علياء عون _ ADHD mentor

أنا مش فاهمة مين بيربي مين في البيت ده 😡 أنا اللي بصحيه وأنا اللي بفكره يلبس أنا اللي بقوله يغسل سنانه أنا اللي بفكره بالشنطة أنا اللي بقوله يكتب الواجب أنا اللي بقوله سيب الموبايل أنا اللي بقوله قوم نام وأنا اللي بفكره ياكل وبعدين في آخر اليوم أقول ابني مش بيعتمد على نفسه ليه؟ 🙃 طب ما هو حضرتك كنتي موجودة مكانه في كل خطوة هايعتمد على نفسه ليه وانتي موجودة 😂 👈 المشكلة إننا ساعات من كتر خوفنا إن ولادنا تفشل بنعمل الحاجة مكانهم نخاف يتأخر → نجهزه نخاف ينسى → نفكره نخاف يغلط → نصلح نخاف يتزنق → نتدخل نخاف يقع → نمسكه لحد ما الطفل يتعلم حاجة خطيرة جدا ماما هتفتكر بدالي🤷 ماما هتقرر عني ماما هتحلها وبعدين نستغرب هو ليه لما بسيبه لوحده مش بيعرف يعمل حاجة؟ 🫠 👈 وخصوصًا طفل ADHD هو أصلا عنده ضعف في الوظائف التنفيذية فطبيعي إن يبقى عنده شوية حاجات تحتاج دعم لكن الدعم مش معناه إننا ناخد المهمة منه الدعم الحقيقي إننا نساعده يعملها بنفسه يعني بدل ❌ هات الشنطة وأنا أجهزهالك نسأل إيه اللي محتاج تحطه في الشنطة؟ بدل ❌ قوم ذاكر نسأل إيه أول حاجة عندك انهارده تتعمل؟ بدل ❌ إنت نسيت تاني نسأل نعمل إيه يخليك تفتكر المرة الجاية؟ 👈 لأن فيه فرق كبير بين إني أعمل مكانه وبين إني أعلمه إزاي يعملها لوحده الأولى بتخليني مربوطة بيه بسلك طول الوقت 🙈 والتانية بتبدأ تفكه 😁 تعرفوا بقى إني عاملة ملف PDF عن الطريقة اللي تخليكي Mentor لابنك مش سكرتيرة🫠 اسمه إزاي أفك السلك؟😂 ملف بيساعدك تعرفي 🧶 إيه الحاجات اللي إحنا ماسكينها عن ولادنا زيادة؟ 🧶 إمتى أتدخل؟ 🧶 إمتى أسيبه يجرب؟ 🧶 وإزاي أنقل المسؤولية مني ليه بالتدريج من غير ما أرميه فجأة في البحر وأقول له اتعلم تعوم؟ 😂 لأن الهدف مش إنك تسيبيه الهدف إنك تفكي السلك شوية شوية بالراحة ازاي أعلمه يشيل مسؤولية نفسه من غير ما يتوه مني لحد ما يكتشف إنه كان قادر يمشي لوحده من البداية❤️ اكتبي "السلك" في الكومنتات وهبعتهولك #علياء_عون #ADHD_mentor #صنايعية_ADHD

