اعلام ابراهيم ابن علي(ع)

تعبني شيّال الرمح تعّبنّـــــــــي گبال الضعن يعثر چذب ويذبني كلما درت وجهي البناتي يشتِمهّن ويِشتِم خـواتي تعبني تعبني ،،،،،،،، كلما طحت من الرمح زينب يهل مدمعها شبعت الم طول الدرب وانه الجنت اوجعها كل طيحه اشد من المنيـه وزينب تضل تبچي عليـــه وتصيح يامن عمت عيــناي لوله الحبل شلتك بديـــــــه كلساعه ويهد الرمح من چفــه كلما طحت زينب تروح اتحلفــه چم مره طگ امــدللاتي يشتِمهِّن ويِشتِم خـواتي تعبني تعبني ،،،،،،، فوگ الحجر مو عالترب يتقصد ايهد رمحه درب السبي اه يالسبي كل طيحه تنعد ذبحه كل سوگ رمحي ايبدلونّـه ينطونه غيره وياخذونـــه هذا چبير الخارجيّـــــــــن إيگلهم وبوي ايشتمـــــونه من ينكسر رمحي يبدلّه بثانـــي عباس يبچي وجاسم وخــــوّاني هذا الشلع گلبي ابمماتي يشتِمهِّن ويِشتِم خـواتي تعبني تعبني ،،،،،،، گلبي انشلع وتعذبت وعيالي موش گبالي ايفر الرمح من التفت كلما اصد لطفالي يلچمني لو هز رمحه بيـده وينزف يضل نحري اوريـده وختي اعله ناگتها وتحاجيه من احسينّه شنهي التريـــده شماحاچته منّ الرمح يشمرنــــي تراب انترس نحري وبقه يحرگني صبراً صحت ياغاليــاتي يشتِمهّن ويِشتِم خـواتي تعبني تعبني ،،،،،،، جرحي نزف دم ونزل وتخضبت لحيتي كلما ضرب طفله الشمر يرجع الم منيتي اه الشمر حيرني حيــــــــــره شما ادير وجهي ايگله ديـــره يروح البناتي ويلزم الســــوط ويضرب يضل وين الزغيـــــره ماعنده رحمه وغيره لاحنيّــــــه شماله الشمر ماعنده مثلي بنيــه وين الگبل چانت حياتي يشتِمهّن ويِشتِم خـواتي تعبني تعبني ،،،،،،،، چان الألم شتم الحرم واليشتم ايسمعني دمعة طفل مثل الذبح وٱزيد بعد توجعني شما سكنه تتنخه بخوهـــــــا يضحگون يمها ويشتموهـــــا يم بنتي شيال الرمح صــــاح ممنوع طفله تنادي ابوهـــــــا كل طيحه موته بالدرب كل طيحه عباس تعبته بكثر ماصيحــــــــــــه شبعن مرار امخـــدراتي يشتِمهّن ويِشتِم خـواتي تعبني تعبني ،،،،،،،، لخادم الحسين ع محمد الفهداوي

