قصائد حسينية مكتوبه

قصيدة مضيف الحنانه••& فـاتـح مـضـيفه ورحب بـزواره ابن لصدر مايطفى عزمه وناره ـــــــــــــــــــــــــــــــــــــــــــــــــــ فاتح مضيفه والگلب بالـخدمه ونـصاره شـدو بالـعـزم والهمه متحزمه كلهه بالصدر محتزمه نـور الگـلب الـعين الحسين متحزمين نبض العراق وكشخته وبتاره ـــــــــــــــــــــــــــــــــــــــــــــــــــ ابن النجف والـحوزه صدر امره بـزوار جـده يـخدم ابـكـل عـبره فارس لخدمه تلقب من لحضره يـشـبـع هـله ويـروح طيب مضيفه جروح وكل دول تحضر مضيفه اخباره ـــــــــــــــــــــــــــــــــــــــــــــــــــ زاد الهواشهم مـابــرد مــن وزع بكثر الهلا وشوفت السيد تشبع المايقـنع بـهـذا العـشگ لا يقـنع بچـفه يـصب الـزاد من وجه يطي مراد خسران كلمن ماوصل يـم داره ـــــــــــــــــــــــــــــــــــــــــــــــــــ مثل الگمر ضوه المضيف بخده خسرانه كلـمن مـااخذ مـن عنده ابن الصدر بالخـدمه يـندب جده بالخدمه يامولاي يابعد هاي وهاي تـفـضل يـزايـر مـايـرد خـطاره ـــــــــــــــــــــــــــــــــــــــــــــــــــ حياكم الله والهله اعله السانه وشـما يصب زاده كـثر مولانه وخير الـعراق ابسيد الـحـنانه مثل الحسن زاده يشبع هـله مراده چفيته خضره وبيها تكتل شاره ـــــــــــــــــــــــــــــــــــــــــــــــــــ خادم يصير ابن الصدر لجداده بجفوفه خير وناس تـاكل زاده شايل حنان وغترته من الساده شـايل كـرم جـده ضـل خيره يتبده لجل الحسين شماتعب مناره ـــــــــــــــــــــــــــــــــــــــــــــــــــ الشاعر مهندالعايدي تمت بفضل الله وال محمد ع نسالكم الدعاء

زينب ردت من الشام ـــــ تحدي بروس اهاليهه  ـــــــــــــــــــ ردت بت علي وروس جــــابتهه مضهـومه وتدور اكــبور اخوتهه  تــنوح وعـلنياح تـــــنوح ناكتهه  نكسر خاطر الناكه وناحت عليهه  ــــــــــــــــ تنشد علي وين اخـــــــواني دليني  ماشوفن يعمه خــــــذني لحسيني  اريد اشتم تراب الكـــــــــبر وديني  روحي مفـــــــرفحة و تريد واليهه ــــــــــــــــــــــ طاحت فوك كبره من عله الناكه  تشم ضلـت ترابه وتبجي لفراكه  تصيح حسين زينب ليك مشتاكه بعدك خويه ياهوه اليباريهه  ـــــــــــــــــــــ ياخيمة خواتك يا بــــــعد حيلي  كسر ضهري فراكك كوم تجـيلي هم تذكرني لو ناسيني احجيلي  سولفلي يخويه وناري طفيهه ــــــــــــــــــــــ كوم وياي خويه فركـتك صعبه مو كافي العذاب الشفته بالغربه مو حته الحـجر هم نكسر كلبه  كوم وزينب المكسوره رد بيهه  ــــــــــــــــــــــــــ الشاعر مصطفى الحسني

زينب راجعه ومـحـد تلگـاها جابت روسكم يحسين وياها بت حيدر رجعت مهضومه ::::::::::::::: ١ :::::::::::: مـاتنعـه بعـد يحسين مـاتنعـه ضايع صوتهه الماواحد يسمعه مانشفت عليكم تسچب الدمعه ايام اليسر هيهات تنساها عباس افراگك ماذيهه ::::::::::::::: ٢ :::::::::::::: عادت من طريق الشام محتاره والدلال من نار الخييم ناره وآثار الحبل والسوط تتجاره خلاها الهضم تعـثر بممشاها حتئ الناگه وياها اتوون ::::::::::::: ٣ :::::::::::::: متعوبه العقيله اهواي متعوبه تتذكـر اجــروح الشام ودروبـه كل ساعه عليهه اسنين محسوبه ياحيف الـزمن للشام وداهـا هدم حيلي وتگول الطف :::::::::::: ٤ :::::::::::::: تـنضر للعليل أيسيلن اعيونه دم السوط متناثر عله امتونه گـلهم حين نوصل لاتخبرونه ابوي احسين بالطفله الدفناها من يسمع يرجع للحومه ::::::::::::::: ٥ ::::::::::::::: من توصل لعد احسين مهضومه ترجع يم اخوها الصاگر الحومه تگول الحيد مثلك موش اله النومه گلولي الكفلهه اشلون خلاها ماقصر ذب حته اچفوفه :::::::::::::::::::::::::::::: فاخر علي الشبيبي

