𝐎𝐫𝐚𝐥 𝐙𝐨𝐧𝐞 I 1st year (S2)
Статистикаلا تنسونا في صالح دعائكم نموت ويبقي الاثر🤍 ادعو لاخوانكم في غزه 🇵🇸 لو حد عايز حاجه يكلمني @AhMeDTaHa71 @Megz_wael90
- Последний пост
- 9 сент. 2025 г.
- Последнее чтение
- 15 авг.
- Постов за неделю
- 0
- Всего постов
- 20
- Тип
- открытый
- Язык
- арабский
- В каталоге с
- 15 авг.
- 1/24сутки в ленте
- —
- 1/48двое суток
- —
- 1/72трое суток
- —
Оценка по просмотрам недавних постов: пост набирает почти всё за первые сутки.
Посты
𝐎𝐫𝐚𝐥 𝐙𝐨𝐧𝐞 I 1st year (S2) pinned Deleted message
بس كدا ي شباب دا كل ما يخص مواد سنه تانيه في الترم الاول اتمني اني فعلا اكون افادتكم وعرفت اوصل المعلومه صح واتمني برضو تكونوا بتستفادوا مني حتي ولو جزء بسيط جدا واتمني انكم تدعولي برضو ي شباب لا تنسونا من صالح دعائكم وطبعا لو اي حد احتاج مني حاجه انا مش من النوع اللي بطنش واعلق رسايل يعني 😂 وانا برضو نزلت ليكم لينك لو حد عنده سؤال ومحرج يبعته خاص بالتوفيق ي شباب ان شاء الله ربنا يكرمكم جميعا
السادسه وهي الماده ال elective وبتكون computer science ودي والله انا مش عارف اساسا بناخدها لي بس يلا يمكن تنفعنا وللاسف كل سنه بيغيروا الدكاتره اللي بتدي الماده دي فلو جاه عليكم د عيسي صبري قولولي انزلكم تتعاملوا ازاي
الماده الخامسه هي الميكروبيولوجي مع انها عليها ساعتين بس هي فعلا من اغتت المواد لان محتواها ضخم اووي بصراحه الماده بتتكلم عن الباكتريا والفيروسات والفطريات بتقسيمات كل دا واي الاعراض اللي ممكن تسببها الباكتريا او الفيروس واي العلاج بتاعها وبرضو هتاخدوا في الترم الاول المناعه اللي كنتم واخدينها في ثانويه عامه بس طبعا بتوسع رهييييب الكويزات والميد بيكونوا mcq والصراحه لما بيرخموا في الmcq بتبقي الاسئله رخمه جدا جدا جدا محتاجه حل كتيير وكمان محتاجه مذاكره كويسه جدا بالنسبه للفاينل ففي سنتنا جاه كله ريتن ودي بتبقي الصراحه حاجه صعبه اووي فعلشان كدا ذاكروا اول باول بالله عليكم واحفظوا الماده ريتن زي الماتريال كدا وبرضوا لما تيجوا تمتحنوا قولولي ابعتلكم اسئله ان شاء الله فكروني بس بالنسبه بقي للعملي فهو بيكون سكاشن والصراحه ممكن السكاشن تكون رخمه شوويه زدا مش مهم المهم ان فيه مراجعه في اخر الترم علي العملي هو pdf واحد احفظوه زي اسمكم وامتحان العملي هييجي منه كله بصمجه وان شاء الله تكون ال20 درجه مضمونه بسكدا ادي الميكروو
