احمد عباس المياحي

*[ مذبوح اجيتك ]* أداء: الرادود #مرتضى_حرب كلمات: #أحمد_عباس_المياحي https://youtu.be/TT0K_eNr238?si=U_XyPdWvNsV7lUxq مجلس عزاء بذكرى شهادة الامام الحسن المجتبئ (عليه السلام ) رابطة شعراء ورواديد اهل البيت (عليهم السلام) المكان ـ العراق ـ بغداد ـ شارع الكفاح ـ جامع المصلوب إخراج ـ مهدي كاظم مونتاج ـ محمد كاظم ترجمة الانجليزي ـ سجاد حسن مكساج الصوت ـ احمد البرمكي مدير التصوير ـ حيدر كاظم مخطوطات ـ حيدر محسن تنفيذ ـ المجد كروب للانتاج الفني اللَّهُمَّ عَجِّلْ لِوَلِيِّكَ الفَرَجْ

﷽ּ قصيدة : { يعطر خيامي } ــــــــــــــــــــــــــــــــــــــــــــــــ يعطر اخيامي ياشمعتي وياسي صرت بغيابك گوه اجر انفاسي طحت گدامي .. واركضتلك ظامي حافي من اخيامي .. يبني يا جسّام ـــــــــــــــــــــــــــــــــــــــــــــــــــــــــ سمعتك صحت .. عمي ادركني يضامي عليك اطلعت .. حافي وركض من خيامي عفتني بحرب .. تشوف الغرب دمعتي تصب .. حنين وألم لمّن وصلتك طحت .. بيك ابني الاكبر شفت .. ويم طولك اتمددت ولو ما عويل الحرم .. فززني من الخيم .. يمك شهگت اومتت مسحت الدّم من عيونك اگعد باوع اعيوني وشوف شگد بچيت اعليك لحد ما ذبلت جفوني ضعف كل حيلي ما أحملك خوفي أشيل چفوفك توگع من چفوفي زدتها جروحي .. يبني يا مذبوحي ونّي اِسمعه ونوحي .. يبني يا جسّام ـــــــــــــــــــــــــــــــــــــــــــــــــــــــــ يعطر الخيم .. البيك اشم ريحة عضيدي ردت حنتك .. مو دماك الزمها بيدي يتارسني حب .. الكسرلي گلب يشمك صعب .. بمكاني السهم يوليدي چان الحلم .. ياسك ألمه ابأدي .. مو جسمك اگعد ألم يا قاسم ابزفّتك .. ردتك تقسم الفرح .. مو ينقسملك جسم حلم افرش ورد وتنام الحلم تالي انعكس ضدّي أفرشتلك خدّي فوگ اتراب وجبت خدك على خدّي العطش يوليدي غير شگد رسمك يعمّي اشبيدي والعطش هَد عمّك يكوثر عيني .. افراگك امبدّيني عطّشتلي اسنيني .. يبني يا جسّام ـــــــــــــــــــــــــــــــــــــــــــــــــــــــــ يضي الشّمس .. زفّتك بالجَنّة باچر يموت العرس .. صعبه وتعيش الحوافر يحرز الحسن .. شموعك طفن لمّن شاهدن .. مشاعل خيم لمّن شمعتك طفت .. منها اعرفت تحترك .. گدامي راح الخيم من هسَه گلبي انكسر .. ومتاني كسرة ظهر .. لمّن يطيح العلم من كل جانب احتوشوه جسمك والدّمه اتجاره العرّيس بورد يرموه مو يرمونه بحجارة اغْزلَتْهَا اثيابك للعرس أيد أمّك رمال الصحرة تالي بيها ودمّك دعت يالقاسم .. أمك اترد سالم ابزي زفافك قادم .. يبني يا جسّام ـــــــــــــــــــــــــــــــــــــــــــــــــــــــــ يتاني الگمر .. رجعتك هوه وخواتك جزت عالفضل .. عند ابو فاضل غلاتك يشوفك كأن .. أبوك الحسن تفرحه لمّن .. تگله يعم اتعوّد تگله يعم .. لمّن تجي وتحضنه .. بس هسّه كلشي اختلف بالملگه ماتنشبگ .. من گد سهام الصّدر .. ولا تگدر اتمدله چف بشبِگتك چان يتذكّر الحسن وتسد اله الوحشة هسه اسهامك اتذكره ابسهام الصّوّبت نعشه اجيتك وحدي وعفته يم صيواني حرس ماعندي بس اخير اخواني اخير اخوانه .. چا أجه وشالانه وللخيّم ردانه .. يبني يا جسّام ـــــــــــــــــــــــــــــــــــــــــــــــــــــــــ حضنتك جرح .. وللمخيّم گوه شلتك صدگ منذبح .. صاحت امّك من اجتّك عليك انحنت .. وتهزّك بقت تگعدك رجت .. مماتك حلم ما بچت يمّي لسبب .. چي إلي مضحية استحت .. أگبالي دمعها يصُب خايف عليها شكثر .. لو شافتك عالرّمح .. لا يوگف الها الگلب نعت يمّك نعي ام اوحيد بعرسه يموت تاليته ربّيت الولد للشيب مو للخيل ربّيته اجن عماتك واسن امك رمله بنواعي مصابك ثكله شبگت ثكله وخواتك ناحن .. وعله جسمك طاحن ويَ أمك صاحن .. يبني يا جسّام ـــــــــــــــــــــــــــــــــــــــــــــــــــــــــ احمد عباس المياحي اللهم عجل لوليك الفرج

