Afarin - ئافەرین

گۆرانی مار و مریشکەکان بۆ منداڵان🐍🐔

ناو نانی هەڵە بۆ ئەندامەکانی جەستە؛ دەروازەیەک! یەکێک لەو هەڵە باوانەی کە زۆرجار لەبەر چاوی منداڵ یان بە ناوی نازگرتنەوە ئەنجامی دەدەین، ئەوەیە کە ئەندامەکانی زاوزێی منداڵەکە بە ناوی سەیروسەمەرە و "جوانکراو" بانگ دەکەین، وەک: جوجو، لولو، نوقڵ، ، بامێ .هتد ⚠️ بۆچی ئەم جۆرە ناوانە مەترسیدارن؟ کاتێک تۆ ناوی ئەندامە تایبەتەکانی جەستەی منداڵەکە دەگۆڕیت بۆ ناوی شیرینی یان یاری، لە مێشکی ئەودا وا وێنا دەبێت کە: - شتێکی سەرنجڕاکێش و گشتییە: وا دەزانێت ئەو بەشانەی جەستەی هۆکارن بۆ سەرنجڕاکێشان و شانازیپێوەکردن، بۆیە زۆرجار حەز دەکات بە ئاسانی لەلایەن کەسانی ترەوە ببینرێت یان خۆی نیشانی خەڵکی بدات. - لاوازبوونی بەرگری دژ بە دەستدرێژی: کاتێک کەسێکی نامۆ یان خراپەکار بەو ناوە شیرینانە باسی ئەو شوێنانەی بۆ بکات، منداڵەکە هەست بە مەترسی ناکات چونکە ناوی شتێکی "خۆش" دەبیستێت! 🔑 کلیلی مامەڵەی دروست لەگەڵ منداڵدا: 1️⃣ ناوە زانستی یان شەرعییەکان بەکاربهێنە: بەپێی تەمەنی، ناوە ڕاستەقینەکان یان وشەی "شوێنی تایبەت" بەکاربهێنە بەبێ شەرمکردنی نابەجێ، تا منداڵەکەش بە جدی وەرگرێت. 2️⃣ یاسای جلی ژێرەوە فێر بکە: پێی بڵێ هەر شوێنێک بە جلی ژێرەوە دابپۆشرێت، ئەوە سنورێکی سوورە و هی خۆتە. 3️⃣ پردی متمانە بنیاد بنێ: پێی بڵێ ئەگەر هەر کەسێک تەنانەت خزمەکانیش ویستیان سەیری ئەو شوێنە بکەن یان ناوی بهێنن، دەبێت یەکسەر بێت و تۆی لێ ئاگادار بکاتەوە. ✨ پەیامی کۆتایی: فێرکردنی ناوی دروست و چاندنی حەیا لە ناخی منداڵدا، گەورەترین و بەهێزترین قەڵای بەرگرییە کە دەتوانیت بۆ پاراستنی لە مەترسییەکانی دەرەوە بۆی دروست بکەیت. جەستەی منداڵەکەت ئەمانەتە، بە وشیاری بیپارێزە.

چیرۆکی باڵۆنە ڕەشەکەی مام عەلی! چیرۆکی حەوتەم #پەروەردە_بە_چیرۆک

گوهداریا دایک و بابان بەرهەمێکی نوێی ئافەرینە بۆ بینەرانی لە بادینان. گوهداریا دایک و بابانبەرهەمەکێ نوویێ ئافەرینە بۆ بینەرێن خۆ ل بادینان. https://youtu.be/oC2yoixFZeo?si=-oE20-6zwcSWtlsY

لەبەرچاوی منداڵەکەت دوعا بکە؛ تا لە داهاتوودا ببیته خاوەنی هەمان نزا! دایکی ئازیز و باوکی خۆشەویست.. پەروەردە بە کردەو و دەنگبیست، کاریگەرترین ڕێگایە. لەبەر چاوی منداڵەکانتەوە، بە دەنگی بەرز و بە سۆزەوە دوعای خێر و داوای لێخۆشبوون بۆ باپیرە و داپیرەیان بکە؛ چونکە منداڵەکانت وەک کامێرا وان، ڕەفتارەکانت تۆمار دەکەن و لە داهاتوودا هەمان ڕێچکەی تۆ دەگرنەبەر و دوای تەمەنی درێژت، هەمان دوعای خێرت بۆ دەکەنەوە. 🌱ئەوەی دەیچێنیت، دەیدووریتەوە: ئەگەر دەتەوێت لە پاش مەرگت یان لە کاتی پەککەوتەییدا منداڵەکانت بە دڵسۆزییەوە دوعای خێرت بۆ بکەن، دەبێت ئەمڕۆ بتبینن کە چۆن ڕێز لە دایک و باوکی خۆت دەگریت و نزا بۆ گۆڕی باوانت دەکەیت. منداڵێک کە لە ماڵێکدا گەورە بێت کە تێیدا ناوی باپیرە و داپیرە تەنها بە چاکە و ڕەحمەت دەبرێت، هەرگیز ناخی نابێتە شوێنی فەرامۆشکردنی دایک و باوک. ✨ پەیامی کۆتایی: پەروەردەکردنی منداڵ لەسەر وەفاداری و نزا، گەورەترین پاشکەوتە (زەخیرە) کە بۆ خۆت لە دوای خۆت بەجێی دەهێڵیت. پردی دوعای نێوان نەوەکان مەپچڕێنن.

