الاحياء يجمعنا .. قناة اولياء الامور٢٠٢٥

خطة الدراسة .. شلون تقره الاحياء كله أربع فصول بيومين ونص يلا أبطال هاي الخطة وأبدي وركز ويايه عليك جرچف الكعبه يوم الخميس (اليوم الأول) بعد الغداء (من 2:00 ظهراً إلى 4:00 عصراً): استراحة ونوم حتى تشحن طاقتك. من 4:00 عصراً إلى 12:00 ليلاً: [الفصل الأول: الخلية] ركز على العضيات، الانقسامات (لازم تنضبط)، والتحلل السكري ودورة كريبس مو تنساهن . أضف الرسومات حاول ترسم بيدك وشويه استعجل بي احفظ طريقة الرسم والتأشيرات تمام حب حب . هسه الوزاريات: لا تعبر سؤال وزاري إلا وأنت فاهمه وحافظه. يوم الجمعة (اليوم الثاني) من 5:00 فجراً إلى 12:00 ظهراً: [الفصل الثاني: الأنسجة] هذا الفصل أغلبه رسومات، الرسومات هي مفتاح الدرجة الكاملة، ارسم بيدك. ضبط أنواع الأنسجة ومواقعها ووظائفها. ما نوع النسيج هم مو تنساه فدوة الطولك الحلو عمي انت دولة وعلم وعلي … من 12:00 ظهراً إلى 4:00 عصراً: فترة استراحة، غداء، وصلاة (افصل دماغك شوية بشرفك ). من 4:00 عصراً إلى 12:00 ليلاً: [الفصل الثالث: التكاثر (الجزء الأول)] من بداية الفصل وصولاً إلى التكاثر في الحشرات. ركز على المقارنات وشروحات وتعاليل الفصل ها وماتنسه المناشىء وحدد المسؤول والتعاريف عليك بداعة أمك . يوم السبت (اليوم الثالث - الحسم) من 5:00 فجراً إلى 9:00 صباحاً: [الفصل الثالث: التكاثر (الجزء الثاني)] إكمال ما تبقى من التكاثر (تكملة الحشرات، والضفادع، والإنسان خو هذّني اسهل منهن ماكو وعيونك ، فديت عيونك 😉). من 9:00 صباحاً إلى 10:00 صباحاً: استراحة ريوگ حبي (ألف عافية ببطنك وببطن الخلفوك ). من 10:00 صباحاً إلى 12:00 ليلاً: [الفصل الخامس : الوراثة] البداية: ابدأ بالشرحيات (من الطفرات لنهاية الفصل). الختام: المسائل الوراثية (ورقة وقلم أو السبورة). الوراثة تحتاج إيدك تتحرك، لا تكتفي بالقراءة فقط. نصيحة أخيرة من أستاذك : بشرفك عوف الموبايل بفترة الدراسة بس افتحه من اوقات الاستراحه وشوف شنهي ماشنهي بالتلي شنو دازلك اني علمود تركز عليه اكثر 2. الوزاريات: هي مرآتك، أي شي تحسه "يفر" بالموضوع، شوف وزارياته فوراً بداعة أمك 3. الثقة: أنت تعبت وحضرت دروسك وانت تعبت واني هم تعبت وياك واهلك هم تعبو وياك بشرفك ركز ، المعلومات موجودة بذاكرتك بس تحتاج هدوء علمود تسترجعها. 4- اني وياك خطوة بخطوة اي شي تحتاج راح تكون على مواقع التواصل وياك وخصوصا عالتلي لاتتردد تمام ✔️ استودعتك الله يا بطل، توكل على الله، المادة بإيدك، والوزاري بانتظارك تكسر خشمه. بالتوفيق يا اسود السادس #الاستاذ_علاء_محمد_عوينات

وهذي 👆👆👆مثل ما وعدتكم طلابنا الأبطال الخلاصة الوزارية ومايقراه الطالب ليلة الامتحان للتذكير … حبايبي اني وياكم وان شاءالله تجون وتبشروني بدرجاتكم وإجاباتكم الله يوفقكم شدو الهمه 👆👆👆👆👆👆

طلابنا الاحبة في عموم عراقنا الحبيب … بعد الانتهاء من مراجعة مادة الاحياء يرجى حل هذه الاسئلة المهمة الاسئلة المهمة جدا جدا والخاصة بمادة الاحياء 2026 .. امنياتي القلبية لكم بتحقيق اعلى المعدلات #الاستاذ_علاء_محمد_عوينات

