عبدالله الشلاهي

ثم لا نعود أبداً كما كنا

دوس تعزيز على رابط حتى تتفعل القصة بالقناة اخوان https://t.me/aboody_alshalahi?boost

﴿وَمَا كَانَ اللَّهُ مُعَذِّبَهُمْ وَهُمْ يَسْتَغْفِرُونَ﴾

مَعاهد الخصوصي والحُب والعِلاقات بينَ الأساتذة والطالِبات أو الطلبة "المُختلط" ، مَعاهد الهدف منها الفلوس فقط ! والتسلية دونَ تعليم أو تربية أو قَوانين صارِمة أو التِزام سواء من الطلبةَ أو الأساتذة "البَعض" ، صـار التَدريس الخصوصي للتباهيَ والونسةَ ! ، الأستاذ يدخل عِلاقة مع أحد الطالِبات لجمالهـا أو استِغلالها وكذلك الطالبةَ تدخُل علاقة بسبب عَدم نضوجـها وسوء التربيةَ ! ، والبَعض من المُدرسات والشقةَ الزايد عن اللزوم معَ الطلبةَ "الذكور" ! ، كُلها أمور غير نافِعة وتعكس صورة سلبية للمُجتمع وتظهر التَدريس الخصوصي باسوء صورةَ ! ، وكذلك المَعاهد المُختلطة اللي مو لازم تصير مُختلطةَ بسبب عُمر الطلبةَ سواء سادس أو ثالث ، وبسببهـا تحدُث عِلاقات مُراهقة وهميةَ بين طالب وطالبةَ وتؤدي إلى الهلاك والخراب وضَياع السُمعة ونزول المُستوى ، والكثير من الأمور السلبيةَ بالمَعاهد مثل : ظاهِرة أخذ الصور والمَلابس الفاضحةَ الغير أخلاقية ، والكلام الغير أخلاقي من بعض المُدرسين إلخ .... ، بالنِهاية أنتَ صاحب مَعهد خصوصي أو مسؤول علىٰ معهد واجبَك تضع قوانين مُشابهةَ لقانون المَدارس الحكومية أو الأهلية وكذلك أنتَ استاذ أو استاذةَ واجبكُم فقط تربيةَ الطالب وتعليمهُ أيضًا لا غير ! ، والأمور الثانوية الشخصيةَ مو لازم تخليها بين طُلابك ، كبروا عقولكُم طالبةَ تجي يمَك تدخل علاقة وياها أو طالب يرتبط بمُدرسة أو علاقةَ غير شرعيةَ ! وين احنـا بأوروبا ؟ ، نرجوا من وزارة التربية والجهات المُختصة تضع حد لهذهِ المَهازل التي تُسيء لسُمعةَ التعليم ، وكذلك نرجوا من الأهالي مُراقبة ابنائهُم "كلا الجنسين" ومُحاسبتهُم وتربيتهُم "البَعض"

فشل العلاقات سببة واحد . " سوء الأختيار " وسبب " سوء الأختيار " الأعتماد على المظهر الخارجي بتقييم الشخص المقابل ! أول شي يجذبك بالمقابل " الگفر " شكلة ، تفاصيلة ، لبسة ، لسانة ، بعدين مع مرور الوقت تبدأ تتعمق بجوهر المقابل وهنا العلة ! جوهرة مراح يعجبك مثل ما عجبك شكلة ومظهرة والتفاصيل السطحية الخارجية ، وحتى تنجحك علاقتك لا ترتبط لحد ما تكون مقتنع قناعة تامة بالمقابل جوهرياً وخارجياً وتتأكد هالقناعة متولدة عندة ايضاً لأن ما تحتاج تخوض حرب الحب من طرف واحد. بمجرد ما تشغل عقلك شوية وتقيد عاطفتك تشوف نفسك ناجح بالعلاقة ، مدام يشتغل عقلك انت بخير ! من تركن عقلك وتشغل عاطفتك أعتبر نفسك متبهذل ♥️.

