Buxgalteriya || Accounting Stuff ||📘

💰 Заргарлик соҳасида кэшбек 80% гача қайтарилишини билармидингиз? Кўпчилик тадбиркорлар ҳали ҳам бу имкониятдан тўлиқ хабардор эмас. Аслида эса заргарлик соҳасида фаолият юритувчи корхоналар учун ҚҚС бўйича кэшбекни 80% гача қайтариш механизми мавжуд. 📌 Бу нима дегани? Яъни, сиз маҳсулот сотиш жараёнида тўлаган ҚҚСнинг катта қисми — 80% гача бўлган қисми кэшбек орқали сизга қайтарилиши мумкин. 📌 Нима учун бу муҳим? — Бизнесингиз ликвидлигини оширади — Солиқ юкини амалда енгиллаштиради 📌 Нима кутилаяпти? Яқин кунларда ушбу механизмни янада такомиллаштириш, хусусан кэшбек қайтаришни осонлаштириш ва солиққа тортиш масалаларини аниқ белгилаш бўйича янгиликлар бўлиши кутилмоқда. 👉 Агар сиз заргарлик соҳасида фаолият юритаётган бўлсангиз, бу имкониятни ўрганиб чиқиш ва амалда қўллаш жуда муҳим. ❗️Савол: сиз кэшбек механизмини амалда қўллаяпсизми ёки ҳали муаммоларга дуч келяпсизми? Комментарияда ёзиб қолдиринг. @accounting_stuff

Ramazon hayiti va Navro‘z bayrami munosabati bilan necha kun dam olinadi? Samarqand shahrida o‘tkazilgan Turkiy davlatlar tashkilotiga a’zo mamlakatlar musulmonlari diniy idoralari rahbarlari kengashi huzuridagi Fatvo qo‘mitasi 2026-yilda Ramazon oyining hamda Ramazon hayitining birinchi kuni qachonga to‘g‘ri kelishi haqida qaror qabul qilgan edi. Shunga koʻra Oʻzbekistonda Ramazon hayiti 20-mart kuniga toʻgʻri kelishi kutilmoqda. 21-mart Navroʻz bayrami ekani hisobga olinsa, oʻzbekistonliklar uchun ketma-ket dam olish kunlari yuzaga keladi. 🗓 Haftada 5 kunlik ish rejimida ishlovchilar uchun dam olish kunlari: 20-mart — juma, Ramazon hayiti; 21-mart — shanba, Navro‘z bayrami; 22-mart — yakshanba; 23-mart — dushanba (ko‘chirilgan dam olish kuni). 24 mart — seshanba ish kuni. 🗓 Haftada 6 kunlik ish rejimida ishlovchilar uchun dam olish kunlari: 20-mart — juma, Ramazon hayiti; 21-mart — shanba, Navro‘z bayrami; 22-mart — yakshanba. 23-mart — dushanba ish kuni. 🔝 @foydali_moliya — obuna bo‘ling!

