HR menejment ⚖️

#foydali Бола парвариши бўйича нафақа   📌 Меҳнат кодексининг 405-моддаси ва Вазирлар Маҳкамасининг 2024 йил 31 майдаги 314-сон қарори 2-иловасига асосан бюджет ташкилоти ҳисобланмайдиган ташкилотлар томонидан боласи 2 ёшга тўлгунга қадар онасига бола парвариши бўйича нафақа ҳар ойда меҳнатга ҳақ тўлашнинг энг кам миқдорининг 60 фоизи миқдорида тўланади.   💰Бунинг миқдори ҳозирги кунда 762 600 сўм, 2026 йил 1 сентябрдан 816 000 сўм бўлади.   ❗️Бола парвариши бўйича нафақа оналарга (онанинг ўрнини босувчи шахсларга) нафақа олиш учун мурожаат қилинган кундан бошлаб, аммо ҳомиладорлик ва туғиш таътили тугаган кундан сўнг бола парваришлаш таътили даврида тўланади.   📄 Эътибор қаратиладиган жиҳати шундаки, ушбу нафақа агар ходим иш берувчига ариза билан мурожаат этса берилади.   ⚠️ Амалиётда кўпгина аёллар иш берувчига ариза билан мурожаат қилмайди, натижада нафақани олмасдан келмоқда. Бунга сабаб нафақа олиш мумкинлигини ёки ариза билан мурожаат этиш кераклигини билмаслигидир.   Ушбу нафақа бюджет ташкилотларида ишловчи аёлларга берилмайди.  https://t.me/adliyahr

#foydali TDYU Mehnat huquqi kafedrasi dotsenti, y.f.f.d (PhD) Raximov Miryoqub Aktamovich tomonidan Mehnat kodeksi moddalari yuzasidan ma'ruza bilan quyidagi havolalar orqali tanishib chiqishingiz mumkin: 1) 1-33-moddalari 2) 34-47-moddalari 3) 48-59-moddalari 4) 60-79-moddalari 5) 80-93-moddalari 6) 94-102-moddalari 7) 103-112-moddalari 8) 113-117-moddalari 9) 118-128-moddalari 10) 129-132-moddalari 11) 133-144-moddalari 12) 145-150-moddalari 13) 151-154-moddalari 14) 155-160-moddalari 15) 161-167-moddalari 16) 168-170-moddalari 17) 171-174-moddalari 18) 175-180-moddalari 19) 181-190-moddalari 20) 191-200-moddalari 21) 201-212-moddalari 22) 213-223-moddalari 23) 224-235-moddalari 24) 236-242-moddalari 25) 243-249-moddalari 26) 250-257-moddalari 27) 258-268-moddalari 28) 269-278-moddalari 29) 279-284-moddalari 30) 285-294-moddalari 31) 295-301-moddalari 32) 302-311-moddalari 33) 312-315-moddalari 34) 316-324-moddalari 35) 325-330-moddalari 36) 331-336-moddalari 37) 337-343-moddalari 38) 344-350-moddalari 39) 351-359-moddalari 40) 360-366-moddalari 41) 367-372-moddalari 42) 373-382-moddalari 43) 383-387-moddalari 44) 388-391-moddalari 45) 392-399-moddalari 46) 400-405-moddalari 47) 406-410-moddalari 48) 411-416-moddalari 49) 417-422-moddalari 50) 423-431-moddalari 51) 432-436-moddalari 52) 437-442-moddalari 53) 443-449-moddalari 54) 450-455-moddalari 55) 456-459-moddalari 56) 460-464-moddalari 57) 465-472-moddalari 58) 473-484-moddalari 59) 485-490-moddalari 60) 491-494-moddalari 61) 495-499-moddalari 62) 500-moddasi tahlili 63) 501-moddasi tahlili 64) 502-moddasi tahlili 65) 503-moddasi tahlili 66) 504-506-moddalari 67) 507-513-moddalari 68) 514-520-moddalari 69) 521-526-moddalari 70) 527-529-moddalari 71) 530-533-moddalari 72) 534-538-moddalari 73) 539-540-moddalari 74) 541-542-moddalari 75) 543-546-moddalari 76) 547-551-moddalari 77) 552-557-moddalari 78) 558-565-moddalari 79) 566-569-moddalari 80) 570-574-moddalari 81) 575-581-moddalari https://t.me/adliyahr

