Abdugʻafforov Shavkat Komilovich

Toshkent davlat sharqshunoslik universitetining bakalavr bosqichini yakunladim. Ha, endi rasman oliy maʼlumotliman! Toʻgʻri, hozir inson taqdirini diplom hal qilmaydigan zamonda yashayapmiz. Lekin shu ikki varoqli diplom bizga asrga tatigulik hissiyotlarni taqdim etadi, ishoning. Vaqt juda ham tez oʻtyapti. Sharqshunoslikdagi birinchi kunlarim haligacha esimda: begona chehralar, begona maskan... Lekin zamon zayli meni shu davralarga olib kirishini, ahil jamoa bilan mehnat qildirishini, quvontirib, gohida yigʻlatishini hech oʻylamagandim. Biz koʻp kunlarni birgalikda oʻtkazdik, qiyinchiliklarda bir-birimizga yelkadosh boʻldik. Buning oʻzi bir katta hikoya. Bugun esa barchamiz oʻz yoʻlimiz sari odimlayapmiz. Kecha biz yurgan yoʻllar oʻsha-oʻsha boʻlishi mumkin, lekin unda endi biz yoʻqmiz. Aslida eng ogʻiri ham shuni anglash: biz takrorlanmaydigan bir davrni yashab boʻldik. Men hozir koʻplab ismlarni tilga olishim mumkin, lekin hammasini umumlashtirib, birgina soʻzga sigʻdira olaman - “oila”, Sharqshunoslik oilasi! Va oxirida bir haqiqatni anglab yetdim. Inson eng koʻp nimani sogʻinadi, bilasizmi? - Oʻzi bilmagan holda baxtli boʻlgan kunlarini!

🗣🔹🔹🔹🔹🔹🔹 🖥 "Kun nafasi" ko'rsatuvi | Yoshlar ovozi – davlat siyosatining markazida 🎙 Shavkat Abdug’afforov – Oliy Majlis Qonunchilik palatasi huzuridagi Yoshlar parlamenti a’zosi 🔹 Rasmiy sahifalarimiz

✅Bugun Oliy Majlis Qonunchilik palatasi huzuridagi Yoshlar parlamenti a’zolari bilan birgalikda ustozimiz — Robaxon Anvarovnani O‘zbekiston Respublikasi Oliy sudi raisi etib saylangani munosabati bilan samimiy muborakbod etdik. Oʻzbekiston “Adolat” sotsial-demokratik partiyasi rahbari sifatida Yoshlar parlamenti faoliyatiga alohida e’tibor qaratganingiz, yoshlarning tashabbus va gʻoyalarini doimo qoʻllab-quvvatlaganingiz va bizga bildirgan ishonchingiz uchun samimiy minnatdorchilik bildiramiz. Sizga mustahkam iroda hamda doimo oqilona, halol va adolatli qarorlar qabul qilishda ulkan muvaffaqiyatlar tilaymiz. Adolat va qonun ustuvorligini ta’minlash yo‘lidagi sharafli faoliyatingiz bardavom bo‘lsin! 📱@Abdugaffarov_official

Ronaldu jamoasiga qarshi o‘ynashning o‘zi ham futbolimiz tarixidagi alohida sahifa. 🇺🇿💙 📱@Abdugaffarov_official

Biz avval ham yomon edik, Hanuz yomonmiz! Shayton boqmas, iblis yoqmas — sho‘rlik insonmiz. So‘z so‘zlasak — mahmadona, Jim tursak — soqov… Shu tariqa na bug‘doymiz va na somonmiz. ©️Abdulla Oripov 📱@Abdugaffarov_official

Alhamdulillah, O‘zbekiston Respublikasi Bank-moliya akademiyasi magistratura bosqichiga birinchilar qatorida qabul qilindik. O‘qish va izlanishlarimizni yangi bosqichda davom ettiramiz. 📱@Abdugaffarov_official