قصيده للمشايه طلعو المشايه .......... ورايه تسبك رايه ¤¤¤¤¤¤¤¤¤¤¤¤¤¤¤¤¤¤¤¤¤¤¤ شيعتك وانصارك احنه اليوم اجينه الكربلاء عازمين وكلنه غيره يمك انقيم العزاء كل مريض وعنده حاجه منك يريد الشفاء يحلفك بضلع الزجيه وبخت شيال الواء ¤¤¤¤¤¤¤¤¤¤¤¤¤¤¤¤¤¤¤¤¤¤¤ انته انته الغايه ........وما تردنه بهايه ¤¤¤¤¤¤¤¤¤¤¤¤¤¤¤¤¤¤¤¤¤¤¤ طلعو بغيره وحميه والجدم يكطر دمه اليوم اجينه انطوف كبرك يبن حماي الحمه كلهه تمشي وما عرفنه حته املاك السمه بصوت واحد هل سمعنه اليوم عزو فاطمه ¤¤¤¤¤¤¤¤¤¤¤¤¤¤¤¤¤¤¤¤¤¤¤ كلهه فد حجايه ......بل عزه وفايه ¤¤¤¤¤¤¤¤¤¤¤¤¤¤¤¤¤¤¤¤¤¤¤ نواسي ام الحسن جينه بلمصاب الي جره لعن الله ال اميه شلون حزو منحره ضل ثلث تيام عاري حسين مرمي عله ثره واخو زينب عل شريعه والجفوف مبتره ¤¤¤¤¤¤¤¤¤¤¤¤¤¤¤¤¤¤¤¤¤¤¤ نواسي امه بهايه ....لكربله عنايه ¤¤¤¤¤¤¤¤¤¤¤¤¤¤¤¤¤¤¤¤¤¤¤ اني اريد اختم بزينب من مشت مجتوفه والعفاف الجان عدهه بهل زمن منشوفه وجان حته الهوه العالي يدنك منيشوفهه والحجاب براس زينب مجلب وميعوفهه ¤¤¤¤¤¤¤¤¤¤¤¤¤¤¤¤¤¤¤¤¤¤¤ اضن وصلت هايه ......لليجي مشايه ✍✍خادمكم ملا وسام الهلالي

عگيلي للحسن عليه السلام ويلي اعله الچبده المسمومه ويلي اعله الچبده المسمومه _ آ يصواب الصاب العتره من عنده ايون گلب الزهره كسره الما تشبه كل كسره منها الآل امست مالومه _ شمعة اهل البيت اتسمم وشرع الله يبچيله او مغتم متشابه لايات او محكم تتحسر امست مهمومه _ راح اليعدل بيده الميله طايح . ياهل طيحه اثجيله املاك او حور التبچيله والكل اسود لون اهدومه _ متسمم والچبد اموذر ذابل واللون امسه امغير يا ويلاه . الله او اكبر وجه الخير امغيره ارسومه _ امسمم وايلوج او يتلوه يتنفس صاير بالگوه آ يل سم ابچبده اشسوه خلاه يتحسر عل گومه _ امدد ويون من اوجاعه او زينب يمه اتون مرتاعه راح منها الحلوه اطباعه وضلت بالدمعه المسجومه _ ضلت بالدمعات اتندبه يابو محمد والله اتحبه ماتت لمن چبده يذبه حل الموت اعليها او يومه _ ابو فاطمة الطائي

#من_مصاب_حسين_لمصاب_الحسن ايعـينك الله يابـو صـالـح علمـِحـن من مصاب حسين لمصاب الحسن ======================= مـن شهر عـاشــور والسبعه صِفر جمر صــدرك بالحــزن نـار استعر ياشــهــر يـرتـاح بالك ياشــهــر بالـدمـــع والـنـوح ايامك گـضـن ======================= يــوم سبط الهادي يــوم الفاجعه يـوم كـل دين الله يهـمل مـدمعه مــات مسموم الحـسـن وتودعـه شيـعـته وكـل عين بدموع الجرن ======================= يابو صــالح نفس گــوم السمّته هـدّمـت مــولاي جــدّك گبته احفـاد ام الجـمـل مِـنعت رايته اتوارثت احقادها ابعـبر الزمـن ======================= ابسيفك انهض گــوم أدبها يحـيد واصلب الجبتين والطـاغــي يزيد اگطع اجــذور السقيه والعـبـيـد من اساسه اتقلعه هلطاري العفن ======================= يعينك الله سـيّـدي اعلـه الفاجعه الحـسن بالســم چـبدته امگطعه لچــن مـوش ارمــاح راسه ترفعه وموش خيل اعضام صدره كسرن ======================= يابو صالح مامثل يـــوم الوحيد يابو صالح منـگـطـع منّه الوريد يابو صالح حـجـر ورماح وحديد يابو صالح كـلـهـن اعليه انرمـن ======================= يابو صالح چبده متفطره ضِـمه يابو صالح نـار شـب امـخـيـمـه شرب دم مو ماي يسگونه بدمه طايح وخيماته من هجموا دون ======================= ✍️عباس مالك آل عفريت #جديد_شهادة_الحسن_ع٧صفر نسألكم الدعاء