#savolimbor Ассалому алайкум! Ходимга ташкилотимиз Жамоа шартномасига кўра уйини таъмирлаш учун 30 000 000 сўм миқдорида ссуда берилган, уни қайтаришни қай тартибда қилсак қонуний бўлади? (савол И.Джураевдан) Ва алайкум ассалом. Албатта. Бу ҳолатда 30 млн сўмни ходимнинг иш ҳақидан қайтариш масаласида Меҳнат кодекси билан Фуқаролик кодексини биргаликда қўллаш керак. Энг муҳим хулоса шу: бу маблағни оддий “иш ҳақидан ушлаб қолиш” эмас, балки ташкилот билан ходим ўртасидаги қарз (ссуда) мажбурияти сифатида расмийлаштириш ва кейин келишилган график асосида қайтариш энг тўғри йўл. 1️⃣ Аввало, 30 млн сўмни қарз сифатида расмийлаштириш керак. ФКнинг 732-моддасига кўра, қарз шартномасида қарз берувчи пулни қарз олувчига беради, қарз олувчи эса уни бир йўла ёки бўлиб-бўлиб қайтариш мажбуриятини олади. Ташкилот юридик шахс бўлгани учун ФК 733-моддасига мувофиқ қарз шартномаси ёзма шаклда бўлиши шарт. Қарз шартномасида камида қуйидагилар аниқ кўрсатилиши керак: ➖30 000 000 сўм миқдори; ➖маблағнинг мақсади — уй-жойни таъмирлаш; ➖қарзнинг фоизли ёки фоизсиз эканлиги; ➖қарзни қайтариш муддати; ➖ҳар ой қайтариладиган сумма ва график бўйича қайтариш санаси; ➖иш ҳақидан ушлаб қолишга ходимнинг розилиги; ➖меҳнат шартномаси бекор қилинганда қолган қарзни қайтариш тартиби   2️⃣. Фоизсиз бериш мумкинми? ✅Ҳа мумкин. ФК 734-моддасига кўра, қарз бўйича фоизлар масаласи шартнома билан белгиланади. Шунинг учун жамоа шартномасида уй-жойни таъмирлаш учун ходимларга имтиёзли ёки фоизсиз ссуда бериш назарда тутилган бўлса, қарз шартномасида ҳам уни фоизсиз қарз сифатида аниқ белгилаб қўйиш мумкин. 💡Масалан: «Қарз берувчи томонидан қарз олувчига 30 000 000 (ўттиз миллион) сўм миқдорида уй-жойни таъмирлаш мақсадида фоизсиз қарз берилади». 3️⃣ Қарзни иш ҳақидан ҳар ой ушлаб қолиш мумкинми? Мумкин, лекин ходимнинг ёзма розилиги билан. Меҳнат кодексининг 269-моддасига кўра, умумий қоида бўйича иш ҳақидан ушлаб қолиш ходимнинг ёзма розилиги билан амалга оширилади. ❌Муҳим жиҳат: Сиз қарзни «бу ташкилот томонидан берилган бўнак эди, шу сабабли розиликсиз ушлаб қоламиз» деб расмийлаштиришингиз нотўғри бўлади. Бу – алоҳида қарз мажбурияти. 4️⃣ МКнинг 270-моддасига кўра, ҳар бир тўлов вақтида иш ҳақидан ушлаб қолинадиган маблағларнинг умумий суммаси ходимга ҳақиқатда ҳисобланган иш ҳақининг 50 %дан ошмаслиги керак. ⚡️Масалан, ходимга бир ойда ҳисобланган иш ҳақи 8 млн сўм бўлса, мазкур қарз учун бир ойда 4 млн сўмдан ортиқ ушлаб қолиш мумкин эмас. 5️⃣ МКнинг 271-моддаси ходимнинг хоҳишига кўра иш ҳақи ёки унинг муайян қисмини ходимнинг ёзма аризасида кўрсатилган миқдор ва муддатларда кредиторларга, жумладан ссуда, кредит ва бошқа харажатларни тўлашга юбориш имконини беради. Шу сабабли амалиётда энг хавфсиз вариант ходимнинг аризасида: «Менга берилган 30 000 000 сўм миқдоридаги уй-жойни таъмирлаш учун фоизсиз қарзни қарз шартномасида белгиланган график асосида ҳар ой иш ҳақимдан ___ сўмдан ушлаб қолиш орқали қайтаришга розиман» деб кўрсатиши мумкин. https://t.me/adliyahr

