اشوف علي الآكبر. انور : اطلعي دُر اطلعي . دُر : خايفة  . انور : اطلعييييييييييي لچ اطلعيييييييييييي . دفرني برجله بكل قوته وسحلني من شعري شمرني برا صعدت حرة على صراخي ضربته على وجهه وهو تخبل شالها وشمرها على حايط انضربت وهيّ ناعمة وگعت ركضت شلت الباروكة من راسها من شفتها تنزف

الرياش نهج المغاير #البارت 20 🔤🔤

يوسف : اخوانها شعليك بيها . دُر : عدهم عار مو يريدون يخلصون منه. يوسف : لا تسمعيني صوتچ انتِ حسابچ ما خلص . بعدهم يحجون وصوت النجدة برا طلع ريان فتح الهم الباب وهو يدخل يحجي وياهم ، فتت قبل لا يوصلون بس بعدني اشوفهم ريان : هذولي داخلين بيتي مسلحين يريدون يقتلونا واني واخواني بس بالبيت يدورون ورانا بدون سبب يذكر بس احتمال يريدون نتعاطى مخدرات وياهمممم . اخذوا المسدسات من البناطيل الضابط : بيهن رخصه ؟ يوسف : لا . الضابط : اخذوهم . اخذهم للسيارة ابوية حقد على ريان وانور وريان يقهر بي يضحك بشماته طلع وريان راح وياهم حتى يرفع بلاغ بيهم اول ما صعد بالسيارة ضحك ورفع ايده ليسار وشغل يا فارس بدر بصوت مسموع . انور قليل يحجي معتزل لو طالع لو يصعد بس راحوا وراها بساعة يريد يطلع مبدل وبس وصل للكراج رجع بابنا ينضرب ضربات والسب والغلط والحلفان مخيف برا طلع الهم انور وصاح بيهم بصوته الخشن _ نعمممممم شكووووو سالمين سلامات . طلعت اباوع عليهم شيوخ وزلم كبار وشباب يصيحون _ مطلوبين اذا بتنا تطلگ بسبب بتكم نخلي الدم للركب. انور : انجب لك يخلي الدم للركب شلون گصاب . _ انجب انا انجب بكبر ابووووك تگلي انجب . انور : اختصرررررر منو انتوووووا . _ اهل حرمة سراج الدين من راس بتكم بتنا وصلت للطلاگ . رجه ريان وقبل لا ينزل من السيارة عبالك عرفهم اتصل بالتلفون واجه عليهم دفعهم وصار قريب من انور _ نعم ؟ _ كلامنا ما يتكرر تجي بتكم وتفهمهم لان اذا صار شي مانخلي واحد بيكمممممممممم عايش . _ تفهمهم علي شنوووووو . دفعه انور ورجع لزمه من ياخت الدشداشه ريان : ترررروح مناااااا لا والله ادرسك بحذائي انت وبتكم الصلفة . هو حجه هيج وكلها هجمت يضربون وانور وريان يضربون بيهم وكلهم بيدهم تواثي كل وحدة شكبرها تخبلت من شفت عددهم يضربون اثنين بس اخواني رتح يرررروحون بيهاااا أخذت الماسحة وطلعت اضرب بيهم واصرخ فقدت وحرة طلعت على صوت الصراخ تضرب بيهم ويايه من بين الهوسة حسيت انرفعت من بطني ودخلت البيت اريد اضربه وانصدمت من شفته رفعت ايدي اشرت عليهم _ اخواني علي الآكبر اخواني . دخلوا حرة وسد الباب بدون ما يحجي نزل جود يغلط ويفشر وعلي الآكبر يرفع بـ انور يضرب بواحد منهم بكل قوته وريان يصيح على علي الآكبر حتى يوگف انور لان الولد راح يموت ، وجود يكتل بواحد جبير بنص الهوسة دخل عمي بيناتهم وصاح بصوت عالي واضح : علي الآكبررررررررررررر . بسّ وكف يريد يشوف ابو اجه واحد يركض شايل خشبه ضرب علي الآكبر على راسه لزمه وگع على وجهه فاقد . يتبع .. ثقل ميزانك بذكر اللّٰـه: - سُبحان اللّٰـه - الحمد للّٰـه - لا إله إلا اللّٰـه - اللّٰـه أكبر - سُبحان اللّٰـه و بحمدهِ - استغفر اللّٰـه - اللهُم صلِ على محمد وال محمد ..