*[ يعطر خيامي ]* أداء: الملا #محمد_باقر_الخاقاني كلمات: الشاعر #أحمد_عباس_المياحي https://youtu.be/el1MyOPVnaQ مجالس شهر محرم الحرام لسنة 1448 هـ - 2026 م ليالي العشرة الأولى من شهر المحرم عزاء هيئة مجانين السيدة رقية عليها السلام - العراق - البصرة حسينية قصر السلطان علي ابن موسى الرضا عليه السلام مونتاج وتنفيذ: شركة نور الخيام للإنتاج الحسيني اللَّهُمَّ عَجِّلْ لِوَلِيِّكَ الفَرَجْ

﷽ּ _ خاف اتئخرت ماجيتك ابساع خويه اعذرني ماضل حيل بيه انت تصيح خويه ادركني وتصيح بابا من الخيم ارجع رقيه وحيره احتار كلبي بين الاثنين يندار البناته لو لخيه جيت .. ورقيه تيهت ايدها جيت .. اسمع الخويه تعيدها جيت .. عطشان كلبي يريدها تعبان ياعباس تعبان ضليت وحدي بعازة اخوان خلي انتشابك عطش وجروح عطشان بلكي ايروي عطشان ابو فاضل ياخويه .. ابو فاضل ياخويه __ بعدني اكَبالك وأسمع يصيحون ظل لوحدّه وما عنده كافل إذا طاح العمود اتطيح الاخيام إذن بالنّار حضروها المشاعل وعوفو حسين هوه لوحده يموت لان حسين روحه بابو فاضل گوم .. يابعد اخوك وحيله گوم .. حسينك منو يتجيله گوم .. لو طاح ياهو ايشيله طلع السهم من عينك وشوف شلون العده اعله خيامنه اطوف ماضلي حيل الجرة السيف ودارة عليه ارماح وسيوف ابو فاضل ياخويه .. ابو فاضل ياخويه __ منك راح اگوم ارجع للخيام بدت تتقرب اعليها العساكر ياعين امي كافي تمدد ونام عله جروحك بعد بسك تكابر بس حسبت ذبح ورجع الاگيك اردود اجيبني اعليك الحوافر نام .. كافل خيامي وخدري نام .. كسرت كلبي وضهري نام .. عالگاع موش ابصدري موحلوه هيج الوحدك اتنام چانمت يمك بس الخيام ضل عالظهر عباس مطروح عالوجه تلچم بيك السهام ابو فاضل ياخويه .. ابو فاضل ياخويه __ انه الهاد حيلي اختك يعباس بقت هيه وبناتي بنتضاري هسه ارجع والمهن لچن اشلون من اطيح يطشروهن بالصحاري بشمس ماگاعدات ابساحة البيت شلون ايرگضن ابحر الضهاري حبال .. حضرو من هسه الهن حبال .. وين الحبال وچفهن حبال .. مو چفك اليلزمهن الچانن يفزن من جرس نوك شلون ويدخلن هوسة السوك اليستحن من ضلهن بالخيال اعليهن تفتح اعيون وحلوك ابو فاضل ياخويه .. ابو فاضل ياخويه __ احمد عباس المياحي اللهم عجل لوليك الفرج