الماده الرابعه الا وهي الفارما اللي مسؤول عنكم هي د شيماء محمد الدكتوره دي لو فضلت اتكلم من هنا لحد بكرا مش هوفيها حقها من الناس السهله اللينه اللي فعلا تستحق كل خير معني الماده هي عم الادويه والعقاقير واكيد انتم فاهمين بقي بتتكلم عن العلاج اللي بناخده ازاي بيشتغل في الجسم ازاي بنتخلص منه بنستخدم العلاج في اي مينفعش ناخده امتي اي الside effects بتاعت العلاج وهكذا بقي هتلاقو في بدايه الامر ان الماده رخمه اووي اووي اووي بس بعد كدا هتلاقوا الدنيا زي الفل ان شاء الله المهم ذاكروا اول باول واحفظوا بس الادويه اللي تقولهالكم د شيماء او الدكاتره اللي بيشرحوا العملي بتاعها بيكون عباره عن شرح عملي بقي للادويه والسكاشن بتاعتها كويسه بصراحه ذاكروها اول باول المهم هي مش صعبه اوي ومعظم دفعتنا كان مراكمها بس الافضل كل حاجه اول باول الكويزات والامتحانات بتاعت د شيماء حاجه في منتهي الجمال والروعه ابقوا ابعتولي بس قبل كل كويز وانا هظبطكم ان شاء الله وهديكم اسئله هتساعدكم كتتتتتتير ومعظم امتحاناتها اونلاين علي ميكروسوفت المهم بس فكروني قبل الكويزات وقبل امتحان العملي بسكدا اعتقد دي كل حاجه تخص الفارما
الماده التالته هي الباثولوجي ومعناها علم الامراض وبتتكلم عن الmechanism اللي بيعمله المرض في الجسم وهكذا بقي هي يعتبر من ابسط المواد كمحتوي بس غداره غداره غداره لان المحتوي صغير فبيركزه علي الحاجات اللي بين السطور فركزوا كويس جدا وانتم بتذاكروا الامتحانات زي ما قولت عايزه حد مذاكر كويس جدا جدا وفاهم الماده كويس جدا بس وتتقفل عادي بس لو ذاكرتوها بضمير العملي بقي ي شباب هو بيكون عباره عن اسلايدات وبنتعرف عليها وبتبقي موجوده في اخر الكتاب بيجيبوا 10 اسلايدات كل اسلايد بدرجتين ودي بتيجي كلها بصمجه حاولو تضمنوا ال 20 درجه دول بالنسبه للسكاشن فالسكاشن ما هي الا عباره عن التعليق علي كل اسلايد كدا سريعا وعموما هي من اسهل امتحانات العملي تقريبا في سنه تانيه بسكدا كل ما يخص الباثو
الماده التانيه هي البايوماتريال اولا الدكتور اللي اتمني انه يديكم هو د ضياء د ضياء من افضل الناس اللي ممكن تتعاملوا معاهم في الكليه فاوعي اوعي تزعلوه اوعي لانه بيسهل الماده عليكم وفعلا الماده رخمه وتقيله فان زعلتوه قابلوا بقي هيحط عليكم بجد وحقه فالالتزام الالتزااام تاني حاجه اي هي البايوماتريال هي عباره عن انكم بتدرسوا المواد اللي بنستعملها في طب الاسنان زي الحشوات زي التركيبات وهكذا واي الخصائص الفيزيائيه والميكانيكيه بتاعتها ولو زادت الخصائص دي هتعمل اي قلت هتعمل اي وهكذا بقي بالنسبه لطريقه المذاكره فاحفظوا بورات د ضياء عن ظهر قلب احفظوها احفظوها صم وركزوا علي اللي بيقوله في المحاضره علشان بيجيبها في الكويزات والفاينل د ضياء بيجيب كل كويزاته طوال السنه ريتن فقط الفاينل ممكن يجيب mcq بس بيبقي سهل جدا بتبقي من البورات بتاعته بيبقي حاذف كلمه ويجيب الجمله زي ما هي الmcq سهل جدا جدا جدا النصيحه بتاعتلي ليكم ذاكروا ريتن كويس من اول السنه ذاكروا ريتن كويس من اول السنه ذاكروا ريتن كويس من اول السنه ذاكروا ريتن كويس من اول السنه العملي بقي السكاشن بتبقي تطبيق علي النظري وبتبقي مراجعه للكلام اللي اتقال مش اكتر وفيه بعض الزيادات ود ضياء لو محبش يرخم عليكم في امتحان العملي هيجيب من بوراته امتحان العملي لو كنتم محترمين معاه رخمتوا عليه لا تلومن الا انفسكم بقي لان اساسا والله العظيم الماده دي رخمه مووووت والعملي رخم موووووووت الماده مش بنحتاج فيها ادوات ولا حتي بالطوا بسكدا اعتقد قولت كل حاجه في الماده
