قصائد لرقيه وعبد الله

طلب حاجه للسيده رقيه اريد اندب رقيه.  وامدلها اديه واكلها بجاه الحسين كون امرادي تنطين يابنت الزجيه الج اجري دموعي. وانه احنيها ضلوعي. واكلج شوفي روعي ووناتي الخفيه الج ممدوده ايدي الهظم واصل وريدي يروحي الونه زيدي على الراحت سبيه يبنت الدامي بالبر احلفج بالتعفر بجاهج كلبي يستر وتلزميها اديه انه همي كتلني جبير ويعله حزني الج اشكي الهظمني وانتي الادره بيه احلفج بالتراجي وابو حلو المحاجي حنين وكلبه زاجي يشيل الهم اليه يبنت البقه دامي اوجهلج كلامي عليكم كلبي ضامي اجي بجاه الزجيه

دللول دللول ياعبدلله دللول دللول دللول ياعبدلله دللول ناام ناام يايمه الولد ناام ناام يايمه الولد **** افزن شايطه واتذكر امناغاك واذكر سهر ليلي الي كضيته وياك حاربني زماني وليش ماخلاك ياسهم الغدر دم النحر راواك يمدللول. يمدللول سهم نحرك يمدللول يمدللول. يمدللول سهم نحرك يمدللول. نام نام يايمه الولد **** نصف جيدك شمس والدنيه حارت بيك واسهام المنايه بلا رحم ترويك كبالي ومددت يمه الولد رجليك لا مجروح وامك تكعد اتلوليك اداويك. اداويك اشد جرحك وداويك اداويك. اداويك اشد جرحك وداويك ناام ناام يايمه الولد ناام ناام يايمه الولد **** در صدري ابمحنه ولهفه ناديتك ردتك ترضع ابصدري وترجيتك عدل يبني تحاجيني ايتمنيتك ماصدكت ميت لون هزيتك بلاروح بلاروح ..الولد نايم بلاروح بلاروح بلاروح ..الولد نايم بلاروح ناام ناام يايمه الولد * يبني الاه والحسره تعيش وياي يالضامي وجمر نارك يشب بحشاي هاك اعصر اعيوني ومنهن اشرب ماي ردتك من يذبني الوكت يارجواي اناغيك. اناغيك.. تحن روحي وناغيك اناغيك. اناغيك.. تحن روحي واناغيك ناام ناام ..يايمه الولد ناام ناام ..يايمه الولد ** انوحن وشيصبر الراح غايبهه وعلي دنياي ملتمه مصايبهه هيج امك غريبه ابكربله اتذبهه ساكت ليش يبني ماتجاوبهه احاجيك..احاجيك دجاوبني من احاجيك احاجيك..احاجيك دجاوبني من احاجيك ناام ناام يايمه الولد ناام ناام يايمه الولد *** انشدك دم وريدك علثره مسفوح لو كلبي وكع فوك الارض مذبوح لو ادري تردك دمعتي والنوح  لخلي ابحر دمعي اتغط سفينة نوح والدموع..والدموع ...اضل الون والدموع والدموع..والدموع ..اضل الون والدموع ناام ناام يايمه الولد ناام ناام يايمه الولد * يبني النوك باجر بلضعن يسرن واروح اميسره وبعدك اعيش المن تمر اطيوفك ابعيني واحن واصفن كلبي العلميته عله الحزن والون اذا روح اذا روح ...غصب عنك اذا روح اذا روح اذا روح ...غصب عنك اذا روح اذا اروح اذا روح ...غصب عنك اذا اروح ناام ناام يايمه الولد ناام ناام يايمه الولد https://t.me/abdalaarrageaa