https://youtu.be/UwLt24-6usA?si=kyhJj3T3YOAjBQuo

﷽ּ قصيدة : { ها هنا } ــــــــــــــــــــــــــــــــــــــــــــــــ وصل ضعن حسين وعياله يشع نوره ويزهر جماله لابو فاضل گله انصب مخيمي نزل ساحة كربه وبلائه عله صوت حسين وبكائه ها هنا گال الهم يسفكوا دَمِي ها هنا .. مَحَطُّ رِحالِنا ها هنا .. تُسْفَكُ دِمَاؤُنَا ها هنا .. تُسْبَى نساؤنا ها هنا .. قَتْلِي بِغُربَتي ها هنا .. يحرگولي خيمتي ها هنا .. بالهيمة عيلتي كربلا ويلاه يكربلا .. كربلا ويلاه يكربلا ــــــــــــــــــــــــــــــــــ جمع كل اصحابه بجواره ندب يا انصاري الغياره بالثبات اعرفكم وِتَاد الحرب مثل هاي الصحبة اوفاها منو قبلي او بعدي لگاها بالقتل يدرون وولا رف گلب ها هنا .. اناديكم دون رد ها هنا .. ما تجيبوني أَبد ها هنا .. ما الي ناصر بعد ها هنا .. ريح الموادع تهب ها هنا .. يمكم أكعد ونتحب ها هنا .. من دماكم اختضب كربلا ويلاه يكربلا .. كربلا ويلاه يكربلا ــــــــــــــــــــــــــــــــــ نضر ولده ابضعنه وتحسر هنا تُذبح يبني يالاكبر عله الدُنيا بعدك اصيح العفه بچه وشايل عبدالله بيده بده يشمه ويمسح وريده ها هنا اتراوالي دماه نازفه ها هنا .. يقتلُ كبيرُنا ها هنا .. يذبحُ صغيرُنا ها هنا .. يُغْدرُ غدِيْرُنا ها هنا .. جاسم منيته ها هنا .. يطفوها شمعته ها هنا .. من دمه حنته كربلا ويلاه يكربلا .. كربلا ويلاه يكربلا ــــــــــــــــــــــــــــــــــ أجه يم عباس بخبائه إله انطه الجربه ولوائه گله أنه وخدري ابحماك انتخي بِكَ أشدّد أزري وعضدي يبو فاضل امنية عندي ها هنا أسمعها تگلي أخي ها هنا .. عطش يولي عيلتك ها هنا .. يبدوها جربتك ها هنا .. يطيحوها رايتك ها هنا .. يا خوية يالگمر ها هنا .. تكسر إلي الظهر ها هنا .. تضيعني عالنهر كربلا ويلاه يكربلا .. كربلا ويلاه يكربلا ــــــــــــــــــــــــــــــــــ نعه نفسه وسمعن كلامه بچن كل النسوة بخيامه واحسيناه صرخة دوت بالخيم اجت زينب شبگت اخوها تشم ريحة أمها وأبوها ها هنا نتوادع يراعي الشيم ها هنا .. اقدملك المهر ها هنا .. بوداعك انكسر ها هنا .. والجيتك انتضر ها هنا .. ايتانوها طلعتي ها هنا .. يشوفوها ركضتي ها هنا .. عالتله صعدتي كربلا ويلاه يكربلا .. كربلا ويلاه يكربلا ــــــــــــــــــــــــــــــــــ احمد عباس المياحي اللهم عجل لوليك الفرج

*[ ها هنا ]* أداء: الملا #محمد_باقر_الخاقاني كلمات: الشاعر #أحمد_عباس_المياحي https://youtu.be/tEDA2nbTL9Q مجالس شهر محرم الحرام لسنة 1448 هـ - 2026 م ليالي العشرة الأولى من شهر المحرم (الليلة الثانية) عزاء حسينية غريب طوس عليه السلام - العراق - البصرة مونتاج وتنفيذ: إعلام الموكب اللَّهُمَّ عَجِّلْ لِوَلِيِّكَ الفَرَجْ