ابجي واون لمصابك بسابع صفر واقرالك. وارفع بيارغ بعتابك ..وارفع بيارغ.. ياريت اشم اترابك وتنزل دموعي ابابك وارفع بيارغ بعتابك ..ارفع بيارغ ساكن خيالي..طول الليالي         *---------------*---------------* جايمته اجيلك وانحب بعبره واطوفن عالكبر يابزرة الزهره واشيلن راية الكرار بالحضره رغم خشم  النواصب اكعد واقره بالحسن نقره المجلس ومهدينه يمنه يجلس ونعلي رايه ونقراله ..ونعلي رايه تروح المواكب تخدم وبيها الزلم من تلطم ونعلي رايه ونقراله..ونعلي رايه نصيح يغالي ..طول الليالي         *---------------*---------------* الك ونه بدليلي وما اكف عنهه شلون اوصل حضرتك يمته ازورنهه بس تراب كبرك هذا محزنهه يلمالك مناره  ويمته اطوفنهه يزيارتك كل همي اتمنى اشوفك يمي يوجعني بعدك واشكيلك ..يوجعني بعدك انعه بحزن يلوالي وكبرك يفت دلالي يوجعني بعدك واشكيلك..يوجعني بعدك وابجي عله حالي...طول الليالي         *---------------*---------------* ننطر ياوكت تندك عليه رايه ومن ارض العراق نكصده مشايه ومواكب بالحزن والالاف عنايه ياابن فاطمه يمته تصح هايه اعداكم كفر    ظلمونه ومنكم غصب  منعونه عن لا نزروك… .يلوالي عن لانزورك يمته ونجي ليك نزور ويجبر كلبنا المكسور ونعلي سورك… يلوالي ونعلي سورك والدمع هالي... طول الليالي         *---------------*---------------* منعوهه الزياره وكالوا اتكفرون ماعرفوا عشكنه الكم عشك جون عدكم شيعه تفدي بهل طريق عيون مو حضره الك لا من ذهب يبنون لابد يجي هذا اليوم ناخذ بثار المسموم ونعلي رايه ونبنيها..ونعلي رايه بيده الخلف يبنيها جنة عدن سويها ونعلي رايه ونبنيها ..ونعلي رايه وانته عالبالي...طول الليالي         *---------------*---------------* يهضمنه حجيهم كالوا تخرفون وانتم للقبور شبيكم تعبدون كلمن عاش عمره وبلگبر مدفون هاي هواي صعبه وعدنه ابد متهون ننتضر احنه القائم ونسد حلك كل لايم وننتضر وعدك  مولانا ..ننتضر وعدك بأجر يجي يصفيها وقصورهم  يمحيها وننتضر وعدك  مولانا ...وننتضر وعدك بدر ويلالي ...طول الليالي         *---------------*---------------* ✍ابو سلام الجابري ✍باقر جبار الشويلي

#مولاتي السيدة رقية صلوات الله عليها #١٤٤٨هـــ السلامُ عَليكِ ياعزيزةَ الحُسين ــــ من ذاكَ عاشور الظُهر ولخيامه من رَد المُهر وبعيونها لاح الأمر بصوت الظليمه جرح الطفولة بنينوى مكتوب مذبوح الضوه بانفاسها ضاگ الهوى ومضيعه خيمه السلامُ عَليكِ ياعزيزةَ الحُسين ــــ گبل مُصباح الأجل بين المُخيم والأهل گاللها يبنيتي الأمل بذيچ الخرابه بنت الحُسين بهاليسر عاشت يتيمه بالزغر لشوفت ابوها تنتظر وتمسح اِصوابه السلامُ عَليكِ ياعزيزةَ الحُسين ــــ من النواويس السفر ينشاف بيها شگد قهر بگد البچي ناح الحجر من طبّت الشام والآية مچتوفه بحَبِل والفاطمية إعله الهِزِل وتنادي عم يابالفضل أم خمسة أعوام السلامُ عَليكِ ياعزيزةَ الحُسين ــــ راعي الگفاله عالرمح وتصِد لبوها المنذبح تحچيلهم لا مايصح فوگ اِلرماح عگب الگمر عگب الشمس وچانت بخيمتهم أمس ياوكت يحديها الرِجِس سابيها ذباح السلامُ عَليكِ ياعزيزةَ الحُسين ــــ ولحظة لقاء وتحققّت بگاع الخرايب من بقت بهذا الحلم فزّت بچّت آه شمصيبه طاحت مثل خيط الشمع عالطشت شِهگت بالدمع وياراس ابوها بيا وضع شيبه خضيبه السلامُ عَليكِ ياعزيزةَ الحُسين ــــ ابـو فــدك الــشّــامــي

نعي جنوبي للسجادع يل.  جارت.  عليك اهواي الايام گلي اشلون من حرگوهه الخيام امگيد ويه زينب. گاصد.   الشام وتبره.  ويلضعينه. حرم.   ويتام __ عشت مهموم حاير بين الاجناب واهلك.  يا علي   السجاد  غياب وعفتهه. بكربله  جثمان الاحباب وي الغربو.    شيفيد.      العتاب _ زينب.  نادتك.   يا زين   العباد تعال   وياي.   يا عمه.  يسجاد تدري الولي..  للضيج.      ينراد وانا.  حرمه.  يعمه وغربه البلاد _ گضيت  العمر كله اهموم بهموم وگلبك. من مصاب الشام.ملچوم متت. يا وسفه يا مولاي  مسموم ما  حضرت  مماتك أهل.  لا گوم _ الشاعر الحسيني سلام عزيز السعيدي