حلوه هاي البنية وجسمها حلو عجبتك ؟ روح واحجي وياها وضيفها ع كل البرامج وراقبها واهتم بيها او خليها تتعلق بيك وكللها احبج وانتي اغلى شي بحياتي واحلفلها جذب . تعلقت بيك ؟ حبتك ؟ صارتلك كلشي ؟ يلا هسه مليت منها غلس لا ترد عليها كللها اني نعسان ، تعبان ، مشغول ، جماعتي وياي دورلها سالفه تعبانه قديمه ومن تشوفها تعبانه تخابرك تبجي ابدي ادلع عليها او كللها جنت اختبرج او اني اسف تره مو بيدي او ديري بالج ع نفسج باي . بجت ، انقهرت ، تعبت ، كرهت كلشي بسببك ؟ مو مهم ختولي شعليك بيها المهم راحتك انت او خلصت منها او مليت منها هم شوفلك وحده غيرها وبنفس الطريقه عاملها وورثلك جكارة وسلملي ع رجولتك اذا انت رجال اصلا 🖤.

كلمه " شخصيتك حلوة " احلى بهواي من واحد يكلك انت حلو شكلًا و مظهراً . واحد يكلك انَي معجب بعقلك او يكلك شكد تعجبني طريقه تفكيرك ، احب رزانتك ، اختلافك ، كلها اشوفها مميزه بيك ، لو واحد يكلك تعجبني طريقه عملك ، مثابرتك بشغلك ، لو روحك حلوة و المكان صار ﭑحلى بوجودك، لو واحد يحب طريقتك من تتعامل ويه مشكلة بهدوء من غير ما تنفعل و الاحلى من واحد يكلك انت مثله الاعلى بالحياة كل ذني الامور هوايي احلى من كلمه انت حلو لان جمال الوجه والجسم ميغير طبعك بس جمال الجوهر راح ينطبع بملامحك ويخليك كلك حلو ♥️.

خلي نفضفض شوي ونحجي بموضوع مهم الي هو موضوع المنشورات . هواي ولد يجون بالخاص ويسألون انت ليش تدعم البنات وانت دائما مع البنت وليش منشوراتك اكثر شي ع بنات ؟ لا قناتي تمثل الكل تمثل الرجل وتمثل المرأة ومنشوراتي تمثل الفئة الأنثوية لكن بنفس الوقت تسلط الضوة على الرجل والتغيير الحاصل على شخصيته بهاذا الوقت ومنشوراتي ابد مو ضد الرجل ولا عندي اي عداء اتجاهم لكن انتقد فئات معينة شوهت صوره الرجال بعين المرأة ومنهم " الخائن . المتطفل . الفاضح . الرجال الواعي هو شريكنا وهو بداية كل شي اتمنى وصلت هلفكرة ♥️.

Channel name was changed to «عبدالله الشلاهي ☻»

بعض الناس . من تسأله شنو رأيك بالمطلقة ؟ يكون جوابه لو بيها خير مجان اطلقت لكن اذا اخته مطلقة وتسأله ليش اطلقت ؟ حيكون جوابه ( صوج الرجال ساقط ) واصلا احنا ما ادري شلون انطينا بنتنا ويطلع الف عذر وحجة لأخته كذالك من تسأله شنو رأيك بالمتعة ؟ حيجاوبك ( حلال شرعا ويحاول يدعم كلامه بعده أيات ملفقة ) ومن تجي للحقيقه وتسأله تقبلها ع اختك هذا الشي ؟ راح يعصب ويضوج منك . ما لا ترضاه على عرضك لا ترضاه على اعراض الناس ♥️.