﷽ּ قصيدة : { هل يدمعي } ــــــــــــــــــــــــــــــــــــــــــــــــ هل يدمعي .. بشهر محبوبي الگلبي انزل .. وغسل ذنوبي ذنبي الاسود .. بدله ابثوبي ــــــــــــــــــــــــــــــــــــــــــــــــ هلي يعين .. دموع .. حزنچ اهواية گلبي اريد .. يصير .. مثل المراية مابي ذنوب .. اشوف .. صافي للخدمة ومايهوه غير .. طريق .. بس القراية گلبي بدموع العين رايد اطهرة ومايلگه غير حسين كلمن يدورة روحي تطهر .. مو بمّي زمزم بالحُسين .. او دمعة المأتم سر نقائي .. شهر المحرم .. هل يدمعي ــــــــــــــــــــــــــــــــــــــــــــــــ يادمعي من .. تطيح .. فكر اشوية لازم يكون .. قبل .. كل عمل نية حدد مسار .. اتجاه .. بوصلة نيتك توصل اريد .. خيام .. ضعن ابو رقية بقافلة ضعن حسين لحك يدمعي والجربة العباس من الليلة أسعي ضعنه واصل .. لحك اوصله كلك اوگع .. ابمهد عبدالله ولمن ايفز .. گله اسم الله .. هل يدمعي ــــــــــــــــــــــــــــــــــــــــــــــــ من الليله كون .. اهيم .. وهجر الواقع من هسه اعيش .. جروح .. ليلة السابع قبل السهم .. لا يلوح .. عين ابو فاضل عيني تفيض .. والهدم .. بالدمع ناگع كون ادگ ضلعي حيل والطم عله الراس من اسمع ابلايه چفوف طايح العباس اعله راسي .. الطم يستاهل ياهو طايح .. غير ابو فاضل الخله ظهر .. حسين اخو مايل .. هل يدمعي ــــــــــــــــــــــــــــــــــــــــــــــــ يادمعي سيل .. قريب .. ويوصل العاشر ونسمع يصيح .. الحسين .. الا من ناصر قيم العزاء .. بالبكاء .. نصرة الظامي عيش المصاب .. قبل .. لا يجي الحافر قبل الذبح ابجيه وانعه المصابه وثوبي اشگه اعليه ابسلبة ثيابه ابهاليالي .. تختنك روحي ريت اموت .. ابلوعة جروحي لا متكفي .. دمعتي ونوحي .. هل يدمعي ــــــــــــــــــــــــــــــــــــــــــــــــ اگضي الشهر .. سهر .. جفني ماطبگه قبل الخيام .. يريت .. روحي محترگه ماباقي شي .. ونستمع .. خرجت زينب من الدلال .. للحبال .. عاشت الخنگه تنسبي زينب هاي اعظم مصيبة بت اهل اهل البيت تصبح غريبة الحته ضلها .. محد يشوفه تالي تمشي .. بحبل مجتوفه الغربتها .. الشام والكوفه .. هل يدمعي ــــــــــــــــــــــــــــــــــــــــــــــــ احمد عباس المياحي اللهم عجل لوليك الفرج

https://youtu.be/wO0fK-mvlD4?si=5CQbv-1GgES5b_JK

https://youtu.be/hd_NxYoxc8s?si=_t8qMBzqQpkvPtrg

﷽ּ أماه يازهراء .. أماه يازهراء ـــــــــــــــــــــــــــــــــــــــــــــــ الصادق أني .. قصة أحزاني يمچ أحچيها ابحزن واشكيلچ همي .. چا غير انتي امي والأم التعلم بالأبن اتعرفين المر بيه ماحاجه الشرح وتنعين اعلى امصابي مثل المنذبح وفوگ جروحچ جرحي زيدلچ جرح يالعشتي ويه الحزن عشرة دموع وجفن تنعين يم شجرتچ شما منها كسرو غصن گلبچ ييمه انمرد كل فترة يفگد ولد ضمدت جروح البشر وجرحچ ابد ماضمد أماه يازهراء .. أماه يازهراء ـــــــــــــــــــــــــــــــــــــــــــــــ يالحرگو بابچ .. خانگني امصابچ عايش بحساسي الألم من حرگو بيتي .. بفكاري اجيتي وبابچ گدامي انرسم ذكرني آبنار بابچ داري المحترك طفيته بچفوفي واركض مختنك بس مو فوگ اضلوعي بابي منطبك عشت بهذاك الوضع بس بابي مامندفع ولا خدي احمر صفه ولا مني كسروا ضلع من ضلعچ وسطرتچ متعلعله ابنومتچ عشتي اعلى هذا الوجع من العصرة حد موتتچ أماه يازهراء .. أماه يازهراء ـــــــــــــــــــــــــــــــــــــــــــــــ لقتحموا بيتچ .. رادوا ذريتچ تخلص لو سم لو قتل هم سموا چبدي .. وتلوه الوحدي مثل الراموا نعشه نبل السم من فتت چبدي اتذكرت الحسن وصارت خضرة من السم الوان البدن او گوه اشهگ بنفاسي وعيوني غشن تشاركنه نفس الألم لمن تجرعنه سَم بس بالنعش نختلف مامرمي نعشي بسهم الكاظم دفني ورجع ومامني نبله شلع ومن گد سهام الحسن گلب الحُسين انكطع أماه يازهراء .. أماه يازهراء ـــــــــــــــــــــــــــــــــــــــــــــــ الماعرفوا گدرج .. لو عرفوا گبرج چا ما خلوله أسم الماعرفوا گدري .. من عرفوا گبري خلوه احجار ومنهدم يتعب بزيارتنه الزاير لو حضر زين وگبري يشوفه من بعيد الحجر بس گبرج يايمه ماكو منه اثر الوكت الفرج ننتضر ومايبقه مخفي گبر المهدي يجي برايته وانصاره من كل كتر اتأمل ابطلعته انا اوگف بخدمته ونبني المراقد سوه وگبرج ذهب گبته أماه يازهراء .. أماه يازهراء ـــــــــــــــــــــــــــــــــــــــــــــــ احمد عباس المياحي