#qonunchilik ❗️Огоҳлантириш муддати давомида ходимга бошқа иш топиши учун ҳафтада камида 1 кун вақт берилади ва бу кунга ҳақ тўланади ✅ Иш берувчи ходимни бир қатор асослар билан ишдан бўшатиши мумкин, мазкур ҳолатларда иш берувчи қуйидаги муддатларда ходимни ишдан бўшатиш ҳақида огоҳлантириши шарт: ➖ташкилот тугатилганда, ходимлар сони ёки штатлар ўзгарганда – камида 2 ой олдин (яъни, 2 ойдан кўпроқ муддат 3, 4 ой, 2 ой-у 10 кун ва ҳ.к); ➖ташкилот раҳбари, ўринбосарлари, бош бухгалтер ва алоҳида бўлинма раҳбари мулкдор ўзгарганлиги учун ишдан бўшатилганида – камида 2 ой олдин; ➖ходим малакаси етарли бўлмаганлиги учун бажараётган ишига мувофиқ эмаслиги сабабли бўшатилганда – камида 2 ҳафта олдин; ➖ходимнинг айбли ҳаракатлари (ҳаракатсизлиги) учун ишдан бўшатилганда – камида 3 кун олдин. ❕ Айрим тоифадаги ходимлар учун огоҳлантириш муддатининг алоҳида муддати белгиланган: ➖мавсумий ишда ишлайдиган ходимни ташкилот тугатилганда, штат ўзгарганда камида 7 кун олдин, малакаси етарли бўлмаганида камида 3 кун олдин, ўзининг айбли ҳаракати билан бўшатилганда 1 кун олдин; Мавсумий ишлар – иқлим ва бошқа табиий шароитлар туфайли муайян давр (мавсум) давомида бажариладиган иш. ➖вақтинчалик ходимлар корхона тугатилганда, штат ўзгарганда ходим малакаси етарли бўлмаганда камида 3 кун олдин, ўзининг айбли ҳаракати билан бўшатилганда камида 1 кун олдин. ⚠️ Икки ойгача бўлган муддатга ишга қабул қилинган шахслар вақтинчалик ишларда банд бўлган шахслардир. 📝 Огоҳлантириш ёзма шаклда, имзо қўйдириб амалга оширилади. ❕Огоҳлантириш муддати пулли компенсация билан алмаштирилиши мумкин. ☑️ Огоҳлантириш муддати ичида ходимга бошқа иш топиш учун ҳафтада камида 1 кун вақт берилади, бу кунда ходимнинг иш ҳақи сақланади. Ушбу имтиёз ходим ўзининг айби билан ишдан бўшатилганда берилмайди. ➡️ Огоҳлантириш муддатига ходимнинг касал бўлган вақти, давлат ёки жамоат мажбуриятларини бажарган вақти киритилмайди. Корхона тугатилганда эса ҳамма вақт киритилади, истисно йўқ. 📌 Давлат ёки жамоат мажбуриятларини бажарган вақтга сайлов ҳуқуқини амалга ошириш, депутатлик, Сенат аъзоси вазифаларини бажариш, ҳарбий мажбуриятни бажариш ва бошқа бир қатор ишларни бажарган вақт киради, бу ишлар билан батафсил бу ерда танишишингиз мумкин. https://t.me/adliyahr

Сурайёхон Рустамовна Хожамкулова Ўзбекистон Республикаси Олий суди Жамоатчилик билан ҳамкорлик маркази бошлиғи лавозимига тайинланди.   С.Хожамкулова тайинловга қадар Тошкент шаҳар судининг жиноят ишлари бўйича судьяси лавозимида ишлаган.  — Сурайёхон Рустамовна Хожамкулова назначена на должность начальника Центра по взаимодействию с общественностью Верховного суда Республики Узбекистан. До назначения С. Хожамкулова занимала должность судьи по уголовным делам Ташкентского городского суда. — Surayyokhon Rustamovna Khojamkulova has been appointed to the position of Head of the Public Relations Center of the Supreme Court of the Republic of Uzbekistan. Prior to her appointment, S. Khojamkulova served as a judge for criminal cases at the Tashkent City Court. Veb-sayt | Telegram | Facebook | Instagram | YouTube

☁️💨 МУСТАҚИЛЛИК БАЙРАМИДА НЕЧА КУН ДАМ ОЛАМИЗ? 🏖Мустақиллик байрами муносабати билан 5 кунлик иш ҳафтасида ишловчилар 4️⃣ кун, 6 кунлик иш ҳафтасида ишловчилар 3️⃣ кункетма-кет дам олади 💨 Ўзбекистон Республикаси Президентининг ПФ-257-сон 2025 йил 24…

☁️💨 МУСТАҚИЛЛИК БАЙРАМИДА НЕЧА КУН ДАМ ОЛАМИЗ? 🏖Мустақиллик байрами муносабати билан 5 кунлик иш ҳафтасида ишловчилар 4️⃣ кун, 6 кунлик иш ҳафтасида ишловчилар 3️⃣ кункетма-кет дам олади 💨 Ўзбекистон Республикаси Президентининг ПФ-257-сон 2025 йил 24…