إلى "دكاترة المستقبل" أبطال دفعة 2026.. 🩺🔥 بقى القليل على تحقيق الحلم.. يوم الأحد موعدنا مع امتحان الأحياء الوزاري. يا شبابنا وبناتنا، أذكركم بشغلة واحدة: أنتو كدها وكدود. لا تسمحون للخوف يسيطر عليكم، الأسئلة بإذن الله واضحة، موضوعية، وشاملة، ومثل ما تعبنا واجتهدنا، راح يكون النجاح من نصيبكم. أنا واثق بيكم كل الثقة، وبانتظار اللحظة اللي تجوني بيها وتكولولي: "أستاذ، رفعنا راسك وجاوبنا كل الأسئلة!" 🎙️ لايف المراجعة الأخيرة: حتى لا يبقى عندكم أي إشكال أو استفسار، راح نتواجد سوية في بث مباشر يوم الجمعة القادم الساعة 9:00 ليلاً. خلو ببالكم: هذا البث هو فرصتكم الأخيرة لطرح أي سؤال محيركم. راح نراجع أهم الملاحظات اللي تضمنلكم الدرجة الكاملة. وجودكم ضروري حتى ندخل للامتحان وإحنا بأعلى درجات التركيز والثقة. أنتظركم.. كونوا على الموعد! ايضا راح اكون وياكم ليلة الامتحان الوزاري على كافة مواقع التواصل الاجتماعي ( تلي - انستا -فيس -تيكتوك) #الاستاذ_علاء_محمد_عوينات #أحياء_2026 #حلم_الطب #دفعة_القمة #وزاري_2026

"بقلبٍ ملؤهُ الحبُّ واليقين، أجددُ العهدَ والولاءَ ليعسوبِ الدينِ، وإمامِ المتقينَ، أميرِ المؤمنينَ عليِّ بنِ أبي طالبٍ عليهِ السلام، آملاً الشفاعةَ والثباتَ على ولايتِهِ." #الاستاذ_علاء_محمد_عوينات

🧬 طلابنا الاحبة لا تشيل هم الأحياء.. الـ 100 صارت بين إيديك! أبطالنا، لأننا نؤمن بطموحكم ونريدكم توصلون للقمة، يعلن الأستاذ علاء محمد عوينات عن انطلاق المراجعة المركزة (المجانية) بتاريخ 24/5. 🩵 نركز فقط على اللي يضمن لك الدرجة الكاملة: ✅ الوزاريات: تفكيك المكررات اللي تجيك بالامتحان نصاً. ✅ الرسومات: تبسيط أضخم الرسوم الوزارية بأسلوب ذكي وممتع. ✅ خلاصة المادة: شرح مُكثف يختصر عليك الوقت والجهد. ⏰ التوقيت: من 5:00 عصراً لـ 8:00 مساءً. 🚺 للبنات: (الأحد + الثلاثاء) 🚹 للبنين: (الإثنين) كونوا على الموعد، الأحياء أسهل والمئة مضمونة ان شاء الله ! 🚀

طلابي حبايبي … راح اسوي كوزات صغيره بالانستا وأول ثلاثة يجاوبون عليهم راح انشر حساباتهم بالهايلايت ( أبطال الاحياء ) يلا راح نبلش اسىلة #الاستاذ_علاء_محمد_عوينات

"أكو طلاب يتابعون الشرح بصمت وساكتين ، بس بالإنستا أريدكم تفجرون الوضع! 😂 الرابط كدامكم، والي يضيفني إله 'تأمين صحي' من اسئلة الاحياء الوزارية الصعبة (طبعاً شقة لا تصدكون!). تعالوا إذا عدكم اسىلة او اي شي اني حاضر بالعلم 👇" ادخلوا عالرابط وتضيفوني يمكن [. https://www.instagram.com/wynt.l?igsh=MXRvNzZ4Z3Nrdjg1NQ%3D%3D&utm_source=qr]

مستقبلك بيدك.. شلون تضمن الـ 100 بالأحياء بـ 3 خطوات؟ 🧬 #شلون_تصير_سچاچ_بالاحياء طلابنا الأبطال، هواي طلاب يسألون شلون نقرأ الأحياء وما ننسى؟ هاي "الخلطة السحرية" حتى تسيطر على المادة بأقل جهد: 1️⃣ اقرأ بتركيز (الملزمة): من تفتح الملزمة، لا تقرأ بعينك بس! استخدم القلم، أشر الكلمات المفتاحية، وارسم المخططات حتى لو "شخابيط"؛ لأن العين تحفظ الصور أسرع من الكتابة. 2️⃣ اشرح لنفسك (الفهم): من تخلص أي فقرة، غمض عينك واشرحها لنفسك بلهجتك العامية كأنك أستاذ ود تشرح لطلابك. إذا كدرت توصل الفكرة لنفسك ببساطة، يعني المعلومة انخزنت بالذاكرة الدائمية. 3️⃣ قفل الوزاري (الضمان): الأحياء تحب "اللوفات"، وحلها الوحيد هو الوزاريات. بعد كل موضوع، روح حل أسئلته الوزارية السابقة (علل، ما منشأ، ما موقع). هيج تكسر حاجز الخوف وتعرف الوزاري شلون يفكر. بالمختصر: (شوفها بالملزمة.. اشرحها لنفسك.. قفلها بالوزاري) طريق الـ 100 يبدأ بذكاء، مو بس سهر وتعب! أستاذكم الذي لا ينساكم علاء محمد عوينات ✨ محطات الأحياء 🚉