كلمات يمه دللول للرادود .. عمار الكناني .. مكتوبة الشاعر علي عويز الشويلي الرادود عمار الكناني كلمات الشاعر علي عويز الشويلي ~~ دللوه يــالولد يبني يمنحور دللوه والسهم بـالرگـبه مكسور يمـه دللـول .. يمـه دللـول ~~ اسمعت عبدالله يبچي وصحت جيبوه بس اشويه اشمنه واذبحــوه طفل شبرين طــول وليدي شوفوه العطش گطع چبـدته لا تگطعوه يمه . لحــد هسه ماگايل بـلسانه يمه . ولو گتله ايرفرفلي ابـذرعانه يمه . مشتاگه لسهرات امـناغـانه گلتلك يمه ظـل عطشـان وياي إذا رحت ويـه ابوك يذبحك الماي يمه دللول .. يمه دللول ~~ دللوه يــالولد يبني يمنحور دللوه والسهم بـالرگـبه مكسور يمـه دللـول .. يمـه دللـول ~~ وانته زغير أسـولف چنت للناس وليدي لو كبـر يشبـه العباس عرفته من اصيحله ينوماس يمد إيده اعله راية عمه عباس يبني . اتذكر عباس من ايشوفك يبني . چفينه يخليها اعله اچفوفك يبني . وبحظني اتظل تبچي من ايعوفك ارجع لا تخلي اگليبـي مشـلوع اشمـك حته لو بس راس مگطوع يمه دللول .. يمه دللول ~~ دللوه يــالولد يبني يمنحور دللوه والسهم بـالرگـبه مكسور يمـه دللـول .. يمـه دللـول ~~ وهوه بحظن ابو ماسكت وينــوح صوته من العطش من يبچي مجروح رفع إيـده إليه گبـل ميــروح چنه إيگلي أردلچ يمه مذبوح يبني . وي أمك ينتظرن عـماتك تدري . ونستهن يوليدي بضحكاتك يبني . ياشمعة وبالخيمه مخلياتك صحت عبدالله وينك چلچل الليل وعليك إنته وابــوك التمت الخيل يمه دللول .. يمه دللول ~~ دللوه يــالولد يبني يمنحور دللوه والسهم بـالرگـبه مكسور يمـه دللـول .. يمـه دللـول ~~ مليانه فرح بالخيم مساع وهسه الدم عليها اعيونه الوساع تعال اغفه صحتله فوگ الذراع عمت عيني اعله خدك حاره الگاع يبني . عطشانه وذبلانه شفتينك يبني . وشمس الطف مشتعله بخدينك يبني . حظن امك ينتظرك چا وينك باچر يارماد اللي يغطيك ويا رمح ابدال امك يهز بيك يمه دللول .. يمه دللول ~~ دللوه يــالولد يبني يمنحور دللوه والسهم بـالرگـبه مكسور يمـه دللـول .. يمـه دللـول ~~ يعبدالله السهم سووه للكبار بس يذبح اطفال ابكربله صار واصابع چفـك الحلوات الزغار مال امناغه مو مالت چـوي ابنار يبني . ماتنزل من رمحك شمتاتي يبني . يابسمه من حسين ابوجداني راح ابچي لحد ماتنعمي العين ذبحوا ذكرياتي ويه الحسين يمه دللول .. يمه دللول ~~ دللوه يــالولد يبني يمنحور دللوه والسهم بـالرگـبه مكسور يمـه دللـول .. يمـه دللـول ~~https://t.me/abdalaarrageaa

عبدالله الرضيع. ع. أهزن والمهد خالي   أحسك نايم أگبالي ميته كون أشوالي يمدلول يمدلول * * * * * * * * * * * * * * * أنه المكتوب أخلص عمري بالونه ست أشهور أشوفة وگطع الظنه شلي بعمري اذا مابيه أشوفنه عگبه ألمن أعيش أو بيمن أتهنه أصبن بالدمع سكته   مايحلالي بس انته يبني النوم ودعته    يمدلول * * * * * * * * * * * * * * * شوصفلك هظمتي من يجي اليل أسولف وية روحي أو دمعتي أتسيل حسبت أحساب أظمك كبرتي أتشيل وعلية أتراب گبري بيدك أتهيل لون أدري يحرموني  منك يابعد لوني أظمك يمه بعيوني   يمدلول * * * * * * * * * * * * * * * تضل لچمة فرگتگ يالولد للدوم ولا مرة أبغيابك أستلذ بالنوم أتوسد صبر يبني أو غطاي أهموم المفارگ تعرفة أيحدب أمنيگوم آنة فارگيت أثنين   أبني والعزيز أحسين خذاهم مني لحظة البين   يمدلول ٠٠٠٠٠٠٠٠٠٠٠٠٠٠٠٠٠٠٠٠٠٠ أعد ساعات هجرك وتعب أمن العد ياحلمي الوحيد أو غاب وتفرهد جرح هجرك غميج أو لا تظن يضمد ألك جمرة أبدليلي يبني ما تبرد تكتل فرگتك والله   اهز وندب أسم الله نايم يبني عبدالله   يمدلول * * * * * * * * * * * * * * * شلي بعمري أو خذيت وياك انت الروح شداوي ياجرح والگلب كلة أجروح أشلون أقنع وصدگ يالولد مذبوح يضل حزني حزن يعگوب چنة أونوح شصبر والصبر شده   ماي ومني وتبده ياهو جرحي أيشده  يمدلول * * * * * * * * * * * * * * * كلمات الشاعر والرادود عدي البصراوي https://t.me/abdalaarrageaa