Янги фирибгарлик усули! 30 дақиқа молиявий ҳаётингизни вайрон қилиши мумкин. Бу оддий телефон фирибгарлиги эмас — у анча хавфлироқ. Уларга сизнинг пулларингиз, паролингиз ёки ишончингиз керак эмас. Уларга фақат сизнинг яхшилигингиз керак. Сўнгги вақтларда савдо марказлари, метро бекатлари, бозорлар ва жамоат жойларида “ёрдам сўраш орқали фирибгарлик” деган янги усул пайдо бўлди. Фирибгарлар одатда яхши кийинган ўрта ёшли ёки катта ёшли одамлар бўлади. Улар телефондан фойдаланишни билмаслигини, пенсия ёки субсидия миқдорини текширмоқчи эканини ёки нотўғри саҳифани босиб юборганини айтиб, телефонни кўриб беришингизни сўрайди. Хавфли жиҳати: Сиз телефонни қўлга олганингизда, унда кўпинча видеоқўнғироқ амалга оширилаётган бўлади ёки экран ёзуви ва юзни аниқлаш функцияси ёқилган бўлади. Қўнғироқнинг нариги томонида кимдир сизни кузатиб туради. Сиз ёрдам бераяпман деб ўйлайсиз, аслида эса биометрик маълумотларингиз йиғиб олинади. Бу оддий фирибгарлик эмас. Бу сунъий интеллект ёрдамида биометрик идентификация орқали амалга ошириладиган фирибгарликдир. Уларга пул керак эмас. Уларга сиз кераксиз. Агар сиз телефонга қўл теккизсангиз (бармоқ изи), рақамлар ёки текширув кодларини овоз чиқариб ўқисангиз (овоз намунаси) ёки экранга қараб турсангиз (юз ҳаракатлари), сизнинг учта асосий биометрик белгингиз — бармоқ изи, овоз ва юз тасвири — ўғирланиши мумкин. Замонавий сунъий интеллект сизнинг деярли мукаммал рақамли нусхангизни ярата олади. Кейин содир бўладиган ҳолат қўрқинчли. Фирибгарлар рақамли нусхангиздан онлайн кредитлар олиш, истеъмол қарзларини расмийлаштириш, кредит маблағларини нақдлаштириш ва юз ҳамда овоз орқали автоматик текширувдан ўтиш учун фойдаланиши мумкин. 30 дақиқа ичида сизга ажратилган барча кредит лимити ишлатиб юборилиши мумкин. Банк хабарномалари келганда, пул йўқолмаганини, аксинча, сиз катта қарзга ботганингизни тушуниб етасиз — балки минглаб пул миқдорида. Ушбу 3 қоидани эслаб қолинг: 1. Ҳеч қачон бегона одамга телефондан фойдаланишда ёрдам берманг. Телефонни ушламанг, босманг, кўрманг ва овоз чиқариб ҳеч нарса ўқиманг, ҳатто “фақат бир марта босинг” дейишса ҳам. 2. Номаълум видеоқўнғироқларга жавоб берманг. Дарҳол ўчиринг. Камерага қараб гапириш ёки юзни кўрсатиш илтимосларига рози бўлманг. 3. Бу хабарни кекса инсонлар, болалар ва самимий дўстлар билан улашинг. Фирибгарлар энди яхши одамларни нишонга олаяпти. Охирги эслатма: Ҳеч қачон “менга бундай бўлмайди” ёки “мен алданмайман” деб ўйламанг. Айнан шу ишонч ва яхшиликни фирибгарлар ишлатади. Илтимос, бу хабарни улашинг. Бир марта улашиш — бир қурбонни камайтириши мумкин. 🍃🌸

​ Қарз тўлашда қийналмоқдамисиз? Яна қарз оласизми? Ўзбекистонда аҳоли қарз юки бўйича вазият қандай ўзгармоқда? Кредит ёки қарзлар асосан қайси мақсадларда олинмоқда? Сўровномада иштирок этиб, қарз юки ҳолатини таҳлил қилишга ўз ҳиссангизни қўшинг. Сизнинг жавобларингиз аҳолининг молиявий ҳолатини ўрганиш ва хулосалар чиқаришда муҳим аҳамиятга эга. @cbudebtburden2025H2bot

📊 2025 йил якунлари бўйича аудит керакми? F PLUS AUDIT Auditorlik korxonasi 2025 йил молиявий йил якуни бўйича мажбурий ва ихтиёрий аудит хизматларини таклиф қилади. Биз қуйидагиларни кафолатлаймиз: ✔️ Қонунчиликка тўлиқ мувофиқ аудит ✔️ Молиявий ҳисоботларни холис ва аниқ текшириш ✔️ Солиқ ва молиявий хавфларни аниқлаш ✔️ Аудиторлик хулосасини ўз вақтида тайёрлаш 🎯 Таъриба, жавобгарлик ва ишонч — F PLUS AUDIT билан. 📞 Боғланиш учун: 99 983 90 10 📲 Telegram орқали мурожаат қилиш мумкин @mansurbekaudit