*[ الصادق اني ]* أداء: الملا #محمد_باقر_الخاقاني كلمات: الشاعر #أحمد_عباس_المياحي https://youtu.be/MhryZr1oX9I مجالس شهر شوال لسنة 1447 هـ - 2026 م ليالي إستشهاد مولانا رئيس المذهب الجعفري الإمام جعفر بن محمد الصادق صلوات الله عليه وآله عزاء خيمة الإمام زين العابدين عليه السلام - العراق - قضاء الشامية تنفيذ: الأبرار للإنتاج الحسيني اللَّهُمَّ عَجِّلْ لِوَلِيِّكَ الفَرَج

على علينه وا ويلاه _ مجروحه هاي الليله الايتام اوياهم علي ما كمل اصيام مطبور راسه لب الاسلام سيف الغدر بالفجر صاباه _ بگبره محمد ينعه المصاب هالليله راس المرتضى انصاب اشلون التراب ايغطي ابو اتراب واهل السمه والأرض تنعاه _ ناحت الزهره ابگلب مشلوع شافت عليها وصبت ادموع التقو طبره وكسرة اضلوع بالجنه محنيه اتلكاه _ من سمع چان السيف مسموم زادت ابگلب الحسن لهموم هم نفس حيدر ينغدر يوم او ينفطر بالسم جبده وحشاه _ من شاف حيدر راسه مطبور ناح الحسين ابگلب مكسور بشهر الصيام اوشاف عاشور ومتحضره الحز منحره اعداه _ گدامه حيدر معصب الراس او ملتمه يمه تنحب الناس ايده اعلى عينه اوناح عباس من هسه صاب السهم عيناه _ زينب تنوح ابحزن والام ركضت لبوها ابعترة اجدام اتخيلت ركضتها من الخيام وتنادي ا يا كافلي آه _ احمد عباس المياحي

*[ على علينا واويلاه ]* أداء: الملا #محمد_باقر_الخاقاني كلمات: الشاعر #أحمد_عباس_المياحي https://youtu.be/nBG_zbNqm3Y مجالس شهر رمضان المبارك لسنة 1447 هـ - 2026 م ليالي إستشهاد مولانا مولى الموحدين ويعسوب الدين قائد الغر المحجلين أمير المؤمنين علي ابن أبي طالب صلوات الله عليه عزاء هيئة شباب علي الأكبر عليه السلام - العراق - بغداد تنفيذ: إعلام الهيئة اللَّهُمَّ عَجِّلْ لِوَلِيِّكَ الفَرَج

