الشاعر عباس القلعاوي

https://youtu.be/N9hR9YDFelI?si=vkpy-7gp-jBuwdNx

#استشهاد_النبي_الاكرم #ابا_الزهراء_مُحمد_ص فراك ابونه الليله بعد ياهو اشكيله يبو حسين . يبو حسين ———————-*———-*——- انه امه وانه ام البيت عگده بضريح انحليت يا موت عدنه شخليت ماخذ محاچي الديووان موت الگطع رزق الگاع جانت تخضر نعناع مكسور من عدنه اشراع حشمت وين العربان يابو الحسن راح الصوت سم الغدر صار الموت ماصدگت بالتابوت موعد وفاتك قد حان حيل فاطم حيله راح اليعدل الميله يبو حسين . يبو حسين ———-*————-*——————— يفراگه ماراح يهون اتحمل الغيبه شلون فراگ الابو يطيّح عيون مهدوم ركن من الدين راح وترك بس ذكراه اتمنيت اموتن وياه بالموت كلي شدلاه يابو الحسن تعمه العين يروحون من عدنه احباب راح الحَرگ يدنه الباب وللشام زينب تنجاب ومعلگ برمحه حسين يضل عاري ياهو يشيله حته الحجر يبجيله يبو حسين . يبو حسين ————*————-*——————— بجفه الكرم جان هواي بيده النهر بيده الماي يفرض الراي اعله الراي بكيفه الشمس من تندار راس الهرم راس البير من جفه مرزوق الطير ضيف اليجيه جان يحير من الهلا يضل محتار خَف الحمل عل ميزان يغطّي بعباته البردان تطلع هله من الذرعان ملگاه چن موگد حار ضيف الاجه ويخطيله من ابعيد ويحييله يبو حسين . يبو حسين —————-*———-*——————— للحرب من يدخل حيد عنده المعارگ جن عيد طگاته بالــروس تبيد مو مثل ربع الشيخان بالمعرگة نفس الحيل يابو الحسن گمره بليل طگاتكم تجوي الخيل اشجع مقاتل ينهان غزوة احُد شَد بالجيش طير وبقه بلايه الريش هنياله الهناك يعيش واحدهم بلا دفان متعب حوافر خيله يسحكن عله اليدنيله يبو حسين . يبو حسين ————*———-*—————— عباس سلمان القلعاوي

https://youtu.be/RlBoPP-a_1c?si=pIv9kl5hfS_Pvt0q

https://youtu.be/AtGNzW65q9I?si=FE4V7GAZhpiXKPEV

#المشاية_المقدسة #اكاديمي من البيشه نطلع سوه رايه بفرد راي مقصدنه واضح تره نسحگ على الماي حُب العقيدة اجتمع . خل يسمع الماسمع من البيشه نطلع سوه رايه بفرد راي ……………………………. من البيشه نمشي لحد النهاية بذراع اليزور تـرف الـروايـة دربك يلحسين اجمل حكاية الدول والناس هواي الكـرم منـك مـولاي مشي من اقصى البحر لجل النحر ننطيه ماي دربك سهل مُمتنع لجل المُغفل شما نتعب بهلدرب نعتبره يسهل بدربك نشوف الورع . خل يسمع الماسمع من البيشه نطلع سوه رايه بفرد راي …………………………… الزاير يجيلك من اقصى الحدود يتمنى يمك يضل طوله ممدود يبقى بضريحك مايقبل يعوود هلا بزاير حسين تصيح معزبك وين المعازيب اعلى الدرب مثل الجفن فوك العين يحطونه وسط الگلب كلمن مشه يزور تشبــع ثــواب السنة المـوتـه البلگبور جفهم كرامه نزرع . خل يسمع الماسمع من البيشه نطلع سوه رايه بفرد راي ………………………………….. خطوتنه تبدي من خطوة الميل شما نتعب وياك يستعدل الحيل متهمنه الاوقات ضهريه لو ليل الشمس فوگ الزوار وي جفك من تندار عذب وتفيي الگصد طيحة رماد اعله النار كل طائفه بهلفلك يمك محلهه ماكو فرق باليجي تحسبهه كلهه دينك علينه انشرع . خل يسمع الماسمع من البيشه نطلع سوه رايه بفرد راي …………………………….. شباجك يفـــوح روائح مُهيبه شما تشهگ انفاس تصبح قريبه جـــــنة ارضٰــــنا جـــنه عجيبه اليطب ويريد يتوب ضريحك احلا البوب تمدله ايدك بالهلا ومايرجع بنفس الثوب توبة عبد حر واجه مدنگ الهام اغلط واجي سيدي مثل العام گلبي بمحبته انقرع . خل يسمع الماسمع من البيشه نطلع سوه رايه بفرد راي ……………………………. #عباس_سلمان_القلعاوي