📌 2025 йил якуни бўйича ҳисоботларда қийналяпсизми? Мен — 16 йиллик тажрибага эга бухгалтер, аудитор ва солиқ маслаҳатчиси. Қуйидаги масалаларда профессионал ёрдам бераман: ✔️ Солиқ ҳисоботлари ✔️ Молиявий ҳисоботлар ✔️ Якуний йиллик ҳисоботлар ✔️ Солиқ хавфларини камайтириш бўйича маслаҳат ва аудит ⏱️ Вақтингизни тежанг, ҳисоботларни ишончли мутахассисга топширинг. 📞 Тел: 99 983 90 10

Ҳурматли бухгалтерлар ва аудиторлар! Якунланаётган йил давомидаги масъулиятли меҳнатингиз, аниқ ҳисоб-китобларингиз ва сабр-тоқатингиз учун чуқур миннатдорлик билдирамиз. Сизларнинг касбий маҳоратиңиз ва фидокорона меҳнатингиз ташкилотимиз барқарорлиги ва ривожи учун мустаҳкам пойдевор бўлиб хизмат қилмоқда. Янги йил сизларга мустаҳкам соғлик, оилавий бахт, молиявий барқарорлик ва янги ютуқлар олиб келсин. Ҳисоб-китоблар доимо аниқ, ҳисоботлар эса осон ва муваффақиятли бўлишини тилаймиз. Янги йил муборак бўлсин! 🎉 Ҳурмат билан, Accounting Stuff жамоаси

Автоматлаштирилган солиқ ҳисоботларини шакллантириш имконияти киритилди: 👍 Солиқ органлари ўзлари юридик шахсларнинг мол-мулкига солинадиган солиқ, ер солиғи, жисмоний шахслардан олинадиган даромад солиғи, ижтимоий солиқ, қўшилган киймат солиғи ва айланмадан олинадиган солиқ ҳисоботларини электрон шаклда автомат шакллантириши мумкин. 👍 Агар солиқ тўловчи солиқ органи томонидан шакллантирилган ҳисобот маълумотларига рози бўлса, унга беш кун ичида тузатишлар киритиши лозим. Акс ҳолда, автомат шакллантирилган ҳисобот солиқ тўловчи томонидан тақдим этилган деб ҳисобланади.

🟢 Korxona haqida umumiy ma`lumotlar orginfo.uz registr.stat.uz ihamkor.uz myorg.uz 🟢 Ishonchlilik reytingi https://chamber.uz/contractor-rating 🟢 "Obnalchi" - QQS dan shubhali https://old.soliq.uz/activities/tax-risk-analysis 🟢 Hamkorning soliqdan qarzi https://old.soliq.uz/activities/debtor?lang=latn 🟢 Yirik soliq to`lovchi https://old.soliq.uz/activities/large-taxpayers 🟢 Hamkor sudlanganmi https://my.sud.uz/pages/monitoring/economical.html 🟢 Birjada insofsiz ijrochi https://xarid.uzex.uz/info/unfair-executor https://xt-xarid.uz/registry/bad_suppliers 🟢 Qurilish korxonasi reytinggi https://reyting.mc.uz/ 🟢 Korxona bankrot bo`lmaganmi https://my.gov.uz/uz/info-bankruptcy-organization 🟢 Hamkoringiz xodimlari soni haqida ma`lumot

The owner of this channel has been inactive for the last 11 months. If they remain inactive for the next 8 days, they may lose their account and admin rights in this channel. The contents of the channel will remain accessible for all users.

The owner of this channel has been inactive for the last 11 months. If they remain inactive for the next 20 days, they may lose their account and admin rights in this channel. The contents of the channel will remain accessible for all users.

