قصائد استشهاد امير المؤمنين الامام علي (ع)

#ابوذيـات الليالي امــــرار مافد يوم حلت اشد بالصبر والحسرات حلت الـمصايب والنوايب علي حلت من شـالو نعش حامي الحميه ابحضن حيدر احط راسي ونامن وچنه ابفي علي نلتم ونامن احسين اعله النعش طايح ونامن مشه الكرار سمّوني السبيه نظل ايتام ياشيعه قدرنه وغير الوصي ماواحد قدرنه اخذتي علي ياليلة قدرنه وبچينه ابگد سبايه الغاضريه علي يااعلم الاحياء والميت وتعرف بالنهايه اشوكت والميت احلفك لو ابظعن السفر والميت من شارع الطوسي افزع عليه محمد الجماسي #اللهم_عجل_لوليك_الفرج

‏هَا هُوَ الْمَوْلَى عَلِيُّ قَدْ رَحَلْ ‏لِـيُلَاقِي الْفَجْرَ مِحْرَابَ الْأَجَلْ ‏صَائِمٌ عِنْدَ الرَّحِيلْ ‏يَبْتَغِي فَضْلَ الْجَلِيلْ ‏لِـيُلَاقِي الْفَجْرَ مِحْرَابَ الْأَجَلْ ‏---------------------------------------- ‏رايح لدرب المنيّة ومطمئن عنده الضّمير ‏لأن حيدر ويّه ﷲ يعني حتماً ما يحير ‏والحزن حاوطت الكوفة والدّمع صار النذير ‏واليتيم إحتار بيها عينه إلمن تستدير ‏━━━❖✿❖━━━ ‏لَا أَرَى وَجْهَه عَلِيُّ فِي الْأَنَامْ ‏لَا تَقُولُواْ الْيَوْمَ قَدْ مَاتَ الْإِمَامْ ‏أَمْ هُوَ الْيَوْمَ عَلِيلْ ‏يَبْتَغِي فَضْلَ الْجَلِيلْ ‏لِـيُلَاقِي الْفَجْرَ مِحْرَابَ الْأَجَلْ ‏---------------------------------------- ‏أيقنت من طاح حيدر دنيا ما بيها أمان ‏وأيقنت جنح المروّة انكسر يم ذاك المكان ‏بعد منهو النشتكيله ومنهو ينطينا الحنان ‏هاي أقاويل اليتامة ظل صداها ابكل زمان ‏━━━❖✿❖━━━ ‏عِنْدَمَا نَشْكُواْ وَلَا يَأَتِ الْجَوَابْ ‏اعْلَمُواْ الْكَرَّارَ وَآرَاهُ التُّرَابْ ‏وَاعْلَمُواْ الدَّمْعَ يَسِيلْ ‏يَبْتَغِي فَضْلَ الْجَلِيلْ ‏لِـيُلَاقِي الْفَجْرَ مِحْرَابَ الْأَجَلْ ‏---------------------------------------- ‏هامة الإيمان تنزف مو علي ابحين السّجود ‏من سجد عالقبلة دامي سجد ويّاه الوجود ‏ونهدم ركن الهِداية وللصبر ما ظل حدود ‏الليلة چم طفلة ابأملها حيدر إعليها يعود ‏━━━❖✿❖━━━ ‏يَا تُرَى مَاذَا نَقُولُواْ لِلْيَتِيمْ ؟ ‏حَيْدَرٌ قَدْ غَالَهُ سَيْفُ الْلَئِيمْ !! ‏وَهَوَى بَدْرًا قَتِيلْ ‏يَبْتَغِي فَضْلَ الْجَلِيلْ ‏لِـيُلَاقِي الْفَجْرَ مِحْرَابَ الْأَجَلْ ‏-------------------&--------------------- ‏بقلـم: أميـر الزبـيدي