﷽ ּ قصيدة : ( حُرُوْفُ عَلِيْ ) ــــــــــــــــــــــــــــــــــــــــــ دارت قـرون المـعرفـة اعليك ويوصفك يا وصف عابـر حـدود اهل العـلِم يا بـحـر ما حـدّك جرف بحروفـك المعجم عجز بـ اسمـك يفسّـر يا حرف ؟! اسمك .. شگد معاني يحمل اسمك طلسم ومحّد يفهمك املاك ربنا تخدمك .. ياعلي حاير .. المايفهك يبقه حاير والبحر علمك يسافر يلگه روحه قطرة صاير .. ياعلي البسمـك يريد .. يـتكلّـم لازم يــروح .. يــتــعـلّـم درس الثّبات .. من ميثم .. ياعلي ميثم درس لاهل العشگ وبحُبّه ما خَلّه عذر من المهد حد الصَّلِب يخشع إذا اسمك يمر السَّلَامُ عَلَى عَـيْـنٍ وَ لامٍ وَيَــاءْ السَّلَامُ عَلَى خَازِنِ عِلْمِ السَّمَاءْ ـــــــــــــــــــــــــــــــــــــــــــــــــ الله نـطَـى لـكلشـي اِسم ومعنى الإسم بي ينطبق ما معنى اِسمـك يـاعلي ؟ بأول حرف منه اِنْطلُق الـ( عَــيْـنُ ) تَـعْـنِـيْ إِنَّهَا عِـلْمُ الإلـهِ فـي الـخلـق يطبرك .. المافهم علمك يطبرك وفايض ابدمك ينظرك وبدمع زينب يكسرك .. ياعلي عينك .. جامد الدم اعله عينك بعصبه صفره امعصبينك وعالوجع تكتم انينك .. ياعلي سيف اللّعين .. من جاسك عشت بجروح .. إحساسك زينب تباوع .. راسك .. ياعلي الجَنّة والنّار اعرفوا القاسم الهن يمنتك لهذا السّبب يا ابا الحسن بالسّيف قسموا هامتك هَامَةٌ فِي السَّما مِثْلَ بَدرِ الضِّياءْ السَّلامُ عَلَى خَازِنِ عِلْمِ السَّمَاءْ ـــــــــــــــــــــــــــــــــــــــــــــــــ ثاني حرف بـ اسمك علي الحُب والأمان ابلفضته او عنّه قواميس اللّـغـة اشما سولِـفَت مانصفته الـ( لآم ) معـناهـا لُـطُـف الله ابـعبـاده و رحمته لُطفك .. تالي بالقسوة ايتجازه عالچتف رايح جنازة عازتك يالوالي عازة .. ياعلي ويلي .. قاتلك يعرُف سجدتك اتطوّل وتنزل دمعتك انختمت السّجدة بطبُرتك .. ياعلي امن الجَنّة صوت .. الحسرة بساعة وقوع .. الطّبرة نشغت عليك .. الزّهرة .. ياعلي صوت الگلب لمّن يون ينعاش بس ما ينسمع وفاطمة بساعة طبرتك بيها رجع كسر الضّلع السَّلَامُ عَلَى ضِلْعِ بَتُولِ الفِدَاءْ السَّلامُ عَلَى خَازِنِ عِلْمِ السَّمَاءْ ـــــــــــــــــــــــــــــــــــــــــــــــــ المايذكر اسمك ينرفض لو كل عمل لـ الله عطه بين السمه وبين الأرض انـتَ الوصل والـرّابـطة الـ( يَـاءُ ) مَـعْـنَاهَـا يَـدُ اللَّهِ ابـعـبـاده بـاسـطة ايدك .. البيها حنية وسلامه التمسح بروس اليتامه وشبعت حته الحمامه .. ياعلي وسفة .. هسّه رفعتها بصعوُبة والزّمن دار ابخطُوبه ومحّد ايريد المثُوبة .. ياعلي كثره العباد .. بس قِـلَّـة درب الـصّـراط .. تندلّه والما فهـم .. نشـرحله .. ياعلي چان ابن مُلْجَم ياعلي يصلّي ويأدّي اعبادته تاليته أَصبح قاتلك يعني صلاته اشفادته ؟! مُلْجَمُ الكُفْرِ قَد هَدَّ رُكْنَ النَّقاءْ السَّلامُ عَلَى خَازِنِ عِلْمِ السَّمَاءْ ـــــــــــــــــــــــــــــــــــــــــــــــــ شكرًا لله ولآل الله صلوات الله عليهم أجمعين [ هَذَا مِنْ فَضْلِ رَبِّي ] والحمد لله احمد عباس المياحي