بيزق أخوه لو ضايقه ، ⭕ ايده سابقة تفكيره🤷 بينتش اللعب من اخواته ، ⭕مبيقدرش يأجل رغباته بيكسر أي حاجة تيجي في ايده ويوقعها ⭕ التوازن عنده ضعيف دايما عامل مشاكل في المدرسة عشان شايف إن زمايله بيحاولوا يضايقوه ⭕ إدراكه للمواقف محدود سريع الغضب وكأنه ولاعة سهل الاشتعال ⭕مبيعرفش يتعامل مع مشاعره او يديرها 👈 المواقف اللي فوق دي جزء من أعراض الاندفاعية عند الاطفال واللي للاسف من أكبر مشاكل طفل ال ADHD او حتى الطفل العادي اللي متعلمش يسيطر على مشاعره وانفعالاته وطبعا الأم بتقف مش عارفه تتصرف اصلا 😔 طيب نحل المشاكل دي كلها ازاي؟ 👈 اول حاجة عشان نحل لازم الاول نفهم ان الاندفاعية مش نوع واحد 😎 دول اربع أنواع رئيسية ✍️ الاندفاعية السلوكية او الفكرية ✍️ الاندفاعية الحسية ✍️ الاندفاعية الحركية ✍️ الاندفاعية الشعورية 👈 تاني حاجة إقري سلسلة بوستات كورت هاسيبهالك في الكومنتات 💪 👈 تالت حاجه تعالي معايا ورشة " أنا أم .... أفهم وأوجه " عشان هايكون فيها 👈محاورها _ اعرف : الاندفاعية وانواعها _ أفهم : لماذا يستسلم طفلي للاندفاعية _ أوجه : أكثر من 8 أدوات عملية لتقليل الاندفاعية لأول مرة في العالم العربي _ ألاقي دعم : وضع خطة طويلة الأمد مع امكانية تطبيقها على أي سلوك اندفاعي 👈 ورشة عملية بالكامل موجودة مسجلة على قناة تليجرام خاصة 😍 👈 6 محاضرات مسجلة بالكامل على قناة التليجرام 👈الأدوات ✓ملف PDF كامل للورشة ✓تقييم PDF للاندفاعية ✓ملف PDF بخطة العمل ✓تمارين PDF لتحسين الذاكرة والانتباه والإدراك الاجتماعي والتآزر البصري الحركي والادراك البصري والسمعي 👈 العمر المستهدف أمهات أطفال من 6-12 سنة🌸 لو عاوزين تفاصيل اكثر سيبوا كومنت اكتبوا فيه" أنا أم" أو ابعتوا رسالة واتس اب ابعتولي واتس اب مباشرة 01060466303 https://wa.me/201559142550 او ابعتوا لفريق العمل واتس اب او تليجرام 01116861768 أو ابعتوا رسالة خاصة وهانرد عليكم😍 #علياء_عون ADHD mentor

جدول لتحسين ادراك الاطفال الاجتماعي وهو جزء من ورشة الاندفاعية بشتغل فيها مع الأمهات 🥰 متاحة مسجلة بالكامل باشتراك رمزي

كتيب تحسين مهارة حل المشكلات - علياء عون المواقف بنطبقها مع الولاد واحنا قاعدين معاهم بنسألهم رأيهم في المشكلة وبعدين نشرح لهم جزء جزء زي ما انا قسمته🌸

✓مبيعرفش يلعب مع أطفال😔 ✓طول الوقت في صراعات مع أخواته ✓مبيفهمش التريقة😓 ✓طريقته في الكلام غريبة عن اللي في سنه ✓عنيف جدا في رد فعله ✓وبيقلد بس التصرفات الوحشة☹️ ✓وساعات بحس إن معندوش تعاطف للاسف 😰 ✓وردود أفعاله مبالغ فيها وساعات بحسه إنه وقح ✓عنيد لابعد حد وبيطالب اخواته ينفذوا اوامره كل الأعراض دي واكتر بتقول إن الطفل دا عنده اضطراب التواصل الاجتماعي (SCD) وللاسف الاضطراب دا في الغالب بيكون مصاحب لفرط الحركة وتشتت الإنتباه طيب يعني ايه اضطراب