لطميه لنهاية المجلس للحسين عليه السلام ابد والله يازهراء ماا ننسه حسيناا ماننسه العمامه الشمروهه ابد والله يازهراء ماا ننسه حسينااا ولا ننسه الضلوع الكسروهه ابد والله يازهراء ماا ننسه حسينااا ولا ننسه الجفوف الشمروهه ابد والله يازهراء ماا ننسه حسينااا ماننسه الزنود الكطعوهه ابد والله يازهراء ماا ننسه حسينااا ولا ننسه الاطفال الذبحوهه ابد والله يازهراء ماا ننسه حسينااا ولا ننسه الشباب الذبحوهه ابد والله يازهراء ماا ننسه حسينااا ولا ننسه رقيه السيبوهه ابد والله يازهراء ماا ننسه حسينااا ولا ننسه سكينه الحزنوهه ابد والله يازهراء ماا ننسه حسينااا ولا ننسه العقيله اليسروهه ابد والله يازهراء ماا ننسه حسينااا وحق ضلعج يزهره مانسيناه نضل طول العمر نصرخ حسيناااه تمت بعون الله لا يجوز حذف الاسم الشاعره المله العلويه ام محمد الخطيب الموسوي🏴أنت المعزى سيدي يا صاحب الزمان ... عظم الله اجوركم💔 https://t.me/asaadllhsen

- وَيسألُونكَ عَن مُحَرم - قُلَّ لَهُم : هُوَ شَهرُ الدَّمعَةِ التِي تَطهُّر الرُّوحُ مِن ڪُل ذَنبٌ ، وتَشَفِّي الرُّوحِ مِن كُل وجَع .

قصيدة: عبد الله يبني بصوت: حسن خريبط الشاعر: سيد علي مالك الموسوي ▪️▪️▪️▪️▪️ يحسين بالكوه الولد نومته خل يرتاح مو مال اطلعه من المهد ويروح بيد الذباح خلي الولد مطروح مطروح لاتاخذ ابني وتطلع الروح بس هوه ضل ماضلت اعزاز جافوك جرحي تزيد الاجروح تدري اني احب اوليدي ماينوخذ من ايدي عبدلله يبنيي عبدالله يبنيي ماصايره ولاتنعقل من الگماط اعلى ارماح شوفه اشحلاته ابنك كعد بس ماكعد للذباح عبدالله شوفه شطالع اليوم كلش حلو اعلى وليدك النوم بس مادرة متانيته الاسهام اول شهيد بسهم مفطوم لو ضال نايم يبني ولاحرمله يتعبني عبدالله يبني. عبدالله يبني صح الزغير ايكون اعز بس اني منطي العباس اخر نذر عبدالله ضل ونوب حتى انا انداس ماريد اكلج خبر مو زين هسه الولد وانوب الحسين لطمي اعلى روحج يم الاولاد بس انتي وحدج راح تبقين من هسه احسب احسابي تنسلب حتى اثيابي عبدالله يبني. عبدالله يبني جا خل اشمن الولد منا لحد گطع الصوت بس انا اضل المن بعد مادام عبدالله يموت ماترضه تنسد عيني عبدالله المبجيني عبدلله يبني. عبدالله يبني ▪️▪️▪️▪️▪️ #اللهم_عجل_لوليك_الفرج_والن الناشر ابو يعقوب السوداني

قصائد للحسن العسكري https://t.me/+GXwpo5cUF9QyODgy لقصائد ليله العاشر https://t.me/+0Z3WUY1JX_M0MzEy �قناه خاصه لقصائد زينب ع https://t.me/asadlzenbalaaslan قصائد لأبا الفظل العباس ع https://t.me/latmmllabaas قصائد للأمام الحسين ع https://t.me/asaadllhsen قصائد لأم البنين ع https://t.me/qasayidhusaynih2024 قصائد للقاسم ع https://t.me/asaablatm قصائد لرقيه ع https://t.me/abdalaarrageaa قصائد لفواتح https://t.me/asaadalarbaeen قصائد لصاحب الزمان https://t.me/easahbbzamaanee قناه الأمام المهدي روحي لهو الفداء https://t.me/fatimuh1991 قصائد لنبي محمد الرضا ع💔 https://t.me/asaablrsollmambb قصائد لمسلم واولاده https://t.me/amalbaneen00000 قصائد لفاطمه العليله https://t.me/+nH-WQcWTbuU0MTli