((لسان حال اولاد علي ع)) يـضـل ايـعـيـش بـيـنـه  ..  هـام ابـونـه وأبــد مــاگـدر يـوكــف  ..  هـام ابـونـه سـجـدونـطـبـر وسـفـه  ..  هـام ابـونـه وصـبـغ شيبه الـدمـه حـامـي الـحـمـيـه             *-----------------------*-------------------* خادم أمير المؤمنين ع ✍الشاعر رعد الجريخي

في مدح أمير المؤمنين علي عليه السلام (موشح) مااهاب الصعبه يوم الموزمه تعلمت من حيدره حامي الحمه ★★★★★ قوه مو حرمان بالدنيا الزِهد واعبر ذنوبي وعليها ما ارد بگرب ربي عن ملذاتي أبتعد وادعي ربي دوم حسن الخاتمه تعلمت من حيدره حامي الحمه ★★★★★ ابدا بنفسك اخو الهادي يگول واصلح الموزين لو ردت القبول حل وسط مرفوض من ماكو حلول وكلمه الحق دوم هي الحاسمه تعلمت من حيدره حامي الحمه ★★★★★ اليرضي ربه ما يضيع وينخدع لو عليه الخلگ كلها تنجمع خاسر الكلمن بدينه ينفجع وخاسر الما يمشي درب الغانمه تعلمت من حيدره حامي الحمه ★★★★★ شكرا لمولاي خلاني بعزم وسَلَّح الروح وحفظها بالعلم بحب علي نهجي صرح ما ينهدم النهجه نهج المصطفى ورب السمه تعلمت من حيدره حامي الحمه ★★★★★ يا وليد الكعبه حيدر يا علي افتخر لودوم منك منهلي السئلني گلت ما غيرك ولي ردي للوَجَّه سؤال وقَدَّمَه تعلمت من حيدره حامي الحمه الشاعر حسن لعيبي الحريشاوي

لاستشهاد امير المؤمنين علي عليه السلام  (گعده ) مابين  حكام وسلاطين   ياعلي مثلك ياعلي وين ياهو السهر لأجل الرعيه مثلك يحماي  الحميه ياعلي مثلك ياعلي وين ★★★★★ وين يابوالحسن نلگه   بميزتك يحمل علامه وين حاكم جاع مثللك  شابع بطون اليتامه وبالطبايع من يشبهك   فعله ميخالف كلامه لاسلطه همك لاامر وايامك بلوعه تمر كل همك بهذا العمر   الوادم تعيش ابسلامه ماتغفه عينك لحظه وتنام لجل الرعيه  ولجل الايتام وين الحمل جور واذيه  مثلك يحماي الحميه ياعلي مثلك ياعلي وين ★★★★★ قدمت اسمى المعاني بكل صلابه وكل شجاعه وقدمت للباري وكتك        مايمر ابدون طاعه زاهد وعابد وقانع         صرت مضرب للقناعه اهل المنافع بس خطر صعدوا على ارگاب البشر مثلك ولاواحد نظر    وگال هاي الدنيا ساعه ميهم تصير الناس ياحال  بالدنيا همهم جمع الاموال محد حمل نار الرزيه  مثلك يحماي الحميه ياعلي مثلك ياعلي وين ★★★★★ يقتبس افعال منك  يصير مثلك ياهو يگدر ماهدالك بال تسمع        بشر مظلوم وَتَكَدَّر اقل ثوب تلبسه وافضل  ثوب كون يلبسه قمبر وين المثل حيدر اكو من مثله بالدنيا منو لكل اليتامه اصبح ابو   ياهو گلبه گلب حيدر ياعلي انته مثبت الدين ضحيت لجله سنين وسنين منهو العشك يوم المنيه  مثلك يحماي الحميه ياعلي مثلك ياعلي وين ★★★★★ تمشي وحدك ما يهمك  دون حراس وحمايه ماتهم شماجرالك           عندك بهلدنيه غايه رحت الهن   لواجَنَّك   ماتهاب  من المنايا چم حاكم بقصره جلس درع الحذر لمن لبس من كل كتر عنده حرس     يخاف من شر النهايه چم حاكم بلذاته محكوم مانسه الدنيا ساعه لايوم منهو النسه الدنيا الرديه    مثلك يحماي الحميه ياعلي مثلك ياعلي وين ★★★★★ ياهو حاكم طين قصره  ايام ماشبعت اولاده وثوب متواضع يلبسه   وزاده خبز شعير زاده ساهر بمحرابه يبچي  انحنه ظهره من العباده صبرك جبل يابوالحسن بالصبر بچيت الزمن لاماتهمك كل محن        تنظر اليوم الشهاده مفجوعه وتنوح المساكين جمر المدامع يحرگ العين ياهو الهم بهاي البريه  مثلك يحماي الحميه ياعلي مثلك ياعلي وين الشاعر حسن لعيبي الحريشاوي