التواصل الاجتماعي من الاخر مبيفهمش المعنى اللي ورا الكلام بنقول عليه الاستدلال والاستدلال نوعين ⭕لفظي وغير لفظي خلينا نتكلم عن اللفظي هنا لو أنا سألتك دلل على إنك صديق جيد هاتقول ايه اكتبلي في الكومنتات الدلالة هي المعنى الكامن ورا الكلام اه انا صديق جيد لاني بعمل واحد اتنين تلاته ولو سألتك بما تفسر وجود أمواج في البحر هاتقولي عشان البحر واسع وفيه تيارات هوا بتحرك المية انت هنا بتفسر الكلمات عشان توصل لأصل السبب ولو سألت ما النتائج المترتبة على انك تمشي حافي في الشارع 👞 هاتستنتج إن النتيجة هاتكون إن رجلي هاتتعور أو هاتكون مش نضيفة من التراب يبقى الدلالة والتفسير والاستنتاج تلات حاجات ورا الكلام بنعرف نفهمه انما الطفل اللي عنده اضطراب في التواصل الاجتماعي للاسف مبيقدرش يفهم اللي ورا الكلام ⭕ طيب ايه الحل؟ خلينا متفقين إن طالما قولنا اضطراب يبقى دي حاجه مكملة معانا باقي العمر لكن وحطي تحت لكن ألف خط 🫂 نقدر نحسن منه بشكل كبير جدا جدا وأفضل طرق تحسين اضطراب التواصل الاجتماعي هي جلسات السيكودراما 🥳 واستراتيجيات النمذجة🌸 والتعلم بالقصص والتعلم باللعب التفاعلي وكل دول ممكن نعملهم في البيت لو اتدربنا عليهم تعالوا الاول نتكلم عن السيكودراما وهو معناه جلسات علاج بالدراما حرفيا😁 يعني هانشتغل في التمثيل وبنقول عليها كمان لعب الادوار احنا بنقول ان الطفل اللي عنده اضطراب التواصل الاجتماعي مبيفهمش ما وراء الكلام لكنه بيقلد جدا جدا التصرفات ما هو دا اللي بيقدر يعمله فلو مثلا شاف اخوه متعور وماما بتحاول تعالجه والموقف فعلا اترسخ جواه فهو لو حصل قدامه موقف هايقلد ماما بالكربون طيب هاديكم مثال نوعا ما شامل😍 لو حبينا نعلمه أي موقف زي إزاي يتعامل مع اخواته من غير عنف وهما بيلعبوا مش هانقوله إلعب مع اخواتك بلطف كتعليمات ماهو مبيفهمش التعليمات قولنا وميعرفش لطف اللي انتي تقصديها دي معناها ليه انما هانقوله إننا هانلعب مسرحية و نحطه في دور أخوه وأخوه يمثل دوره ونطلب منه يقول شعوره دلوقتي وايه الطريقة المناسبة اللي يحب يتعامل بيها ونصحح له كلامه ماهو احنا بنمثل😁 (سيكودراما) وبعدين بعدها بيوم نحكي قصة فيها نفس الموقف اللي عمله مع اخواته بس مع الحيوانات ونشوف رأيه وازاي كان المفروض يتصرف (التعلم بالقصص ) وبعدها بيوم نطلب منه هو واخواته يرجعوا يلعبوا قدامي وأراقب لعبه واشوف ردود افعاله واقوله هالعب مكانك هاخد دورك واوريه ازاي المفروض يلعب ( نمذجة ولعب تفاعلي) ومندخلش المواقف في بعضها هو موقف واحد هانمشي عليه كل الخطوات ورا بعضها عشان يترسخ جواه الطريقة الصحيحة للتعامل مع اخواته بدون عنف🌸 انا عاملة ملف PDF فيه المهارات اللي تشتغلوا عليها مع الطفل وازاي تشتغلوا عليها عشان يكون عنده تواصل اجتماعي كويس هانزله هنا😍 #علياء_عون #صنايعية_ADHD #ADHD_mentor