قصيده للسيده رقيه ع نفس طور حسيناه للرادود خضر عباس *** حسيناه  حسيناه  حسيناه        رقيه إبلا أهل * غريبه بكربله ماعندي والي يبويه حسين ماتدري شجرالي عكب عينك شفت مر الليالي ضعت من فاركت حلو المحاجي إبحرك الخيام سلبوني التراجي يسيل الدم وأفرفح بالبواجي عالوجه سطروني بويه مثل أمك فاطمه حمره عيني ومن أذاني سال شلال الدمه حسيناه  حسيناه  حسيناه     يبن خير العمل ** الحزن لفراك ابويه شلون اشيله كلب طفله ويون ونه ثكيله خذوني للسبي برحله طويله احاجي عمتي الظلت وحيده يعمه والدي الغالي اريده صدك ياشوفته صارت بعيده وين طولك يخو زينب مو اجه وكت الصلاه افرش السجاده بيدي واندعي اكعد وراه حسيناه  حسيناه  حسيناه      يحماي الدخل * برحيلك بويه ليلي ماأنامه اريد احضانك واغفه بسلامه غريبه وانهدم عش الحمامه عله ظهور الهزل اغفه سبيه يشدوهه بحبل ترفات إديه أهل الشام كالو خارجيه بالخرابه كعدوني وآنه جنت إمدلله من السياط متوني زركه آ يعملة كربله حسيناه   حسيناه  حسيناه         تمنيتك عدل ** الكلب يوجعني يابويه بعتابه شسولفلك عله ضيم الخرابه سكف مابيهه أنامن عالترابه تغير لوني من شمس الظهاري حفر خدي الدمع عالوجنه جاري اريد الكافل يردني لدياري وين حداي الضعينه خل يجي لحالي يشوف نايم العباس عمي عالشريعه ابلا جفوف حسيناه  حسيناه  حسيناه          مصابه مو سهل *** بطشت جابولي راسك ياولينه بجيت وبجت ويايه الحنينه يفت كلب الصخر كلبي بونينه حجيت وياك ياروحي وأماني شنو ذنبي وعدوك يتماني الكطع نحرك كطع عمري وزماني خلصت الانفاس بيه وانتهت كل الجروح مااريد الدنيه بويه وياك اخذني خل اروح حسيناه  حسيناه  حسيناه         وأشبكك للأزل *** أم علي الكاظمي

دعاء لختم المجلس بسم الله الرحمن الرحيم اللهم صل على محمد وال محمد اللهم انا نسألك ونقسم عليك بحق دمعة العقيلة زينب على اخيها الحسين وبحق دمعة ليلى على ولدها علي الاكبر وبحق دمعة الرباب على ولدها الرضيع اللهم بحق هذه الليله العظيمة ان تصلي على محمد وال محمد ان لاتجعل لنا مريض الا شافيته وعافيته ولاغريب الا ارجعته ولا همٱ الا فرجته ولا غمٱ الا كشفته ولامظلوم الا نصرته ولاتجعل لنا حاجه من حوائج الدنيا والاخره لك فيها رضا ولنا فيها صلاح الا وقضيتها اللهم ارحم موتانا وفرج كروبنا وفرح قلوبنا برحمتك ياارحم الراحمين اللهم لاتحرمنا من خدمة محمد وال محمد سجلنا واكتبنا في سجل المخلصين من خدام الحسين اللهم لاتخرجنا من الدنيا حتى ترضى عنا برحمتك ياارحم الراحمين وصلي اللهم على سيدنا محمد وال محمد الطيبين الطاهرين المعصومين (( اللهم صل على محمد وال محمد )) لشاعرة اهل البيت ام هجران العمارچية 💕💕💕💕💕💕💕💕💕💕💕💕 الناشر // الملا عالي مقامي غير مبري الذمه يحذف اسم الناشر