Sunʼiy intellekt va robotlar ham soliq toʻlashi kerak – Bill Gates Sun’iy intellekt va robotlar mehnat bozorini tubdan o‘zgartirmoqda. Ko‘plab jarayonlarni endi odam emas, algoritm bajaradi. Gatesning fikricha, bu o‘zgarish shunchaki texnologik yutuq emas — iqtisodiy muvozanat masalasi. 🔍 Muammo nimada? Ishlaydigan odamlar turli xil soliqlarni toʻlaydi va bu orqali davlat budjeti shakllanadi. Lekin o‘sha ishni robot yoki AI bajarganda: — ishlab chiqarish oshadi, — xarajat kamayadi, — ammo davlatga soliqdan pul tushmaydi. Bu uzoq muddatda budjet defitsitiga, ijtimoiy tizimlarning bosim ostida qolishiga olib kelishi mumkin. 💡 Gatesning taklifi: Robot odam o‘rnini egallayotgan bo‘lsa, kompaniya shu jarayon uchun alohida soliq to‘lasin. Va bu mablag‘ ijtimoiy himoya tizimiga, AI tufayli ishini yoʻqotgan odamlarni yangi kasblarga o‘qitishga, budjet xarajatlariga yoʻnaltirish kerak. 🔝 @foydali_moliya – obuna boʻling!

Ижара шартномасини солиқ органларида рўйхатдан ўтказиш бўйича асосий қоидалар 1. Рўйхатдан ўтказиш мажбурияти Ижара шартномаси солиқ органларида рўйхатдан ўтказилиши шарт (595-сон ВМҚ, 150-сон ВМҚ). Бу амал ижара шартномаси тузилган кундан бошлаб 3 кун ичида ижарага берувчи томонидан бажарилиши керак. 2. Рўйхатдан ўтказилмаган ижара шартномасининг оқибатлари A) ЭҲФ (Электрон ҳисоб-фактура) расмийлаштиришга чеклов йўқ Ижара шартномаси солиқ органларида рўйхатга қўйилмаган бўлса ҳам, ЭҲФ чиқаришга ҳеч қандай таъқиқ йўқ. Қонунчиликда бундай чеклов назарда тутилмаган. B) Солиқ томонидан келиб чиқадиган оқибатлар 2. Товар-моддий захираларга боғлиқ қатъий чекловлар Рўйхатдан ўтказилмаган ижара асосида фойдаланилаётган омбор/бинода турган товар-моддий захиралар: инвентаризациядан ўтказилмайди, солиқ мақсадларида мавжуд эмас деб баҳоланади (595-сон ВМҚ 3в-б.). Бу жуда жиддий оқибат, чунки солиқ текширувида омборингиздаги товарлар қонуний деб танилмаслиги мумкин. 3. Маъмурий жавобгарлик Ижара шартномасини рўйхатга қўймаганлик маъмурий жавобгарликка сабаб бўлади (МЖтК 175-модда). 3. Хулоса (Қисқа қилиб) ✔️ Ижара шартномаси 3 кун ичида солиқда рўйхатдан ўтказилиши шарт. ✔️ Рўйхатдан ўтказилмаган бўлса ҳам ЭҲФ чиқса бўлади. ✖️ Аммо солиқ оқибатлари бор: банк ҳисобварақлари тўхтатилиши мумкин, омбордаги товарлар “мавжуд эмас” деб баҳоланиши мумкин, маъмурий жарима бор.