*[ حروف علي ]* أداء: الملا #محمد_باقر_الخاقاني كلمات: الشاعر #أحمد_عباس_المياحي https://youtu.be/_ZuHRBRpxYk مجالس شهر رمضان المبارك لسنة 1447 هـ - 2026 م ليالي إستشهاد مولانا مولى الموحدين ويعسوب الدين قائد الغر المحجلين أمير المؤمنين علي ابن أبي طالب صلوات الله عليه عزاء حسينية غريب طوس عليه السلام - العراق - البصرة تنفيذ: إعلام الموكب اللَّهُمَّ عَجِّلْ لِوَلِيِّكَ الفَرَج

*[ نعش أم البنين ]* أداء: الملا #محمد_باقر_الخاقاني كلمات: الشاعر #أحمد_عباس_المياحي https://youtu.be/v8BMde_XlY0 مجالس شهر جمادى الآخر لسنة 1447 هـ - 2025 م ليالي إستشهاد موﻻتنا الطاهرة الميمونة أم العباس فاطمة بنت حزام أم البنين عليها وعلى أولادها السلام عزاء هيئة الحسن المجتبى عليه السلام - العراق - الديوانية مونتاج: سجاد محسن مكساج: سجاد الهيفي مخطوطة: علي الشاهين غلاف: سجاد ريسان إشراف عام: أحمد الخاقاني النشر الشبكي: علاء بركات العاملي اللَّهُمَّ عَجِّلْ لِوَلِيِّكَ الفَرَج

•قصيدة *[ شوگ الزيارة ]* • أداء : #الملا_علي_الساعدي ‏• performance : alisaadi • كلمات : #احمد_عباس_المياحي ‏• words : Ahmed Al-Mayahi للمشاهدة والتحميل الرابط ادناه https://youtu.be/CKeyKBoeTik?si=M2ntHR8HHwJV1ftz • مكساج وتوزيع : كرار الموالي • مونتاج : سجاد سلام • ليالي أستشهاد الامام الصادق (ع)1446هـ

{ بِسْمِ اللهِ الرَّحْمَنِ الرَّحِيمِ } كأنّما السّيدة أم البنين ( عليها السلام ) تتگلم مع أمير المؤمنين ( عليه السلام ) بعد أستشاهده وهيه على قبره قصيدة : ودعتني _ ودعتني وگـل أمـل ماكـو ابرجعتك مو عله الناگه ابنعش چانت سفرتك هـم تـرجـع أَيــام الـزمـن ونرجع سوه يابو الحسن ... ابرجعتك __ عالناگـه كلمن سافـر اوطول غـيابه عدها أمل من تنتظر أهله اعله بابه بس گلمـن ايروح ابنعش جيته بعيده ومن ترفـع ايد اتـودعـه مايرفـع ايده ولاينطي موعد رجعته الساعي بريده اشما بجيت الدمعه مترجع حياته اوتبقه گل مغرب تخنگك ذكرياته مايـفـتـح ازراره الچـفـن ونرجع سوه يابو الحسن ... ابرجعتك __ بـدويـه وبطبـع البـدو تسكن صـحاري وبيت المدينه العشنه بي نساني داري عـفـت أهلـي وبيـوت الشعر لمـن لگيتك بس ابغيابك صرت أحس يخنگني بيتك وأتـنـفـس اتـراب الـگبـر يـمـك اجـيـتك أنته أَهلي يا علي مو بس أميري عشرتك حلوه مثل راحة ضميري اعيونك افتحها الغمضن ونرجع سوه يابو الحسن ... ابرجعتك __ بموادعك أگثـر جـرح عشته ابمصابك بحجابي ماأگدر چنت أمسح خضابك گل يتيم انتَ امسحت راسه اودمعته بس راسك آنه لا مسحته اولا حظنته خفت اعله جرحك يلّجم هل ما لزمته ابعصبه صفره اتعصّبت ياحامي جاره وچان وجهي من القـلـق أكـثر صفاره أدعي الجروحك ينشفن ونرجع سوه يابو الحسن ... ابرجعتك __ وانه اعله گبـرك واذكـرت قصة جروحك من چنت يم گبر ام حسن تنساها روحك وما ترجع الحد ما دمع زينب يرجعك وگل باب لو شفته يضل يتجاره دمعك تذگر ظلعها اوكسرته وينكسر ظلعك عشت دورك من تجي تزور الزّجيّة وبقت كلمة "كلّميني" اتعيش بيّه " كلّمني" يا أجـمـل وطن ونرجع سوه يا ابو الحسن .. برجعتك __ راح ارجع اعذرني علي واشبه مشيتك من ارجعـت من فاطمة الزينب إبّيـتك هـم ارجـع اعـثر بالـدرب لمـن اذكرك وهم الگه زينب بالغرف تطلع تدورك تلكَه عباتك ياعلي اتشم بيها عطرك وزين من عندك هدم ضل وتشمه حسين باچر مايرد للخيمه هدمه ومايرجع ابجيت الضعن ونرجع سوه يابو الحسن ... ابرجعتك __ [ هَذَا مِنْ فَضْلِ رَبِّي ] #رزقهم_صلوات_الله_عليهم_أجمعين احمد عباس المياحي

