ابيات

اغلى من الروح يارمشٍ من الله ظليل ‏واكبر من الشعر ياوجهٍ عليك السلام ‏ ‏وشلون اخليك وانت البوصلة والدليل ‏في رحلة التيه وسنين العمر والظلام

مع غيابك و أنشغالك في امورك كنّ كبدي فوق  جمر النار تشوى

يمرني طيفك وانا اقول لبيه ‏لبيه ياطيفٍ شلع قلبَ مغليه

‏فاقدك والفجر يسألني عليك ودّه امن الشوق يجمعني معك يا صباح الـورد وانـا أحتريك أنثرك لھفه وأرجع أجمعك

عطاه الله الود المنقّا ولا أدري ليه ‏من الناس قلبي ماهوى غيره و ودّه ‏على أول تفاصيل الهوى العف مع تاليه ‏سلامٍ يهبّه صادق البوح ويمدّه

صافحت كفي في خيال العزيزين واثره جنون الشوق صافح يديني

ضيقة الليله تعانقها معالق روحي ‏ما نفع كثرة تعزّازي ولا تطنيشي ‏والحزن والضيق كله واجحدان جروحي ‏بيّنتها قولتي لـ الناس ما قومي شي

اجتمعنا يوم كان المواصل فرض عين ‏وابتعدنا يوم كلٍ على الثاني وكن ‏ما جنا العاشق من اثمار غصن العاشقين ‏كون دمعٍ ما يوقف وحزنٍ ما يكن

معك ادوّر ما يجرّ السوالف والقصيد ومع جميع الناس حتى الكلام يغثني

معك اغتنيت من الهوى والحب يا مال الغناه وحببتني فـ أيامي اللي ما هقيت أحبّها انت الحياة اللي عطت للناس معنى للحياه و أنت النعيم اللي عليه الناس تشكر ربّها

مع العزله اللي تكتم الصدر والانفاس ‏ولا الجمعه اللي لامزاجي ولا شفّي ‏انا العاقل اللي كل ماضايقوه الناس ‏يوقّف دقيقة صمت ويْصد و يقَفّي

بعض الكلام اللي ماتحسب له حساب ‏في قـلب غيـرك ما يمُـر بـ سهـوله ‏خلك مع العـالم تعامـلك من بـاب ‏اللي ما تـرضى تسمـعه لا تقـوله

طيبين وعايشين الحياه بكل سرور ‏ونبتسم دام الضماير سترها ربنا ‏لو عرفنا وش تخبيّ مغاليق الصدور ‏ما ضحكنا عند ناسٍ ماهيب تحبنا

ياقلبي العمر مرّه والليالي تدور ماعزّك اللي تحبه ليه تشتاق له

مافيني إلا الخير أضحك وأسولف ومن خاب ظني فيه سديت بابه

حتى لو اني غبت برضيك مادام ‏قلبي يصون العهد بينك وبيني ‏وان شفتني جيـتك بعد غيبة أيام ‏سلامتـك ماعندي الا حنيني

لابغيت آصد وانسى الامنيات المستحيله ‏تعترض قدام عيني ذكرياتك والموده ‏ياعذابي كان مالي في ظروف الوقت حيله ‏وانت شيءٍ لا تهيالي ولا لي منك صده

تعاتبنا بقسوه لين شفتك للغياب ارتحت ‏ذبل فيك الغلا واللي بقى ماعاد يلزمني ‏تساميت وخذتني عزتي عن كل شي ورحت ‏وانا في كل خطوه كنت منتظرك تكلمني

تدرين انا توّي من اوصافك ‏عرفت معنى ضامر السرجوف ‏حتى رهيف القلب لا شافك ‏يقول لـ اللي جنبه انت تشوف

لو يقطعون الشك بـ سيوف اليقين انت الصحيح وباقي العالم غلط