مبادرة مرة ثانية

رحلة تحقيق اي هدف في هذي الحياة ملياااان بالمشاعر و التحديات و التعلم و الكثيييير من مواجهه الذات و الاعتراف بتقصيرها كل رحله لتحقيق اي هدف تعلمك دروس كثير و كل ماكانت اصعب كل ما علمتك اكثر و اكتسبت خبرة علمية او ذاتية افضل فإنت مو اقل من غيرك ، انت تخوض رحلتك الخاصة بظروفك الخاصة ، كل الاهداف اللي نشوف لمعان ووهج تحقيقها عند الاخرين ، كان خلفها الكثير وهنا يكمن الشعور الرائع عند الوصول ( بسبب الرحلة ) .. بالتوفيق🤍

واعتذر اني ما راح اقدر اكمل بالمبادرة هالسنة بسبب انشغالي ب دراستي ، اعتذر لو قصرت معكم ب حاجه وكانت فرصة التطوع ب هالمبادره من التجارب الحلوه اللي حصلت لي بالتوفيق لكم جميعا يارب و الله يحقق لكم كل أمانيكم استودعتكم الله 💘

تذكر دائمًا أن الخيارات لا مُتناهية، وأنك لست محدودًا بفرصةٍ واحدةٍ أو بمستقبلٍ معينٍ. ‏تذكر دائمًا أن في الحياة رحابة، وأن الآفاق واسعة، وأن الدنيا أكبر من أن تتمسك بشيء ظنًا منك أنه قد لا ‏يتكرر. ‏د.غازي القصيبي

و للي ما انكتب له هالسنة يكون بالمكان اللي يتمناه

السلام عليكم ورحمة الله وبركاته 🌟 أصدقاء مبادرة مرة ثانية اتمنى تكونون في افضل أحوالكم وأنكم وصلتو لتخصصات احلامكم حابه أبشركم اني الحمدلله وصلت للمكان اللي كان سبب يخليني اختار اخذ قاب يير السنة الماضية

ودكم اعطيهم خيارات اجهزة لمختلف التخصصات و اشياء اخرى بتفيدكم و برامج وغيرها؟؟؟ 🤔 Shopping جماعي

اشكروا الله اولا ، وكونوا فخورين بنفسكم هذي السنة مختلفة كليًا من كل شيء و ظروف جديدة تمامًا تستاهلوا تفتخروا بكل الاحوال بنفسكم 🤍

مبروووك القبول 🎉🎉!! بداية رحلة و تجربة جديدة مليانة نجاح بإذن الله ، هذي المرة بيكون تقديركم فيها للعلم و التعلم اكبر بكثير ، و جاهزيتكم لبذل كل جهدكم في سبيل العلم و تحقيق مبتغاكم و اعمار هذي الارض اكبر واكبر ، كل هذا بفضل الله سبحانه ثم تعبكم و جهدكم ، بغض النظر هل هو التخصص اللي فبالكم او لا بكل الاحوال هذي بداية مرحلة جديدة و مختلفة تمامًا.. منها ممكن تكتشفوا حبكم المخفي لتخصص ما توقعتوا تكونو فيه ، او تحقيق حلم لطالما تعبتوا له ، او اكتشاف طريق جديد كليًا مليان مفاجآت 🌟 بكل الاحوال الحمدلله دائمًا و ابدا على كل ما كتب لنا ، و الله يختار لنا الاصلح ، و نسأل الله ان يضعنا في المكان -بعلمه سبحانه - الذي سنزدهر فيه ويجعل لنا و منا الخير فيه بالتوفيق لكم جمييعًا 🤍🤍🤍🤍🤍

الاشاعات كثيره هذي الفتره لا تتفاعلون معاها و تخوفوا نفسكم عالفاضي طالما مافي بيان رسمي فهي قدعنه منهم

البداية من نقطة الخبرة مختلفة ، عندك تجربة سابقة ، تعرف نقاط قوتك و ضعفك ، و تتجنب اخطاءك اللي سبق وقعت فيها .. بالإضافه ان رؤيتك بتصير اوضح لمسارك وخطتك، لذلك سواء كان قرار قاب يير او غيره في كل مرة تبدأ تبني شيء مرة ثانية بتكون تجربتك افضل و اكثر ثقة! لو اعطيتها فعلا المجهود و الفهم و التقبل للبدء فيها و مواجهه تحدياتها 💫 لذلك وجدت مبادرتنا ( مرة ثانية ) ، في كل مرة نحاول هذا دليل على ارادتنا و رغبتنا في تحقيق مستقبل و ترك بصمة و بناء شخصية فريدة ، بكلمة او مساعدة ولو كانت بسيطة نساعد شخص برحلته في تطويره لنفسه في جميع الجوانب..لان الاكيد الانسان مو بس درجات و ارقام☝🏼

{وَعَسَى أَنْ تَكْرَهُوا شَيْئًا وَهُوَ خَيْرٌ لَكُمْ وَعَسَى أَنْ تُحِبُّوا شَيْئًا وَهُوَ شَرٌّ لَكُمْ وَاللَّهُ يَعْلَمُ وَأَنْتُمْ لَا تَعْلَمُونَ} - {فَإِنْ كَرِهْتُمُوهُنَّ فَعَسَى أَنْ تَكْرَهُوا شَيْئًا وَيَجْعَلَ اللَّهُ فِيهِ خَيْرًا كَثِيرًا} آيتين تختصر انوع المواساة وجبر للانسان النتائج طلعت وخلصت مارح تقدرون تغيرون النتيجة ولكن عليكم بالحوقلة والدعاء ومُبارك للجميع 💞

عارفه ان تقديم جامعات والوضع توتر وخوف لكن ان شاء الله قدها ورغبة اولى ،بس نصيحة لاتعلقون نفسكم بتخصص واحد اقروا عن كذا تخصص وابحثوا وعطوا نفسكم فُرصة واهم خطوه هي الدعاء والتوكل والاستخارة وربي يكتب لكم الرغبة الاولى يارب🙏🏻

استغلو كل ساعه ب هاليوم و اطلبو من الله كل ما تتمنوه حتى لو شايفينه الان مستحيل و صعب 💘

⚠️منصة قبول تعلن عن تمديد فترة اعتماد جميع درجات اختبارات قياس إلى 10 يوليو.

https://t.me/Kodurat7

هالفتره لو اللي يبي يرفع من درجه القدرات او اللي يبي يختبر ستيب ضروري يشيك على هالقناه تنزل مواعيد التسجيل الجامعات اول ب اول يصير مافيه تعارض بين موعد اختبارك و موعد الجامعه اللي ناوي عليها

انتهت رحله التحصيلي ب خيره و شره لا تتعبون انفسكم الحين بكثره التفكير بالنتيجه ، لأن مكتوب كل شي من البدايه فقط ادعو وتاكدو ان المكتوب دايم هو الأفضل لنا واللي فيه خير اعتذر حقيقي اني قصرت معكم ب آخر فتره على عكس بدايه السنه لكن حصلت لي ظروف ، الله يوفقنا جميعا و يكرمنا بالتخصص اللي نتمناه 🫶🏻💘