قصيده فزاعيه هوسات للسيده رقيه {{عليها السلام}} شد اعمامته…. وسرفن ارداناته صارت فاتحه وطالع لعماته صارت فاتحه بالشام هالليله بت حسين ماتت وانرهن حيله ها ياشام اجاج اليعدل الميله ((يصفيها//والشام بچفه)) يصفيها ويرد العيله بجفوفه ويدگ اليوم بيرغ واهلج شوفه مثل عباس لوشالاهن اسيوفه ((الدنيه ادخن//من يرفع سيفه)) هله يزماط عماته ابو النخوه يالماخذ الزود من اهلك العزوه ماثنوا هلك وووفزعاتهم حلوه (( اهلك بالحد//دگو رايه )) مسرع جاي والرايه عالمتونه ابو صالح فزع والكل يهابونه وين اهلج يشام وخل يحاجونه ((يرد السطره// بسطراته)) يرد سطرة رقيه وكل بواجيها ويشيل الناحله هيه وتراجيها اخذها لكربله لحسين واليها ((الگبر اهتز//من شافاها )

هاي. ثانيه. نفس اللحن لطمية للعليلة عليها السلام ( يهل المحنه ) يهل المحنه يهل المحنه هلبت كسرت اگلوبكم يهل المحنه ونه اعله ونه ونه اعله ونه كلساع اون اگبالكم ونه اعله ونه كلساع اون اگبالكم ونه بهضيمه چني غريبه وضايعه وچني يتيمه ماريد هودج لاضعن لاريد خيمه خلوني اروح الكربله واسكن الهيمه والوادي اسكنه والوادي اسكنه ماريد اضل بداركم والوادي اسكنه ماريد اضل بداركم وحشه وخليه خلوني اروحن جاريه ومو فاطميه عبد الله اهزه لو بچه واخدم رقيه بس كون اشوف اوجوهكم يهل الحميه وين امشي عنه وين امشي عنه يعميني سهم افراگكم وين امشي عنه وين امشي عن افراگكم يركض واجاني من هسه صوبني بسهم حار وعماني اخذوني اصيحن ياهلي ومحد خذاني حته اليگلي ادللي راح ونساني كلهن ولنه كلهن ولنه گلبي المصايب والمرض كلهن ولنه ضيم ومصايب بالگلب ملتمه كلهه شان المريضه ماتمل من عدهه اهلهه عافوني ماگالوا بچت خل نرجع الهه ضلت حزينه اديارهم واظلم نزلهه واگطع الضنه واگطع الضنه واشلون اهود واستقر واگطع الضنه اشلون اهود واستقر والليل انامه فوگ المرض وافراگهم فوگ الملامه چا يمته اشوفن والدي يعود بسلامه ماتدري كلهه اتگطعت روس النشامه بويه الحگ النه بويه الحگ النه وتصيح زينب ياعلي بويه الحگ النه القصيدة من ديوان خيمة الخدام جزء الثاني خاص بالعليلة ع شاعرة اهل البيت الملة ام هجران العمارچيه غير مبري الذمه من يحذف اسم الشاعرة او ينسب الرثاء لشخص اخر https://t.me/asaadalarbaeen

فزاعيه للسيده رقيه عليها السلام خلونه ندك عالراس للسلبو تراچيهه 🏴📖🏴... اليوم نعازي عمتهه عليها تسيل دمعتهه ومحتاره بجنازتهه وتحشم بواليهه 🏴📖🏴... اليوم تحشم الوليان منهم رايده دفان وللماتت يجيب اچفان وينصب فاتحه عليهه 🏴📖🏴... ينصب فاتحه بالشام وبيها يعزب الضرغام وچفيه يشد عالهام وعمت ابنه يعازيهه 🏴📖🏴... يعازيها ويناشدهه رقيه من سطر خدهه وياهو بالحبل شدهه وسگته مايخليهه 🏴📖🏴... مايسگت ابد عمهه شلون انذال تهضمهه گون الشام يهدمهه وبت حسين يرضيهه 🏴📖🏴... مهضومه وزعلانه تگول الشام اذانه وعمي ليش ماجانه خل الگوم يفنيهه 🏴📖🏴... *(( كلمات الشاعره ام عون الحلاويه ))* ⛔ لا أجيز حذف اسم الشاعره 🙏 يرجى احترام الحقوق الاخرين اطلب منكم تندعولي ان الزهراء تقبل خدمتي