قصيدة لمولاتي السيده زينب ع تحكي جميع مصائبها😭😭 ما يعـــودون علـــيه ما يعـــودون تبچي العيون عليهم تبچي العيون راحو الچانو ضوه عالترب نامو سوه                    مايعودون 🏴🏴🏴🏴🏴🏴🏴🏴🏴 زينب انه ام الحزن وام المصـايب شفت اشـكال المحن بين الغرايب لاتلومـون الگلب بهمـــــومه ذايب واصعب هموم الشفتهه بالخرايب الفركة متهون عليه الفرگه متهون تبچي العيون عليهم تبچي العيون چانو الجرحي دوه عالترب نامو سـوه                  مايعودون 🏴🏴🏴🏴🏴🏴🏴🏴🏴 ما تهـون الفــــــرگه يا يمــه تعـــالي راحوا احبـــابي الاودهم والغـــوالي ابگيت وحدي امحيره من غير والي گمــت اصــــــرخ آ يعــزي ويا دلالي ما يرجعـــون علـــيه ما يرجعـــون تبچي العيون عليهم تبچي العيون چنت اشمنهم هوه عالترب نامو سوه                   مايعودون 🏴🏴🏴🏴🏴🏴🏴🏴🏴 مصاب ابوي المرتضى هدملي حيلي مـن عگـب عيــنه ابـد ما نمــته ليلي يا دمـوعي لجل ابوي الغــالي سيلي انمـرد گلبــي وذاب وتعــــذب دليلي حمل المتــون تمايل حمل المتــون تبچي العيون عليهم تبچي العيون گلبي بحزاني انچوه عالترب نامو ســـوه                     مايعودون 🏴🏴🏴🏴🏴🏴🏴🏴🏴 اخ ومصــاب الحسـن تيــه افكاري من عگب عين الحنين اظلم نهاري زاد بگليــــــبي الحزن زودلي ناري خاليه منهم بقت يا وســــفه داري اصـبر اشلون بعدهم اصـبر اشلون تبچي العيون عليهم تبچي العيون بيــه ما ضلت قوه عالترب نامو سوه                   مايعودون 🏴🏴🏴🏴🏴🏴🏴🏴🏴 وافجع امصيبه عليه مصيبت حســين اگبالي مطروح ويلوج ابصدره سهمين گلبــي متعذب اخـــلافه انفطر نصــين شلي بالدنيـــه بعد وخـــــواني ميتـين ما يرجعـون لخـــتهم ما يرجعـون تبچي العيون عليهم تبچي العيون آ يجمرت نيــــنوه عالترب نامو سوه                   مايعودون 🏴🏴🏴🏴🏴🏴🏴🏴🏴 امصيبة العباس شيب منهه راسي بيــه واسيــني يمن رايــد تواسـي ليش من زغري الزمن وياي قاسي خلصت اسنين العمر نوح ومئاسي بيــه يـدرون اعزهــم بيــه يـدرون تبچي العيون عليهم تبچي العيون انهدم سوري وهوه عالترب نامو سـوه                    مايعودون 🏴🏴🏴🏴🏴🏴🏴🏴 يوسف البدري

هم يرجعون*السيد هادي الموسوي الناصري هم يرجعون يروحي.؟.هم يرجعون عميه العيون بعدهم.؟.عميه العيون وحدي عالباب انتظر.؟.صار فركاهم كبر هم يرجعون يروحي.؟.هم يرجعون * چن نسونه..كل غصن بالعافيه اتصوفر وراهم حيرونه..واللي عافونه اشوكت نشتم هواهم من جفونه..كسروا ارواح اشكثر تدعي ابسماهم ودعونه...سدوا البيبان بس حركه بجفاهم صعبه يمشون اهلنه..؟..صعبه يمشون عميه العيون بعدهم..؟..عميه العيون حتى ماعدهم عذر..؟..صار فركاهم كبر هم يعودون يروحي..؟..هم يعودون * اتذكرتهم..لسه اشتم بالنفَس ريحة عطرهم صور عدهم..تضحك إكبال إليمرون إبكبرهم فاركتهم..تدري الاعزاز اشكثر يجرح هجرهم ماشفتهم..اذكر اسوالف حچوا يمي بقهرهم شنهي يحچون يكلبي..؟..شنهي يحچون عميه العيون بعدهم.؟.عميه العيون بعد ماإلهم ذچر.؟..صار فركاهم كبر هم يعودون يروحي.؟.هم يعودون * جرحونه..حيل يحنون الظهر من فاركونه جرحونه..صار واحدنه ابصفار الغصن لونه جرحونه..سافروا مارد خبر من ودعونه جرحونه..والعزيز اتراب غمضهن عيونه ندفن اعزاز ينوحي..ندفن اعزاز عميه العيون بعدهم..عميه العيون ياكلب يحمل صبر..؟..صار فركاهم كبر هم يرجعون يروحي..هم يرجعون **** *