قصيدة : ( آه وآ أبَتَاه ) لسان حال السيده زينب { عليها السلام } مع مولاي أمير المؤمنين { عليه السلام } ____ ليل ظلمه وكلشي هادئ والمشاعل طافيات وننتضر صوت الأذان وساكته كل الاصوات فجأه لن صوت البواچي تسمعه كل الطايفات اوواحد ايفزع ابواحد علي عالسجادة مات كلها اتفزع أهل الديره وتبچي ايتامه وين الساده شيخ الساده طبرو هامه بالمحراب وينزف دمه ابلايه اعمامه تفزع ويه اولاده اتشيله وين ازلامه المحد يگدر فضله يسددله الدَّين غمض والدم جامد برموش العين يا ويلي هالطبره وصلت لا وين وإيد الله ما يگدر يرفع ليدين قَدْ شَاءَ اللّه .. شَوقاً يَلقاهْ مَطبُورَ الْهَامْ .. يَرقى بدِمَاهْ آه وآ أبَتَاه .. آه وآ أبَتَاه _______ بلكي كل الي سمعته مو حقيقه اوحلم ريت وحيدر ايكمل صلاته اويرد سالم على البيت لن گرب صوت البواچي وركض عالباب اعتنيت شفت راسه ابدمه ناگع والطمت راسي وبچيت لمّن شفت ابهامة راسه آثار الطبره أشعر باب البيت بظلعي عاد العصره ومثل ارغيفه اليابس مكسورين الفقره ومن الجنه المحسن يبچي وتبچي الزهره لمن شفته امخضب راسه بدماه مره اركض مره اعثر رحت اتلگّاه وگلبي الصابر ردّد إِنَّا لله وظليت بالآمي انه احچي وياه قَدْ شَاءَ اللّه .. تُدمى عَيْنَاهْ وَجهُ الأَيتَامْ .. قَد كانَ دَوَاهْ آه وآ أبَتَاه .. آه وآ أبَتَاه _____ گلت اشد جرحك بديه وبلكي ماينزف يهيد ابشدة العصابه اخاف انوب الچمك من جديد گمت ارد ايدي وامدها اعليك بس ترجف الايد خفت لاتوصل الراسك والوجع بويه يزيد ابعصبه صفره شدو راسك من اصوابه اوچهي اكثر إصفر لونه امن العصابه ودكتورك ماطمن گلبي چان اجوابه اخر ليله ويرحل خلها اتودعه احبابه التمينه يم راسك والدمعه اتفور مكسور ويبچيلك شابگ مكسور بشهر الصوم وأشعر چني بعاشور طبرة راسك ترسم خنصر مبتور قَدْ شَاءَ اللّه .. جُرحاً يَنعاهْ بَينَ المِحرابْ .. آهٍ لِأَساهْ آه وآ أبَتَاه .. آه وآ أبَتَاه ________ جرح واحد خفت الچمك عفتك وكتلك ارتاح باچر احسين الحوافر ماتخلي يستراح مو جرح واحد يلچمه ينترس بالطف جراح بالذبح مايگضي نحره اترفعه كل ساع ارماح ينشف ريچه ومن الحر يتغير رسمه عطشان ايذبحونه وبالبر ينزف دمه وخيل اطشره وخيل انوب اترد اتلمه بگد ماوزعت اعلى الفقره اتوزع جسمه بگد خيرك للفقره واكثر ضعفين هيچ الخيل اتوزع باچر بحسين الماحصل من ثوبه يحصل بعدين كل خيط من اهدومه ايقسمونه اثنين قَدْ شَاءَ اللّه .. نَحراً أَبقاهْ يَطوِيْ البُلدانْ .. ما بَينَ نِسَاهْ آه وآ أبَتَاه .. آه وآ أبَتَاه _____ رزقهم صلوات الله عليهم اجمعين احمد عباس المياحي