قصيدة للسيدة رقية طور {روحي مشتاكة وبعيد الدرب } #الشاعرة_العلوية_فضيلة_الموسوي ✧ــــــــــــــ ✦◈ ✦◈✦ ــــــــــــ✧ موتي   ياروحـــي مايــرجع بعد موتي    بلكـــت يجـــيلج باللحد موتي ويرجعله رأسه عالجسد ✧ــــــــــــــ ✦◈ ✦◈✦ ــــــــــــ✧ نومة الخربة أليمة وبيها ردتك تحضرلنه هايبوية بتـــك أنه الدللــــتني يالدلالك ماكو منه هايبوية بلـــــكي طـــولك لو ثــــواني خـل يمرنه هايبوية صعبة الـــــراس كـدامي بطشت صعبه شكــد زغيــــرة اتيتــــمت صعبة وفاكدة العز والسند موتي ✧ــــــــــــــ ✦◈ ✦◈✦ ــــــــــــ✧ مسافر يكولون يرجع بالسلامة وتشتكيله ياوردته شلون ســـــلبوها التراچي ومــــاكو حيلة ياوردته شلون بالـــــنار احــــــتركتي وي  العقيلة ياوردته بنته تريده لوساعه يجي يمته تبطل الون والبچي ولحظني يالغالي ترد.  موتي ✧ــــــــــــــ ✦◈ ✦◈✦ ــــــــــــ✧ شفتك بحلـــمي وتناديلي رقية هـــالمسية ياهظيمة موحقيقة ويامنامي بسرعه خلص مـوبدية ياهظيمة راسي حطيته اعلى صدرك موترابةاتهل علية ياهظيمة اصعب هالحلم من كربلا اصعب ماكدرت اتحمله اصعب من جروحك والعمد موتي ✧ــــــــــــــ ✦◈ ✦◈✦ ــــــــــــ✧ تمت خادمه أهل البيت العلويه فضيله هاشم الموسوي ماذكرناه في عشره أيام.  رأته العقيله في يوم واحد 🚫 لا أجيز حذف الاسم وغير مبري الذمه من يتلاعب بالقصائد 🚫 أشتركو فيها فضلآ وليس أمرآ تجدون فيها كل ما هو جديد لشاعرتنا المبدعه قناة دمع زینب حقيبتك بالمجلس کل ما تحتاجه تجده هنا قصائد نعي ابوذيات حديث فقط ابحث عن طلبك https://t.me/abdalaarrageaa

🎤📚😭لطميه  الرقيه ع  عن لسان حال زينب ع جاوين الزجيه    خل تدفن رقيه ماتت بالخرايب  / وبعازت حبايب جاوين الزجيه  .........ـــــــــــــــــــــــــــــــــــــــــــــ ييمه اليوم وياي تمنيتج  حضرتي  احتاريت  برقيه   يوم   الودعتني يم حسين يمه ابموتتها  افعجعني اصيح تعاي ليه  .. خل ندفن رقيه ...........ـــــــــــــــــــــــــــــــــــــــــــــ تعاي انشيلها  عن منحر حسين ونتكابل سوه  وانزيد   الونين  نغمض عيونها   وانمد  الايدين عزيزه شكد عليه  . خن ندفن رقيه .............ـــــــــــــــــــــــــــــــــــــــــــــ بمصاب الغاليه  روحي خذوها بجت  وشلون  يمي  سكتوها طلعت روحها يم  راس ابوها صحت يهل الحميه .. خن ندفن رقيه .............ـــــــــــــــــــــــــــــــــــــــــــــ كولي شصار يوم   الكلبتها ميته والدمع يجري عله خدها بحضاني   يزهره    مدد  تها بعد ماحيل بيه  ..  خن ندفن رقيه ...........ـــــــــــــــــــــــــــــــــــــــــــــ بتالي  اليل  ماتت  وانه أكلها يبت حسين روحي الضيم سلها ياهو  اليشيلها   وغياب  اهلها تعاي بساع  ليه  .. خن ندفن رقيه ـــــــــــــــــــــــــــــــــــــــــــــ ✍ام زينب كربلاء غير مبري الذمه من ياخذ الكلام وينسبه له او يحذف الاسم   من كتاب المآسي  الفاطميه  الثامن🏴أنت المعزى سيدي يا صاحب الزمان ... عظم الله اجوركم💔 ✍️..بذمته يحذف اسم الناشر .الناشر رحيل القوافي الفاتحة إلى روح امي العزيزة وابوي الغالي واخواني سعيد وكريم وماجد ومحمد.وجميع اموات شيعه أمير المؤمنين عليه السلام https://t.me/abdalaarrageaa