نزله للعباس عليه السلام/ محرم ١٤٤٨هـ يعباس ينوماس. يالله شيل الرايه ٠٠٠٠٠٠٠٠٠٠٠٠٠٠٠٠٠٠ يالله يابوالمرجله. كوم زلزل كربله يا كفيل العايله. كلها عطشانه كوم رف برايتك. واليتامه اتنختك ماي تترس جربتك. وانت رجوانه يالله يا عباس يا حامينه انهض براية علي والينه جيب ماي امن النهر وروينه يكفال. ولاطفال. منتظرتك هايه يعباس ينوماس. يالله شيل الرايه ٠٠٠٠٠٠٠٠٠٠٠٠٠٠٠٠٠٠٠ گلهه يختي ادللي آنه بن حيدر علي ساعه بس تحملي. والله مگضيه آنه ابن فارس مضر. آنه عباس الگمر إلا اجيبلكم نهـر. عينج عليه ال امية وكل بني سفيانها راح اطير روسها بميدانها ما ترد عباس كل فرسانها يقلون. يزغرون. والكفيل هوايه يعباس ينوماس. يالله شيل الرايه ٠٠٠٠٠٠٠٠٠٠٠٠٠٠٠٠٠٠٠ صال ابو السيف الثجيل. لا يطيح ولا يميل يرد فارغ مستحيل. إلا يمليهه الجربه من العلگمي. نبض عِرگ الهاشمي والحرم بي تحتمي. ماي يرويهه كام يحصد عالنهر برگابها طمها خيل وزلم عج ترابها ال امية تخضبت بخضابها اله الراي على الماي. بيده دگ الثايه يعباس ينوماس. يالله شيل الرايه ٠٠٠٠٠٠٠٠٠٠٠٠٠٠٠٠٠٠٠ هذا ابن حامي الحمه. سوه بيهم ملحمه غضب من رب السمه يفني عدوانه بسيفه طب المشرعه. ياهو يگدر يمنَعَه علي اصله ومَنبَعَه. هيبه عنوانه نزل الجربه ويهوس بيها ماي من وسط النهر يمليها منها اطفال وحرم يرويها للخيام. والايتام. ترتوي من مايه يعباس ينوماس. يالله شيل الرايه ٠٠٠٠٠٠٠٠٠٠٠٠٠٠٠٠٠٠٠ ابو الغيره بغيرته. جاب ماي بجربته والعقيله اتلگته. هلا بالغالي تنظر لحامي الخيم يسگي بطفال وحرم باوعلهه وبتسم. ما رجع خالي تنومست زينب بحامي ظعونها ببوفاضل يا الف خيعونها شما تگله ما يخيب ضنونها احاميج. ووافيج. لو حجيت احچايه يعباس ينوماس. يالله شيل الرايه سيد زيد الفحام ٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠

وين اخوتي وين هاشم وينهه اليوم زينب للسبي امودينهه ....................... حيهم اهل الموزمه والقاده اليوم زينب فزعت يالساده وين من ينطي الدخيل امراده سوه دهري ابزينب اشما راده والدمع تارس يهاشم عينهه ............................. وين هاشم وينهه اهل الغيره مطرت الدنيا اعله زينب حيره ياكسر گلبي الصعب تجبيره والنظر بس للكفلهه اديره وبيهه متشمته العده صوبينهه .................................. صعبه لو يم الاخو تبجي الاخت من صحتلك گوم لاچن ماگمت هاي لحضتهه احس بالطف متت گوه وياهم على الهزل رحت وبيه تعرج ناگتي امخلينهه ................................ تعرج الناگه ورحت طول الدرب آنه اخت عباس اروح ويالغرب ادري ما ينطيك ياخويه الگلب زينب المجلس حقد بعدك تطب وسفه زينب ياهلي امضيعينهه .................................. ها يسبع الگنطره موت السبي گمنه كلنه انلوذ بوجوه العبي اليوم يالعباس اشدلك معصبي وعلمتني ما تخيب مطلبي گيد زينب ياكل ابچفينهه ................................... گوم فك ايدي اكل بيهه الحبل وبالسبي هضم الغرب ما ينحمل ادري للزلمه تره عاده الچتل ما اظن عادتنه نمشي اعله الهزل اي وحگك زينب املوعينهه خادم اهل البيت علي الزرگاني

(( أمشي عن امي))https://t.me/fakhr208 آمشي عن امي انابه هلدعاء ربي استجابه ياالهي اغفر ذنبهه من كثر ما انه احبهه هلدعاء ربي استجابه :::::::::::::::::::::::: راح اسير بهلدرب ليلي ونهاري وذكر السجاد من امشي ابراري مثل نار الخيمه كون ابگلبي ناري چن اشوفن ضعن زينب بنتظاري من امرن بالمواكب افتخر لوشفت شايب يحچي بالزهره ونسبهه ياالهي اغفر ذنبهه ::::::::::::::::::::::::::::: من أشيل الرايه وطلع للزياره وامي تدعيلي احس أعظم تجاره من ترش الماي معناها استخاره گالت امشي ابهلدرب مثل اليساره غضها عينك بالمسيره اذكر امصاب الاميره غيرتك بالك تذبها ياالهي اغفر ذنبهه :::::::::::::::::::::::::::::::: اهدي كل ازيارتي لمي الحنينه من كثر ماسهرت وتعبت علينه چانت اتشيل المرض لوصار بينه وين مانطلع تدورنه وتجينه بيش اردلهه رباها تقسم اويانه غطاها حته ماضييع تعبهه ياالهي اغفر ذنبهه ::::::::::::::::::::::: اهدي كل نگلت جدم لمي الحبيبه وين ماتبعد احس بيهه قريبه علمتي أشلون انوح اعله الغريبه تگول لاتنسه محرم والمصيبه گالت اتذكر حزنهه يكتب التاريخ عنهه زينب الاولى كتبهه ياالهي أغفر ذنبها ::::::::::::::::::::::::::::::: مانسيت الوالد ابهاي القصيده امشي ايام واضيفنهه الرصيده من يطب للمجلس وياخذني بيده لازم التاريخ نفسه اليوم اعيده چان كل عاشور ينحب اخ مـن يگـول زينب نار بضلوعه يشبهه يا الهي اغفر ذنبهه :::::::::::::::::::::::::: فاخر علي الشبيبي