سەردانی باخچەی کەناری بۆ تۆڕی میدیایی ئافەرین.

خۆشەویستی بە پارە ناکڕدرێت! دایک و باوکی بەڕێز.. یەکێک لە تێگەیشتنە هەڵە و باوەکانی ئەم سەردەمە ئەوەیە کە وا دەزانین بە پێدانی پارەی زیاتر، کڕینی یاری و خواردنی جۆراوجۆر، یان بەگوێکردنی کوێرانەی داواکارییەکانی منداڵەکە، خەریکین خۆشەویستیی خۆمانی بۆ دەردەبڕین! ⚠️ بەڵام ڕاستییەکە ئەوەیە کە ئەم شتە ماددییانە هەرگیز ناتوانن بۆشایی دەروونیی منداڵەکەت پڕ بکەنەوە. 🔑 پەیڕەوکردنی سوننەت؛ زمانی دروستی سۆز: باشتر و دروستر ئەوەیە کە خۆشەویستیی خۆت بە ڕێگا سروشتی و ڕۆحییەکان دەرببڕیت: بە قسەی شیرین، دەستپیاهێنان، لە ئامێزگرتن و گفتوگۆکردنی هێمنانە. 📖 وانەیەک لە باوەشی گەرمی پێغەمبەر (ﷺ): پێغەمبەری خودا (ﷺ) نموونەی باڵای ئێمەیە لە دەربرینی سۆزداریی منداڵاندا بە زمانی جەستە و سۆزی ڕاستەقینە ئەنجامیدەدا، نەک بە ماددە, حەسەن و حوسێنی لەباوەش دەگرت، ماچی دەکردن و دەفەرموو: «اللَّهُمَّ إِنِّي أُحِبُّهُمَا فَأَحِبَّهُمَا» (خوایە من ئەمانەم خۆش دەوێت، تۆش خۆشت بوێن). 📉 ئەنجامە مەترسیدارەکانی دەربڕینی سۆزی ماددی: - منداڵی نابوت و چاوتێرنەبوو: منداڵەکە فێر دەبێت کە بەهاکان بە پارە بپێوێت، و هەمیشە داوای زیاتر دەکات بەبێ ئەوەی لە ناخەوە دڵخۆش بێت. - دابڕانی ڕۆحی: کاتێک منداڵ گەورە دەبێت، چونکە پردی سۆزداری لە نێوانتاندا نەبووە، ئەویش تەنها وەک سەرچاوەیەکی دارایی سەیری ئێوە دەکات، نەک پەناگەیەکی ئارام. ✨ پەیامی کۆتایی: منداڵەکەت پێویستی بە "خۆت" هەیە نەک بە " پارەکەت". پێش ئەوەی جانتای کڕینی بۆ پڕ بکەیت، باوەشی بۆ بکەرەوە، گوێی لێ بگرە و پێی بڵێ: "تۆ گەورەترین دیاری خودایت بۆ من". ئەمەیە ئەو توێشووەی کە کەسایەتییەکی تەندروست بۆ داهاتووی ئەو بنیاد دەنێت.

ئەنیمەیشنی دۆبلاژکراوی کوردی ( نیمۆ ) لە ئافەرین کیدسەوە پێنجشەممە 6/8/2026 کاتژمێر: 10:00ی شەو دووبارە کردنەوەی/ هەینی 01:00ی پاش نیوەڕۆ

خێراتر لە حاسیبە ئەنجامی لێکدانە بیرکارییەکان دەردەکات!

