رزان

‏طبيعي غياب بعض الناس خيرة ‏ولكن غيبتك دمع وحرايق ‏يجي وصلك واحس العمر ديرة ‏بها عيني تشوفك هالخلايق

‏حنّيت ؟ لا والله إلا بقلبي ‏من العتب ما يملي عيونك دموع ‏لوّك تحسّ شوي ما كان غُلبي ‏سارق هنا بالي من سنين وأسبوع

‏قديمك يالجديد إن مرّ : تجفاني ‏وتقصر خطوتك وتزيد بأحزاني ‏تمثل كل مرّة إني الأبقى ‏وتفضح كذبتك يوم يتعدّاني ‏أنا ما جيت من كيفي إلى حدودك ‏أنا عابر فراق وجيت تنصاني ‏شكيته واشتكى لك جرحي الأول ‏وكلٍ إرتكى همّه على الثاني ‏أغض الطرف عن اسمه وانا أعرفه ‏مثل ما الله عطاك إياه أعطاني ‏تميل لضحكته وتغرّب وجودي ‏وانا احسبك تبيع الدنيا من شاني ‏كذب أثر المحبة من طرف قلبك ‏وقلبي اليوم قسّيته وقسّاني ‏جزاك البُعد عن تقصيرك وجورك ‏ولا يمكن بعد بُعدي بتنساني .

‏نعم ناسيك ‏ولو بتزيد أسألتك ؟ ‏بجرّح قلبك وأشقيك ‏أنا ماني على خبرك ‏أطير إن مرّني طاريك ‏زرعت القسوة بسنيني ‏وهذا هو حصاد ايديك .

أتنفّس ريحة الأرض وأدوّر من وراها راحة النفس الحزينة يا مطر إهطل على راسي وسوّر فرحتي جايز تصالحني المدينة لي عمر واحلامي بعيني تثوّر دمعةٍ كل ما أداريها .. تدينه وش ورى صمتي ؟ وكل كلمة تعوّر وش ورى صوتي ؟ وجرحي خابرينه يا مطر والجاي ما ظنّي ينوّر ظلمةٍ بالقلب من قسوة سنينه

‏على وعدك حضرت بشارع الصدفة : ‏معي جرح وثلاث سنين ماطابت ! ‏هنا كل صوت أعرفه صرت ما اعرفه : ‏تغيّر كل شيّ .. وْ حبّك الثابت !

‏مكانك سرّ ‏لاني راضي أتقدّم ‏ولا أتأخر أبيك تمرّ ‏أبيك تشوف من حبّك ‏وهو متشاغل بحبك ‏وهايم في أرض ذكراك ‏يفتّش عنّك في وجهه ‏يفتّش عنّك في صوته ‏ويصدمه الغياب المُرّ ‏تماديت وغرورك فاز ‏صرت لرغبتك منحاز ‏تحب الوحدة في وجودي ‏وتشرق خارج حدودي ‏تقول إني معاد أكفيك ‏وتبدأ سيرة التشكيك ‏يا مُسهب في تفاصيلك ‏وش غيّرك للإيجاز ؟

يا بهجة العمر وش أيامنا دونك ؟ ‏واللطف ياخذ من أوصافك ومن لينك ‏القلب قلبك وتشرق من سما جفونك ‏شمسٍ تحط الليالي في كنف عينك

‏أنا فيني بقايا خوف ‏ودمع لضحكتك ملهوف ‏ودنيا كل ما فيها ‏حزن ودّه تجي وتشوف : ‏معك جرحي تخطّيته ‏وصنت رضاي ، داريته ‏لكن وش حصل منّي ؟ ‏عوايد قلبي لا أعطيته ‏يخاف ويكسر أحبابه ‏يشوف الناس تتشابه ‏مع إنه داري بقلبك ‏مُحال يضرّ بغيابه

‏وجهٍ ليا منّي تذرّيت به غاب ‏ووجهٍ قبل يرتّد صوتي لفاني

‏ما شان طبع الزمن لُو شانت أطباعك ‏باقي لي ربوع تحفظ خطوة المسرى

‏ما طاحت الدمعة عبث ‏ما طاحت إلا من ضياع ‏يا حزن فيني كم لبث ‏ما شفت لك غيري شراع ؟

‏إلتقيتك " كلمة بعرض السوالف " ‏وإبتديتك عمر بعيوني مقيل ‏يا زمن طوّل كثر ما احنا نتخالف ‏جيّتك شمسٍ وخطوة قلبي ليل ‏هات وجهك قبل ما صبري يوالف ‏نيّة النسيان والهم الطويل