طلابنا الأعزاء 💙 بعد رحلة طويلة امتدت لـ10 أشهر تعبنا بيها سوا يوم ورا يوم من أول محاضرة إلى آخر محاضرة من أول سؤال صعب إلى لحظة الفهم اللي تفرّح القلب تعبكم ما كان بسيط وسهر الليالي والضغط والتوتر كله شفناه وعشناه وياكم خطوة بخطوة إحنا ما چنا بس ندرسكم چنا نتابعكم نوقف وياكم نعيد ونشرح ونصبر لحد ما نشوف هاي النظرة بعينكم: "عليك العباس افتهمت ". هاي اللحظة كانت تسوى كل التعب يمكن مرات حسيتوا بالتعب أو فقدتوا الحماس ويمكن مرت أيام ثقيلة بس رغم هذا كله كملتوا وهذا بحد ذاته إنجاز كبير ترى مو أي واحد يوصل لهالمرحلة هسه وصلنا للوقت الحقيقي وقت الحصاد كل دقيقة قريتوها كل صفحة تعبتوا عليها كل سؤال جاوبتوه راح يوقف وياكم بهالامتحان نصيحتنا إلكم: ثقوا بنفسكم لا تخافون ولا تضيعون تعبكم بالتوتر الامتحان مجرد خطوة وأنتم أكبر من أي سؤال يجيكم اقرأوا بهدوء ركزوا وخلوا تعبكم هو اللي يحچي عنكم وإحنا مهما يصير فخورين بيكم مو بس على درجاتكم بل على صبركم واستمراركم الله يوفقكم من كل قلبنا 🤍 وإن شاء الله نشوفكم بالنجاح اللي تستحقوه وتفرحون نفسكم وأهلكم وكل واحد تعب وياكم أنتم قدها 💪 اخوكم سيد منتظر الموسوي ووالدكم الاستاذ علاء محمد عوينات

بسم الله نبدي ونختم بتوفيقه ✨ يلا نبلّش ✨ فتحنا التسجيل بـ معهد المهندس ومشروع طبيب 🧠📚 ورح نعيش وياكم أقوى رحلة بـ الأحياء 🔬 🔥 التفوق مو صدفة… التفوق هو اختيارك للقرار الصح … 📖 شرح واضح ومرتب 🎯 متابعة مستمرة وياك امتحانات يوميه واسبوعيه مكثفة ⏳ الأماكن محدودة، لا تتأخر 🚀 سجّل وهسه ابدأ طريقك للمعدل العالي بإذن الله تعالى #الاستاذ_علاء_محمد_عوينات

حبايبي هاي الاسىلة الفصلية لكل الفصول الخاصة بمادة الاحياء … اللي امتحنتو بيها اخاف واحد من الطلاب ماعنده نسخه منها جمعتها الكم وحولتها الكم أبطال موفقين لكل خير يارب 🙏

سلام عليكم طلابنا الغوالي فتحنا قناة جديدة بإسم ( قناة طلاب السادس الإعدادي ) رابط القناة https://t.me/sixth_studint طبعا هاي القناة تعتبر قناتكم الخاصة ان شاء الله يرجى الاشتراك بيها .. اي طالب او طالبة عنده فد ملاحظات مهمه او شي مهم يحاول يدزه النه وننشره على القناة علمود الكل يستفاد منها وتعتبر صدقة جارية الك .. يعني اي طالب عنده ملخصات مهمه او مخططات او قوانين لأي مادة ويحب يشاركها يرسلها اليه واني راح انشرها علمود الكل يستفيد منها… ولا تنسون شاركو القناة إلى كل اللي عدكم بالكروبات او بالقنوات علمود تصعد ويستفاد منها اكبر عدد ممكن من الطلاب والطالبات..

يعلن الأستاذ المتألق علاء محمد عوينات 🌟 عن برنامج مراجعة مركّزة ومتكاملة لمادة الأحياء بأسلوب واضح، تشويق عالٍ، وتركيز على أهم الأسئلة الوزارية ✨ 📣 أحبتنا طلاب السادس العلمي استعدّوا لانطلاقة قوية نحو التفوق والدرجة العالية، مع برنامج مراجعة منظّم يرفع ثقتكم ويثبّت المعلومة 👏 🗓 تنسيق المراجعة:    •   👩‍🎓 البنات: الأحد والثلاثاء ⏰ من الساعة 8:00 – 10:00 مساءً (بعد الإفطار)    •   👨‍🎓 البنين: الاثنين والأربعاء ⏰ من الساعة 8:00 – 10:00 مساءً (بعد الإفطار) 🔥 لا تفوّتوا الفرصة… مراجعة ذكية، وقت مثالي، وأستاذ متميّز يعرف كيف يوصلكم للنجاح! شدّوا الهمّة… والتميّز بانتظاركم! 💪