Abdurahmon Ahmadjonov

ENGLISH Yaxshi o‘qituvchi qanday bo‘lishi kerak va pedagoglarni tayyorlash dasturlari ularni kelajakka qanday tayyorlashi mumkin? ✅️ 2026-yil 6-iyul kuni siyosatchilar, pedagoglar, oliy ta’lim muassasalari, maktablar, rivojlanish bo‘yicha hamkorlar hamda xalqaro ekspertlar tajriba almashish, o‘zaro o‘rganish va pedagoglar tayyorlash bo‘yicha umumiy qarashlarni shakllantirish uchun yig'ilishdi. Tadbir bo‘lajak o‘qituvchilar uchun zarur kompetensiyalarni hamda pedagoglarni tayyorlash o‘quv dasturlarini o‘quvchilar va jamiyatning o‘zgarib borayotgan ehtiyojlariga mos va dolzarb holda saqlab qolish masalalarini muhokama qilish uchun muhim platforma vazifasini bajardi. 🔸 Mazkur tadbirning o‘ziga xos jihatlaridan biri bolalarning ham ishtirok etgani bo‘ldi. Ta’limning asosiy manfaatdor tomonlari sifatida ular o‘zlarining nazarida “orzuidagi o‘qituvchi” qanday bo‘lishi kerakligi haqidagi fikrlari bilan o‘rtoqlashib, muhokamalarga o‘quvchi nuqtayi nazarini olib kirdi. 💡 Muhokamalarning asosiy xulosasi shundan iborat bo‘ldiki, ertangi kun o‘qituvchilarini tayyorlash muloqot, hamkorlik va barcha manfaatdor tomonlarning, ayniqsa, ular xizmat qiladigan o‘quvchilarning fikrlarini tinglashni talab etadi. 📌 Tadbir YUNESKO va Maktabgacha va maktab ta’limi vazirligi tomonidan IsDB/ISFD/GPEning Smart ed qo‘shma loyihasi — “O‘zbekistonda pedagoglar tayyorlashni mustahkamlash: Smart Education loyihasi orqali ta’lim sifatini oshirish” doirasida tashkil etilmoqda. 🖥 Rasmiy sahifalarimizni kuzatib boring: 📱 Instagram | 📱 Facebook |📱 Website

Universitetimizda 29-iyundan 1-iyulga qadar dunyo oliygohlari reytingida ta’lim yo‘nalishida 1-o‘rinda turuvchi University College London (UCL)ning Ta’lim instituti vakillari uch kunlik Scoping Visit o‘tkazishdi. Tashrifdan maqsad O‘zbekistonda pedagog kadrlar tayyorlash tizimi, universitetimizning ustuvor yo‘nalishlari va o‘qituvchi ta’limini isloh qilish ishlari bilan tanishish bo‘ldi. Uchrashuvlarda universitet rahbariyati, professor-o‘qituvchilar hamda Tabiiy fanlar fakultetining biologiya, kimyo, geografiya va fizika yo‘nalishlari mutaxassislari ishtirok etib, o‘quv dasturlari, ta’lim va baholash tizimi, maktab–universitet hamkorligi hamda xalqaro tajribani milliy ta’lim tizimiga moslashtirish masalalarini muhokama qildilar. Ushbu scoping visitdan so’ng ekspertlar mavjud holat haqida hisobot taqdim etishlari va takomillashtirish yo’nalishlarini belgilab berishlari maqsad qilingan. Bu tashrif Tabiiy fanlar ta’lim dasturlarini qayta ko’rib chiqish loyihasining bir qismi hisoblanadi.

NPUUga yangi o’quv tizimini olib kirganimizda birinchi kundan boshlab talabalarni faqat nazariy bilim bilan emas, balki zamon talabiga mos, faol, ijodkor va tanqidiy fikrlay oladigan educator sifatida shakllantirishga harakat qilyapmiz. Eng muhimi — ularni o‘z “qobig‘i”dan chiqarish, fikrini erkin ayta oladigan, o’z ustida mustaqil ishlay oladigan va tashabbus ko‘rsatadigan yoshlar qilib tarbiyalashga intilyapmiz. Bu harakatlar asta-sekin o‘z natijasini bera boshlayotgani quvonarli. Ayta olamanki, oldin bunaqa hackathon va ideathonlarda asosan engineering-focused universitetlarni ko‘rardik. Endi esa ular orasida NPUU talabalari ham bor. Aytishlaricha, tashkilotchilar “NPUU ham qatnashyaptimi?” deb hayron qolishgan ekan. 🙂 Eng muhimi, bu shunchaki qatnashish emas — natija ham bor. Bugungi Ideathon EdTech Trackda talabalarimiz 50+ jamoa orasida 🥉 3-o‘rinni qo‘lga kiritishdi. Keyingi bosqichda ham talabalarimizga omad tilaymiz. Ular bundan ham katta natijalarga erishishiga ishonamiz. 🚀 Talabalarimiz shunday faol, izlanuvchan va talabchan bo‘lib davom etishsin.