📘لطمية لسفرة رقيه( ع) رقيه بسفرتج شمعه علگناها وبچينه القصتج يالمانسيناها …………………… بسفرتج يارقيه سالت الدمعه وذابت روحنه من ذابت الشمعه مثل عمرج الخلص عالنحر فجعه ولوعة مصيبتج كلما قريناها …………………… .. ألج لوعه بگلبنه رحتي مسبيه واذنج دم تسيل بلايا ترچيه مشتاگه لبوج ومحلى طاريه دمعتنه وي دمعج دم هملناها …………………… . جابوا بالطشت راس الابو مغطه بدمه مخضبينه وبالحضن حطه يتيمه تريد ابوها شحالها من انطه تشكيله الهظم قصتج سمعناها ………………… رگبته بين ايديج الهم شكيتيله ميته بحسرتج والليله رحتيله يالعمرج گصير ولوعته طويله دفنتج بالغرب صارت عرفناها ………………… .. هاي جنازتج موسفرة حسينه بدمعة نشيعج مولاتي خلينه دخيلج ياليتيمه مراد تنطينه حلوه فزعتج من جربيناها ……… .تمت…… .      بقلم ام زهراء العامري 🏴أنت المعزى سيدي يا صاحب الزمان ... عظم الله اجوركم💔 ✍️..(مشكول الذمه الي يحذف الاسم  الناشر رحيل القوافي الفاتحة إلى روح امي العزيزة وابوي الغالي واخواني سعيد وكريم وماجد ومحمد.وجميع اموات شيعه أمير المؤمنين عليه السلام 🕊🌿........👩‍🚀.....................🥺😭💔...خدمتكم شرف لنا https://t.me/abdalaarrageaa

📘#ختاميــة لمجلس عزاء السيدة رقيه ❀❀❀❀❀❀❀❀❀❀❀❀❀ نلطم حيل للماتت غريبه ابهظم الشام وشعظم المصيبه لأجلها ننوح والمدمع نسيله نلطم حيل للماتت غريبه لبنت حسين والطفله نحيله نلطم حيل للماتت غريبه تريد اليوم ابوها تشتكيله نلطم حيل للماتت غريبه عكبك بالهظم بنتك ذليله نلطم حيل للماتت غريبه ايام اليسر صعبه وطويله نلطم حيل للماتت غريبه نخيت المرتضى حامي دخيله نلطم حيل للماتت غريبه يجي يشوف المصايب واشتكيله نلطم حيل للماتت غريبه وتركناها بحزن اختي العليله نلطم حيل للماتت غريبه راداك الكلب بويه تجيله نلطم حيل للماتت غريبه بجيت لمنحرك يبن الجليله نلطم حيل للماتت غريبه انكطع مني النفس هاي اخر ليله نلطم حيل للماتت غريبه بهيده ويا الترب يامن تهيله نلطم حيل للماتت غريبه وازرك متني من سوط اليجيله نلطم حيل للماتت غريبه ونت بالقهر ونة ثجيله نلطم حيل للماتت غريبه 🏴أنت المعزى سيدي يا صاحب الزمان ... عظم الله اجوركم💔 ✍️..(مشكول الذمه الي يحذف الاسم  الناشر رحيل القوافي الفاتحة إلى روح امي العزيزة وابوي الغالي واخواني سعيد وكريم وماجد ومحمد.وجميع اموات شيعه أمير المؤمنين عليه السلام 🕊🌿........👩‍🚀.....................🥺😭💔...خدمتكم شرف لنا https://t.me/abdalaarrageaa

قصيده ثقيله توسل بـ مولاتي لسيده رقيه ((عليها السلام)) يارقيه…بداعت الغالي عليج يا رقيه…الحاجه ظلت بين اديج* نظره مولاتي عليه رايده ابهاي المسيه يا رقيه ………يا رقيه حيل تعبانه وجيتك حيل تعبني زماني رايده تفزعين اليه والفكر يمج خذاني روحي مابيهه تشوفي والفرح شو ودعاني انتضر منج هديه راح انطرنج وتاني *يا رقيه/وانه معتنيه واجيج* *يارقيه/الحاجه ظلت بين اديج* راح انطرج وانه ادري تنگضي مولاتی الیه وادري من جفج تجيني وشكبر هاي العطيه روحي غيرج ما مشتله ولا خذت منه هديه بس الج ايدي امدهه وانتي فزعاتج عليه *يا رقيه/ اليله بعتابي اعتنيج* مااروح الغيرج اشكي ولا اكولن شنهو اريده بس الج اشكي رقيه وما تخيبني بعيده روحي ملت من هظمهه وكلبي متلوع شيفيده ابجاه ابوج الراح منج ونتي عده شگد عزيزه *يا رقيه/كل أمل عدي انه بيچ* *یا رقیه/الحاجه ظلت بين اديچ* ظلت الحاجه ودمعتي ما تجف ساعه ابجيهه وين اروح وانه اجيتج من اجيتج ادري بيهه تنگضي الشده وعسرهه ونضره من عدج عليهه حيل محتاره وحياتي وبس حزن والهم يجيهه *يا رقيه/بداعت الدمعه وبجيچ)* *يا رقيه/ الحاجه ظلت بين اديچ* دمعتي بعيني جريه وكلبي خلص حسره حسره ودنيتي شدت عليه وين اروح ونفسي اجره انه مختنكه وجيتج بداعت الذبحوله نحره معتني وانه دخيلج كل امر سهليلي عسره *يا رقيه/ظلت الكلفه عليج* *يا رقيه/الحاجه ظلت بين اديج* *لخادمة الزهراء العلويه أم جعفر 🌹🌹🌹🌹🌹🌹🌹🌹🌹🌹🌹🌹 https://t.me/abdalaarrageaa الناشر // الملا عالي مقامي غير مبري الذمه يحذف اسم الناشر

