🧚🏻💜.

قالَ: دعي خيباتِ الأمسِ على الطاولة، وقومي أشرفي على شؤونِ الجمال، فالوردُ مُضطرب، والبحرُ شارد، والسماءُ تُؤجِّلُ زُرقتها حتى تمرّي بها.

قالو الوقت ينسى وقالو كل شي ليه دواه هوا الوقت هكذا يقال بالعامية ! بس الغريب أنه في حاجات تفوت عليه ألف سنة ضوئية قاعدة بنارها ايه تحسها نفس حرارتها وقوتها ايه بشهقتها وعبرتها ايه كله بين عيونك يفوت عليك ايه ! كيف شفت كل شي بعيونك كيف قريت كيف سمعت كيف جاك كله مع بعضه ايه كيف لميت نفسك ايه كيف مشيت تتحط علي روحك وضوء تمشي بالرزن تبي حاجة تطفيك قبل ماتنهك كليا ! كيف اول ركعتين صليتهم وتقول اول كلمة يارب بردها من عندك تعاود وتقول فيها لانه عارف مش ح تبرد تتتطلب من ربي أنه تبرد لانه عارف ايام جاية وشهور جاية كيف حايكون شعورك وكيف ملاحقاتك وتتفكر كل شي بعيونك ايه ! شعورك قاعد زي ماهوا اشمئزاز علي قرف علي كره ايه وعلي وجع خاطر ايه وعلى زعل علي نفسك وكيف قدمت وعلي حن علي ماضي كل ماتقول بلكي تلقى إجابة قدامك وتلقى شريط يتعاود من اول حلقة لنهايةة هوا وبالاحرى مش محتاج تتفكره ملاحقك في كل حين وحين توجعك نفسك ايه ويوجعك الوقت يلي أعطيته توجعك نفسيتك وروحك كيف كانت وكيف بدت ايه ! يوجعك الزمان كله كيف فات وكيف بديت كل ما تسمع بشي ولا تتفكر شي تلقائيا تنعصر مش عليه بحد ذاته بعيد أنه هاذا شي يستاهل لا علي نفسك كيف كانت تتوقع وشن جاها ؟ مرات من قوة الزعل وغصرة شعور ومن كتر ماقلت ياخسارة تقول ياريتني ماعرفت ولا سمعت ولا شفت ولا قريت شي ياريتني ! ومرات تقول هگ احسن ضريبة الوعي واعرة صح بس توقضك هلبا مهما كانت حارة تنقد فيها ماتبقي من نفسك هادا لو قعدلك حاجة طبعا !

__ " أختاري صقر حر يحارب الدنيا عشانك وأتركي طير اليمامه لأهله "

مــاذا لـو راق الـقلب بعينــگ وابستـــم وتنفــس بحـــپ ومحــى كــل مــامضى بــه من سنـــين عجـــاج 💜 ! `تمسسـگ بيدي كتــيرا واذهـــب حيت مــاشئت لن اسئــلك شيئا ! لانــه القلــب في موطنه ومطمئن پگ💜✨

بعد جلسة حوار حلوة وصريحة بيني وبين ماما : قتلي ياعيوشي الحاجة هادي خليها حاجة حلوة في حياتك وبصمة حلوة كانت ف حياتك في المكان يلي انتي فيه ! شوفيلها الحاجة تحلي في وقتك وخليها دكرى تتفكريها لبعدين ❣️ فعليا قعدت سارحة ف كلامها أنه يتصادف معاك هالشيء والشيء كان مستبعد ف حياتك وهلبا مش شوية تتفكره بينك وبين نفسك بضحكة وابتسامة لانه زرعلك ضحكة وفرح وارتياح وامان ومواقف حلوة تتفكره بيها حتي لو كانت مشت لبعيد يكفي أنه هيا كانت الاتر الحلو ف الوقت يلي كنت ف امس بالحاجة فيه لامان لانه كنت مفتقر شعور التقة إتجاه الناس مهما صار مش ح تنكر زرعت فيك حاجة حلوة وضحكة من القلب ❣️

سواء موجودة ولا مش موجودة ديما لافتة انتباه وتركيز عليا ❤️‍🔥🕯️

هل لنا في النصيب يومًا مع بعضنا البعض؟ هل لنا في القدر مكتوبًا يتحقق؟ هل لنا في الصحة ميعاد؟ هل لنا في المراد سوف نناله؟ هل لنا بضحكةٍ من القلب تمحو كل ما مضى؟ هل لنا في المكان، بعد خلوّه، من أي ضجيجٍ وروايات؟ هل لنا بفرصةٍ تجمعنا رغم كل شيء؟ هل لي بفرصة أن أمتلك كل ما فيك دون خوف؟ وأن نفعل ما يحلو لنا، وأن أفعل ما لدى أعجز واقفة أمامه؟ هل لي بقلبك؟ ولكن... بقلبي أنا.

هوَ الوحيدُ الذي يُجيدُ مُخاصمتي، ثمَّ يلتفتُ في منتصفِ الحربِ ليسأل: هل آذاكِ شيء ؟.