لاستشهاد امير المؤمنين علي عليه السلام لامن وفه     ولاعاطفه بسيف الغدر   ظالم لفه وكت الفجر   لاح الغدر راس الشريعه     منطبر   اه ياعلي يابوالحسن   اه ياعلي يابوالحسن ★★★★★ وسفه نوايب هلزمن     ماتنحمل ادوّر على الطبعه وفي وگلبه سهل راعي اليتامه الماجفه  وعنهم يمل ناذر حياته من المهد    حد القتل شبيه الزمن       كله فتن ماانصفك       يابوالحسن لوانصفك         ماخالفك هذا الزمن       ماوالفك اه ياعلي يابوالحسن     اه ياعلي يابوالحسن ★★★★★ وسفه نوايب هلوكت ماتنتظر ماامهلت طيب گلب   كلها غدر سيوف المنايا تحظرت  ليلة قدر تريد بغدرها ينجلي    نور البدر لسيف البده    ابركن الهدى مستبشره     اكلوب العده لمن طحت       وتخضبت صحت بشرف   والله فزت   اه ياعلي يابوالحسن     اه ياعلي يابوالحسن ★★★★★ سيوف الظلاله جسدّت  معنى الظلم حكم الجهاله بالعلم   اصعب حكم وليش التداري  حالته يطلع  خصم ترضه اليتامه ياعلي تبقه ابهظم زينب  تون    ليك وتحن يلغمضت      عنها  الجفن   حيف الجره    دمك جره باچر  سمه     تحت الثرى اه ياعلي يابوالحسن       اه ياعلي يابوالحسن ★★★★★ بيت النبي مافارگه  يوم الحزن باچر سمه تحت الثرى من تندفن لوجه المحنةوالعطف   زينب  تحن وناتها اتصدع الجبل   لمن تون يلمنطبر     نار الصبر نادت بعد    شنهي العمر بعدك گضه    عمري ومضه ون ودمع     يلمرتضى اه ياعلي يابوالحسن       اه ياعلي يابوالحسن     ★★★★★ رادوا زمن يلقررت    لامايرد اصنام الكفر يامن گلت ماتنعبد لهذا السبب يابوالحسن شالوا حقد العاش ابظلاله ابمنهجك ماينسعد اهل الجفه   ابلامعرفه نور  الازل   ظنوا طفه لهل الجهل    تضرب مثل وي الزمن      اسمك يظل اه ياعلي يابوالحسن  اه ياعلي يابوالحسن الشاعر حسن لعيبي الحريشاوي

نعي. لاستشهاد أمير المؤمنين علي عليه السلام ياسمه زيدي حزن    يا گاعنه   اتزلزلي يادنيا صيري دمع   بالنايحه  اتعجلي وياليل طوّل بعد     خل الصبح ينجلي وياروح ودعي الفرح  لحزانج استقبلي وجروح خلي الگلب  فوگ الجرح ينملي بلواه ماتنوصف.    حال الگلب مبتلي كهف  اليتامه رحل   هليوم ماكو علي الشاعر حسن لعيبي الحريشاوي