☁️💨 МУСТАҚИЛЛИК БАЙРАМИДА НЕЧА КУН ДАМ ОЛАМИЗ? 🏖Мустақиллик байрами муносабати билан 5 кунлик иш ҳафтасида ишловчилар 4️⃣ кун, 6 кунлик иш ҳафтасида ишловчилар 3️⃣ кункетма-кет дам олади 💨 Ўзбекистон Республикаси Президентининг ПФ-257-сон 2025 йил 24 декабрдаги ПФ-257-сон Фармонига мувофиқ ✅2026 йил 31 август — душанба куни барча ходимлар учун қўшимча дам олиш куни этиб белгиланган. Унга кўра: ⚠️ 5 кунлик иш ҳафтасида ишловчилар қуйидагича кетма-кет 4 кун дам олади: ➖29 август, шанба — беш кунлик иш ҳафтасида одатий дам олиш куни; ➖30 август, якшанба — одатий дам олиш куни; ➖31 август, душанба — ПФ-257 билан қўшимча дам олиш куни; ➖1 сентябрь, сешанба — Мустақиллик куни, ишланмайдиган байрам куни. ⚠️ 6 кунлик иш ҳафтасида ишловчилар қуйидагича кетма-кет 3 кун дам олади: ➖30 август, якшанба — одатий дам олиш куни; ➖31 август, душанба — ПФ-257 билан қўшимча дам олиш куни; ➖1 сентябрь, сешанба — Мустақиллик куни, ишланмайдиган байрам куни. Режани шунга қараб тузамиз. https://t.me/adliyahr

Меҳнат таътиллари бўйича қўлланма, кимга қанча таътил берилади, норматив асослари билан келтирилган. ttps://t.me/adliyahr

ЭЪЛОН ✅ Жорий йилнинг 8 август (шанба) куни Олий суд раиси ва ўринбосарлари, Судьялар олий кенгаши раиси ва ўринбосари, Тошкент шаҳар ва Тошкент вилояти судлари раислари, ўринбосарлари томонидан Тошкент шаҳри ва Тошкент вилояти аҳолиси (жисмоний ва юридик шахслар, шунингдек уларнинг қонуний вакиллари) учун процессуал хусусиятга эга мурожаатларни қабул қилиш бўйича сайёр қабул ўтказилади. Сайёр қабул давомида суд ҳужжатлари устидан келтирилган процессуал шикоятлар ҳамда суд органлари ваколатига тааллуқли бошқа масалалар юзасидан мурожаатлар қабул қилинади. 📌 Рўйхатдан ўтиш соат 9.00да, қабул соат 10:00да бошланади. 📍 Манзил: Тошкент шаҳри, Юнусобод тумани, Амир темур шоҳ кўчаси, 107 уй, "Ўзэкспомарказ" МКК 🔂Қабулга келувчи шахслардан шахсини тасдиқловчи ҳужжат (паспорт ёки ID-карта), вакиллардан эса ваколатини тасдиқловчи тегишли ҳужжат, шунингдек мурожаат мазмунига оид суд ҳужжатлари ҳамда бошқа тегишли материалларни ўзлари билан олиб келишлари сўралади. 🔂Мурожаатлар қабул қилиш ва кўриб чиқиш амалдаги қонунчилик талаблари ҳамда белгиланган тартиб асосида амалга оширилади. ☎️Қўшимча маълумот учун телефон: 71 207-97-37. https://t.me/adliyahr

#Ekspert_sharhi Bola parvarishlash ta’tilidan qaytgan xodimning ish joyi va lavozimini saqlab qolish bo‘yicha Mehnat kodeksida belgilangan kafolatlar haqida ma’lumot bersangiz. Ish beruvchining "ish joyi saqlanmaydi" degan ogohlantirishi qonuniymi? Ushbu savolga ekspert, Toshkent davlat yuridik universiteti katta o‘qituvchisi Muhammadamin Karimjonov javob beradi. Rasmiy sahifalarimiz Veb-sayt|Telegram|Facebook|Instagram|You Tube|X|Aloqa

#foydali ✍️ҲАР ЙИЛГИ АСОСИЙ (УЗАЙТИРЛГАН) ВА ҚЎШИМЧА ТАЪТИЛЛАРНИ БЕРИШ БЎЙИЧА HR-МЕНЕДЖЕРЛАРГА ҚЎЛЛАНМА ©️Шавкатжон ХАМРАҚУЛОВ https://t.me/adliyahr