#نزال_للمشاية مشايه الولينه . متعنين اجينه گلوب اتسابگ ارواح - متعنين اجينه …………………………………… تلتم الخدم لحسين وكلمن يطرح افكاره شيال اللوه گدام وابو الرايه على اكتاره مشي لأخر العمر على تراب على الجمر والايدين ترد سمر . فدوه نطرها ادروب الفله ونزلزلها كربله نطب باجمل قافله . نخوه للغالي يرخص كل گلب ما حابه اعله اخيرك جايبه اليشوفك حاجبه . يبعد عيوني ماعدنه كل اشكال من نتعبلك تعبنه نذبلك نحبه نگلك . يبعد عيوني طرينه الصحاري - بلا ماي البراري خله الايم ايلوم - متعنين اجينه …………………………………… صحبتنه تضل مقياس نمشيها بدرب واحد گلب شابگ گلب للدوم هيچ حسينه رايد ولا شفنه كل خطه درب ما بيه البطه المعازيب عين وغطه . گربه درب بيه معنى الزلم من ابو فاضل العزم التعب هذا جن حلم . دربه نتناسه اهلنا جن مشينه البيتنه يكلشي انطيتنه علگ شديتنه . اعله جف عباسك جف اعله جف حطينه من اديارنه ابتده مشوارنه زلم تلگانه . اعله جف عباسك دربك من مشيناه . صحنه الله الله بيه شفنه العجايب . خضارك من سحكناه …………………………………… صاحت كربله يشرفون خدامك يبو سكينه من ذي قار اليطلعون اهلاً باليمر بينه مِن البصره الكربله العماره اهل الهله والاهواز المرجله . همّه الشمال انگلب حزن على حسين يدگ يون كلف بيهم ورزن . دمه من الكوت اليطلعون كلهم غيره اطلبو من خيره يعطر الديره . يماي الوادم بغداد اجو والتعب بان ارسومهم حلاة اهدومهم يخبل لونهم . يماي الوادم الحله معزبه للناس . تنطي مراد عباس بزاير من يمروون . جنهم فوگه حراس …………………………………… شما نسمع عزه اعله حسين نتعناله باللهفه اليطب المجلس الزهراء كل امراض بيه تشفه ابتدينه بواحد صفر الى نقطة النحر وي الحسين احلا سفر . جنه شكو مجلس نحضره وتجي ويانه الطاهره العفو عند المقدره . گلنه كلمن بجه اعله حسين بيده مراده وتكثر زاده تقل حسّاده . ملك بمجانه الخادم ملك والتاج من حسينه التهل ليه عينه يحلي سنينه . ملك بمجانه اليخدم بس للحسين . ماتغفاله ابد عين العمره يعيشه دمعات . تسجدله السلاطين …………………………………… عباس سلمان القلعاوي

#لسان_حال_مولاي_السجاد #دفن_الاجساد_الشريفه وبكربله بلا هدم مدفون واليهه ______ جثه بقت ع الرمل وحسين ميت عطش وبلا دفن ع الارض والشمس تاكل بيهه مصلوب ضل ع الثره مت عيني روحه انتهت وعيونه ذبلت ورد وينه الفزع للجثث وبماي خل يحيهه معصوم ضل بالشمس . مگطوع منه النفس وبحاله محد يحس . والنخوه شروه اشريها _______ عمي بقه بلا غسل مضروبه هامه بعمد العباس ذاك الكلف مگطوع جفينه تعبني حيل الدفن صاير وذر ع الارض وعيونه دم انزفت چي نزف دم احسينه بعيونه ماي الخيم . مت عيني طاح العلم ترضوهه يهل الشيم . جربتنه مارد بيها ____ نازف لحد العظم مت عيني الاكبر زغر والهوى يلچم جسد متعمد يلجمه ماصايره يلعرب صدره ع ظهره انگلب والجسد دامي الجسد وبالرمح يابس دمه ياخوي يابرزتي . ملچوم يا هيبتي حط جسمك بركبتي . عيونه الشماته اعميها ____ ياخوي يزغر ولد عمرك رمح بالمهد بعدك زغير الذبح ماشالتك حصيره بعدك رضيع برمح طولك گصر بالذبح گبرك اقل من متر يمصيبتك چبيره يزغير بزرة هلي . عگبك يضل ياهو الي عگبك عبد چا شلي . الدنيه علموده افنيها ____ #عباس_القلعاوي #نسآلكم_الدعاء