يا علي إلـي أم الـتـحـب حــيــدر .. وَٱبآ لي وأسـمـه عــايــش بـروحـي.. وَبآ لي أبــــد مـــا ٱهــمّــاً لـگـبــري.. وَبآلـي أبـجـوار المـرتـضى وعـيـنـه عـلـيـه                                         *---------------*---------------* ✍ أمير المؤمنين ع    الشاعر رعد الجريخي

أليوم زينب ينهدم كل حيلهه طاح بالمحراب حامي دخيلهه هموم عدهه يادليل ايشيلهـه وحته ذو الفقار ظل يبجيلــــه اتنادي محتاره 00 والكلب ناره 00 تلهب وذبل جفنهه من السهــــر ضاعن اسنيني 00 يمه لحكيني 00 راس ابوي الليله بالسيف انطبر واسمعت صوت يردد بالفضه عودي انجتل واذن الموت فكدنه المرتضه خير العمــــل والعقيله اتيتمت لاابو ولا ام صفت بادن ابذاك الظـــــلام ايدينهه ياهو يمهه ابها المصاب ايعينهه لطمت الخدين وانطت عينهه صوب كبر امهه وتون بونينــهه من رجع حيدر 00 ابهامه المطبر 00اشحالهه اعله الباب حين تلكتــه بادن ايديهه 00 وانغمه اعليهه 00انطوت بيهه الكاع يوم الشافتــــه اموسدينه الجان تهتز الارض من مشيتــــــه ايدير عينه لزينب وركضت عليه وحضنته طاح من زينب بجت لاابو ولا ام صفت شافهه ابشيلة الزهره امشيلــــــه شال ايده اعله الحجاب وقبّلـــــه يدري راح يطيح منهه بكربلــــــه امجتفه بيا ايــــد بيهــه تعدلـــــه باســــت اجبينـــــــه 00 ودمعت عينه 00 يدري بيهه تطلع من الطف غصب باتت ابهيمه 00 والسبي وضيمه 00 وتمشي مجتوفه ابحبل بيــن الغــــــرب امهبطه الراس عقيلة حيدره ابلايه ستر ماكو عباس وكع عالكنطره وراح الخدر شلون راحت بيش اجت لا أبو ولا أم صفت كلهه أموت هنا وكبري هنا يحــــل وباجر اتمرين بيه اعله الهـــزل من ركبتج لايدج اجتاف الحبـــــــل وناكتج هزلـــه تميـــل وتنعـــدل لا تندبينــــي 00 بويــــــه تاذينــي 00 لو وصلتي الكوفه آنه اسمع واشوف اتكله ياويلي 00 هدمت حيلـــــــــي 00 لا ستر لا رايه لا راعـــي الجفـــوف اصبر اشلون ونه ابين العده وراحـــــو هلي من يسألون 00 شجاوب انتي مو عودج علي اهلي آنه اهل البخت لا أبو ولا أم صفت كلفه يازينب وصعبه أعله الابــــو يشوف تمشي امدللاته ويه العـدو لا محامـــــي الينغــر الهن لا اخو والهضيمه اليحدي ناكتهــن منــــو كامت وطاحت 00 ونت وصاحت 00 صح اخوي حسين ذبحوه والعضيد وحركو اخيامي 00 وسلبوا ايتامــي 00 لاجن الكلفه من اطب مجلس يزيد ايشيب الراس كلف درب اليســر ماينحمل يرضه عباس يماشوني الغرب حجل ابرجل روحي من الهم كضت لا ابو ولا ام صفت احضرني ياحيدر علي ابدرب السبي وشوف حال امخدره آل النبي من الهضم والضيم مايل معصبــــي امجتفه ايديه واعدل بالعبــــي لااخو العندي 00 ابنص غرب وحدي 00 ودمعي يصرخ وينه عباس الجفيل الغربه تبرالي 00 ياستــر حالــــــــي 00 استحي من خيالي والمجلس طـويـل ياضوه العين اموت ومايفك مني الزمن بعد ناوين يهدمون الكبـــــر ياابالحسن شمعتي الليله انطفت لا أبو ولا أم صفت الشاعر احمد الهلباوي https://telegram.me/aabas78 قصائد لكل ايام محرم اشترك بالقناة

