تقنية المعلومات جامعة طرابلس IT

خليك زي ميسي اوهمهم بالسقوط وفي دقيقة 90 ديرلهم وحدة " صفيت موادي "

لما بوك يجي معك بعد فترة طويلة جامعة :

فترة بعنوان هانت .🎓❤️

|#إعلان| نقلاً عن صفحة الكلية: على جميع الطلبة الذين تغيبوا عن الامتحانات النهائية بعذر، أخذ العلم بأن آخر موعد لتسليم طلبات اعادة الامتحان هو الاربعاء الموافق 2026/7/8، خلال فترة الدوام الرسمي بمكتب الدراسة والامتحانات، بمجمع الخوارزمي. نأمل الالتزام وعدم الاحراج فلن يُقبل أي عذر بعد هذا الموعد. لجنة الامتحانات بالكلية #مكتب_شؤون_الطلبة #مكتب_شؤون_الطالبات #اتحاد_طلبة_كلية_تقنية_المعلومات

السلام عليكم ورحمة الله وبركاته كيفحالكم جميعاً ، زي ماتشوفو اسم الكلية يبي صيانة وتجديد والحيط مش أنظف شيء ، لو ماتعرفوش الشعار داروه طلبة.بمجهود ذاتي لقطناله ووقتها اغلبهم كانو طلبة مقبلين عالتخرج بارك الله فيهم. وتوا نبو نجددوه وحتى يتزوق الحيط يلي وراه ، احني كـ طلبة يلي بنناقشو الايام الجاية بنلقطو بين بعض لتجديده وكان حيقعد موضوع بيناتنا بس ، لكن شكله الموضوع محتاج إعانة من الكل ، لو حد يقدر يتبرع بيلي يقدر عليه متواجد كنت اليوم وغدوة ممكن نجي والثلاثاء جاي بعون الله نحاولو نجمعو لنجمعوه تتشطب الامور قبل بداية المناقشات يوم السبت يتزوق الحيط يتجدد العنوان او اسم الكلية وينظاف معاه الشعار ولا بأس لو سدت ميزانية بكم حوض غرس ينحط تحته لتجميل المكان أكثر، و حاجة في نهاية تقعد للكلية وليكم منظر كويس مكان تصوير مناسب وكليات تانية مش خير منا في شيء ربي يزيدهم ويباركلهم ، وراهو ياما جرينا كـ طلبة على هلبا حاجات تحسابوها توفرت من الدولة لا والله لا . ملاحظة : كل شي مسجل من تبرع وكم تبرع وكل شي حيكون بالفواتير وقدام الكل بارك الله فيكم جميعاً وموفقين

اليوم تكررت صدمة الرياضيات يلي جتنا لل2008 شكله الوزارة يتعاملو زي كاس العالم

2004 لليوم قاعدين في صدمة امتحان الرياضيات في الشهادة 😭🙏 حرفيا العذاب الشديد

السلام عليكم ورحمة الله مريضة محتاجة لصفائح وتقبل متبرعين من اي فصيلة حالتها مستعجله وهما يسكنو برا طرابلس لو حد يتبرع يمشي لمصرف دم في طريق شط و يتواصل مع رقم هاذا بارك الله فيكم +218 92-8344607

Fr 😭🙏

السكر ثلاث انواع : سكر ابيض سكر بني سكر تليفونك واقرا شيتاتك

كلُّ مَنْ عَلَيهَا فَان وَيَبقَى وَجهُ رَبِّكَ ذُو الجَلَالِ والاكْرَامِ إنا لله وإنا إليه راجعون انتقل الى رحمة الله الاستاذ محمد غيث اللهم ارحمه رحمةً واسعة واجعل ما بعد الموت خيرًا له واجعل قبره روضةً من رياض الجنة

الوضع والنفسية للامتحان 0% حسن الظن بالله 100%

قالت إن السبب الأكبر هو الإدمان ع الشاشات والفيديوهات القصيرة بعد ما كانت تقرا كتب وتناقش في مواضيع كبيرة... توا بدت ساعاتها تضيع في التمرير من فيديو لفيديو وأكتر جملة شدتني منها "الذكاء مش موهبة مضمونة للأبد... الذكاء عضلة لو ما تمرنتش عليها حتضعف" والأغرب كانت التعليقات لناس هلبا تحكي إنها فقدت التركيز وناس تقول ذاكرتها ضعفت وطلبة مش قادرين يقرو صفحة كاملة من غير ما يشتت انتباههم الهاتف... فعلاً الواحد لازم يراجع روحه لأن أخطر حاجة ممكن تصير إن عقلك يضعف بشوية بشوية منغير ما تحس. ننصحكم لو هواتفكم سامسونغ تديرو widget اسمها screen time.. تحسبلك من استخدمت الهاتف خلال اخر 24 ساعة و اخيرا نصيحة ليا و ليكم راهو الإسلام لم ينهانا عن "الريلز"، لكنه نهانا عن إضاعة العمر، وتشتيت القلب، واتباع الهوى، والانشغال بما لا ينفع. وكل وسيلة تحقق هذه المعاني فهي داخلة في عموم النصوص، ولو كانت حديثة. قال رسول الله ﷺ: «نعمتان مغبون فيهما كثير من الناس: الصحة والفراغ.» رواه البخاري ومقاطع الريلز من أكثر ما يستهلك وقت الفراغ دون فائدة تُذكر. قال تعالى ﴿أَفَرَأَيْتَ مَنِ اتَّخَذَ إِلَهَهُ هَوَاهُ﴾ سورة الجاثية: 23. فالانسياق المستمر وراء ما تشتهيه النفس من التسلية بلا ضابط يدخل في عموم الآية. و قال تعالى ﴿وَلَا تُطِعْ مَنْ أَغْفَلْنَا قَلْبَهُ عَنْ ذِكْرِنَا وَاتَّبَعَ هَوَاهُ وَكَانَ أَمْرُهُ فُرُطًا﴾ سورة الكهف: 28. قال أهل التفسير: "فُرُطًا" أي مضيعا لأمره، مشتتا، لا يحسن تدبير وقته. و ربي يهديني و اياكم 💙

شفت فيديو للبنت هاذي كانت تقرا في علم الأعصاب، تتكلم بطريقة غريبة وتقول إنها حاسة روحها بدت #أغبى من قبل، وإن الموضوع يزيد يوم بعد يوم. لما رجعت تتفرج ع فيديوهاتها أيام الجامعة انصدمت ان كلامها كان قوي ومفرداتها هلبا وطريقة تفكيرها عميقة أما توا تحس إن لغتها ضعفت وبدت ركيكة وتركيزها معاش زي قبل......

السلام عليكم ورحمة الله وبركاته في نموذج 2 للطالب محمد البشير يجي يستلمه قدام قاعة الكيمياء

موفقين في الاختبارات يا أساطير

https://t.me/c/1483882043/247667

ملخص الأسبوع الجاي : يا ليتني درستُ أولاً بأول للشاعر - ندمان خليل ندمان -