حي الله الغار .... الاكبر واصغر الساده @@@@@@@@@ مهندم يا علي ومقدام باهر فوگه العمامة يعبق منه عطر حسين سار وفاحت اخيامة زمجر قائل انه الموت وقسور هايه ايامة وقسور هايه ايامة..... انه الكرار .... وشبل حسين ابو الغيره هاي القادات .... بعينه وعيني صغيره حي الله الغار .... الاكبر واصغر الساده @@@@@@@@@@ كبر وعتلاها الگوم نيزك فوگها القاده صرصر يا عجيد الگوم نشمي ربايت الساده صاح بهل جمع يا قوم وراسك يا بكر صاده وراسك يا بكر صاده ..... نشمي ومن صال .... راس بن غانم شاله سيفه العطشان .... يروي بدمهم وساله حي الله الغار .... الاكبر واصغر الساده @@@@@@@@@@ حار ومن ضهر بركان حيدر هاي اولاده بجفك يا علي البرهان موجه وهاي امجاده هاشم ساده فوگ الكون ضهضب وسطر القاده ضهضب وسطر القاده.... شال البتار .... وصبح بالزلم شاره فروا حفاي .... الاكبر شناها الغاره حي الله الغار .... الاكبر واصغر الساده @@@@@@@@@@ طگ عرج الهواشم نار الاكبر كبر اعليها بيده المعركة وفقار باشط كر يصفيها ركض ال اميه ركض للبصره ويرد بيها للبصره ويرد بيها.... بيده الفقار .... خله بهل زلم لوعه ابن الشيطان .... نزلت منه ادموعه حي الله الغار .... الاكبر واصغر الساده @@@@@@@@@@ خادم مولاي الاكبر ( حمزه احمد الماجدي )

قصيدة { جرح العليل } عشت البقه بحياتي ... تلچمني ذكرياتي ما بين شام وكربله ..قصة حزن طويله ................................................................ آني العليل وقصتي ...تبدي بالجروح متگظي بدمعتي بس الله يعلم حالتي ... وبگلبي چم آه تسولف محنتي غريبه .. روحي بوداع أهلي غريبه ويا صبر روحي غريبه .. نوحي وعذابي اليا مصيبه وما خلص نوحي چم حسره چم مصيبه دنيه صدگ عجيبه كل القهر أتحمّله ..قصة حزن طويله ................................................................ شذكر بعد من كربله .. ودعت الاحباب بالدموع سويه حال اليفارگ كل هله .. حالي وتمنيت تجيني المنيه سفر موت .. راحوا أبويه وكل إخوتي بكربله راحوا سفر موت.. صاحوا مشينه وما نعاود يا علي صاحوا وسط الگلب حزنهم عذبني وبدفنهم أدفن أقمار العايله ..قصة حزن طويله ................................................................ الله يا درب السبي .. من دفن الأجساد فجعني ودهاني متحيّر بموكب عبي .. بروحي الألم زاد واكابر واعاني سبيّه .. عمتي العقيله ودمعي يجري ويا حزن عمتي سبيّه .. علتي الطويله وربنا يدري بمحنتي وعلتي بحرمنه واليتامى للحسره چم علامه مفجوعه كل القافله ..قصة حزن طويله ................................................................ ليل الخرابه وقصّته .. ودموع الأيتام تسولف عذابه شعنده الغريب بغربته .. يصبر والهموم تدگ اعله بابه رقيّه .. رادت أبونه يرد عليها والصعب رادت رقيّه .. ماتت حزينه بالفجيعه والقهر ماتت طيف انتهى بمنيّه طفله وبعد سبيّه اتلگاهه أبويه بيا هلا .. ..قصة حزن طويله ................................................................ چم ذكرى شايلهه الگلب .. وحساب الجروح يطول وأكابر كل ذكرى تأخذني بدرب .. وبعالم هموم أظل وحدي حاير منيتي .. چنهه قريبه وگلي گلبي گرّبت چنهه منيتي.. ونهه بدليلي وهذا حزني يستمع ونهه والراحه بالمنيه لو گرّبت عليه أمر الله واني استقبله ..قصة حزن طويله ................................................................ قصة صبر قصة جرح .. كتبتهه الدموع عشتهه بعذابي ليليه بالطيف أنذبح .. ناري بالضلوع ميخلص مصابي أتاني .. موتي ونهاية عمري حانت يا هلا بموتي أتاني .. صوتي وأثر حزني بنبرتي وبصدى صوتي قصة حزن عشتهه وبدمعي سطّرتهه عادِلَت عمري بأكمله ..قصة حزن طويله ................................................................ خادم الإمام الحسين عليه السلام عمار هليل الواسطي محرم الحرام/ ١٤٤٨ هجري https://telegram.me/aabas78 قصائد لكل ايام محرم اشترك بالقناة