العربي أول نظرة يلقيها على أي أنثى خارج بيتة نظرة جنسية وشهوانية حتى وإن كانت بغير قصد ، شي معشعش بالدماغ ، لأن هيچ يربّي المجتمع ، كل شي حواليه يصورلة الأنثى بالمقام الأول هي أداة إثارة وشهوة ، ومن همّة أطفال يبدون يصورولهم هالشي ، وكلما زادت السنين تضيق الحياة ع الأنثى وتتوسّع للذكر هي تنسلب حريتها أكثر وهو عندة تزيد ، لحد ما نوصل مرحلة أي كلام أو لقاء بين بنية وولد لازم يكون ثالثهم الشيطان ، المكتوب بهالمقولة هو واقع نشوفة يومية ونسمع دائماً " إذا هسة هيچ من تكبر شتطلع " ، ونلاحظ هالأفكار والكلام بكل فيديو أو مشهد لطفلة ترگص أو حاطيلها مكياج ، يصورولنة كأنما البشرية غابة والذكر هو الحيوان المُفترس والفتاة هي الفريسة المطاردة دائماً ، محّد يربّي الأطفال على إن العفّة والشرف هي بإحترام الآخرين ، بالصدق ، بأداء الأمانة ، بالتعامل ، بالإلتزام بالوعد ، بالعمل بجد ، للأسف ، موروث فكري يومية يرجعنة مئات السنين الضوئية ليورة ، المجتمعات ماتقدمت إلا بتحررها من هالافكار والنمطية ، لأن ماطول هالموروث قائم بقوة وتدعمة كل الانتماءات الإجتماعية كالعشيرة والدين ، راح يبقى المجتمع همّة الأول والأخير هالشغلات ، ويعيش ويسوي كل شي تقريباً بس ع مود يوصل لهالشي ويحصلة.

صباح الخير

- الي يصلي وهو متكبر لا يكول اني على دين محمد - الي يصلي وهو يحسد لا يكول اني على دين محمد - الي يصلي وهو يطعن بغيره لا يكول اني على دين محمد - الي يصلي وما يساعد فقير لا يكول اني على دين محمد - الي يصلي وما عنده انسانية لا يكول اني على دين محمد - الي يصلي وما عنده رحمة لا يكول اني على دين محمد دين النبي محمد شنو هوه ؟ اني اكلكم شنو هوه خلي نبدي نفصلهن وحدة وحدة الدين تواضع : اذا انت دكتور لا تستحي تصعد بسايبة لان الامام علي جان يمشي وهو حافي الدين رحمة : اذا شفت بزونة تاكل خبزة ببابك لا تطردها لان النبي يحيى چان يطعم الحيوانات والطيور من اكله الخاص الدين انسانية : اذا شفت عجوز واكفة وانت كاعد بمكان كوم وخليها تكعد بمكانك الدين تعامل : اذا شفت طفل حاججك عاملة وكانه جبير بالعمر لا تتجاهله الدين مساعدة : اذا شفت فقير لا تقصر ويا حتى اذا ما عندك امكانية تقاسم الي عندك انت ويا ولا تخلي محتاج الدين تسامح : اذا حصلت اساءة من صديق الك لا تشيل علي بكلبك حقد سامحة قربة الى الله تدرون ليش رسول الله أحسن الخلق خلقاً واخلاقاً ؟ لان الرسول هو صاحب رسالة ديننا وأساس ديننا ، يعني ما ننحسب على دين محمد اذا معدنا اخلاق حسنه ، الدين عمودة الأخلاق والدليل ملاحظين أكثر أو كل احاديث أهل بيت النبي هي وصايا ؟ وحتى القرآن كل صفحة منه ماتخله من آية بيها نصيحة وتوعية وتذكره ، ( بعثت لأتمم مكارم الأخلاق ) ماگال أي شيء غير لاتمم مكارم الأخلاق هذا أكبر دليل يثبت على أن دين الأسلام دين أخلاق ومذكور بالقرأن ( هو الذي بعث في الاميين رسولا يتلوا عليهم آياته ويزكيهم ويعلمهم الكتاب والحكمة ) اذا لاحظتوا بالآيه أن الله قدم كلمة يزكيهم على يعلمهم وهنا طبعاً اكو سر واعجاز قرآني وهو أن لازم بالأول نزكي انفسنا انوب نتعلم لان مثل ماگلنا ماكو فايدة من عبادتنه وعلمنه بديننا اذا ماعدنا اخلاق الدين هسه ليش الناس كرهته ونفرته ؟ لأن اللي يسمون انفسهم متدينين ماعدهم انسانية ولا تواضع ولا رحمة عكس ماچان بزمن المعصومين سلام الله عليهم اكثر الي أمنوا بالدين الاسلامي من خلال اخلاق أهل البيت وتعاملهم مع الناس الي يقابلهم بالاساءة يردونه بالجميل حتى يخجلة بجميلة مقارنه بالاساءة اللي وجهها أله ، وبهاي الحالة شراح يتبين ؟ راح يتبين أن أحنا واجبنة كـ مسلمين لازم نعكس اخلاقنا للمقابل نشوفه أن ديننا مافرض علينه عبادة وهاي هي ! وانما فرض علينه اخلاق نتعامل بيها مع المقابل 🤍.