هو وريان وفات عليهم انور رجع علي الآكبر يستفز بي ويسوي حركة متعاطين المخدرات وانور يربد بس يهجم وريان يهدي بالوضع دقايق وطلع هو وريان رجعت للغرفة وقفلت الباب ثواني وتذكرت حرة نزلت مستعجلة _ حرة .. بقيت اصيح بيها الحد ما فتحت الباب دخلت يمها وسهرنا نسولف غفيت وجهه الصبح فريت من سمعت صوت برا راح حرة فتحت الشباك وهيه فتحت الباب طلع جود بسرعة دار وجهه . _ السلام عليكم . _ وعليكم . _ بلا زحمة اخوي يمكم . _ اخوك ضايع ، لو احنا مستشفى، دار تايهين ؟ سكت مصدوم فتحت الشباك اريد اشوف جود ابو لسان شيسوي _ بلا زحمة اريد ريان . _ ريان لو اخوك ؟ _ اي واحد . _ وات از يور نيم ؟ هو داير وجهه مو حجت هيج ما تحمل ضحك والتفت يباوع عليهه : مثقفة واني مثقف . دُر : جووووووود . مد راسه وصاح وهو يغمز _ دُر هيلب بليزززززز . _ شواربك هيلب تعال تعال . حرة : تعرفي ؟ _ اخو زوجي . حرة : اها اوكي كُلش تمام تفضل ادخُل  . طلعت وفتحت الباب حتى يدخل وفاتت حرة وطلع ريان _ هلا بجود . _ اخابر عليك وينك . _ اخوك صار عصبي وكسر تلفوني . _ واضح حادك حود وسباك سبي . ريان : ومتحمله ، تعال فوت تعال . التفت عليه وهو يهز جتف : عدكم مثغفات اموت عليهن . دُر : بالجديد اجت . _ تضمين عليه يدُر نسيتي زيناتي . ريان : يا مثقفات ؟ دُر : ها يقصد ميمي مو جود يحب البنات من يحجون انكليزي . ريان : صار ساعة ساحل روحك سحل على ميمي ؟ جود : هاي منين خطابة بعلي اليوم اجيب ابوية وعمامي . ريان : لك كل عقلك ميمي ميمي ؟ جود : دُر هيه اسمها ميمي . دُر : اي اسمها ميمي . ريان : ميمي عجبتك ؟ جود : خطابة وحگ العباس . ريان : امشي جوة امشي الله يكمل عقلك رايدك بشغل يحتاج يا فارس بدر ونصيد . دخل هو وريان واني رجعت للمطبخ جهزت الجاي اني وميمي على السريع واخذته ودخلته دُر : المثقفة جهزت الجاي الك . جود : جاي مثقفات اويلي عليك جود . ريان : والله لو يدري علي الاكبر عينك على ميمي . جود : بالحلال على سنة الله ورسولة شنو اظل عانس . قدمت الجاي وطلعت رحت الحرة أتابع مسلسل حرة : ها راح اخو زوجج . دُر : لا بعده كاعد هو وريان يسولفون . حرة : هم يعرف يسولف ريان . دُر : قابل وحد . حرة : ذاك اليوم انور وريان صاروا عليه مطي مقابيل مطي . فززها وفززني من تحمحم وصاح _ اعتذري . _ مو عليك . _ اعتذري حرة هسة تعتذرين مني . _ ما أحبّ الاعتذارات . تقدم رفعها من ايدها لزمت ايده وصحت _ عوفها حباب مو قصدها لا تصير مثلهم بس تصيح وتضرب . حرة : نزلني عوفني . ريان : اني مخبل اكثر منهم احترمي نفسچ لا تجاوزين عليَّ . حرة : بعد ما أعيدها عوف ايدي اذيتني . ريان : اذا تتكرر اموووووتچ . حرة : عادي موتني مايهم . ريان : لا تستفزيني لا تجبريني اتصرف تصرفات مانع نفسي منها . حرة : شايف نفسك زايد عن الزووووووم . دفعها على تخم بقت تصيح سد شفايفها بيده وضغط عليهه وهو يحذرها _ صوتچ نصي صوتچ ممنوع يرتفع بالبيت . دُر : عوفهاااا شبيك . دفعها وهي شالت الريموت وضربته قريب منه رجع أعصابه تفوور يريد يضربها وكفت تنتظر يضربها رفع ايده وسحبها وهو يضرب على شفايفه _ اسكتي ولچ اسكتي . حرة : آعتذر مني ريان . ريان : اني اعتذر لوووووو انتِ . حرة : لمستني بدون رضاتي انت اعتذر ريان . دفعها يريد يطلع ركضت هي تركض وعثرت وگعت على وجهه التفت مصدوم رفعت راسها من الفشلة ما ادري من