قصيده نزله إلى الإمام السجاد ع انا زين العابدين مرمرن حالي السنين -------------------------------------- روحي بيها جم هظيمه من مصايب كربله تذكرت جيش إل اميه سلبوها القافله عمتي زينب عذبوها وهيه عدنه مدلله خلصت سفرت حياتي مشكله تجر مشكله حصتي بالدنيه الونين  انا زين العابدين -------------------------------------- عذبن روحي اليالي جم جرح مرن علي ديره ديره الناكه تمشي وياه امي وتحدي بي ناس غربه تصد عليه وسناسل  بين ادي ولا اكو خيمه لعمتي زينب لاكو دار ولا في بويه تسمع يا حسين انا زين العابدين -------------------------------------- راح مني حسين ابويه الدنيه بعده بلا طعم ورحي تعبانه وعليله وشافت شكال  الظلم ومن بعد ما راحو هلي تحملت كل الهظم ما رحم حالي وغربته قاسي وياي الخصم العمر خلصته حزين انا زين العابدين ------------------------------------- من المصايب والاذيه راح اموتن بالوطن خلصت عمري وحياتي عيوني تجري وما غفن شاهدت جفين عمي ودم على جفوفه بجن من ادي كل اهلي راحو حيره حيرني الزمن عمي حصل مثله وين انا زين العابدين -------------------------------------- جم زمان المر عليه وانا روحي معلعله ثاري ما عفته ونسيته بيه عاشت كربله احنه قسمتنه الشهاده وانا كاتب منزله الدنيه عشناها بكرامه والكتاب  انرتله انا ابن فتح المبين انا زين العابدين -------------------------------------- الشاعر ابو هاجر المجراوي https://telegram.me/aabas78 قصائد لكل ايام محرم اشترك بالقناة

آه واويلاه زين العابدين ـــــــــــــــ حتى زينب حتى زينـــب عمتك تذرف الدمعات كلمــــا شافتك يا علي يا محنه توصل محنتك يا إمام الكون يابن الأكرميــــن ــــــــــــــــــــ آه لو تدري الهزل منهو الصعد يا جسم تحمل وتحمل يا جسد جان ماسارت ولا طبت بلــــــد من ونينك جان يكتلها الونين ـــــــــــــــــــ يا علي السجاد يا وارث على اتحملت وتكول عمه اتحملي زينب تناديك يا وارث هلـــي حاملين الدنيه وانتو امحملين ــــــــــــــــــــ امحملين اهموم ودموع وصبر و حاملين أسوار مفتاح النصر بثورة الأعلام ومرتو الكـــــــفر هد ميتو اعروش وانتو امجتعين ــــــــــــــــــــــ انت وحدك إنت وحدك كربلاء رايه و جفوف ولسان وكبرياء تضحيات وصبر وأخلاق وإباء ولهفة العطشان للحق المبيــــن ـــــــــــــــــــ ضاك خلك الكون من شافك أسير رادت اعلـــــه الكاع تنهد السعير   الله شاف الموت دك عظم الضمير والشفاء الباري شافه من الحسين " ــــــــــــــــــــ إنتم أهل البيت مو لفظة كلام إنتم التسليم والحب والسلام إنتم الميدان وفنون الحسام قدرة الله ونور رب العالمين ـــــــــــــــــــــ يلبچـــــــة  لمصابك عيون البحر حكها عين الشيعه لو سالت حمر إحنه نيجي نريد تخلص من سقر و حتى لو بالنار تلطم عالحسين ــــــــــــــــــ الشاعر كاظم الخيگاني/ذي قار https://telegram.me/aabas78 قصائد لكل ايام محرم اشترك بالقناة