#savolimbor ❓ Assalomu alaykum xammaga bizda yangi ochilgan tashkilot, ishga qabul qilingan xodim 8 oy bo‘ldi ishga kirganiga xozirgi vaqtda xodim mexnat ta’tiliga chiqmoqchi unga necha kunga xisoblanadi xisob kitobi mexnat kodiksida tuliq degan agarda xodim mexnat shartnomasini bekor qilib qolsa nima bo‘ladi. 💬Assalomu alaykum! Mehnat kodeksining 227-moddasini “birinchi ish yili uchun har yilgi mehnat ta’tilini berish tartibi” deb nomlanib, ushbu moddaning: ✅birinchi qismi, birinchi ish yili uchun har yilgi mehnat ta’tilidan foydalanish huquqi xodimda u ushbu ish beruvchida uzluksiz ishlagan olti oy o‘tganidan keyin yuzaga keladi. Mehnat shartnomasi taraflarining kelishuviga ko‘ra xodimga ishlagan olti oy o‘tguniga qadar ham mehnat ta’tili berilishi mumkin. 📣ikkinchi qismi, birinchi bor tashkil etilgan tashkilotlar uchun xodimlarga birinchi ish yili uchun har yilgi mehnat ta’tili birinchi ish yili tugaguniga qadar ushbu ta’tilni berish sharti bilan olti oy ishlamasidan ilgari yoki undan keyin berilishi mumkin. ⚠️Izoh: ushbu band ham barcha xodimlar uchun emas, e’tibor bering bu faqat birinchi bor, ya’ni yangi tashkil etilgan tashkilot xodimlari uchun (bo‘lib yuborilgan yoki qo‘shib yuborilgan tashkilotlar bundan mustasno) qo‘llaniladi va har yilgi mehnat ta’tili birinchi ish yili davomida 6 oy ishlamagan bo‘lsa ham berilishi mumkin (bu ham ish beruvchiga majburiy emas)ligi nazarda tutilmoqda. ✅to‘rtinchi qism, Ushbu moddaning birinchi, ikkinchi va uchinchi qismlarida nazarda tutilgan hollarda har yilgi mehnat ta’tili to‘liq davomiylikda va to‘liq haq to‘langan holda beriladi. Izoh: endi savolda ko‘rsatilgan masalaga yetib keldik, bunda ushbu bandni to‘g‘ri talqin qilishimiz kerak bo‘ladi. Ya’ni, ushbu moddaning 1, 2-qismlarida belgilangan xodimlarga mobodo ish beruvchi rozi bo‘lib mehnat ta’tili berib qolsa va (yoki) 3-qismlaridagi xodimlarga har yildi mehnat ta’tili 6 oy to‘lmasdan turib berilganda ham to‘liq davomiylikda va to‘liq haq to‘lagan holda berish kerak. Faqat, ta’lim tashkilotlari ish beruvchilari ushbu moddaning 6-qismida o‘qituvchilar toifasi uchun har yilgi mehnat ta’tili berish va haq to‘lashning alohida tartibini inobatga olishi o‘rinli bo‘ladi. ‼️E’tibor bering! Ushbu bandda ish beruvchi tomonidan ta’til berilganda xodimning ishlagan davriga mutanosib haq to‘lash masalasi ko‘rsatilmagan va aniq qilib, “to‘liq davomiylikda va to‘liq haq to‘langan holda” deb ko‘rsatilganligi sababli ish beruvchi xodimga ta’til berganda ushbu normani ikkilanmay qo‘llasa bo‘ladi. ⚠️Endi ta’til davomiyligi va haq to‘lash masalasi esa 6 oygacha bo‘lgan xolatlarda, agar xodimlarga (pedagoglardan tashqari) ish buruvchi ta’til berishni lozim deb topsa ularga to‘liq davomiylikda va to‘liq haq to‘lagan holatda ta’til berishga yo‘l qo‘yiladi, bunda, xodim bir yil to‘liq ishlamasdan bo‘shab ketish holati yuzaga kelganda, MKning 269-moddasi 2-qismi 6-bandiga asosan (ya’ni, qaysi ish yili hisobiga ta’til olib bo‘lgan bo‘lsa, o‘sha yil tugaguniga qadar mehnat shartnomasi bekor qilinganda ta’tilning ishlab berilmagan kunlari uchun) xodimning yozma roziligidan qat’i nazar, ish haqidan ushlab qolinadi. https://t.me/adliyahr

Олий суд ва Ёшлар ишлари агентлиги ўртасида ҳамкорлик меморандуми имзоланди Veb-sayt I Telegram I Facebook I Instagram I YouTube