الوجع تبجي رحت اريد أشيلها ماتقبل وتمسح بدموعها . ريان : تستاهلين . دُر : ريان عضت لسانها شبيك طلع دم . تقرب منها وصاح : اوكفي يلة . حرة : اعتذر . تخوصر غضبان _ كافي ما تملين . حرة : اعتذر ريان شبيك اعتذر . عافها وطلع فقدت تلطم من القهراخذتها غسلت وجهه اريد افوت وياها ماتقبل قفلت الباب عليهه ورحت للمطبخ اسمع الباب تفلش تفلش طلع ريان ونزل انور فتحوا دفع ابوية البوب وفات من شافني دار وجهه يوسف : حتى اخجل بيج مع الآسف انتِ بنتي. دُر : مع الاسف انت ابوية . حجيتها اريد اروح وفات ريان صاح بي _ شكووو شلون عرفت العنوان . يوسف : مو صعب علينه وانور يدري ها امور سهلة . دخل يسار مركز بـ انور ويخزر بي يحاول يثير عصبيته راح ريان برا بحجة يسد الباب بس لمحته يخابر ورجع حذر يحجي وياهم وينتبه على مسدسات عدهم يوسف : اريد ياسين . ريان : مو عندي . يوسف : لعد وين . خفت ريان يحجي اسم لان مبين اكو خطه بالموضوع ريان : ما ادري روح دور على اخوك يمكن مسافر . يوسف : وبنت ياسين وين اخوانها يدورون عليهه . ريان : شيسوون بيهاااا .

سحبني من خصري عيونه على رگبتي بلع ريگ عاشق ولهان ويريد يرتوي منعته وهمست _ عفتني . _ دام اكدر اوصل الج واعرف انتي وين مرتاح انا . _ واني شلون اوصل الك . _ وحگ رجفتي وضعفي بكل مره تصيرين بين ايدي يمج انا بكل وكت لو ادري بيچ تحتاجيني اهدم اللي ماينهدم واوصل الج وافديچ بروحي . _ شلون صعدت هنا ؟ _ من الدرج . _ علي الآكبر . _ روحه لعلي الآكبر . سحبني بكل قوته من خصري وهو يبتسم يحاول يخليني ما ارتبك _ انا تعبان دُر . _ وين جنت ؟ _ تحبيني ؟ _ شبيك ؟ _ الله لا يگولها واعيش فراگج الموت ارحم . _ ليش مارديت على رسالتي . _ اتجرع السم بفراگچ انا اتعب هواي اتعب . وكفت مرتبكه وهو يحاول ما يجبرني على اي تصرف يبدر منه تنفسه سريع عيونه اكلتني ايده ترجف بس يريدني اقترب _ كشفت الحقيقية . _ ياهو حبچ بگدي . _ ماكو احد غيرك . _ اتحداهم يوصلون الربع من حبي الج انا عاشگچ . _ بس علاقتنا عقدة كل ما نقترب تتشابك اكثر . نهض صار قريب مني لمعت عيونه وتغيرت نبرة صوته _ راضي انا راضي اتجرع السم واحصل حتى لو دقيقة وياج . _ كلها رافضة علاقتنا . _ بوية انا والله ما اشوف غيرج وصلت مرحلة ما يهمني غيرج . _ راح تمل بيوم مني وتعوفني ؟ _ انتِ بنيتي ما املج بس الموت ياخذني منج . رنّ تلفونه فتح خط يمشي ولازم راسه _ ها جود . _ وينك تحوم بهل ليل جنك بنت ليل . _ رحت الدُر . _ بيك مرض . _ اسمة دُر . طلعت للحمام غسلت وجهي وطلعت شفت انور صعد اريد ارجع للغرفة صاحني : علي الآكبر هنا ؟ _ اي . _ شكوووووو بهل ليل . _ ترا زوجي . طلع علي الآكبر استند على حايد ورفع اصبعه سحبه على خشمه يقلد اهل المخدرات : ها شمه تصيح على دُر . _ شعندك هناااا ماتشوف الساعة . _ انجب انت شعليك . انور : تقبل هيج وكت اروح لأخت* لزمني علي الآكبر من ايدي وفوتني بالغرفة حتى مايتعارك مقابيلي نمت بالگاع اباوع عليهم رجع هجم ضرب انور بوكس قبل لا يكمل وانور رجع الضربة واثنينهم واحد يضرب بالثاني ما اشوف غير علي الاكبر دفر انور ونام فوكاه ورفع ايده غمه بنص وجهه وصاح : ولك جنك تريد تنغمممممم يااااااا اغممم وعلي اغمك غم يا اغممممم احوووودك حود ولك انا اسبيك سبي لااااااااا دخل روحك لا تصيح بوجهههههه . صعد ريان يشاهد من بعيد ما