با الآهات...والحسرات… الليلة انودع السجاد زين العابدين اليوم راح اتغيب انواره واشباح الخطر والموت كلها مخيمه بداره من نار الخيم لليوم كبره وماطفت ناره من الطف لحد ما مات دمعة عينه تجاره با الاحزان.. والاشجان.. الليلة انودع السجاد __ ما مرت عليه ساعه اذا مو كربله اباله يذكر والده مذبوح وتسحگ فوگه خياله والماي انحرم منه ذاك المحد ابحاله وجسمة من الحوافر ذيچ كلها مگطعه اوصاله عالمذبوح.. ظل ينوح… الليلة انودع السجاد _ ابو الباقر حضر بالطف وشاف الفاجعه بعينه شاف اعله النهر عباس ومگطعيها چفينه مارد للخيم خجلان منطي احچاية لسكينه كلها تصيح ياعباس وين الماي تروينه والرواي… ظل عالماي… اليوم انودع السجاد ___ ننشد ياعلي السجاد وانته بكربله شاهد من طاحو بني هاشم وماظل للحرم واحد شلون الاكبر اتگطع ويمه اتمدد الوالد وليلة من الخيام اتشوف ابنها وعينه اتشاهد واعله الصار.. گلبك نار.. الليلة انودع السجاد _ شلون ام جاسم العريس منه گطعت الضنه من شافت عزيز الروح بفيض ادماهه يتحنه گالت راح تعب ارباي يبني وايست منه حگها والمثلها اتصير ما تلام ع الونه يا ستار… هذا الصار.. الليلة انودع السجاد __ من صارت حرب وابطال بيها يسولف الميدان طلعت كل بني هاشم بين ارجال والشبان بس الطف سمعناهه بيها اتذبحت رضعان عبد الله اشعليه من دين حته ينذبح عطشان حزنك بان… ع الرضعان.. الليلة انودع السجاد _ شنهي موقفك مولاي من هجمو ع المخيم وانته لا اخو عندك ولا والد ولا ظل عم والما يشرد من النار من النار مايسلم وظلت بس حرم وايتام واعليها الرعب خيم وين تروح.. كلها اجروح.. الليلة انودع السجاد _ شبت بالمخيم نار ودار اعليكم العسكر وما بين الزلم والخيل وين يشردن الخدر وين اطفالكم ضاعت وزينب حافيه بالبر ذني مخدرات حسين الله عله الخدر يستر بين النار ..والاخطار.. الليلة انودع السجاد ____ انعادت ذكريات الطف وانت السم اخذ بحشاك من غيرك يجاوبنه ومصايب كربله وياك ننعه امصابك اويه حسين يالسجاد لو ننعاك لو نذكر سبايا الشام وانته السلسله بيمناك دمك سال.. با الغلال.. الليلة انودع السجاد ____ ايام السبي والشام ابد مافارگت بالك عليل امگيد اعله النوگ ما واحد رحم حالك وعينك تنضر الچتال بالذل ماخذ اعيالك كل موقف يمر اعليك چان الموت اشوالك همك زاد… جرحك عاد.. الليلة انودع السجاد ____ اصعب موقف المر بيك عماتك تصد ليهن شلون ايطبن الديوان والتربان بعبيهن شلون امخدرات حسين غربه اتعاين اعليهن لو وياهن العباس من يگدر يحاچيهن بلا كفال.. هذا الحال… الليلة انودع السجاد ___ وداعا سيد العباد الليلة انختمت ايامك باچر يم رسول الله تحضر تشكي الآمك للزهره تبث شكواك كلها لحرگت اخيامك واثار الحبل والگيد لسه امبينه بجدامك الكل ناداك… الله وياك.. الليلة انودع السجاد ___ الشاعر حيدر الخفاجي https://telegram.me/aabas78 قصائد لكل ايام محرم اشترك بالقناة

للسجاد ع خلصت يا ناس عمري الأهل بيتي ادموعي تجري  والكَـطع ذاك النحر كل وكت شابع قهر هذا حالي ١📜 انه زين العابدين العمره ضاع ابكربله البل حبل شدو خواته وعمتَّه أم الهله انه ذاك الما بقاله بس صور ذبحت هله الشاف ابوه اعله الترايب دم وريده امغسله عفته بالدم جسمه سابح وفوكَـه كوم احجار طايح منظره يبجي الصخر كل وكت شابع قهر هذا حالي ٢📜📜 انه زين العابدين الضيمه ما مر وسده الغيرت ارسومه البواجي والحزن ظل شاهده انه ذاك البل حصيره ويلي جَمَّع والده ونزله اللحده ابدموعه ابلايه راسه وسده اوسدت ابنه اعله صدره البل سهم حزوله نحره العمره جان اشكم شهر كل وكت شابع قهر هذا حالي ٣📜📜📜 انه زين العابدين الحزني بي تحجي البشر عمري خلص بالمناحه وخاوه دلالي القهر يافرح يلفيني وانه بيدي دافن جم نحر وعيني شافت الاعوجيه امن الابو كسرت ظهر عَشره صعدت فوكَـ صدره اكَـبال عيني اكسَرت ظهره ويمه ما واحد حضر كل وكت شابع قهر هذا حالي ٤📜📜📜📜 انه زين العابدين الكل حياته ابلا صبح حالي اشبهه ببو اليمه الراسه شالو عالرمح اجروحي ما تنعد جثيره بالألف واكثر جرح كلشي يوجعني امن اسولف على الحافر والذبح من يجي طار الحوافر اعليه يرجع يوم عاشر وليلته الخلصت سهر كل وكت شابع قهر هذا حالي ٥📜📜📜📜📜 انه زين العابدين الحده ابضعنه الأجنبي الخلص ايام وليالي يمشي بدروب السبي الجامعه حزت ركَـبتي وما رحمني الناصبي ولا رحم عمتي العقيله ولا عيالات النبي الشام ذبحت كل حياتي  ومني باكَـت امنياتي المرني ما مر ابشر كل وكت شابع قهر هذا حالي ٦📜📜📜📜📜📜 انه زين العابدين المارحم حاله الزمن اليوم وافتني المنيه بسم غدر اهل الفتن خلي اهود امن البواجي المنهن اعيوني عمن الموت ارحم من حياتي الخلصتهه بالمحن ينتظر يوم المنيه العمته مشوهه سبيه ما يظل عنده نظر كل وكت شابع قهر هذا حالي //////////////////////////////////////////// ✍️🏻 كلمات #موسى_الخادم ٢٠٢٦ https://telegram.me/aabas78 قصائد لكل ايام محرم اشترك بالقناة