تسكّر باب لكن للفرج أبواب ‏يزيّنها .. لنا الله من بعد مدّة ‏أنا أدري طالت وكلٍ تعب وإرتاب ‏وأنا أدري إن الفرح مقبل بعد شدّة

لا تجيب لي طاري خلص قول اني ضيّعت الفُرص وانه ولا شيٍ نقص عايش هواك ودنيتك ! إكذب وزدها لا تخاف اثنينا زدنا الخلاف كابرت في جرحك وانا اقفيت .. وخلفي خطوتك ! ياما حلا بعيني خطاك اثقل واقول الله معاك عاملتني بلطف وسعة وانا سعيت .. لقسوتك ! ماعاد ينفع الاعتذار الجهل ماله إنتصار لا عبتك وكلّي ثقة ما كنت اظنها لعبتك !

إسهر وشوف الليل تغريبة الروح وإشعل فتيل الذاكرة يمكن تعيش جرّب من النسيان تستدرج البوح يمكن تفك شبّاك حلمك على : ليش ليش إنتظرت وكان لك قدرة تروح ؟ وليش إنتصر ظلمك وماعاد لك ريش ؟ جايز جهَلْك فـ بعض الأوقات مسموح لكن هِنا في وحدتك لازم تطيش إجمع شتات الأمر من ضيم وجروح ولا عاد ترضى يكسرك بعض تهميش ترى الشجر ما ينحني بكثرة النوح يوم الرياح تعلمه لذّة العيش

لاح السفر والصيف بانت مواريه ‏والله على الفرقى يعين ويقوّي ‏بأعيش في تيه إلتحف تيهٍ وتيه ‏ويسفر ظلامك ما إنجلى فيه ضوّي ‏أدمّ سيل الذاكرة ، تنبت وجيه ‏مافيها منهو يشبهك وإنت جوّي ‏يا حظ من عينه تشوفك وترويه ‏وأنا هِنا بين الضعف والتقوّي ‏ ‏رح بالسلامة يا عسى دربٍ تجيه ‏يعلمك في غيبتك وش أسوّي ؟ ‏أرقب مكانك وأحتري رجعتك فيه ‏وأخايلك طيفٍ هزيل ومذوّي

هدا بالي أكيد وما هدا بالك بعد ما قلبي بقربك فقد صبره تحمّلتك سنين وفاض غربالك وأنا ملّيت من صوتي وهو يشره تسمّعني كلام ولكن أفعالك توجّهني الى وجه الجفا مُكره أبدّي ضحكتك وتزيد بإهمالك عسى دربٍ مشيته أخذ بأجره حبيبي أو حبيب الغير وش حالك ؟ وأنا راحل ماعاد تشوفني بكرة محد يقدر يعوّض بعدي آمالك خسارة والخسارة تُورد الحسرة

جيتك وثقل الأرض من حولي ظلال ‏يمشي معي كنّي خليلٍ وخلّه ‏ما يرفعه عن خطوتي كود منزال ‏ألقى به عيونك نجوم وأهلّه ‏وجهك ليا منّه تبسّم على الحال ‏ينشر على وجهي شموسه وظلّه ‏ألوذ بك عن سيرة القيل والقال ‏ما إنت بسراب إن جيت له غاب كلّه ‏ثابت مثل جذعٍ تفرّع بي وطال ‏ما يلحقك شكٍ ولا فيك ذِلّة ‏قلبٍ عليك من الرضى لو ما مال ‏جعله بأقاصي الحزن يلقى محلّه

لا تساومني على فراقك ترى : ‏مايهمْ تروح او تبقى معاي ! ‏كل ماشدّيت يدّيني ورى : ‏أدفعك وتصير بايامك وراي ! ‏خاين وجرحك بـ صدري مابرى : ‏لا بغيت انسى تماديت بعناي ! ‏ايه كنت احْسبك لأحزاني ذرى : ‏كنت اعاندهم واطيّرك بسماي ! ‏كنت بعيوني وما غيرك أرى : ‏قافل الدنيا عليّ / صوتك مداي ! ‏منهو اللي باع فينا واشترا ؟! ‏ياحبيبي ليه تفرح في بكاي ؟! ‏لك تركت الشوق وحدود الكرى : ‏حالفٍ إلّا احسسك بـ جفاي ! ‏وكل ما وجهك على بالي طرى : ‏اكتشفت ان غلطتي كانت هواي !