شكرا لكل اللي سأل على محمد ابني الحمد لله هو بخير وعفوا لو أجلت لكم اللايف ان شاء الله أعوضها لكم قريب

انا بعتذر انهاردة ابني وقع اتخبط في دماغه ومش هاقدر اكون معاكم دعواتكم ليه بالشفاء العاجل

وانهاردة نطلع لايف بعد العشاء الساعة 10 مساءا نتكلم وأرد على اي سؤال يخص ال ADHD ومشاكله🌸 وهايكون معايا فايزين ببرنامج ADHD password مجانا #علياء_عون

وهو ماله انك متعصبة ذنبه ايه يتحمل عصبيتك🙃 دا كلام ولد معايا انهارده في محاضرة من برنامج CoRTy واللي بصراحة اندهشت انه فاهم ان الغضب شيء والتعبير عن الغضب شيء تاني😍 👈حلو اوي مش كده 😉 ولد سنه 11 سنة وفاهم كويس ان الغضب شعور طبيعي عادي نحس بيه لكن التعبير عن الغضب ممكن يكون مؤ.ذي لو مخدناش بالنا بس نفس الولد دا اصلا لما بيغضب كلامه بيحدف طو.ب 🤷 👈 ازاي طفل ممكن يكون فاهم الفرق بين الشعور والتعبير عنه وفي نفس الوقت ملوش سيطرة على انفعالاته ممممممم ..... عندنا هنا سببين أساسيين ✓انه مش مدرك ان كلامه دا تحديدا مؤ.ذي هو مين قال اني لما بتكلم بجر.ح حد🫪؟ حبيبي يا عمري انا كل جراح🤣 فيه فرق بين معرفة القانون وتطبيقه خلينا نقول ان اسمه في علم تعديل السلوك ضعف المراقبة الذاتية انا عارف القانون لكن وقت التطبيق مخي بيضيعني انا عارف بس دا مجاش عندي لاني معنديش ادراك اني بعمله فمحتاجين هنا نشتغل على مهارة ادراك الادراك ودي هانتدرب عليها هنا بأربع أسئلة ⭕هل كلامي ممكن يتفسر بشكل سلبي؟ ⭕ هل كلامي مفيد للي قدامي؟ ⭕هل انا بناقش شيء ممكن يتغير دلوقتي؟ ⭕وهل انا بتكلم بدافع الغضب او الحكم المسبق ؟ 👈أربع اسئلة مهم جدا ندرب الطفل عليهم في مواقف مختلفة عشان يكون مهارة ادراك الادراك ✓السبب التاني استجابة اللوزة المخية السريعة( Amygdala) سنسور الخطر يا شباب عطلان المخ بيفسر الموقف اللي حاصل على انه تهديد فبيلغي شغل القشرة الأمامية للمخ اللي بتشتغل على المنطق وهوووب يشغل سنسور الخطر ولما بيشتغل السنسور العطلان دا بيدي تلات أوامر (هاجم ـ اهرب ـ اتجمد) مفيش بقى تفكير كتير في اي حاجه تانية فيجي هنا السؤال المهم 👈يا ترى بتاخد بالك انك متعصب قبل ما تتعصب ولا هوب بتلاقي نفسك ما.سك في زمارة ر.قبة اللي قدامك🤣 ودا اللي بنسميه الاندفاعية بانواعها 👈وهنا هانحتاج كام حاجه كدة ⭕أولا:نلاحظ الإشارة المبكرة قبل ما الغضب يوصل للانفجار. جسمي هنا بيقول لي إيه؟ (قلبي سريع؟ صوتي بيعلى؟ إيدي مشدودة؟) فيه ولد قالي جسمي بيسخن ودي فعلا اشارة ⭕ ثانيا: نعمل فاصل بين الشعور والتصرف أعرف الطفل إن أنا غضبان مش معناها اني مضطر أتصرف بغضب🤷 ونجرب معاه تدريب أقف... أتنفس... أختار ⭕ثالثا: نعبر عن مشاعرنا بشكل صحيح يعني نعلم الطفل يسمي مشاعره بدل ما يعبر عنها بسلوكه ويكون عندنا دايما تدريب على جملة أنا متضايق عشان حسيت بشعور .... لان فلان عمل ..... أو الموقف حصل فيه ..... ومخي دلوقتي بيقولي اعمل ...... أتصرف ازاي يا ماما؟ ⭕ رابعا: ندرب مخه المنطقي وقت الهدوء ما هو مش معقول هاستنى وقت انفعاله وأقوله فكر بمنطق🙂 لأن التفكير مش بيتبني في لحظة الانفجار نتدرب قبلها على 👈الاختيارات المتاحة 👈وجهة نظر اللي قدامي في الموقف؟ 👈 ايه التصرف اللي يقدر يحل المشكلة دي دلوقتي وعلشان كده في CoRTy للأطفال أنا مش بحفظ الطفل "الصح والغلط" وبس... أنا بدربه على مهارات التفكير والمراقبة الذاتية وتنظيم الانفعالات عشان يعرف يطبق اللي فاهمه وقت المواقف الحقيقية. 👈ولو حابين تنضموا إحنا حاليًا بنجهز للراوند التاني من البرنامج 👈بس يا علياء الولد عنده ADHD ومشاكله مبتنتهيش وانا مبعرفش اتعامل معاه اصلا🥹 طب ما تيجي معايا برنامج ADHD password لو حسيتِ إن المشكلة مش عند الطفل وحده وإنك محتاجة أنت كمان تفهمي دماغه وتعرفي تتعاملي مع الاندفاعية والانفعالات بشكل مختلف فده بالضبط اللي بنشتغل عليه في ADHD Password للأمهات. فنبقى شغالين مع بعض في تأهيلك كأم وانا شغالة في نفس الوقت مع الولاد في تأهيلهم في رحلة مشتركة بيننا إحنا التلاتة🌸 لو عاوزة تفاصيل اكثر ابعتيلي على الواتس اب https://wa.me/201559142550 او تواصلي مع الفريق عن طريق رقم +201116861768 او سيبي كومنت وهارد عليكي مستنياكي 💪 #علياء_عون #صنايعية_ADHD #ADHD_Mentor #ADHD_Password #كورت

مش عارفه مالي مهتمة بالموضوع ده بشكل كبير جدا على الرغم انه معنديش حد في ثانوي اعذروني بقى لو اتكلمت كتير عن التخصصات اليومين دول

اعمل لكم دليل تخصصات من 50% ل60%؟

الجامعات التكنولوجية في مصر 🥰

هنا دليل التخصص والكليات