يا مذبوح ... يامذبوح گلبي ملهوف ينادي حسين وينه يا مذبوح ... يامذبوح من اليسر جيت يخويه بهالضغينه ********* تلگه اختك ياضواهه ..ردت بدمع اليصب اربعين من الليالي...عدن وشاب الگلب الكوفه والشام وعذابه...شلون اوصفهه صعب المامشت الا وي اخوها..حسين طلعت وي غرب يا مذبوح .... يامذبوح گلبي بجفاك فلا يگطع ونينه يا مذبوح ... يامذبوح گلبي ملهوف ينادي حسين وينه ********* من مشينه بنوگ هزل...حال ابد ماينوصف بيا وكت وانا الاميره..تالي بحبال انجتف بديره غرب استفردونه..ولا اكو بالوادم عرف وبالاسواگ يفرفرنه..وينضر علينه الخلف يا مذبوح.... يامذبوح لطبت السوگ ابد ماحسبينه يا مذبوح ... يامذبوح کلبي ملهوف ينادي حسين وينه ********* شحجي يحسين شسولف لوردت ليك اشتكي ابدي من نار المخيم لوبناري انه ابتدي ؟ يهيج جرحك خويه اعرفك لوجبت طاري السبي ياغيور وصعبه عندك يحدي بيه الناصبي يا مذبوح ..نمشي للشام سبايا مادرينه يا مذبوح ...گلبي ملهوف ينادي حسين وينه *********** اه ياطبت السوگ..شده على الگضتهه مخدره والمصيبه خارجيه..صيحو هاي المره وبالاحجار يكاطفونه..واحنا عيله ميسره بيش اشكاف وانه اديه..من الحروگ محموره يامذبوح ... يامذبوح نار الخيام بعد تچوي بأدينه يا مذبوح ... يامذبوح گلبي ملهوف ينادي حسين وينه *********** بالقصر من وكفوني وكفت ابالي الصور اتخيلت عباس يمي وزود ابو فاضل حضر چان گطع كل لسنهم يحچي واحد ماگدر راس يمي وكلهه ترجف وهو جسمه عالنهر يامذبوح ... يامذبوح راسه مگطوع وامان تفيي عينه يا مذبوح ... يامذبوح گلبي ملهوف ينادي حسين وينه *********** خويه اسأل عن مصيبه..الماسدت بين العرب حسين عن عبدالله انشدك..ضامي بعده لو شرب لهسه بعده يلالي لونه..حسين ابنك لو خرب امه لسه يدر لابنهه ..شما طفل يبچي وثغب يامذبوح ... يامذبوح تصبر شلون رضيع وذابيحنه يا مذبوح ... يامذبوح كلبي ملهوف ينادي حسين وينه *********** ✍️ ابو منتظر الحريشاوي

تلوگلك گبه ومناره يالفزت بيهه بجداره انت الاول بالصداره انت عباس رفعة الراس ................................... تلوگلك عباس هاي المنزله گبه الك وتصير نور بكربله واليزور حسين انت تسجله تگله يا حياك يا مية هله هيبه والعالم يشوفك تفرح بجية ضيوفك يشعر براحه اليطوفك وانت يا عباس رفعة راس ......................... .................... بزودك المعروف حيرت البشر من شمرت جفوف خجلت النهر ياهو للعباس يوصل ما گدر هيبه والكرار سماك الگمر بالحرب نلت القيادة حتى خطواتك عبادة بالوفه محصل شهاده انت عباس رفعة راس ............................. .......................... حسين ما شالاك چانت غايته حتى حضرة تصيرلك وي حضرته راد للعباس تكبر هيبته وبالذهب تنصاغ بالطف گبته عن وعي احچي وعقيده هذا الحسين اليريده عالنهر من ضل شهيده هذا عباس رفعة الراس ............................. اليعرف العباس يعرف قيمته واليزور بساع ياخذ حاجته البلگصص موجود من مي جربته اطيح عدنه فصول للحل رايته هيبه وتهابه العشيرة ورايته تحل الچبيره للمحن انت الذخيره انت عباس رفعة الراس .............................................. الضحه لجل الدين الله يسدده والله مايخلف حشاه بموعده وگبه العباس هاي الشاهده جنة الفردوس چنهه بمرقده كل ملك سجل حضوره من السمه نازل يزوره لساعة المهدي وضهوره انت عباس رفعة الراس ........................................ ✍️ ابو منتظر الحريشاوي