ابوذيات بمناسبة استشهاد أمير المؤمنين علي عليه السلام حلم علناس  يابوالحسن مريت فداك اعمارنه للموت مريت بلساني يدهر الهظم مريت من أسمع منطبر حامي الحميه ★★★★★ الما حبك يحيدر جهل ونته مثل ونك عليك الدين ونته سفينه انته يبو الحملات ونته الشلتهم من بحور الجاهليه ★★★★★ للمسجد ابوالحسنين  منسار ابساعه اشحاط رب الكون منسار گلب كل شامت وغدار منسار يوم الدنت ساعات المنيه ★★★★★ شكثر روحك من العدوان حملات علي يامن الك علگوم حملات غيوم الحقد هاي اعداك حملات تخضب دمك  بسيف المنيه الشاعر حسن لعيبي الحريشاوي

لاستشهاد أمير المؤمنين على طور علي راح  للملا محمد بوجباره علي انصاب. ينادي أحسين يازينب علي انصاب علي انصاب  بسيف النايبه اتصوب علي انصاب على اللچمات يغفه.  انصاب الگمر وسفه             علي انصاب ★★★★★ ينادي حسين يازينب ينادي ببونه الموت صار اليوم حادي عطر امنه وحنان النبي الهادي انطبر رأسه بفعل سيف المرادي علي انصاب. شعظم هذا الجراله  وهذا المصاب علي انصاب اله ينوح الزمان . وتبچي الاصحاب حنين وروحه ترفة.   انصاب الگمر وسفه              علي انصاب ★★★★★ تعالي وشاركيني ابهلمصيبه ونواسي الحسن ودموعه ونحيبه من جرح الابو ايس طبيبه يزينب دنيا ماترحم عجيبه علي انصاب يجرح المايهود. جرح ماطاب علي انصاب نار الدمع من العين  سچاب بعد يانار تطفه.    انصاب الگمر وسفه              علي انصاب ★★★★★ ينادي حسين يازينب ونيني ايزيد بلوعتي وي دمع عيني يموتني على الغايب حنيني على جمر المصايب عاونيني علي انصاب  رحل حامي الحميه وداحي الباب علي انصاب  گلبي من الفجيعة والهظم. ذاب يحالي شلون اوصفه.  انصاب الگمر وسفه                   علي انصاب ★★★★★ صارت شوفته علينه بعيده الماكمل اصيامه وشاف عيده اجه يوم الفراگ المانريده غمض جفنه ابونه وبردت أيده علي انصاب  يزينب هذا ابد ماچان الحساب علي انصاب وسفه يصير تالي تحت التراب يدنيا شلون صلفه.   انصاب الگمر وسفه                   علي انصاب ★★★★★★ يزينب يختي ماچان على بالي تروح ابساع واتمر الليالي ونفارگ بالعجل اغله الغوالي الله ينظر الحالچ. وحالي علي انصاب انفجع گلب اليتامه وگلب الأحباب علي انصاب  شذنبه إلي يصلي بوسط.  محراب چن محد يعرفه.  انصاب الگمر وسفه                علي انصاب الشاعر حسن لعيبي الحريشاوي

نعي لاستشهاد أمير المؤمنين علي عليه السلام مصابك ياعلي هَوِّنْ علينه كل أمصاب حل وحصل بينه ما جاب البچي الراح من ادينه نريدك ياعلي الفاگد تعينه ★★★★★ يمك ياعلي خلينه الأحباب چم شاب الدفناه من بعد شاب أخذ منه شكثر حلوين  التراب وخلانه ابونين ودمع سَچاب ★★★★★ فدوه انروح يابوالحسن لسمك يمنور النجف ياحيد رسمك صدگ من الله هاي وفيض عزمك كل ضغطة گبر تنشال يمك الشاعر حسن لعيبي الحريشاوي