اولا الاورال هستولوجي الماده دي تبع قسم الاورال بايولوجي يعني اللي هييجي يشرحلكم د داليا اسماء سري اسماء احمد اميمه الدكاتره اللي في القسم يعني واكيد كلكم عارفينهم الماده دي اصعب من الدينتشن بكتتتتتير بصراحه وعايزه مذاكره شديده مش زي الدينتشن تتلم في يومين يعني كدا لازم تتلم اول باول وتتذاكر اول باول وكمان هي ماده فهم يعني لازم تفهموا كويس جدا جدا جدا والماده بتتكلم عن الhistology الخاص بينا احنا كاسنان واكيد باين من اسمها بالنسبه للامتحانات الامتحانات بصراحه مش سهله لازم مذاكره لازم لازم والقسم عموما بيحب اسئله الريتن فلازم تذاكروا وتفهموا وتحفظوا 😂 ويا شباب ركزوا في السكاشن كويس جدا جدا جدا لان السكاشن هتوضحلك حاجات مكنتش فاهمها وطبعا علشان تفهم اللي في السكشن لازم تذاكر اول باول وابقوا ذاكرو بالرسومات اللي موجوده سواء اللي موجوده في كتاب العملي او اللي موجوده في الpdfs اللي بيبعتوها الدكاتره بالنسبه للعملي بتاعها فالسكاشن عباره عن رسومات بنرسمها واسلايدات بنشوفها في اخر السكشن وذاكروا الرسومات اول باول وطبعا معاها الاسلايدات الادوات اللي هتحتاجوها هي اسكتش رسم ➕قلم هيستولوجي بيبقي نصه ازرق ونصه احمر بس كدا امتحان العملي عباره عن انهم هيقولولكم ارسموا رسمه او اتنين من اللي درستوهم في الترم ➕ هيوروكم اسلايدات علي البورد زي اسلايدات الهيستولوجي كدا بس الفرق ان اللي هيبصمج الاسلايدات هيتشلوح لان الدكاتره بيجيبوها فهم اينعم بييجي بصمجه بس في الترم الاول هندنا اللي اهان الدفعه هو العملي فافهموا الاسلايدات بس كدا اعتقد قولت كل حاجه عن الاورال هستولوجي
دي ي شباب مواد سنه تانيه والمواد اللي بتفتحها 🔷Oral histology 1➡️ Dentition 2➕Histology 2 🔷Pharmacology 1➡️physiology 2 🔷Pathology 1➡️ physiology 2➕Histology 2 🔷Biomaterial 1➡️ملهاش ماده بتفتحها 🔷Microbiology 1➡️ ملهاش ماده بتفتحها 🔷Computer science ➡️ ماده elective
بصو ي شباب عندكم في سنه تانيه الترم الاول 6 مواد ب16 ساعه كل المواد ب3 ساعات ماعدا ال computer science وال microbiology فيه 3 مواد من بشري اللي هما Pathology Pharmacology Microbiology وفيه مادتين من اسنان Oral histology Biomaterial وماده elective Computer science دي تعريفه بسيطه عن المواد
دا ي شباب كل ما يخص مواد سنه تانيه ان شاء الله ⬇️⬇️⬇️⬇️⬇️
🚨
🚨
🚨
🚨
𝐎𝐫𝐚𝐥 𝐙𝐨𝐧𝐞 I 1st year (S2) pinned Deleted message
ده بنسبة لل respiratory
2 part بتاعت ال crash course
https://youtube.com/playlist?list=PLsnqicNue3FnmIwUsz0ia_xldS18fZ6US&si=YflbbVtYhHvlaHD_
انما اجزء الاول مشروح هنا