2021 memories... gone forever. Some moments were beautiful, some were painful, but they all became part of the past. Thank you for the memories. Goodbye, 2021 ذكريات 2021 كانت مليئة بالحكايات، والوجوه، والضحكات، والأحلام. بعضها بقي أثره في القلب، وبعضها رحل مع الأيام. اليوم أصبحت مجرد ذكرى جميلة انتهت إلى الأبد، ولن تعود كما كانت. لكنها ستظل جزءًا من قصةٍ علّمتني الكثير. 🖤

ف الامس حاجة للدعاء ادعولي 💔 اللهم لا سهل إلا ما جعلته سهلا ويسرها من عندك يارب العالمين وخود بخاطري يارب 💜

عموماً ف الوقت زي هاذا المتأخر هلبا أنا وأفكاري وهدوء الدنيا وسرحان تفكير ماخدت الروح لبعيــــد وسماعات ف الوذن ويخطر عليك كل الخواطر ☹️ ماعندي مابنقول ياريتك قريب منـــي وياريته نقدر نجي لعندك ماغير اي تردد ياريته ساس ع ساس وروشن مقابليك وياريته شبعانة من عيونك وياريته نهدرزلك وانا راسي ع كتفگ ريحتگ معلمــة فيا ونرتاح هگ💜

أنا يلي كنت عارفة طريق وعيون مغمضة ونجريلها مسافة قداش ماكانت طويلة كنت فراشة طايرة فتوصلها برمشة عين ❣️ توا فاتحة عيوني بكامل الوعي متاعي ف متاهة ف طريق يلي كنت نعرفها حاليا مش عارفتها وين ترفع وتجيب متغربة عليا وموحشة عليا هلبا خليتها ومشيت والروح قعدت غادي بديت إنسانة تانية ومانعرفش كيف بديت هگ بالقوة هادي بس الإرادة كانت أقوى مني وتحكمت فيا وخليتها وهادي القوة بحد ذاتها ❣️

احيانا من أعظم الانجازات القوة يلي تكون بين ايديك أنه قدرت تتأقلم وتتعايش مع حاجات مش موجودة بدت عندك ف الوقت حالي يلي كانت روحك فيها وتتمسكت بيها بالأشق أنفس بينما حاليا ف وقت حالي تنظرلها أنها كانت دكرى حلوة وانتهت ف زمن معين ما وقت كان مكتوبلك تعيشه ومشي ف حاله الوقت هاذا تنظر الزمان والوقت شن داسلك من جديد ! أنه مستوعب فكرة كل شي قابل لزوال واخد مناعة مكتسبة ف الجديد ❣️ ف هاذي بحد ذاتها قوة وتتفاخر بيها أنه كملت استمريت الحكاية تقبلتها بالحلو وبالشين ماعاد شي يأتر فيك ❣️

أُغالِبُ فيكَ الشَّوقَ وَالشَّوقُ أَغلَبُ وَأَعجَبُ مِن ذا الهَجرِ وَالوَصلُ أَعجَبُ⚖️

المصيبة النور عين هوا يلي عمى عيوني 💔🪄

مافيش اوسخ من إنسان يلي تكون محافظ عليه وع ذاته ماتبيش تحكي عليه وتتجنب عليه أي شي ممكن يخدشه ويزعله وماتبيش أنه ينضر بشي وخايف عليه من لا شيء ؟! تلقاه مساهم ف أي شي يزعلك 🤝 يلي يزعلك ماتبيشي يزعله تعامل معاه زي لما تحب أنه يعاملوك واكتر ! ف تلقاه هوا معاك شي ومن كفاك شي تاني ينسب عليك شي هوا مدايره ويخليك تستعيد نظرك فيه من اول وجديد وتمسح عيونك من جديد ! أنا علاش نظرتلك بالصورة الباهية وانت بقح لهدرجة ؟ ف هيا النظرة باهية كانت معكوسة مني ومن ذاتي فقط لا غير ومن حسن تربيتي نشوف لناس كلهم كويسين ! ف يلي يقول حاجة توصل توصل لانه النية ديما غالبة صاحبها وكل يد تمسح ع وجهها 💜 ويلي واتق من نفسه يحط عينه ف عينك ف جبان تلقاه ديما متجنبك لانه عارف وسخه قدام نظافتك شن 💜 ! ف نلوموش ع وسخ الناس لانه كل حد وع شن من متربي ف ناس كلهم سواسية ماتستبعدش شي من اي شخص مهما كان يكون 🤝

عن الشعور لما تكون واقف متجمد ف مكانك تمشي بخطوات جدا بطيئة وهاديكا مسافة هيا عبارة عن كم خطوة بس انت من تقل رجليك ف لحظتها وذهول تحسها مسافة مابين بلاد وبلاد ماتعرفش حتي كيف بدلت خطواتك غير أنه تمشي مش مستوعب قاعد عايش ف لحظة صدمة !! من قوتها حتي من جفونك مش قادر ترممش تتفرج بس هل هادا قدامي حقيقة نشوف فيه حق ؟ مافيش ابشع أنه حتي تكدب عيونك صعبة والله صعبة ع انسان لما تنزل صاعقة ع شي كان ف عيونه حاجة زاهية ! تحسه مرار تسستطعم فيه ف ريقك بعدين تقول إياه تعودنا ماهناك شي جديد تكمل ايامك طبيعية هادي هك الدنيا لما تعلمك هلبا زيادة عن لزوم

اللهم قلبي يروى اللهم جبرا اللهم السكينة اللهم الهدوء اللهم الرضا اللهم الهداية اللهم صلاح اللهم كن معي اللهم سهلا اللهم جبرا اللهم عوضا يارب 💔

طابت ايامكم واعيادكم برفقة من تحبون 💜 وعساكم من عواده 💜

لعند الان ومن وقت طويل مش قادرة نفهم يلي درته فيا ! ولا قدرت نستوعب الأتر يلي خليته بالبشاعة هادي ؟ ياريتك ختمته بشي حلو زي حلاوة يلي عطيته ليك بين ايديك الزوز ونفضته ! فامتلومنيش حبيت دوملي بالحق بس هادي طريقتك هك كانت ! ف معلياش ملام عليك طالما قاعد تتسحر وتتعصر عليه لهدرجة