МЧЖ шаклидаги ҳусусий мактабда тўловларнинг бир қисми нақд шаклда қабул қилинади. Ўқувчиларга 3 маҳал овқат берилади. Овқат учун масаллиқ харид қилиш учун кассага қабул қилинган пулларни ишлатиш мумкун ми? Касса операцияларини тартибга солувчи меъёрий ҳужжатлар мавжудми? Нақд пул тушумига эга бўлган барча хўжалик юритувчи субъектлар нақд пул тушумини банкларга топширадилар (09.08.1996 йилдаги 1504-сонли ПФ 3-б.). Аҳолига ва барча хўжалик юритувчи субъектларига банк кассаларидан нақд пулларни бериш, уларнинг банкдаги депозит ҳисобварақларидаги маблағлари доирасида, касса ҳужжатларида кўрсатилган мақсадлар учун амалга оширилади. Банклар аҳолига ва хўжалик юритувчи субъектларига нақд пулларни уларнинг биринчи талаби бўйича узлуксиз тарзда чиқим қилиб берилишини таъминлайдилар (АВда 01.05.2018 йилда 3003-сон билан рўйхатга олинган Йўриқнома 30-б.). Юқоридагиларга кўра нақ пул тушумини банкга топширишингиз керак, ушбу маблағларнинг керак вақтда ва керакли миқдорда банкдан олишингиз ҳам кафолатланган, амалда ҳам бугунги кунда бу муаммоли масала эмас. Шундай экан, норматив ҳужжат нормасини бузмаслик учун пулни банкга топширинг ва керакли миқдорини белгиланган тартибда қайтариб олинг. Касса амалиётларини тартибга солувчи норматив ҳужжатлар қуйидагилардир: АВда 01.05.2018 йилда 3003-сон билан рўйхатга олинган Йўриқнома, АВда 11.07.2008 йилда 1834-сон билан рўйхатга олинган Йўриқнома, АВда 29.06.2018 йилда 3028-сон билан рўйхатга олинган Йўриқнома, 30.10.2018 йилдаги 5564-сон ПҚ, 06.09.2019 йилдаги 5813-сон ПҚ.

#soliq_taqvimi 🗓 Eslatma ❗️Agar soliq majburiyatini bajarish muddatining so‘nggi kuni dam olish (ishlanmaydigan) kuniga to‘g‘ri kelsa, shundan keyingi birinchi ish kuni muddatning tugash kuni hisoblanadi. Shu sababli 2025-yil 17-noyabr oktabr oyi uchun: - hisoblangan va amalda toʻlangan daromadlar summalari hamda jismoniy shaxslardan olinadigan daromad soligʻining ushlab qolingan summalari toʻgʻrisidagi maʼlumotlarni taqdim etish, shuningdek ijtimoiy soliq hisob-kitobini taqdim etish va toʻlashning oxirgi kuni; 👉Soliq kodeksi 389-moddasi 1-qismi 👉Soliq kodeksi 407-moddasi 4- va 5-qismlari - aylanmadan olinadigan soliq hisobotini taqdim etish va soliqni toʻlashning oxirgi kuni; 👉Soliq kodeksining 470-moddasi 3- va 4-qismi Тelegram |Facebook |Youtube| Instagram |X| Threads

Инфляция — бу товар ва хизматлар нархларининг умумий даражада узлуксиз ўсиши бўлиб, натижада пулнинг қиймати пасаяди, яъни шу пулга камроқ нарса сотиб оласиз.

O‘zbekistonda islomiy bank faoliyatini joriy qilishga qaratilgan qonun loyihasi qabul qilinib, Senatga yuborilibdi. Mavridi kelganda islomiy bank tushunchasiga qisqacha taʼrif berib oʻtsak: Islomiy bank – bu islom huquqi (shariat) meʼyorlari va tamoyillariga muvofiq ishlaydigan moliya tashkiloti. U odatdagi banklardan farqli ravishda foiz (ribo) asosida ishlamaydi. Ya’ni, pulni pul evaziga sotmaydi, balki real tovar, xizmat yoki investitsiya asosida foyda oladi. Asosiy tamoyillari: ⚫️ Foiz (ribo) taqiqlanadi. Islomda pul o‘zi foyda keltiruvchi vosita emas, u faqat almashinuv vositasi. Shuning uchun "qarz berib, ustidan foiz olish" harom hisoblanadi. ⚫️ Risk va foyda sherikligi. Islomiy bank mijoz bilan ham foydada, ham zararda sherik bo‘ladi. Masalan, bank loyihaga sarmoya kiritadi, foyda bo‘lsa – bo‘lishiladi, zarar bo‘lsa – birga ko‘tariladi. ⚫️ Tovar va xizmatga asoslangan bitimlar. Bank pulni shunchaki bermaydi, balki tovarni sotib olib, mijozga biroz foyda qo‘shib sotadi (murabaha). Yoki asbob-uskunani ijaraga beradi (ijara). ⚫️ Noaniqlik va qimor taqiqlanadi. Bitimlarda aniqlik, adolat, shaffoflik bo‘lishi kerak. Tavakkalchilik, qimor yoki lotereya kabi faoliyatlar man etiladi. ⚫️ Axloqiy va ijtimoiy mas’uliyat. Islomiy banklar faqat halol sohalarga investitsiya qiladi (spirtli ichimlik, qurol, qimor va h.k. sohalarga emas). Ijtimoiy adolat va farovonlikni ko‘zlaydi. 🔝 @foydali_moliya – obuna boʻling!