تعدد الزوجات هو مجرد شي ابتكره المجتمع الذكوري حتى يطلق العنان لرغبات الرجل وماكو اله اي سبب منطقي اذا تگول : "عدد #النساء اكثر من عدد الرجال فلازم تعدد" فگلامك غلط لان الاحصائيات مال التعداد السكاني لبعض الدول العربية مثل الأردن ومصر والسعودية والعراق تثبت ان عدد النساء اقل من عدد الرجال اذا تگول : "تعدد الزوجات هو حل لمشكلة العنوسة" فعدم زواج #المرأة يسموه عزوبية مو عنوسة واصلا عزوبية المرأة مو مشكلة من الأساس عزوبية المرأة مو عيب ولا عار ولا فضيحة ولا مشكلة وإنما مجرد اختيار شخصي مثلما الزواج اختيار شخصي اذا تگول : "الرجل ممكن يتزوج امرأة عقيمة فلازم يعدد حتى ينجب أطفال " فالمراة هم ممكن تتزوج رجل عقيم ومع ذلك المرأة ما تفكر بتعدد الأزواج اذا تگول : "شهوة الرجل أقوى من شهوة المرأة فلازم يعدد الرجل حتى يشبع شهوته بالحلال" فالعلم اثبت ان المرأة هم عدها شهوة وحتى شهوتها أقوى من شهوة الرجل ومع ذلك ما تفكر المرأة بتعدد الأزواج اذا تگول : "التعدد ضروري علمود الرجل يتزوج مطلقة او أرملة ويساعدها مادياً" فهذا يعتبر استغلال لان بهيج حالة انت كاعد تستغل حاجة المطلقة او الارملة حتى تجبرها على الزواج منك ويمكن هالانسانة لو عايشة بغير ظروف فما ممكن تقبل بيك ولكن تجبرها على الزواج منك بحجة تقديم المساعدة المالية يعني تريد منها تقدم نفسها بالزواج مقابل انت تقدملها المساعدة المالية ! ارجع واگول هذا استغلال وشغلة ثانية انتو ليش هيج تتعاملون وية المطلقات والارامل وفق مبدأ الاتكالية والاعتماد على رجال حتى يصرف عليهن وتروحون تگولون الهن "اتزوجن رجال حتى يصرف عليچن"؟ ليش ما شجعوهن على العمل أو على أقل تقدير قدمو الهن المساعدة بدون طلب مقابل (باعتبار الأصل بفعل الخير ان يكون غير مشروط وبدون انتظار مقابل من الاخر) و طالبو الدولة بتوفير فرص عمل أو رواتب او ضمان اجتماعي للنساء المطلقات والارامل وطالبو بحقوقهن المسلوبة حتى يصير عدهن مصدر دخل ويبدن هن يصرفن على نفسهن وما يحتاجن رجال يصرف عليهن وبما ان التعدد ما اله اي فائدة تعود على المجتمع فلازم يصير قانون يمنع تعدد الزوجات ويجرمه 🤍.

اني مو لوكي ولا اتعاطف ويا البنات بس ماشفت بيوم من الايام بنت نشرت ع الشباب وكتبت هيج ، دتشوفون كمية التخلف والجهل وطريقة الكلام ؟ حاليا احنه بـ 2023 وبعدنا مستمرين نشوف هيج عقليات متخلفة الى متى ! الى متى هالنماذج يتدخلون بأشياء متخصهم الى متى هالنماذج يعرضون عنصريتهم وحقدهم وكرههم بشكل علني على السوشل ميديا وكأنه شيء عادي وطبيعي جداً ! بكل بساطة يحجون بمواقع التواصل ومخلين صورهم ، ماكو قانون يعاقبهم لو اكو قانون جان انطاهم درس وجرة أذن حتى ميتكلمون ع البشر هيج ويحترمون نفسهم وينشرون محتوى هادف ومفيد وغير عدواني ، تتنمرون ع شخص بس لأن ما يناسب معاييركم الي محد مهتم الها !

https://vm.tiktok.com/ZM2wexLpn/