يحسين وداعة روحك … سالوفة كلبي جروحك عاشن بيه وعشت وياهن … شما فكيت عيوني الگاهن ............................................................ اتاملك .. واتخيلك .... بحر من الاحزان عطشان الك .. وارد اوصلك... وادري انت عطشان كالو حبيبك منذبح بس انه احاجيك و تسمعني اعرف سيدي لو سولف عليك مثل الهوة للمختنك هيج اني احس بيك مرات اشوفنك ضوة … ومرات اشم بيك الهوه ولمن تجور الدنيا وياي … باب الله اشوفه بنينوه يالتفهم كلش روحي … ما اسولف عن جروحي بس جروحك ما انساهن… شما فكيت عيوني الكاهن ............................................. كلما اعد .. ارجع اعد … اجروحك هواي من النحر .. من الظهر … من ياهي مولاي ماشفتك بهاي اسمعت چم طعنه مطعون وشكم نبل بيك ارتمه ترسمهة العيون وشکم نذل صاعد فرس فوگك يسحكون وارجع وارد اتصورك … بالحومه كطعو منحرك والمحبس الما ينزع …. نزعوه هو خنصرك ياهو اليتحمل غيرك …. على الكاع اطشر خيرك اجزائك ياهو الماهن … شما فكيت عيوني الگاهن ......................................... حزنك كلف .. ما ينوصف … واتعده الحدود فوك النهر .. عندك گمر … مكطوع الزنود من طاح اخيك عالنهر كضيت الصفاح كل حيلك وذاك العزم وي الكمر طاح و زحت العمود من الخيم ستر الخيم راح كلك حزن من ارجعت …. كل خطوة بيهة تشاهدت مكسور ضهرك سيدي … واكف عجيبة وما طحت واسمع بالونه احساسك … تبجي بحسره لعباسك جفين عالشط خلاهن … شما فكيت عيوني الكاهن ................................................... حرگ الخيم … طيحت علم … ومراكض عيال راس انكطع … فوك ارتفع … ويشاهد احبال ربطو حرايركم زلم وعيونك تشوف وخلو عليل على الهزل وچماله مجتوف ومدللاتك بالفله وكاتلهن الخوف اليتسمن باسم النبي … طلعن اسيرات بسبي والكاسر كليبك جرح … يحدي بضعنهن اجنبي وذباحك بالهم سابيهن من ديره لديره يفر بيهن والمايوصلهن سباهن شما فكيت عيوني الكاهن ............................... كلشي انتهه .. ويمك بده .. عنوان الجروح تبجي السمه .. واهل السمه… لاجلك يمذبوح گطره ابحر هاي الخلك شما شافت الآم جرحك نزف ما ينگطع بعيون الايام معزب لحد اخر نفس صدرك للسهام طبعك مثل طبع الورد.. كلش كريم و ما ترد حتى السهم كتله هله … و وکلته من ذاك الچبد لو اسولف عن حنيتك شكتبلك ما وفيتك اكتب وابچي شما اقراهن .. شما فكيت عيوني الكاهن ........................................ ✍️ ابو منتظر الحريشاوي

ثورة عشك   مشايا باچر تجي    بالرايه يبدي زحفهه احبابك    من بابهه لحد بابك                     ثورة عشك                     ‏.................. يا اغلى محبوب انوجد بالعالم  والعالم هامت عشك كل شي نمله وخدمتك حبينه مابينه لو نفترك  لو كبرك اتعنينه تطوي الارض چن بينه يتسابكن رجلينه     محلاهن ثاري اليحب موبيده لمن حبيبه يريده شوگه وغرامه يزيده   محلاهن گلب اليدگ   واحساسه شوك العشك  لو جاسه تنذر عمر لترابك  من بابهه لحد بابك                     ثورة عشك                     ‏.................. موسم حجيج زيارتك يالغالي  وكل غالي يمك رخص لكل شي خصوصيه انوجد وعيونك الكل دونك وانت الاخص من صرنه وتربينه غيرك فلا حبينه ثوره عشكنه البينه     و احساسك الخله روحه بروحك كلش فهمهه جروحك كل عمره عاشر نوحك   و احساسك شكم رايه الك    حنينه وزحوف الك      هالجينه بيهه الحزن لمصابك    من بابهه لحد بابك                   ثورة عشك              .....     ‏........................... من كل بلاد اتعنتك مشايا والرايه خضره وترف موسم حصاد تسابكو زوارك خطارك زحفت زحف چنه الحشر ميعاده في كربله وزياده ربك جمعهه عباده   كلهه الك كلهه تجي ملهوفه كبرك تريد اطوفه اصوات الحزن معروفه    كلهه الك يحله المشي   للغالي لازم نجي     ومنبالي ماخذهه شوك اعتابك   من بابهه لحد بابك                   ثورة عشك          .................................... بالاربعينه البشر ملهوفه  مصفوفه موكب خدم كلمن يعزب بالگدر من ماله وعياله نصبت خيم  خيمه عشك منصوبه وبخدمتك مهيوبه الماعنده بايع ثوبه      لعيونك دنيا اوكفت محتاره هالحب شنو اسراره كلمن فتحلك داره      لعيونك موكب طلع     بقرايه وموكب فزع   مشايا حبهم عجيب احبابك   من بابهه لحد بابك                   ثورة عشك                   ‏.......                   ‏....................    ✍️ ابو منتظر الحريشاوي