يدخل من كملوها عافهم ونزل بدون ماينطق حرف لزمني علي الآكبر من ايدي ورجعني للغرفة وهو يصيح : اريد اسمعه يحجي . وانور يزيد بالحجي ما ينفقص يريد يطلع وكفت على باب ارجف بهل ليل وين نولي اذا واحد بيهم صار بي شي . انور : انعل شيب الخلفووووووووك صاير رجال تضرب اطلع اشگك شگ سا** دُر : هو يستفزك لا تطلع الله يخليك بداعتي . وانور يصيح من برا . _ اطلععععععع لك اخليك عبرة والله امسح بيك الشارع اليوم . دُر : لا تسمع خيولي الله يخليك الخاطري علي الخاطري . لزمني حيل من ايدي يريد يطلع رفعني يريد يبعدني من الباب هو رفعني واني حضنته وبدون وعي طبعت بوسة على شفايفه وهمست واني ارجف خايف _ بوسني لا تطلع بوسني . ذبلت عيونه بس رجعت أبوسه اخذ شفتي وبساعتها انتهت لأصوات وكان صار حجب سمع واحساس بكلشي حضني بكل تملك ويطبع بوسات بكُل رغبة من تمادى وانور راح صوته ابتعدت وهو يلزمني _ لا لا تروحين . _ علي الآكبر . _ مستوطنة بعقله وبگلبه . حضني وهو يحاول يسيطر على نفسه ويمنع نفسه حتى يبين هو متفهم رغبتي ، ابتعد يجر النفس بصعوبة دايخ _ اريد ماي دُر . عفته ونزلت اخذت بطل ماي ورجعت للغرفة شفته طبيعي يختلف عن قبل شوية ابتسم بوجهي وهمس _ تعالي يمي . اجيت قريب منه اخذ ايدي بين ايده _ تحتاجين شي ؟ _ عادي تحجيلي شصار . _ لا دوخين نفسچ الچ الصافي. _ بس اني اريد آعرف . _ آلف شغله براسي مابيه والله . بست خده واني ادلل عليه _ كشفتوها . علي الآكبر : ابن عز الدين زين بس مايقبل يحجي شي كل ما نقترب منه يصرخ ويصيح مبين خايف . دُر : اخاف ميثاق تهدد بي . علي الآكبر: طز . دُر : والله اني ما دفعته . علي الآكبر: هههههههه تحلفين حتى اصدگ لچ اعرف بنيتي على اخوانها اللي ماشايفه منهم شي ترجف من الخوف شلون الطفل تفدي بروحها . دُر : اي والله علي الآكبر اني جنت ...... وبديت احجي كلشي بالتفصيل شصار تذكر موضوع اهلي ملامحه تغيرت ومبين عليه العصبية اقترب باس راسي مستعجل _ نامي . _ لا تروح . _ عندي شغل . _ ما اريد تبتعد عني  . _ هل ايام ترجعين رافعه راسچ واحسن منهن كلهن وعد زلمة اخلي النسوان كلها تغار منچ . حضني وباسني بوسة سريعة بخدي وراح بقيت لازمة خدي دقايق وسمعت صوته يحجي

ريان . انور لا تجاوبها اسكت دخيل الله اسكت . حرة : ليش مايجاوب؟ انور : راح اضربها راشدي اصحيها على زمانها . حط ريان ايده على راسه ما متحمل هو اكثر شي يكره الكلام حرة : اني بيت ريان مايقبل احد يضربني مو ريان . ريان : اي . حرة : هاي حركة يوسف ابوك . ريان : مو طبيعية والله . حرة : انور شنو رأيك . انور : طيب . حرة : هاي ام مصطفى علمتي اطبخها . انور : مصطفى منو ؟ ريان : حبيبها . انور : شنوووو ؟ حرة : مثل ما سمعت . انور : شو ماتستحين ديوث اني وتحجين هيج مقابيلي . رفع ايده يريد بضربها سحب ريان الكرسي مالتها وگف صار مقابيلها ريان : لا تضربها يمعود . انور : ماتسمعها . ريان : راد يخطبها عمك وإخوانها موتوا . عاف انور الاكل وهو يسب بيها ويغلط صعد فوك وريان التفت عليهه : ممنوع بعد تذكرين اسمه . _ ليش ؟ _ عيب . _ ليش عيب ؟ _ مو خطيبچ . _ راح اشتكي عليكم . حجتها وراحت للغرفة رجع عيونه على ماعونها ريان : بعدها ما اكلت شي . دُر : وجانت جوعانه . ريان : اخذي اكلها تاكل بغرفتها وتسكت حجي زايد ما اريد . اخذت ماعونها وفتت للغرفة _ ولچ شكد تحجين . حرة : علمودج اريد افتح مواضيع وياهم حتى يحجون وتشوفيهم . _ يعني انت ماتحبين تحجين هواي . حرة : تدرين اتمنى اروح مكان بعيد مابي احد واعيش وحدي بس اريد اترك ذكريات حلوة بيني وبينج لان انتِ تستاهلين ما انسى شلون عرضتي نفسج للخطر وساعدتيني احسن من امي . حضنتها واني اضحك جاوبتها _ الحمدلله تعرفت عليج ، ياربي المشاعر اكلي واسكتي عوفي هل سوالف تنزل دموعي واني عيوني تعبت من البجي. ماقبلت تاكل بس بقت تسولف على مصطفى الحد ما نامت غطيتها وطلعت بيدي اكلها مثل ما هوه شفت ريان بعده ياكل وبيده التلفون نزلت الماعون رفع عيونه عرفها ما اكلت عاف المكان ورجع للغرفة ، اجت ميمي اخذت المواعين غسلتهم واني صعدت فوك فتحت تلفوني بعده علي الآكبر ما شايف الرسالة هربت من كلشي بالنوم نمت الثاني يوم كعدت جسمي من المشاكل والصدمات مكسر تكسر ، اخذت تلفوني شفته ماكو علي الآكبر خبلني ما ترددت اكتب اله رسالة من الصبح " بعد ما تريدني عادي اذا ما تريد دُر احجي لا تخليني انتظرك " نزلت جوة شفت ريان لابس رسمي ويريد يطلع عطره كفخني نزلت شافني ونزل راسه يعدل بالساعة دُر : صباح الخير . ريان : هلو . _ خابرت علي الآكبر . _ ما يجاوب . _ اخاف صار شي بالطفل . _ رجعوا الطفل للبيت الحمدلله مابي شي . _ لعد ليش ما يجاوبني ؟ _ متعارك هوه واهله . _ جرب تخابر من شفت البارحة عمي شلون تعارك وياه لليوم والله جرعت المر مايستاهل علي الاكبر . اتصل مايجاوب بدون مايحجي بعد سد الخط وطلع من البيت رجعت للغرفة وسديت الباب ورجعت بفراشي نمت حاربت حتى انام كعدت الظهر راسي يوجعني نرزلت اكلت شوية وصعدت اسمع صوت انور يتعارك بالتلفون انور : مو شغلي راقبهااااا زين من ترجع للروضة تبلغني . عرفت المقصودة شهد دخلت علية عيوني غيمت من قهري _ بعدددددك تفتررررر وراهااااااا دمرررتها شنووو تريد من البنية لك هاي مدللة اهلها ما يرفضون الها طلب لا تلووووثها بيك . انور : اريد احجي وياها وبس ماعندي نية سوء . _ حتى لو نيتك صافية لا تقترب منها جيت حذرتك مرة الثانية وحق الله ما ارحمك وانطي علم العلي الآكبر وتعرف علي الآكبر يطم عارك طم ويحودك حووووود . انور : تطلعين لو تريدين نعيد الماااااااااضي . دُر : طالعة بس يا انور اذا اقتـ . اريد احجي صرخت من اقترب مني لزمني من طرف ملابسي وطلعني دفع شمرني على بال غرفتي ورجع وهو يسب ويغلط _ تحجي مثل كلامه صايرة تقلّد الهمجي . بقيت يوم كامل بغرفتيّ محبوسة اكل بروحي باليوم الثالث ميمي صعدت رتبت الفوك واني دخلت للحمام من طلعت اخذت عصير اريد اشرب معدتي تگلب ذبيت البطل وبقيت افتر بالبيت حتى حرةً اعتزلت ما تحجي لو تفتر مثل قبل البيت عبالك ميت رجعت للوحدة وللروتين حتى اكلي من احس راح اتخربط اضطر اكل شوية وارجع انام من دوخة التفكير باليوم الرابع اخذت تلفوني ابحث على اشياء عامة والعصير يمي اشرب واكل كيك واقرا لليل طلبت اكل تعشيت شي قليل وسحبت مخدتي حضنتها ونمت . الساعة بـ3 الفجر حسيت حركة غريبة يمي وايد باردة تنمد على خصري ، وايد ثانية تتلمس خدي وشعري فزيت مرعوبة حضني بكل قوته سيطر على حركتي وهو يهمس : هذا انا بوية دُر . بعدت روحي منه وكعدت رفعت شعري اعدل بنفسي _ لا تلزمني . _ بوية انا شوفتچ تكفيني . _ جذاب . _ اقبلها بس منج . _ ليش اجيت هااا ليش . _ التعب بيه ماينوصف بس من اشوفچ يرد حيلي يا كل حيلي .