١٢٣٥- دفن الوصي الأكرم (ع) دخلص من وكـت ياعُمُر دفنه ترانه ادمـوم ويه الدمـع دِفنه مثل حيدر شلون ايصير دفنه الشمس ماتندفن حدر الوطيه ✍ فراس المحمداوي

(نعي مفجع) ألـلـيـلـه لـبـونـه انـريــد نـنـعــه ولـمـن يـوشـلِ الجـفـن دمـعــه بـاچـر ابــو الـحـمـلــه نـودعــه ونحلـم بـعـد صوتـه نـسـمـعــه راح الـعـلـيـنـه چــان خـيـمــه وحَـگ الـعـزه واجـب نـقـيـمـه والـنـوح ألــه بـالـوَن نـديـمــه انـخلـي المدامع مثـل غـيـمَــه افــرگ الأبــو يـا نـاس شِــده وعِـشـرت عـلـي مـاي وتـبـده الفاگـد عزيزه اشيضل عـنـده يـنصـب عَـزه لـلـمـوت بـعـده الـراح أبـوه يـنـسـه الـمـحـنـه وبـس الـمـنـاحـه لاگـت ألـنـه صـرنه ابحـزن وبـفـرح چـنـه غاب الـگـبل يـجـمع شـمـلـنـه                        *------------------*----------------* خادم أمير المؤمنين ع ✍الشاعر رعد الجريخي

لاستشهاد أمير المؤمنين علي عليه السلام ملمع  بين قوسين فصحى (جبريل نادى وبكى) (قُتِلَ الامام المرتضى) (قُتِلَ ابن عم المصطفى  واويلاه) ★★★★★ غدروا بگلب الوفه اهل الرديه أسوًا وياهم ذنب حامي الحميه إلي رعاه  وحفظ روحه من الاذيه أجه ايدَوَّرلَه النوايب والمنيه (أهكذا يغدوا الوفا) (قد قابلوه بالجفا) (ويلي على حامي الحِما   واويلاه) ★★★★ حمل سيفه الباطل الماحمل ذاته ضرب حامي الجار من  راح الصلاته راد موت المرتضى الرايد حياته خاين الزاد الغدر كله بصفاته (الكون مَذهولٌّ غدا) (مُستَعلِماً ماذا جرى) (أخضبوه ؟ بالدما    واويلاه) ★★★★★ ناكر المعروف مايملك شهامه اتحَيَّيَن الفرصه يخضب راس إمامه صواب حيدر لاشفه بيه وسلامه الكمل بيه الدين ماكَمَّل اصيامه (قد ضربوا كهف الورى) (من حقدهم اما كفى) الحقد هذا لمتى ؟  واويلاه   ) ★★★★★ دَمَّه سال ومابطل لحظه نزيفه خَضبُّوا شيبة الاسلام الشريفه الفعل كله يرجع الاهل السقيفه الصبر مافارگ علي اصبح حليفه (كاسفةٌّ شمس الضحى) (شر الورى لما سعى) (بسيفه ضرب العلا   واويلاه) الشاعر حسن لعيبي الحريشاوي