فزاعيه جنوبيه رباط هوسه تهد الحيل ياونة رقيه 💔💔💔💔 هدت حيلنه مابطلت النوح مكسوره وتون والكلب مجروح ماتدري ببوها حسين مذبوح وبالحومه/مكسوره اضلوعه 💔💔💔💔 تبجي وتنتحب وتصيح يايابه ماتدري ابوها مسلبه اثيابه وبنص الكلب المثلث الصابه واليها /وتريدهالليله 💔💔💔💔 ظلت نايحه طول الدرب للشام وانه محيره بين الحرم وايتام وسفه ابنيتك فوك الترابه تنام دمعتها/نار ولهابه 💔💔💔💔💔 هد حيلي بجيها ياابو الاكبر وكلبي يالاخوا من نوحها تفطر ماتكدر غيابك والله ماتكدر مفجوعه/اخلاف اعيونك 💔💔💔💔 انهض يالاخوا وسكت بواجيه تراهي امعلمه يحسين تدريها ماتكدر غيابك والشمر يحديهه ماذيها/السوط اخلافك 💔💔💔💔 تــــمت بعون الله تعالى بقــــ✍🏻لم خـادمة االزهراء  عليها  السلام الشـــاعره أم حسين الفريداوي لاأجيز حذف الأسم نسالكم الدعاء بتعجيل الفرج لصاحب الزمان ((عج)) https://t.me/abdalaarrageaa

قصيده لمولاتي رقيه عليها السلام زينـــب والفـــــواطـــم هالمسـيـه الله ويــاج صــاحـن يــا رقــيــه رقـيه اعليـج والله مـهـدم الحــيل رحـتي مألـمـه ودم اذنـج يســيل مـاهـود ونيـــنچ طــــول هــاليــل جـنــتـي مـدلله وصــرتـي سبــيـه مـن شـفتي الطشـت دنگـتي راسچ ذيـچ السـاعه شنوصف احسـاسچ شـبگتي الـرأس ونگطعت انـفـاسچ عــلى راس الــولـي جَــتـي المـنـيه عجيـبه اعله الأميره شلون تنضـام خمـس اسنـين شـافــت كــل الآلام لــوعـات الطـفـوف وســــبي لشـام ورزيــة كـربـــلـه اعــظــم رزيـــه شـفــنـه الضـيم واهـات ومـصـايـب بــعــد العــز گـعـدنـه بـالخــرايـب هــذا الـدهــر راوانـــه العجـايـــب وگلبـــچ مــا تـحمــل هـــل اذيـــه چبيره الفـرگه وانتـي صغـير عمـرچ يمـن بالشام صـــــار ابــعيـد گــبـرچ مـالحـــگنـه يـــا وسـفـــه نخـــبرچ اشــكي حـالنــــه الــــرب الـــبريـــه بــدمـوع الهـظـم صـاحـــت سـكـينـه خــذاج الــمــوت يـاخيـه مـن اديننـه يعـــذبــنــه غـيابـــج يـالـحنــيـنـه تـــضــل بگـلـوبنـــه نـــارچ ســريــه تمـت بـعـون الله تعالـى ✍️خادمـة الحسين "عليه السلام" الملـه أم مـجتبـى مـن ميسـان نسالكـم الدعـاء بتعجيل الفـرج لصاحـب الزمـان( عـج)