هو يكعدني والصبح ينتظرني باب المدرسة ينطيني اكلي ويصبرني بكلامه هو جان عوض بس حتى العوض راح مات بسببهم خطبني اجه من الباب وخطبني مرة ومرتين وأربعة وعشرة وصاروا يراقبوني اني وياه و اخخخخخ دُر لو ادري ما رحت لو ادري ما طلعت . حضنتها وهيه تبجي وجهه انصبغ احمر دم تناشغ وتحضني بكُل قوتها متمسكة بيه مسحت على شعرها وهي نحجي _ اتمنى بس اروح اشوف اهل مصطفى كرهوني لو يعرفون اني مو ذنبي والله مو ذنبي دُر موتوا اهلي السبب اريد اعترف عليهم ادري بيهم خايفين ويدورون عليَّ يدرون بس تجيني فرصة اعترف عليهم كلهممم . دُر : عزا يعني مستحيل ينسون امرج . حرة : ذاك اليوم ريان يخابر وسمعته يگول يدورون عليَّ واخواني حالفين بس يعرفون مكاني واوگع بيدهم يموتوني وادري بيهم مثل ابوهم گول وفعل . دُر : انتبهي فدوة انتبهي على نفسچ بعدج صغيرة . حرة : حياتي مو مهمة وروح مصطفى تدرين المهم عندي اعترف عليهم واذكر المكان وما اخلي دم مصطفى يروح هدر اريد اعترف عليهم بس تصير عندي فرصة ادمرهم وعادي بعدين اموت واروح عنده مصطفى ينتظرني . عافتني وهيَّ تمسح دموعها وتحاول تبين نفسها طبيعية تتظاهر بالقوة بس الكسرة مبينه بعيونها وهالاتها الواضحة من السهر والكوابيس وتعب التفكير وفوضت عقلها حرة : هذولي عوفيهم اني ادبرهم . _ العناد عندج كارثي لازم تفشلين نفسج وياهم . جهزت الاكل وراحت على غرفة ريان ضحكت واني اصيح بيها _ هههههههه راحت على عقدة . اشرت بيها انتظري ودكت على باب كذا مرة ماكو جواب فتحته شفت ريان كاعد على لابتوب يشتغل رفع راسه اشر الها شكو _ تجي تاكل بالمطبخ لو اجيب لأكل هنا بغرفتك ؟ _ شنو ؟ _ اختار تجي لو انت لو نجيك احنا . _ مو حذرتكم ممنوع الباب هذا ينفتح كاعد اشتغل . _ ناكل وارجع . _ منو گال جوعان ؟ _ انت اكلت شي من الصبح الخد هسة رحت على اساس معزوم رجعت مسحول دمشي اكل لا تتخربط . _ اني اتخربط ؟ _ اي . _ شكبرني شگدي اتخرررربططططط . _ سبحان اللي ما يتخربط ربك وحد تتخربط طبيعي مو انسان . _ دروحي مني روووووحي . _ اوكي . طلعت عافت الباب مفتوح نقلت الاكل بصينية ومشت على غرفته وهو مصدوم منها ومن تصرفاتها _ يلة دُر تعالي ناكل عيني جوعانين. فاتت على غرفة وهي تضحك _ شلون سويت اكل طيب انطيني رأيك من تخلص . ريان : عجيب . تريد تنزلها اخذها من ايدها وهو يصيح _ انتظري امشي اطلعي اجي اني اجي بس اطلعي . طلعت وهو يمشي مقابيلها رجل الصينية على ميز يريد يكعد وتذكر راح وكف بصف الدرج وصاح _ انوووووور . كررها اكثر من اربع مرات سمعنا صوت الباب وصوت انور _ ها . _ تعال . _ شكو ؟ _ علي الآكبر يريدك يگول اجيت احود انور حود واسبي سبي . _ اي مو مگرم ماعندي ايد ورجل . _ انزل لعد تعارك وياه . _ اهووووووووو . رجع للغرفة شوية ونزل يدور على علي الآكبر _ وينه ؟ ريان : تعال أكلّ ويانا . _ شنو ؟ _ تعال يمعود خلصني اريد ارجع اشتغل . _ ما اريد . _ غير يجي . _ ما اريد . _ اسمع اذا ما تاكل هاي تنگ فوك راسي . _ منوو . _ بنت عمك . _ بنت عمي شكو . _ تحجي هواي خبلتني . _ اضربها توبها . _ مو اني حيوان مثلك . _ دولي انت وياهن . راد يروح حرة خلت الصمون وهمست قريب منه حرة : صيح خلي يجي ياكل مابيه احجي هواي ونعسانة اريد انام . ريان : تعاااااااااااااااااال يا نعال تعال . حرة : عفية عليك هيج اريدك . التفت عليَّ ياشر على حرة لازم نفسه ريان : دُر احجي وياهااااااا ترا بزعت لا تحجي هيج . دُر : انت تسمع كلامها قابل البنية شمسويه . ريان : تحجي هوووووووووواي . حرة : نسمع لا تصيح شبيك . ريان : عوفيني بحالي . حرة اكعد اكل وصيح اخوك حقق حلم اختك ريان : حلم اختي ؟ حرة : اجتمعوا على ميز طعام واحد شصار عليكم . كعد على ميز وراسل انور شوية ونزل بدون ما يحجي هو هم صار مقابيل ريان ياكل بدون صوت حرة : طيّب الاكل؟ دُر : يموت نفسچ طيبة بالأكل عاشت ايدچ . خلت ايدها على خدها ومالت راسها على جهة ريان _ شنو رأيك . ريان : ما ترتاح اذا ما تحجي . _ شنو رأيك ؟ ريان : اكل عادي شنو علم الذرة . _ شنو رأيك؟ ريان : مابي شي . _ شنو رايك . ريان : يخبل الواحد يمووووت اكلج طيب كلش طيب . _ الحمدلله عجبك . دارت وجهه على انور باوعت وضحكت _ شنو رأيك؟ رفع حاجبة وهو يخزرها انور : اششششششش . حرة : ريان سمعت يگول اشششش . ريان : عوفي . حرة : شسويت سألت على اكل طيب لو لا . ما جاوبها رجعت تحجي حرة : ريان احجي شي . انور : كافي . حرة : ريان انور يگول كافي .

وعمتي بس تتحسب وميثاق وريمان يمها يدلكن بيدها وبرجليها صعدت اخذت كم غرضي نزلت وصلت للمطبخ واسمع ميثاق تحجي هي وريمان : هسة يرجعون انا احجي براس سراج الدين وانتِ اكلي عقل سراج الدين اكل خليهم يصحون على زمانهم هذا علي الآكبر يوم بعد يوم يطغى اكثر . ريمان : يعني يطردوها ؟ دخلت عليهن بيدي الجنطة ابتسمت بقهر ورديت _ لا تتعذبن اني طالعة بس حسبي الله ونعم الوكيل بيچ يا ميثاق اشوف بيچ يوم انتِ واهلي . من شافتني طالعة بهتت بالبداية وبعدين استوعبت لزمتني من ملابسي وسحبتني للباب دفعتها مني وهي تصيح : يلة برررررا يلة . دُر : الدنيا دوارة ويجي يوم ادور عليچ. اريد اطلع وصلت للباب وصاحتني شهد وصوتها من البجي مبحوح عيونها صايرة حمرة دم _ دُر وين رايحة وعايفة علي الآكبر . _ اني وياه ما اتركه وطلعت لان هو طلب مني اطلع . طلعت وانور صار مقابيلها تقرب يريد ياخذ الجنطه سحبتها منه وكملت طريقي ما قبلت يساعدني وشهد بمجرد شافت وجهه طبگت الباب بكل قوتها صفن على باب لثواني هز ايده ورجع صعد بالمقدمة درت وجهي على شباك لا اني احجي ولا واحد بيهم يحجي وصلني على بيت نزلت وريان ويايه آخذ الجنطه بس انور طلع دخلت من جهة المطبخ شفت مساعدة جايبينها جديدة وحرة بصفها عصبية : ولچ ميمي موووو احجي وياج حاجيني . ريان : شكو ؟ حرة : خبلتني احجي وياها ولا عبالك شنو جايبها ماتسمع ؟ ريان : تسمع . حرة : هاك شوووف ، ميمي احجي وياج اريد تشغلين الغسالة لچ ميمي يااااااا هاي شبيها . دُر : ها شبيچ بس تتعاركين . حرة : تعالي شوفي هاي هم عرفت حظي . دُر : شبي حظچ ؟ حرة : واحد اخرس بهل بيت راح ورجع جايب مساعدة طرشه . ريان : حتى المساعدة طلعت روحها منچ . حرة : شنووووو يعني شنو قصدك . ريان : طلعت روحي من مشاكلچ وصوتج غثني غث . حرة : سمعتي حتى من ارد جواب بوجهه واخلي صدك تطلع روحن ما تحجين شفتي المعاملة السيئة بعينچ سمعتيها بإذنچ لوووو هم تغشمين نفسچ . دُر : لا حقچ ردّي براحتج اني اروح ارتاح بالغرفة. حرة : كلها تريد ترتاح سباتكم ما يخلص بزعت روحي منكم . عفتها وفتت واسمعها تتعارك هي وريان ريان : عوفيها تشتغل لا تشرد من وراج . حرة : أحجي وياها خليها تحترمني . ريان : حاجيها عدل . حرة : ميمي احجي وياج حبيبتي جاوبيني . ريان : بكيفها ماتريد تجاوب. حرة : لازم تجاوبني . ريان : هلو ميمي . ميمي : هاي بابا . حرة : لا يا ام الزلم . ريان : هههههههههههههههه . شفتها طلعت من المطبخ وهي تسب وتغلط على ميمي وتتوعد قفلت باب الاستقبال عليهه وبعدها تحجي رجعت اخذ جنطتي شفت ريان يضحك من شافني خفه ضحكته ورجع للجدية: اني داخل للغرفة ممنوع تدخلون عليه وما اريد اسمع صوت احد اشتغلوا بهدوء . رجع بغرفته مثل قبل اعتكف على نفسه اخذت ملابسي وصعدت فوك فتحت باب غرفة شفت الفراش مخربط وملابس انور على سرير عرفته هنا ينام ، بقت بس غرفة اخيره صغيرة دخلت عليهه بيها بس سرير نفر وكنتور صغير خليت أغراضي وضميت نفسي بفراشي تعبت صدك تعبت التفكير زرف راسي والله يريدني لو كرهني صدگهم لو يعرفني ما اسويها ، شلونه هسة وين هوه لا اراديا صرت افكر بي واحتل تفكيري وكلبي يوجعني بي اتذكر شصار بي ، ليش ما نرتاح ياربي ليش . بقيت بالغرفة نهار كامل بليل اسمع صوت طقطقه جوة نزلت شميت ريحة اكل طيب دخلت على مطبخ شفت حرة لمت كل شعرها وتطبخ تفتر منا وتروح هناك من شافتني ابتسمت _ ها دُر نزلتي . _ شصاير هنا . _ آسوي عشه جوعانه انتِ اكيد ؟ بقيت ساكتة وكعدت يمها ميمي تغسل بالكراج وحرة تحجي عليهه _ ولا ساعدتني هاي الحقيرة. _ عوفيها هي تتأقلم . رجعت تكمل اكل وتثرم بالسلطة حرة : روحي صيحي اخوانچ . دُر : هههههههه صدك تحجين لو تشاقين ؟ حرة : احجي بكامل قواتي العقلية . دُر : اخواني ما ياكلون سوية ولا ينلمون وهذا اهم اسباب حالتي عانيت من الوحدة نهشتني نهش ريان معتزل دائماً عايش بعالم خاص بي لا ياكل ولا يشرب ولا يطلع ولا يحجي هواي كله وحده مايحب احد يقترب منه وانور كل ما أحاول انسى الصرب والاهانة منه واقترب يأذيني اكثر وصلت وياه مرحلة اذا يدخل البيت اقفل غرفتي من الخوف اووووف شنو احجي بعد گلبي مورم منهم عوفيهم لا توصلين يمهم تعالي ناكل اني وياج احسن . حرة : اني اختلف عنج بشي اخواني وابوية يجبروني اطبخ وانظف رغم عدهم خدم وحشم بس يحبون يذلوني مرات يجبرني اغسل ملابس الخدامة تدرين ليش حتى مايصير عندي وقت ادرس بس جانّ مصطفى يحفزني اكمل شغلي واصبر وما اجادل احد واتحمل ويسهر بليل يفتح مكالمة ويدرسني ويضبط منبه