❓ ئایا دەزانیت منداڵەکەت لە تەمەنی چوار ساڵیدا دەبێتە "چالاکترین لێکۆڵەر"؟ 🔹 توێژینەوە زانستییەکان دەریانخستووە: منداڵ لە تەمەنی چوار ساڵیدا زۆرترین پرسیار دەکات، بەجۆرێک تێکڕا ڕۆژانە زیاتر لە ٤٠٠ پرسیاری لەلا دروست دەبێت و ئاڕاستەی دایک و باوکی دەکات! 🧠 ئەم لافاوە لە پرسیار، نیشانەی تەمەڵی یان بێزارکردن نییە، بەڵکو بەڵگەیە لەسەر گەشەیەکی خێرای عەقڵی، لێهاتوویی زمانەوانی و حەزێکی قووڵ بۆ ناسینی جیهانی دەوروبەری. 🚨 منداڵەکەت پەک مەخە! کاتێک منداڵەکەت دەڵێت: "ئەمە بۆچی وایە؟" یان "خودا لەکوێیە؟"، کاتێک بە توندی وەڵامی دەدەیتەوە یان پێی دەڵێیت "بێدەنگ بە و پرسیاری بێسوود مەکە": - تۆ خەریکی کوژاندنەوەی تروسکەی زیرەکی و داهێنانیت لە مێشکیدا. ·متمانەی کەم دەکەیتەوە و وا دەکەیت لە داهاتوودا بۆ وەڵامی پرسیارەکانی پەنا بباتە بەر دەرەوەی ماڵ، کە ئەمەش مەترسیدارە ، پێویستە دایک و باوک بۆ منداڵەکەیان یەکەمین سەرچاوەی زانست و ناسینن بن، بۆیە جێگای خۆیەتی بە سنگێکی فراوانەوە پێشوازی لە پرسیارەکانیان بکەن. 🔑 چۆن مامەڵە بکەین؟ 1️⃣ بە زەردەخەنەوە گوێ بگرە: با منداڵەکەت هەست بکات پرسیارەکەی لای تۆ گرنگە . 2️⃣ بە سادەیی و ڕاستگۆیی وەڵام بدەرەوە: وەڵامەکە بەپێی تەمەنی ئەو کورت و ڕوون بێت . 3️⃣ ئەگەر نەتزانی، بڵێ نازانم: پێی بڵێ: "پرسیارێکی زۆر جوانە، با پێکەوە بچین لە کتێبێکدا یان لە ئینتەرنێتدا بەدوای وەڵامەکەیدا بگەڕێین". بەمە هەم فێری ڕاستگۆیی دەبێت و هەم فێری گەڕان بەدوای زانستدا دەبێت. ✨ پەیامی کۆتایی: پرسیارەکانی منداڵەکەت دەروازەیەکەن بۆ چاندنی بیروباوەڕی ڕاست، ڕەوشتی بەرز و زانستی بەسوود لە مێشکیدا. ئەم دەرفەتە زێڕینە بەهۆی بێحەوسەڵەییەوە لەدەست مەدە! ❓ سەیرترین یان قورسترین پرسیار چی بووە کە منداڵەکەت لێی کردوویت و تۆی خستووەتە داوی بیرکردنەوەوە؟ لە کۆمێنت بۆمان بنووسە

https://youtu.be/IUoFSPT2V_0?si=aS9yiEUnXPmzNxPn

چیرۆکی کۆڵەکە دارەکەی حەوشەکەمان! چیرۆکی شەشەم #پەروەردە_بە_چیرۆک

ئەنیمەیشنی دۆبلاژکراوی کوردی ( پڵۆوی ) لە ئافەرین کیدسەوە پێنجشەممە 30/7/2026 کاتژمێر: 10:00ی شەو دووبارە کردنەوەی/ هەینی 01:00ی پاش نیوەڕۆ

بۆ هەشتەم وەرز لەسەر یەک، ئافەرین پێشەنگ و پڕبینەرترین کەناڵی منداڵانە سوپاس بۆ خودا بۆ هەشتەم وەرز لەسەر یەک، بە پێی ڕاپرسییەکی دامەزراوەی ڕاما ئەجێنسی، کەناڵی ئافەرین وەک پڕبینەرترین کەناڵی منداڵان لەسەر ئاستی کوردستان دەستنیشانکرا. سوپاس بۆ ئێوەی بینەر

ئەنیمەیشنی دۆبلاژکراوی کوردی (زووتۆپیا) لە ئافەرین کیدسەوە 📅 پێنجشەممە 23/7/2026 🕙 کاتژمێر: 10:00ی شەو ⏳دووبارە کردنەوەی/ هەینی 01:00ی پاش نیوەڕۆ

🔹 ئەزموونەکانتان بەش کەن 👈 لە ئەزموونی دایکایەتی یان باوکایەتیتدا ئەم پرسیارەت لێکراوە؟ ئەی چۆنت وەڵام داوەتەوە؟؟ نموونەی وەڵامێکی سادە بۆ ئەم پرسیارە ئازیزەکەم، دروستبوونی مرۆڤەکان هاوشێوەی گوڵەکانە. بۆ ئەوەی گوڵێکی جوان شین ببێت، پێویست تۆوێک لەناو خاکێکی گەرم و میهرەبان بچێنیت. من و باوکت کاتێک هاوسەرگیریمان کرد، زۆر حەزمان دەکرد منداڵێکی جوانمان هەبێت، بۆیە نزا و داوامان لە خوای گەورە کرد. خوای مێهرەبان دوعاکەمانی قبوڵ کرد و تۆوێکی زۆر بچووکی لە ناو سکی مندا (دایک) دروست کرد. تۆ لەوێ وەک دەنکە تۆوی گوڵێک بوویت، نۆ مانگ هێواش هێواش گەشەت کرد و خوای گەورە لەوێ دەیپاراستیت، تا ئەو کاتەی بوویت بەم گوڵە جوانەی ئێستا و لەدایک بوویت.