لاستشهاد امير المؤمنين علي عليه السلام وزن الدارمي ٣ دگات يابو الحسن مظلوم    شمسوي للناس جرح بجرح ملچوم    من طبرة الراس ★★★★★ من كل ذنب معصوم  ياتاچ بالاسلام مذنب بعين اعداك يمكسر الاصنام يشهدلك التاريخ  عام بأثر عام والحاربك خسران  وأمدنگ الهام كل ذنب ماسويت ياطيب الانفاس               جرح بجرح ملچوم  من طبرة الراس ★★★★★ رحمة اوفه للناس خلصت حياتك طيب وكرم يدرون  علخلگ ذاتك الرايدله كل الخير  يطلب  وفاتك يلمعتني بكل شوگ  گاصد صلاتك الماثمنك مولاي معدوم الاحساس               جرح بجرح ملچوم   من طبرة الراس ★★★★★ يَمفَصَّل على الخير    گلبك يمولاي ياخادم وسلطان      ياثابت الراي بيدك توزع الزاد     وتقدم الماي ماكو يتيم  ايگول    ذلتني دنياي أمامن الدرب تمشية ماردت حرّاس         جرح بجرح ملجوم  من طبرة الراس ★★★★★ يامنصف المظلوم   والماله  أحد ولاينهظم محتاج   لاچفه  تنرد بابك فرج للناس    مالحظه ينسد شلون العدو  من هاي  نيرانه تبرد ياهو المثلك وين   وبياهو تنقاس             جرح بجرح ملجوم    من طبرة الراس ★★★★★ مثلك يبو الحسنين وين اليحكمون  برايك وطبع   البيك  لا مايصيرون گبل النصح  للناس  منطيها العيون حاكم تظل سهران   لاجل الينامون حرمونه نورك ليش ضربوك الارجاس          جرح بجرح ملجوم    من طبرة الراس الشاعر حسن لعيبي الحريشاوي

نعي الامام علي عليه السلام موتك يبويه ايفت الاگلوب ومن البواجي اعليك ماتوب شنهي الدوه لدموع الاغروب وينه اليدليني اعله يعگوب شنهو الدوه للمات ابوهه وبالعيد بي خصمه افجعوهه انه العقيله الضيعوهه امهه وابوهه الفارگوهه بجفاك لاماينطب البيت يالرحت عني وليه ماجيت يادهري ليش وياي دگيت ماخذ هلي وشعندي خليت شفت اليتامه بهذا الامصاب تنده علي اوكفت على الباب يدي جرحنه اعليك ما طاب كلفه علي ايغطيك الاتراب جينه وعلى بابك گعدنه وبدموعنه ابدارك فطرنه لاوين چنه اوين صرنه منه انفگد راعي المحنه يهلال عزنه وفرحة العيد وسفه علي مفگود ياحيد منه الوكت ماندري شيريد واعدنه بفراگك مواعيد بويه الابو جتال سهمه وانته الشمل بيدك تلمه بويه دليلي الي تلچمه محرابك ابلياك ضلمه يعيوني حگجن كون تبجن وكون ابهضم لمن تصبن ما ضنتي مره التفرحن كون اعله ابوي بهضم تعمن ارد ابجي حدما تعمه الاعيون عالماكو مثله اثنين بالكون شنگلهم العنك ينشدون راعي الهله بالگاع مدفون ياعيد باجر لا تمرنه ويومك تراهو مو ولمنه شلنه بعد بالعيد شلنه ابجيتك فلا تجبر كسرنه خادم اهل البيت علي الزرگاني https://t.me/joinchat/AAAAAEN4vuuUfDbAramBIQ قناة خاصه نعي / ابوذيه / هوسات