#مولايَ_الحُسينّ_عِنَدماْ_فَقد #الشريان_الابهر_وهوَ_علي_الاكبر يلمتعب گلب ابوك ……………………………………………. رد عدل والماي اجيبه عدنه بير بصف الاخيم ركضت المحروك جدمه الطاست الماي يتولم شباقي من جسمك يلكبر بكل كتر يتنازف الدم وليه بس الوليه شنهي بالطف الماي يتحزم ياچبير وماتلمك فاتحه هدلن عيوني بكثر ماطايحه يلمتعب گلبي بس ماجارحه يلميبس گلبي دم عيونك عميانه . كاسر مكفانه يمخلي سكينه . بالطف عطشانه يلمتعب گلب ابوك ……………………………………………. انه اول مره اعاتب مامعاتب كبل الاكبر هسه كلي شلون المك شنهي بيك الماتطشر وذره وذره ابين الاخيم لملميتك وانه افتر اللجمه البكلبي شكبرهه تكبر شما انتَ تكثر عـين ويطيحلهه فـص يا روحـتك حسين عايش بس عله الله وشوفتك مـوتـّت گـلبي يـبـويـه بـموّتـك ارداني بللها الدمع دمعاتي بعيني . اشِرب ورويني اگعد كَدامي . خاطر تحييني يلمتعب گلب ابوك ……………………………………………. بويه ماضل شي واگوله عميه عيني الماتردك كون توكف حتى اشوفك واشتم بشمام خدك انه حسبالي يلكبر ابقى اشوفن ولد ولدك تالي ماخليت ذكره اعله الارمل ارسم واشبكك راسمك واشهك تراب الجايسه الخيل حته بصف مجانك دايسه ورمت رجليهه كد مارافسه فوگ صدرك يلجبير تعبني فراگك . شيحرك ساگك موتك مايرحم . غافلني وباگك ……………………………………………. ياعيالي ويابزرتي علي الاكبر راح منكم شلون فوك متونه حافر وهيه جلمه تعور اخيكم شلته طاح من الحصيره وجبته نص من جسمه الكم صاحو من بعيد كلهم سيوفنه الكتلت ابنكم الخوف تارس گلب كل الطايفه علي الاكبر بيها اظن السالفه علي ماميت گبل ماشايفه شلون مات وانه حي لمولي وليدي . دم گلبي وحيدي ياكبرت عيني . الرايح من ايدي يلمتعب گلب ابوك ……………………………………………. يـله كومـن يـا بنـاتي قللن مـن الصـوايـح الليل لو جلجل علينه يزوّد بضيم الفواتح واحنه واحد جر الاخر موته كلها وبس نوايح انه بعد شويه اموتن وهذا الاكبر هسه طايح گلوبنه اعليك شيطيب اعروگهه وباچر بزينب يدوهن سوگهه والرمح لو وكع يوكع فوكهه وغاد تبقى محيره كلچن يسبوچن . برمحي يطگوچن ترچيه وشوغه . راح يسلبوچن يلمتعب گلب ابوك ……………………………………………. عباس القـــلعـاوي

منهاج محرم الحرام ١٤٤٦ هـ #لمولاي_القاسم ع الكوم الكوم ياجسام رد بيهه وخل الخيل تشمر منهه راعيهه ____ يرگب مهرته بلا سرج من يغير خيال واللجام الفرس ماهده للمشرعه الداخل شبل من حسين والماي والعباس يبس عرجه عريس الطف شال الكاع وفطرهه بجدمه النشمي انه ابن الحسن معروف وماخذ من غيرة عمي الكوم الكوم ياجسام رد بيهه وخل الخيل تشمر منهه راعيهه _______ ابن اخو العباس لو طب للجيش مثل المعزب من يعزب ضيفه ملاكيهم من عيونه عاميهه الكوم وبروسهم بالسيف ماخذ حيفه حرَوره من حرورة عباس ومن حيدر ماخذ حيله القاسم لو طب وسط الجيش كل الطف يوكف ميله الكوم الكوم ياجسام رد بيهه وخل الخيل تشمر منهه راعيهه _ طراكاته حنه وامه الي تشاهد بيه كالتله فدوه الحنه عندي هوايه بس كونك تردلي عدل ياجسام ملبوس عرسك شاريٓته شرايه جماغ الساده لف الخيل وعضمه بعضمه لفاهه الخيل البردت من الخوف فوك شموس خلاهه الكوم الكوم ياجسام رد بيهه وخل الخيل تشمر منهه راعيهه __ لمن جهبهه الكوم حارت بالروح هنيال روحه العنده گبر يطمه خابط مناخ الطف ضوه يشِرق نور بس دربه يضوي الباقي صاير ضلمه كله العين عمي حسين فدوه الروح اله كلهه اخربط خيطهه من الراس وانوب ارجع اغزلهه الكوم الكوم ياجسام رد بيهه وخل الخيل تشمر منهه راعيهه ___ #تمت #عباس_القلعاوي