#savolimbor ❓Ассалому алайкум! Мен олий таълим муассасасида ўқитувчи бўлиб ишлайман, жорий йил 4 июлдан меҳнат таътилига чиққанимизга яқинда бир ой бўлади, лекин халигача таътил пуллари тўланмади. Ўқитувчилар ҳисоботларни тўлиқ охиригача топширилмаганлигини сабаб дейишмоқда, шу қанчалик қонуний? ✅Ва алайкум ассалом! НОҚОНУНИЙ эканлигини хис қилиб турибсиз, бироқ айрим раҳбарлар буни назорат қилмайди ёки ўзи билиб шунга йўл қўйиб беради. Бухгалтериянгизда эса қонун талабини тушунмайдиган масъулиятсизлар ишласа керак. 💡Ходим таътилга нима учун чиқади? Дам олишга, соғлиғини ва ишлаш қобилиятини тиклаш учун чиқади, лекин бир тийин пулсиз чиқади. Таътил вақтига яхши ният билан бир талай режа қилади, масалан ремонт, болаларга кийим кечак олиш, санаторий, лагер ва ҳоказо, лекин пулсиз ё дам олади, ё режаларини уддалайди, минг афсус. 🕓Сизнинг вазиятингизда 4 июлдан таътилга чиққан бўлсангиз, узоғи билан 3 июл кунига қадар таътил пулини бериши шарт. Лекин 27 июль куни ҳолатига 24 кун кечиктирилган деб айтиш мумкин. ⚖️Асос: МКнинг 233-моддаси 2-қисми ҳисобланади. Унга кўра, ҳар йилги меҳнат таътили вақти учун ҳақ тўлаш жамоа шартномасида, ички ҳужжатларда ёхуд меҳнат шартномасида белгиланган муддатларда, бироқ таътил бошлангунига қадар охирги иш кунидан кечиктирмай амалга оширилади. ‼️Шу ерда Камбағалликни қисқартириш ва бандлик вазирлигининг хатига кўра, таътил пулингизни хисоблаб, ундан келиб чиқадиган иш берувчининг компенсациясини чиқариб олишингиз мумкин. ➡️Меҳнат кодексининг 333-моддасида ходимга иш ҳақи тўлашни ва унга тўланиши лозим бўлган бошқа тўловларни кечиктирганлик учун иш берувчининг моддий жавобгарлиги белгиланган бўлиб, иш берувчи иш ҳақини, таътил тўловларини, меҳнат шартномаси бекор қилингандаги тўловларни ва (ёки) ходимга тўланиши лозим бўлган бошқа тўловларни тўлаш муддатини бузган тақдирда, уларни тўлов муддатидан кейинги кундан эътиборан то ҳақиқатда ҳисоб-китоб қилинган кунни ўз ичига олган муддатгача ҳар бир кечиктирилган кун учун Ўзбекистон Республикаси Марказий банкининг ўша вақтда амалда бўлган қайта молиялаштириш ставкасидан келиб чиққан ҳолда фоизлар (пулли компенсация) билан бирга тўлаши шарт. ⚠️ Яна бир муҳим қоида бор! МК 244-моддасига кўра, меҳнат тўғрисидаги қонунчиликда ходимларнинг меҳнатига ҳақ тўлаш соҳасидаги асосий кафолатлар назарда тутилади. Шулардан бири, иш берувчининг ўз молиявий аҳволидан қатъи назар, қонунчиликда, меҳнат ҳақидаги бошқа ҳуқуқий ҳужжатларда, меҳнат шартномасида белгиланган меҳнатга ҳақ тўлаш шартларига мувофиқ ходимлар томонидан бажарилган иш учун ҳақ тўлашни амалга ошириш мажбуриятини мустаҳкамлаб қўйиш. 👉МКнинг 535-моддасига асосан, Давлат меҳнат инспексияси иш берувчилар томонидан меҳнат тўғрисидаги қонунчилик талабларига риоя этилиши устидан давлат назоратини ва текширувини амалга оширади. Шундай экан сиз ушбу вазиятда Давлат меҳнат инспексияси орқали ўзингизнинг бузилган ҳуқуқларингизни тиклашингиз мумкин. Бунда, иш берувчингиз Маъмурий жавобгарлик тўғрисидаги кодекснинг 49-моддасига асосан, таътил пулини кечиктирганлиги учун базавий ҳисоблаш миқдорининг 5 бараваридан 10 бараваригача миқдорда жаримага тортилиши мумкин. ➡️Мавзуга оид пост 1 ➡️Мавзуга оид пост 2 ⚠️ Тавсия: Иш берувчилар ходимлар манфаатини ҳам ўйлаши ва уларнинг таътил вақтларида муносиб дам олишлари ва соғликларини таклашлари учун шарт-шароит яратиб беришни назорат қилишлари ШАРТ. https://t.me/adliyahr