اليالي علي حيدر حيدر حيدر حيدر ــــــــــــــــــــــــــــــــــــــــــــــــــــــــــــــــــــــــ انه واحـــــــــد بـــــــــالحرب مالي مثيل انه رب الـــــــــــزلم حـــــــــماي الدخيل فالق الهاماتي فــــــــي ســــــــــوح الوغا قوتي مـــــــــن قــــــــــوت الرب الجليل انا لــــــــــــذي سمتني امي حيدره الانـــــــــزع الهزبر وليث القسوره سيفي كــــــــاطع كل نحور الكفره انه زيـــــــــــزوم الحرب ريح صرصر مــــــــن هب بيدي طـــــــــشرت الزلم مثل طــــــــــشار الشلب حيدر حيدر حيدر حيدر ــــــــــــــــــــــــــــــــــــــــــــــــــــــــــــــــــــــ انه شـــــــــــالع بــــــــــــابها الماينشلع انــــــــه حـــــارك روسها شلون الشمع انا ســــــــــيف الله لا اخـــــشا القتال سيفي يحــــــجي والركاب التستمع علي انه الاسمي مخطوط بذهب فــــــارس الهيجائي قتال العرب الراهب الغــــالب انا للشيعة اب الحرب مـــــن تشتد اشد انه الـــــــــــي حطلها حد من يــــــرك حيلي اصيح علي يــــــــــــاحيدر مدد حيدر حيدر حيدر حيدر ــــــــــــــــــــــــــــــــــــــــــــــــــــــــــــــــــــــ انه سيف القــــــــــدره قـــــــادر مقتدر انه المــــــــــــلاكيها مــــــــو ذاك اليفر الموت واحــــــــد وانه واحد بالحروب انه المـــــــــراويها نجـــــــــمات الضهر انــــــه المــــــــشمر زلمها على الزلم بكيفي اطـــــــــشر بيهم بكيفي الم الحومه من اتشوفني ادخل تبتسم ماتـــــــرف عيني من اطب سيـــــــــــفي ابد ما ينغلب علي انـــــــــــه العالي دوم سيد الـــــــــــحب والحرب حيدر حيدر حيدر حيدر ــــــــــــــــــــــــــــــــــــــــــــــــــــــــــــــــــــــ الحرب راعيها انـــــــــــه ويسمع مايلي اليوم افـــــــــــر الزلم مفـــــرت مغزلي تنحنيلي الروس اذا طــــــــــــب للقتال وانه ماطـــــــــخ راسي بس الله العلي انه الحجي وهمه لي كلولي صار الروس تنضم لو لمع بيدي الفقار وراسه وي الريح لي كابلني طار ياهـــــــــــو يــــــــــدنه لي وانـــــــه جـــــف الله علي واليـــــــــبارزني يــــــــريد بنار سيــــفي ينــــــــصلي حيدر حيدر حيدر حيدر ــــــــــــــــــــــــــــــــــــــــــــــــــــــــــــــــــــــ انه حـــــــــلال الصـــــــــــعايب والشدد وانــــــــــــه سيدها الحرب بذن الصمد لا فتى لـــــــــــى علي جــــــــــبريل صاح وكـــــــــل ملك ينــــــــدبني ياحيدر مدد الزلم احنيها ولامــــــــــــره انحنيت من فمي يطـــــــلع درر كلما حجيت انه بيت الباري صـــار الروحي بيت ابمـــــــــــولدي اسمع مايلي انشك جـــــــــدار الكعبه لي فوك عــــــــرش الله انكتب لا ولــــــــــي لــــــــــى علي حيدر حيدر حيدر حيدر ــــــــــــــــــــــــــــــــــــــــــــــــــــــــــــــــــــــ حسين عبد الزهرة الدراجي

ياحسين هلا بكل اليجن يحسين مناك وفضل زايد عليه هواي مناك اخافن يوم جدمي يروح مناك اريد اجفوفك اتجرني من اديه حسين عبد الزهرة الدراجي

[[ ابوذيات للامام ع وزينب ع]] ____________________________^_ الحزن  متعود  اعليه...... وليتام وكسر بظلوعي مايبره.....وليتام علي  بهجرك تودعني.....وليتام يم  داري اعتنت هاي المسيه ************************** جرح  راسك  يبو الحمله... عسنه يتامه  والوكت بس هم .....عسنه يبويه ولا طلع باجر ...........عسنه يتيمه اصبحت ياحامي الحميه ******************************* ولينه الشرف الكعبه ........ولدها وجرح نيرانك بكلبي.. .....ولدها زينب  بت علي فقدت ...والدها بعد ما ودعت  امها الزجيه ******************************* يعيني بالدمع  من دم .......وهاماي عليك اشيحمل إجروحي ...وهاماي هامات  البشر فدوى ...........وهاماي فدوه الهامتك حامي الحميه **************************** يوسف الفتلاوي