#الانصار #الليله_السادسه لو رفرف العلم - طبوها اهل شيم نسوي الجفافي غيم - ونطفي بالخيم ------*-------------*-------- نخلي حد للماله حد بكاعنه جفوفنه بيوم الطفوف اسلاحنه مفرفح وي الهوه دوم اشراعنه يموت واكف من صدمته الشافنه كاع الطف انسامت واشترينه بس حشمنه…

#الانصار #الليله_السادسه لو رفرف العلم - طبوها اهل شيم نسوي الجفافي غيم - ونطفي بالخيم ------*-------------*-------- نخلي حد للماله حد بكاعنه جفوفنه بيوم الطفوف اسلاحنه مفرفح وي الهوه دوم اشراعنه يموت واكف من صدمته الشافنه كاع الطف انسامت واشترينه بس حشمنه ابو عبدالله اجينه نطب للموت غيره ونخوه بينه اكبار وبالعرك متعلمه ادينه سحگنه ع الرگب - نطب عركت عرب السيف العد حبيب - بركبهم شطب ---------*-------------*-------- ثار ناخذ وينه الي يلاوينه نصير اصبع كلنه نشلع عينه اليوم كاع الطف شلون تشيلنه ثكال مــن ازغيرنه لجبيرنه تشرد كربله من نشد عمايم مابينه اليرد لحسين سالم نرد ومثلمه عدنه الصوارم واحدنه عله موته يفوت عازم انصار الموزمه - ونهوه الملحمه نستنگي الثكال - نترسهه دمه -------------*-----------*------ عابس اسمر لون بس يا لونه جان شذره يدلي اليتيهونه الظلمه تاخذ من ظلام عيونه والمعارك تشهد اعله فنونه ضلام يطشهه يعميهه بضلامه صايود وتجي الحضنه الحمامه عابس شامه ماترهمله شامه هلا بالمات وبوجهه ابتسامه يشكك بالثياب - طلع احلا الشباب عكس الموته صار - يسد حلك التراب -----------*-----------*---------- شد برير اعله المعاره بزوده ياحلات السيف بين زنوده نحسبه مات اليوصل اعله حدوده سيفه حار وطگته مشدوده يهد غاضب عليها شلون هده عماهه عيونهم من لحم زنده اليكابل سيفه من الكفه يحده الطف كله بمرامه بجفه رده يشبه ذو الفقار - بطكاته شرار حطب دله يصير - يزود العركه نار ---------------*-----------*---- #عباس_سلمان_القلعاوي

#شجاعة #مولانا_مسلم_ابن_عقيل ع هلا بزودك هلا بزودك . تخلي الگوفه بزنودك …………………………….. يقائدها - تدك حدها -بثوايها تحط تراويهه - تطب ليهه - زلمه نشمي ونشط تكابلهه - وتشمرهه -تكض حته اليغط تفر -الكفو بسيفك تفر الفجر - تجر خيط الفجر كفو الساده - تجر قاده - وتخليهه تشط تراويهه تروايهه . غضب عينك تراويهه ……………………………. دمه اترسهه - نگطع حسهه - تلالي طگتك الگرب يمك - صرخ بسمك - دخيل اعمامتك منو بكدك - عبر حدك - نشامه الربتك الزعل - الك لاك الزعل الجبل - بمقاييس الجبل على حدودك - عبر زودك - شحلاها وكفتك الهوى العالي الهوى العالي . يدنگله الهوى العالي …………………………………. على المهره - تطب جمره - تجويهه الرگاب تزلزلهه - الحرب شلهه - تراويهه العجاب هلا بمسلم - دخل يثلم - ذبح سيفه الشباب المفر - الى اين المفر الكبر - العرگ بيدك كبر غضب فاير - مهر غاير - يلفلف بالنگاب نگطع نسله نگطع نسله - اليدانيك نگطع نسله ………………………………… الحرب بيدك -الك صيدك -تطب للعرگة حار تبريدهه -وتشدشهه - برد وتجهبه نار تكر بيهه - وتچويهه - وترد باحله انتصار الك -الحرب كلهه الك الفلك - تطر حته الفلك يخالسهه -تلبسهه -عبي اشبال الكبار عله ازلامك عله زلامك . يمسلم زير احزامك ………………………………… خذه الكوفه - عله جفوفه - ولا كدرتله ايد حنه اضلوعه -هلا بطوعه - تكله ادخل يحيد تهلهله - وتمهله - العرگ جن عنده عيد نده - نخلق جفك نده فده -لبو الاكبر فده دخل غاضب - اجه الراهب - مثل برق الرعيد يفارسهه يفارسهه .الشوارب كلها نكسهه ……………………………….. عباس سلمان القلعاوي