#Biz_Adliya_oilasimiz ⚔️ Adliya — shunchaki ish joyi emas. Bu — bilim bilan erishiladigan imkoniyat, mehnat bilan bosib o‘tiladigan yuksalish yo‘li, xalq roziligi bilan o‘lchanadigan sharafli xizmat. Bizni qonuniylik, insonparvarlik, halollik, professionallik, tashabbuskorlik, mas’uliyat va jamoaviylik birlashtiradi. Biz Adliya oilasimiz! https://t.me/adliyahr

"25 июль — Судьялар ва суд аппарати ходимлари фаровонлиги халқаро куни" Ҳурматли судьялар ва суд аппарати ходимлари! Сизларни "25 июль — Судьялар ва суд аппарати ходимлари фаровонлиги халқаро куни" муносабати билан чин қалбдан самимий муборакбод этамиз. Суд ҳокимиятининг мустақиллиги, қонун устуворлиги ва одил судловни таъминлаш йўлидаги фидокорона меҳнатингиз, юксак масъулият ва садоқат билан олиб бораётган хизматингиз юртимизда инсон ҳуқуқ ва эркинликларини ишончли ҳимоя қилиш, жамиятда адолат тамойилларини қарор топтиришга муносиб ҳисса қўшмоқда. Барчангизга мустаҳкам соғлиқ, оилавий бахт-саодат, юксак касбий муваффақиятлар, масъулиятли фаолиятингизда куч-ғайрат ва янги зафарлар тилаймиз. Юртимизда қонун устуворлиги, адолат ва инсон қадрини таъминлаш йўлидаги шарафли хизматингиз ҳамиша юксак қадрлансин! https://t.me/adliyahr

🟦🟦🟦🟦🟦 📘BUXORO DAVLAT UNIVERSITETI "YURISPRUDENSIYA" FAKULTETI DEKANI LAVOZIMIGA OCHIQ TANLOV ELON QILADI. Buxoro davlat universiteti malakali, ilmiy daraja va ilmiy unvonga ega bo‘lgan pedagog kadrlarni Yurisprudensiya fakulteti dekani lavozimiga ochiq tanlov asosida ishga taklif etadi. Tanlovning asosiy maqsadi – chuqur kasbiy bilim va ilmiy yutuqlarga ega, yuqori intellektual salohiyatli, liderlik qobiliyatiga ega hamda jamoani samarali boshqara oladigan rahbar kadrlarni saralashdan iborat. 🔴 Talabgorlar diqqatiga! Tanlovda ishtirok etish uchun hujjatlar 14-iyuldan boshlab 15-avgustga qadar (shu kun ham kiradi) qabul qilinadi. 🔴Fakultet dekani lavozimiga qo‘yiladigan talablar: ✔️Ilmiy daraja va ilmiy unvonga ega bo‘lishi (Falsafa doktori, fan doktori va/yoki professor); ✔️Xorijiy tillarni bilish darajasi – kamida B2; ✔️Rus tilini yaxshi bilishi; ✔️Vatanparvarlik, fidoyilik, jamoada ishlash ko‘nikmasi; ✔️Liderlik qobiliyati, kreativlik va tashabbuskorlik fazilatlariga ega bo‘lishi. 🔴Nomzod tomonidan taqdim etiladigan taqdimotlar: ✔️Fakultetni 2026/2027-yilda rivojlantirish bo‘yicha ish rejasi taqdimoti; ✔️Fakultetni 2026/2027-yilgacha rivojlantirish bo‘yicha strategik rivojlanish rejasi taqdimoti. Yetakchi xorijiy reytinglarda TOP–500 talikka kiruvchi xorijiy OTMlarni tamomlagan nomzodlarga ustuvorlik beriladi. 🔗 Ariza topshirish: https://uniwork.buxdu.uz/ Buxoro davlat universiteti – ilmiy salohiyatli va zamonaviy fikrlaydigan rahbar kadrlarni hamkorlikka chorlaydi! https://t.me/adliyahr