🤩 Bugun – Xalqaro buxgalterlar kuni! Bugun aniq fanlarga ixtisoslashgan soha vakillari – buxgalterlar o‘z kasb bayramlarini nishonlamoqda! 🗓 Nega aynan 10-noyabr? 1494-yilning aynan shu kuni venetsiyalik olim Luka Pachioli "Hisob-kitoblar va qaydlar haqida" nomli kitobini chop ettirgan. Bu kitob buxgalteriya ishini birinchi marta tizimli tarzda qog‘ozga tushirgan asar sifatida tarixga kirgan. Bu kasb egalari har bir biznesning yuragi, tartib va ishonch timsoli hisoblanadi. Ularsiz raqamlar ham, ishlar ham tartibsiz bo‘lar edi. ✨ Barcha buxgalterlarni kasb bayrami bilan tabriklaymiz!

💼 Иш ҳақи фонди (ФОТ): Жамоангизга ғамхўрлик қилиш — муваффақиятга йўл Сиз тадбиркор сифатида наfaqat компанияни, балки ҳақиқий жамоани қуряпсиз. Жамоага ғамхўрлик қилиш эса иш ҳақи фондини (ФОТ) тўғри бошқаришдан бошланади. Келинг, унинг қандай аҳамиятли эканлигини кўриб чиқайлик! 📊 ФОТ нима? Иш ҳақи фондига ходимларингизга тўланадиган маош, премия, ижтимоий тўловлар ва компенсациялар киради. Бу сиз учун одамларингизга қўйган сармоянгиз — уларнинг мотивацияси ва самарадорлиги учун асос. 📈 ФОТни қандай тақсимлаш керак? Биринчи қадам — тўғри режалаштириш. Маошлар компания ривожини таъминлаб, ходимлар учун адолатли ва самарали бўлиши керак. Ходимлар сизнинг энг асосий ресурсингиз, уларнинг маоши эса аниқ режалаштирилиши зарур. 📊 ФОТни самарали бошқаришнинг афзалликлари Маош тизимини тўғри йўлга қўйиш истеъдодли кадрларни жалб қилади, тажрибали ходимларни сақлаб қолади ва жамоани умумий мақсад сари бирлаштиради. Бу сизнинг компаниянгизга қўйилган сармоя кабидир: жамоага қанчалик кўп ёрдам берилса, ўсиш салоҳияти шунчалик катта бўлади. 📈 ФОТ ва бизнес муваффақияти Эсда тутинг: маошлар — бу харажат эмас, балки инвестиция. Жамоангизга ғамхўрлик қилинг ва уларнинг бизнесингизнинг муваффақияти учун курашувчи кучга айланишини кузатинг! 💡 Иш ҳақи фонди — бу фақат пул эмас, балки жамоангизнинг асоси ҳамдир. Уни тўғри режалаштиринг, ходимларингизга ғамхўрлик қилинг ва бизнесингизнинг барқарор ривожланишини таъминланг!