ما نهاب اعداج ... احنه كلنه اوياج يا زينب يازينب ٭ـــــــــــــــ※※※※※ـــــــــــــــ٭ احنه انصارچ يزينب لجلچ انضحي الدمه مانهاب الموت كله لا وحك رب السمه شما يزيد احنه عددنه نبقه حد الموزمه وشحده ليعادينه احنه زودنه بحامي الحمه منهو اليدناج ... احنه بحماج يازينب يازينب ٭ـــــــــــــــ※※※※※ـــــــــــــــ٭ والله منعوفج ندبنه هايبت خير العمل جيش عندج يالسبيه للحرب لمن نزل يقاتل اشباه السقيفه ويبقه شامخ كالجبل تسحك اخشوم الاعادي ولد تربات الفحل وينه العاداج ... خله يحجي اوياج يازينب يازينب ٭ـــــــــــــــ※※※※※ـــــــــــــــ٭ وينه وينه الكال زينب ليها لازم نعتلي انفجر الكبه وضريح هالسبيه بت علي وفنه اليوصل حدودج يالعقيله عاذلي احنه كلنه تحت امرج زينب انتي ادللي بالشدد نرجاج ... يالغريبه احماج يا زينب يازينب ٭ـــــــــــــــ※※※※※ـــــــــــــــ٭ ٭ـــــــــــــــ※※※※※ـــــــــــــــ٭

كلماتي لسيدي ومولاي الحسن المسموم ...على لحن على الآه يهاجر ما صبرتي ......((يمسموم يبن حامي الحمية مصابك فجع كَلب الزجية الرسول شوصه هاي الناس بالعتره الحسن مسموم وحسين انكَطع نحره ========================== مو كَال النبي لا مره وثنين ريحانة دليلي الحسن وحسين چاوين الوفاء لأهله چا وين اذا منه سبو حتى النساوين توافي الرسول بسم چبدته والحسين اخيه وحز ركَبته وعلى صدره تجول خيولها العشره ========================== ناس بلاية دين بلاية ذمــه كَلي بيـا ذنب جبده تسمه جبرآئيل جان الي يخدمــه ويا ام المثلها الزهرة امـه بالحساب لمن تلفي الزجية وبالأحزان تطلع جفوف اخية تصيح بيا ذنب جفينه منبتره هاي احفاد هند وهاي اميـة واحنه اليوم عدهم رافضية الحسن مهدوم كَبره لهالمسية ومـا تنشف دماء الغاضرية الى الآن نشوف شكَد مجازر يمسموم رجع كَطع الناحر احفاد الدفعها الباب عالزهرة ====================== === اذا چبـدك تسمم نزف دمـه هدم حيل العقيلة حسين سهمه الحسن من مات جان حسين يمه حسين من نذبح خيل على جسمه اويـلاه على الجثة السلبية وبالطفوف تظل زينب غريبه بعد ياهو اليجيها ومنهو تنتظره =========================== يا من للجليل انطيت عمرك كل ظنهم نسينه وما نذكرك يا سر هل أتى المحد يفسرك هاي ارواحنه تحوم على كَبرك بقيعك يعيش ويالمشاعر وخيالك سكن وسط النواظر وتظل شمة مقامك يالحسن حسرة ========================= جزعنه والفرج طال انتظاره شوكت ليل الظلم يطلع نهاره شبل حسين ياخذ يمته ثاره يزورك سيدي ويبني المناره نخيناك يمهدي وما تجينه بقيعه وصل يمك ونينه ألك چم جد يمهدي المنهدم كَبره *************************** حيدر حسين الكرعاوي

https://t.me/urIfs742

خدام موكب انصار الزهراء شباب ال خزرج..مرقد الامام ابراهيم ابن علي عليه السلام

متعني الزاير جاكم من الباب الحد البيت