#bilasizmi 🧑‍🎓👨🏻‍🎓Ўзбекистон Республикаси Президентининг 2025 йил 26 ноябрдаги ПФ–232-сон Фармони 5-банди “в” кичик бандига мувофиқ, ⏰2026 йил 1 июлдан бошлаб Тошкент давлат юридик университетининг 3 ва 4-курс талабалари "иш юритувчи" ёки "юрисконсульт ёрдамчиси" сифатида қуйидаги тузилмаларда ишлаши мумкин:   ➖давлат ташкилотларида; ➖нотариат тузилмаларида; ➖адвокатлик тузилмаларида Бундан ташқари, Ўзбекистон Республикаси Президентининг 19.01.2017 йилдаги ПҚ-2733-сон қарори билан тасдиқланган Низомнинг 9-бандига кўра, давлат органи ёки ташкилотида "юрисконсульт ёрдамчиси" лавозимини жорий қилиб, унга:   ➖олий ёки ўрта махсус юридик маълумотга эга шахсларни; ➖юридик мутахассислик бўйича қайта тайёрлаш дипломига эга шахсларни; ➖олий таълим ташкилотининг “юриспруденция” йўналишидаги бакалавриат битирувчи курс талабаси; ➖“юриспруденция” мутахассислиги магистранти ишлаши мумкин. https://t.me/adliyahr

#amaliyot #so'ragan_edingiz Меҳнат кодексининг 160 ва 235-моддаларидаги муддатларни қўлланилиши юзасидан ҳуқуқий таҳлил 1. МАСАЛАНИНГ МОҲИЯТИ Савол қуйидаги икки норма ўзаро нисбатига тааллуқли: ➖160-модда (1 ва 6-қисмлар) — ходим меҳнат шартномасини 14 календарь кун олдин ёзма огоҳлантириб бекор қилишга ҳақли ва огоҳлантириш муддати тугагунига қадар (шу жумладан сўнгги иш куни охиригача) аризасини чақириб олиш ҳуқуқига эга. ➖235-модда (1, 3 ва 4-қисмлар) — ходимнинг ташаббуси билан меҳнат таътили берилиб, унинг охирги кунида шартнома бекор қилинади, бунда ходим аризасини меҳнат таътили бошланадиган кунга қадар чақириб олиш ҳуқуқига эга. ❓Савол: 160-моддадаги 14 кунлик огоҳлантириш муддати давомида аризани чақириб олиш ҳуқуқи 235-моддадаги таътил бошлангунига қадар чақириб олиш ҳуқуқига нисбатан қўлланиладими? 2. ҲУҚУҚИЙ ТАҲЛИЛ Нормаларнинг моҳияти: 📌160-моддаси - умумий норма ва барча ҳолларда ходим ташаббуси билан бекор қилишни англатади; 📌235-модда - махсус норма ва таътил берилиб, кейин шартнома бекор қилинадиган ҳолатдагина қўлланилади. Ҳуқуқ назариясида: “lex specialis derogat legi generali - maxsus qonun umumiy qonunni bekor qiladi (ustun keladi)” тамойилига кўра, махсус норма умумий нормадан устун қўлланилади. Бу ерда: 🔹160-модда — умумий тартиб; 🔸235-модда — махсус тартиб (таътил орқали бекор қилиш ҳолати). 3. Огоҳлантириш муддати ва таътил ҳолати фарқи 1️⃣ Оддий бекор қилиш (160-модда) - 14 кунлик огоҳлантириш муддати давомида ходим исталган вақтда аризани чақириб олиши мумкин. Ҳатто сўнгги иш куни тугагунига қадар. 2️⃣ Таътил орқали бекор қилиш (235-модда) - Таътил бошлангандан кейин меҳнат муносабатлари тугаш жараёни амалий жиҳатдан бошланган ҳисобланади. Шу сабабли қонун чиқарувчи чақириб олиш ҳуқуқини таътил бошлангунга қадар чеклаган. 4. Нормаларининг ўзаро нисбати, муҳим хулоса: 👉160-модданинг 6-қисмидаги қоида 235-моддадаги махсус ҳолатга нисбатан тўғридан-тўғри қўлланилмайди. Чунки: ➖235-модда махсус норма ҳисобланади; ➖Унда чақириб олиш ҳуқуқи аниқ чекланган — таътил бошлангунга қадар; ➖Таътил бошлангандан кейин 160-моддадаги “охирги иш кунигача” қоида амал қилмайди. ‼️Мазкур нормалар ўртасида ўзаро зиддиятли (КОЛЛИЗИЯ) ҳолат йўқ. ⚠️Хулоса ✔️ 160-модда 1 ва 6-қисмлари – умумий қоида. ✔️ 235-модда 4-қисми — махсус қоида. ✔️ Таътил орқали бекор қилиш ҳолатида ходим аризасини фақат таътил бошлангунга қадар чақириб олиши мумкин. ✔️ Таътил бошлангандан кейин 160-моддадаги 14 кунлик муддатга таяниб аризани чақириб олиш мумкин эмас. © амалиётчи-юрист Ш.ХАМРАҚУЛОВ https://t.me/adliyahr